પદ્મ પુરાણ · અધ્યાય 2.84

સુકર્મોવાચ-
એતત્તે સર્વમાખ્યાતં ચરિત્રં પાપનાશનમ્ ।
પુત્રાણાં તારકં દિવ્યં બહુપુણ્યપ્રદાયકમ્

પ્રત્યક્ષં દૃશ્યતે લોકે યયાતિચરિતં શ્રુતમ્ ।
પૂરુણાપ્તં મહદ્રાજ્યં દુર્ગતિં ગતવાંસ્તુરુઃ

પિતૃપ્રસાદાત્કોપાચ્ચ યથા જાતં તથા પુનઃ ।
પુત્રાણાં તારકં પુણ્યં યશસ્યં ધનધાન્યદમ્

શાપયુક્તાવિમૌ ચોભૌ તુરુશ્ચ યદુરેવ ચ ।
પિતૃમાતૃસમં નાસ્તિ અભીષ્ટફલદાયકમ્

સાભિલાષેણ ભાવેન પિતા પુત્રં સમાહ્વયેત્ ।
માતા ચ પુત્રપુત્રેતિ તસ્ય પુણ્યફલં શૃણુ

સમાહૂતો યથા પુત્રઃ પ્રયાતિ માતરં પ્રતિ ।
યો યાતિ હર્ષસંયુક્તો ગંગાસ્નાનફલં લભેત્

પાદપ્રક્ષાલનં યસ્તુ કુરુતે ચ મહાયશાઃ ।
સર્વતીર્થફલં ભુંક્તે પ્રસાદાત્તુ તયોઃ સુતઃ

અંગસંવાહનાચ્ચાન્યદશ્વમેધફલં લભેત્ ।
ભોજનાચ્છાદનસ્નાનૈર્ગુરું યઃ પોષયેત્સુતઃ

પૃથ્વીદાનસમં પુણ્યં તત્પુત્રે હિ પ્રજાયતે ।
સર્વતીર્થમયી ગંગા તથા માતા ન સંશયઃ

બહુપુણ્યમયઃ સિંધુર્યથા લોકે પ્રતિષ્ઠિતઃ ।
અસ્મિલ્લોઁકે પિતા તદ્વત્પુરાણકવયો વિદુઃ

સુકર્મોવાચ-
ભ્રંશતે ક્રોશતે યસ્તુ પિતરં માતરં પુનઃ ।
સ પુત્રો નરકં યાતિ રૌરવાખ્યં ન સંશયઃ

માતરં પિતરં વૃદ્ધૌ ગૃહસ્થો યો ન પોષયેત્ ।
સ પુત્રો નરકં યાતિ વેદનાં પ્રાપ્નુયાદ્ધ્રુવમ્

કુત્સતે પાપકર્તા યો ગુરું પુત્રઃ સુદુર્મતિઃ ।
નિષ્કૃતિર્નૈવ દૃષ્ટા વૈ પુરાણૈઃ કવિભિઃ કદા

એવંજ્ઞાત્વાહ્યહંવિપ્રપૂજયામિદિનેદિને ।
માતરં પિતરં નિત્યં ભક્ત્યા નમિતકંધરઃ

કૃત્યાકૃત્યં વદેચ્ચૈવ સમાહૂય ગુરુર્મમ ।
તત્કરોમ્યવિચારેણ શક્ત્યા સ્વસ્ય ચ પિપ્પલ

તેન મે પરમં જ્ઞાનં સંજાતં ગતિદાયકમ્ ।
એતયોશ્ચ પ્રસાદેન સંસારે પરિવર્તતે

યચ્ચકિંચિત્પ્રકુર્વંતિ માનવા ભુવિ સંસ્થિતાઃ ।
ગૃહસ્થસ્તદહં જાને યચ્ચ સ્વર્ગે પ્રવર્તતે

નાગાનાં ચ ઇહસ્થોપિ ચારં જાનામિ પિપ્પલ ।
એતયોશ્ચ પ્રસાદાચ્ચ ત્રૈલોક્યં મમ વશ્યતામ્

ગતં વિદ્યાધરશ્રેષ્ઠ ભવાનર્ચતુ માધવમ્ ।
વિષ્ણુરુવાચ-
એવં સંચોદિતસ્તેન પિપ્પલો હિ સ્વકર્મણા

આનમ્ય તં દ્વિજશ્રેષ્ઠં લજ્જિતોઽપિ દિવં યયૌ ।
સુકર્માસોઽપિ ધર્માત્મા ગુરું શુશ્રૂષતે નૃપ

એતત્તે સર્વમાખ્યાતં પિતૃતીર્થાનુગં મયા ।
અન્યત્કિં તે પ્રવક્ષ્યામિ વદ વેન મહામતે

ઇતિ શ્રીપદ્મપુરાણે ભૂમિખંડેવેનોપાખ્યાને માતાપિતૃતીર્થમાહાત્મ્યવર્ણનંનામ ચતુરશીતિતમોઽધ્યાયઃ