પૈપ્પલાદ-સંહિતા · અધ્યાય 10.2

ત્વયીન્દ્રિયં ત્વયિ વર્ચસ્
ત્વં ધર્મપતિર્ ભવ ।
ત્વમ્ ઉત્તરો ભ્રાતૃવ્યેભ્યસ્
તવ લક્ષ્મીઃ પયસ્વતી ॥

તવૈતામ્ અશ્વિના હવં
તવ રાષ્ટ્રં દિવિ શ્રિતમ્ ।
ત્વમ્ આયુષ્માન્ સપત્નહા-
-ઉત્તરો દ્વિષતો ભવ ॥

તીક્ષ્ણશૃઙ્ગ ઋષભઃ
સમુદ્ર ઇવાક્ષિતોદકઃ ।
ત્વં સહસ્રવીર્યસ્
તવ બાહૂ ગવાં પતી ॥

ભ્રાતૃવ્યશ્ ચ સપત્નશ્ ચ
યસ્ ત્વામિત્રો જિઘાંસતિ ।
શ્રિયં ત્વં સર્વેષાં તેષામ્
આદાયોગ્રો વિ ધારય ॥

ત્વં વશી સત્યાકૂતઃ
સત્યધર્મા ગવેષણઃ ।
નાષ્ટ્રાસ્ ત્વં સર્વાસ્ તીર્ત્વા
ભ્રાતૃવ્યાણાં શ્રિયં વૃહ ॥

તુભ્યં સં યન્તુ બલયસ્
તુભ્યં શુલ્કઃ પ્ર વીયતામ્ ।
તુભ્યં વિરાટ્ પયો દુહાં
ત્વાં વાઞ્છન્તુ વિશો મહીઃ ॥

વાઞ્છતુ ત્વા બૃહદ્ રાષ્ટ્રં
ત્વિષિસ્ તે મુખ આહિતા ।
ત્વં દેવાનાં ભવ પ્રિયસ્
ત્વયિ ગાવો અધિશ્રિતાઃ ॥

ત્વયીન્દ્રિયં ત્વયિ વર્ચસ્
ત્વયિ યજ્ઞો અધિશ્રિતઃ ।
તવા યન્તુ હવં દેવાસ્
ત્વં પ્રિયો બૃહસ્પતેઃ ॥

અગ્નીષોમા પવમાનૌ
વિરાડ્ દેવી પયસ્વતી ।
અતન્દ્રં સર્વે રક્ષન્તુ
રાષ્ટ્રં તે નપવાદ્યમ્ ॥

અગ્નિર્ ઇવ તૃણં પ્ર દહ-
-ઓઘઃ કૂલમ્ ઇવા રુજ ।
શ્રિયં ભ્રાતૃવ્યાણામ્ આ દત્સ્વ-
-આણ્ડીકમ્ ઇવાધિ પુષ્કરાત્ ॥