પૈપ્પલાદ-સંહિતા · અધ્યાય 11.5

પ્રતિ ગૃહાણ પૃથિવી નીતમ્
એતદ્ આજ્યસ્ય મથિતં શરીરમ્ ।
ઇમાં ધેનુમ્ અસ્ય દાતુસ્
ત્વં રક્ષ બર્હિષ્ય્ આ યથાસત્ ॥

ઉત ત્વાહુર્ વરુણસ્ય પત્નીમ્
અથો ત્વાહુર્ અદિતિં વિશ્વરૂપામ્ ।
અધિ જરાયુમ્ આઘારે હવ્યવાહમ્
અગ્નાવ્ અસ્યા મહિમાનં જુહોમિ ॥

સ સાહસ્રં તન્તુમ્ અન્વ્ આ તતાન
સો અગ્નિષ્ટોમાન્ દશતં સમ્ આપ ।
અધિજરાયું સવત્સાં યો દદાતિ
તં વૈ દેવાઃ સ્વર્ આ રોહયન્તિ ॥

અધિજરાયુઃ સ્વર્ આ રોહયન્ત્ય્
અનેન દત્તા સુદુઘા વયોધાઃ ।
સાસ્મૈ દુહાં શતધારમ્ અક્ષિતં
યમ્ અસ્ય લોકે પરમે વ્યોમન્ ॥

પૂર્વવત્સેન સહ વત્સિની ગૌર્
યો ઽસ્યા વત્સો અપરો જરાયુ તત્ ।
તૃતીયં માંસં પરિનિર્મિતં
યત્ તસ્માદ્ દેવા અધિજરાયુમ્ આહુઃ ॥

આ ધાવય શવસા વાવૃધાન-
-ઉત્તરાવ શ્રવ આધેહ્ય્ અસ્મૈ ।
ઇમમ્ ઇન્દ્ર મહતામેન રક્ષ
સં પ્રજયા તન્વા સં બલેન ॥

દુર્વેદાવસ્તાદ્ બહુધા પરસ્તાદ્
વિશ્વે દેવાઃ પ્રતિ પશ્યન્ત્ય્ આયતીમ્ ।
યા ભદ્રા યા સર્વતઃ સમીચી
સેદ્ આહુતિર્ ભવતુ મે તરાજ્યા ॥

ગૃષ્ટિં ધેનુમ્ અધિજરાયું સ્વધાં
કૃણ્વાનઃ પ્ર દદાતિ બ્રહ્મણે ।
સાસ્મૈ દુહાં શતધારમ્ અક્ષિતમ્
અમુષ્મિઁલ્ લોકે યુગ ઉત્તરસ્મિન્ ॥

વત્સં જરાયુ પ્રતિધુક્ પીયૂષં
યો નો દદાતિ સુદુઘામધેનુમ્ ।
તસ્ય દેવાઃ પ્ર તિરન્ત્વ્ આયુઃ
સ આ રોહતુ સુકૃતામ્ ઉલોકમ્ ॥

પરિવાલામ્ અધિજરાયું યુધા
જીવો અદદાગ્ર એતામ્ ।
સ્યોના નઃ શગ્મા શિવા વિશેહ
મા નો હિંસીર્ હરસા દૈવ્યેન ॥

ભદ્રકૃતં સુકૃતમાદુ શંભુવમ્
અરં ભુવં પ્રતિ ગૃહ્ણામ્ય્ આયતીમ્ ।
ઘૃતશ્રિયં નભસી સંવસાનાં
દેવાન્ મનુષ્યાઁ અસુરાન્ ઉતર્ષીન્ ॥

પઞ્ચ દેવાઃ પ્ર પિબન્ત એતામ્
ઇન્દ્રસ્ ત્વષ્ટા વરુણો મિત્રો અગ્નિઃ ।
તે સર્વે સમ્ અદુર્ મહ્યમ્ એતાં
તયેહ જીવન્ પ્ર તિરસ્વાયુઃ ॥

કશ્યપો ઽયં જમદગ્નિર્ વસિષ્ઠ
ઋષયો નઃ સસનુર્ અગ્ર એતામ્ ।
ભરદ્વાજો ગોતમો અત્રિર્ નઃ સ્યોનાં
વિશ્વામિત્રો દદુષઃ પ્ર તિરાત્ય્ આયુઃ ॥

ઊર્જં દેવેભ્યઃ સુભગ
ઊર્જં મનુષ્યેભ્યઃ ।
ઊર્જં પિતૃભ્યો અઘ્ન્ય
ઊર્જા દદત મા વિશ ॥