પૈપ્પલાદ-સંહિતા · અધ્યાય 11.11

યત્ કીનાશં સીરપતિર્
દણ્ડેન હન્તિ મન્યુતઃ ।
યત્ કિં ચ ખલ્યં સાદાન્વવમ્
ઇન્દ્રરાશૌ તદ્ આહિતમ્ ॥

ઉલૂખલમુસલં તાનિ ચોદય
સૂર્પં નાર્ય્ અપવિચે કૃણુષ્વ ।
વાહાય પુત્રાય ગોતમ
ઇન્દ્રરાશિં મધુમન્તં કૃણોતુ ॥

એતત્ સૂર્પં જરિતર્ આ હર-
-ઉલૂખલમુસલં કુમ્ભ્ય્ આ ગહિ ।
પુત્રા નો અદ્ય સુદિનત્વે અહ્નિ
પિત્તમ્ અશ્નન્ત મધુમન્તમ્ અંશુમ્ ॥

અગ્નિર્ નો દૂતઃ પ્રહિતો ઽયમ્ આગન્
સ નઃ સર્વમ્ અન્નમ્ અવિષં કૃણોતુ ।
નિરાવિદ્ધમ્ અકૃતં બ્રહ્મણેતો
ઽદોમધં પિત્તમ્ અત્ત પ્રસૂતાઃ ॥

સ્વાદો પિતો મધો પિત
ઉપ નઃ પિતવ્ આ ગહિ ।
શિવઃ શિવાભિર્ ઊતિભિઃ ॥

સિંહો ભૂત્વા ગા મૃણાત્ય્
અગ્નિર્ ભૂત્વા ધાન્યમ્ ।
ઇન્દ્રરાશિર્ અનિર્મિતો
મયારં ચાવ ગચ્છતિ ॥