પૈપ્પલાદ-સંહિતા · અધ્યાય 10.1

હા અમ્બ તેજને
ધેનો લમ્બનસ્તનિ ।
ન તદ્ વિદો યદ્ ઇચ્છસિ
યદ્ ઉ વિત્તં ન તદ્ ઘસઃ ॥

પુત્રો યસ્ તે પૃશ્નિબાહુસ્
તમ્ ઉ ત્વં સામનં કૃધિ ।
અથો દુહિતરં નપ્ત્રીમ્
અથો ત્વં સામના ભવ ॥

અસામે કુરમે
નૈગૂરસ્ય સ્વસઃ ।
અરાતે નિરૃતે
અમતે સ્નુહિતે ॥

પરેત કસ્તુપકં વઃ
પુનર્ દદામિ ।
યો વો ન વેદ તં હત
તસ્યાત્ત પરિશિશ્ન્યમ્ ॥

તસ્યાત્ત પુત્રાન્ ભ્રાતૄંશ્ ચ
તસ્ય ગોષ્ઠં વિતાવત ।
યશ્ ચ સતો નાસ્તિવાકી
યશ્ ચાસાવ્ અહવિર્ગૃહઃ ।
દુર્ણામ્નીસ્ તત્ર ગચ્છત
તત્ર સર્વાઃ પરેતન ॥

પરિ ધામાનીત્ય્ એકા ॥

અન્તશ્ચરાં કોશેચરામ્
અથો ગોષ્ઠાવચારિણીમ્ ।
અથો યાઃ સ્વપ્ને પશ્યામસ્
તા ઇતો નાશયામસિ ॥

કણ્વા યા ગર્દભીવ
નિભસત્ સૂકરીવ ।
તસ્યૈ પ્રતિપ્રવર્તય
તપ્તમ્ અશ્માનમ્ આસનિ ॥

યો મર્યા અભિગચ્છાત્
સ્ત્રિયં કસ્તુપસ્તોપિનીમ્ ।
કસ્તુપમ્ અસ્યા આચ્છિદ્ય-
-અથૈનાં ચાતયાતૈ
પરમાં ચિત્ પરાવતમ્ ॥

યા ભદ્રા યા શિવા
યોર્જા પયસા સહ ।
અગ્નિષ્ ટા અસ્માકં ગૃહે
ગાર્હપત્યો નિ યચ્છતુ ॥

ઇદં વો દેવઃ સવિતા-
-ઇદં દેવો બૃહસ્પતિઃ ।
ઇદં વો વિશ્વે દેવા
અવસાનમ્ અયુક્ષત ॥

પરિ પ્રાગાદ્ દેવો અગ્ની
રક્ષોહામીવચાતનઃ ।
સેધન્ વિશ્વા અપ દ્વિષો
દહન્ રક્ષાંસિ વિશ્વહા ॥

પરીમે ગામ્ અનેષત
પર્ય્ અગ્નિમ્ અહૃષત ।
દેવેષ્વ્ અક્રત શ્રવઃ
ક ઇમાઁ આ દધર્ષતિ ॥