પૈપ્પલાદ-સંહિતા · અધ્યાય 10.7

ગોભિષ્ ટ્વા પાત્વ્ ઋષભો
વૃષા ત્વા પાતુ વાજિભિઃ ।
વાયુષ્ ટ્વા બ્રહ્મણા પાત્વ્
ઇન્દ્રસ્ ત્વા પાત્વ્ ઇન્દ્રિયૈઃ ॥

સોમસ્ ત્વા પાત્વ્ ઓષધીભિર્
નક્ષત્રૈઃ પાતુ સૂર્યઃ ।
માદ્ભિષ્ ટ્વા ચન્દ્રો વૃત્રહા
વાતઃ પ્રાણેન રક્ષતુ ॥

તિસ્રો દિવસ્ તિસ્રઃ પૃથિવીસ્
ત્રીણ્ય્ અન્તરિક્ષાણિ ચતુરઃ સમુદ્રાન્ ।
ત્રિવૃતં સ્તોમં ત્રિવૃત આપ આહુસ્
તાસ્ ત્વા રક્ષન્તુ ત્રિવૃતા ત્રિવૃદ્ભિઃ ॥

ત્રીન્ નાકાંસ્ ત્રીન્ સમુદ્રાંસ્ ત્રીન્ બ્રધ્નાંસ્ ત્રીન્ વૈષ્ટપાન્ ।
ત્રીન્ માતરિશ્વનસ્ ત્રીન્ સૂર્યાન્ ગોપ્તૄન્ કલ્પયામિ તે ॥

ઘૃતેન ત્વા સમ્ ઉક્ષામ્ય્
અગ્ન આજ્યેન વર્ધયન્ ।
અગ્નેશ્ ચન્દ્રસ્ય સૂર્યસ્ય
મા પ્રાણં માયિનો દભન્ ॥

મા વઃ પ્રાણં મા વો ઽપાનં
મા હરો માયિનો દભન્ ।
ભ્રાજન્તો વિશ્વવેદસો
દેવા દૈવ્યેન માવત ॥

પ્રાણેનાગ્નિં સં દધતિ
વાતઃ પ્રાણેન સંહિતઃ ।
પ્રાણેન વિશ્વતોમુખં
સૂર્યં દેવા અજનયન્ ॥

આયુષાયુષ્કૃતાં જીવ-
-આયુષ્માં જીવ મા મૃથાઃ ।
પ્રાણેનાત્મન્વતાં જીવ
મા મૃત્યોર્ ઉપ ગા વશમ્ ॥

દેવાનાં નિહિતં નિધિં
યમ્ ઇન્દ્રાન્વવિન્દન્ પથિભિર્ દેવયાનૈઃ ।
આપો હિરણ્યં જુગુપુસ્ ત્રિવૃદ્ભિસ્
તાસ્ ત્વા રક્ષન્તુ ત્રિવૃતા ત્રિવૃદ્ભિઃ ॥

ત્રયસ્ત્રિંશદ્ દેવતાસ્ ત્રીણિ ચ વીર્યાણિ
પ્રિયાયમાણા જુગુપુર્ અપ્સ્વ્ અન્તઃ ।
અસ્મિંશ્ ચન્દ્રે અધિ યદ્ ધિરણ્યં
તેનાયં કૃણવદ્ વીર્યાણિ ॥