પૈપ્પલાદ-સંહિતા · અધ્યાય 14.1

એન્દ્રો બાહુભ્યામ્ અભરચ્ ચિકિત્વાન્
અપો દેવીર્ વરુણાય પ્રજાનન્ ।
તમ્ આદિત્યા અભ્ય્ અષિઞ્ચન્ત સર્વે
રાજાનમ્ ઉગ્રં બૃહતે રણાય
તા ન આપો રાજસૂયા અવન્તુ ॥

હિરણ્યવર્ણા ઇતિ ચતસ્રઃ ॥

(…) ॥

(…) ॥

(…) ॥

અપો દેવીર્ મધુમતીર્ અગૃહ્ણત-
-ઊર્જસ્વતી રાજસૂયા મયોભુવઃ ।
યાભિર્ મિત્રાવરુણાવ્ અભ્યસિઞ્ચન્
તાઃ (…) ॥

વરુણેન પ્રેષિતા યન્તિ શુભ્રા
ઉત્સં દેવીર્ દધતે યા હિરણ્યયમ્ ।
યા બ્રહ્મણા પુનતે સંવિદાનાસ્
તાઃ (…) ॥

અપઃ સમુદ્રાદ્ દિવમ્ ઉદ્ વહન્તિ
દિવસ્ પૃથિવીમ્ અભિ યાઃ સૃજન્તિ ।
યાભિર્ ઈશાના મરુતશ્ ચરન્તિ
તાઃ (…) ॥

યા અમૃતં બિભ્રતિ યા મધુ પ્રિયં
યા અગૃભ્ણન્ ઋષયો દેવસખ્યે ।
યાભિર્ ઇન્દ્રમ્ અત્ય્ અનયન્ન્ અરાતીસ્
તાઃ (…) ॥

યા જીવધન્યા ધનમ્ ઉત્પૃણન્તિ
દેવાયતે દાશુષે મર્ત્યાય ।
યાસાં પયો અક્ષિતમ્ અક્ષિતાનાં
તાઃ (…) ॥