પદ્મ પુરાણ · અધ્યાય 6.173

મહાદેવ ઉવાચ।
દુર્ગયા સંગતા યત્ર દેવિ સાભ્રમતી નદી ।
સંગમઃ સાગરેણાથ સ્નાનં તત્ર સમાચરેત્

વીતદોષા ભવિષ્યંતિ કલૌ વૈ નાત્ર સંશયઃ ।
તત્ર શ્રાદ્ધં પ્રકર્ત્તવ્યં દુર્ગયા સંગમે તથા

તત્ર ગત્વા વિશેષેણ બ્રાહ્મણાનાં ચ ભોજનમ્ ।
દાનં ગોમહિષીણાં ચ કર્તવ્યં વિધિપૂર્વકમ્

ઇયં ધન્યા ધન્યતમા પવિત્રા પાપનાશિની ।
યાં દૃષ્ટ્વા ચાપિ ભો દેવિ મુચ્યતે પાતકૈર્નરઃ

યથા ગંગા તથા ચેયં જ્ઞેયા સાભ્રમતી નદી ।
કલૌ દેવિ વિશેષેણ બહુકાલફલપ્રદા

યદિ ચેચ્છતશો જિહ્વા મુખે વૈ મામકે સતિ ।
તસ્યા અપિ ન શક્નોમિ ગુણાન્વક્તું કદાચન

ઇતિ શ્રીપાદ્મે મહાપુરાણે પંચપંચાશત્સાહસ્ર્યાં સંહિતાયામુત્તરખંડે ઉમામહેશ્વરસંવાદે સાભ્રમતીમાહાત્મ્યંનામ ત્રિસપ્તત્યધિકશતતમોઽધ્યાયઃ