ન્યાયસૂત્ર (ટીકા સહિત) · અધ્યાય 13

ન્ય્સ્_5,2.24: હેત્વાભાસાશ્ચ યથોક્ત ॥
વ્યાચષ્ટે હેત્વાભામાશ્ચેતિ ।
યદ્યનુક્તમપિ કિં ચિદવશિષ્યતે નિગ્રહસ્થાનં તચ્ચકારેણ સમુચ્ચેયમ્ ।
યથોક્તા ઇતિ સૂત્રાવયવનિરાકરણીયામાશઙ્કામાહ ।
કિં પુનર્લક્ષણાન્તરયોગાદ્ધેત્વાભાસાનિગ્રહસ્થાનતામાપદ્યન્તે યથા પ્રમાણાનિ પ્રમેયત્વં તેષામેવ પ્રત્યક્ષાદીનામુપલબ્ધિસાધનત્વેન લક્ષ્યમાણાનાં પ્રમાણત્વં પ્રમાવ્યાપ્યતયા પ્રમેયત્વં લક્ષણાન્તરેણ પ્રમાણાનિ પ્રમેયત્વમાપદ્યન્ત ઇતિ શઙ્કાયાઃ સમ્ભવાદત આહ ભગવાન્ સૂત્રકારઃ
યથોક્તા ઇતિ ।
સકલશાસ્ત્રાર્થમુપસંહરતિ ।
ત ઇમે પ્રમાણાદય ઉદ્દિષ્ટા લક્ષિતાઃ પરીક્ષિતાશ્ચેતિ ।
ઇતિઃ શાસ્ત્રપપરિસમાપ્તૌ ।
વાર્તિકકારઃ સંગૃહ્ણાતિ જાતીનાં સપ્રપઞ્ચાનામિતિ ।
નિગ્રહસ્થાનલક્ષણમિતિ ।
સમાસેન જાતીનામપિ પ્રતિવાદિનિગ્રહસ્થાને ઽસ્તિ નિવેશ ઇતિ સૂચયતિ ।
શાસ્ત્રસ્ય ચોપસંહાર ઇતિ ।
ત ઇમે પ્રમાણાદય ઉદ્દિષ્ટા ઇત્યનેન કૃત ઇત્યર્થઃ ॥
યદલમ્ભિ કિમપિ પુણ્યં દુસ્તરકુનિબન્ધપઙ્કમગ્નાનામ્ ।
ઉદ્દ્યોતકરગવીનામતિજરતીનાં સમુદ્ધરણાત્

સંસારજલધિસેતૌ વૃષકેતૌ સકલદુઃખશમહેતૌ ।
તસ્ય ફલમખિલમર્પિતમેતેન પ્રીયતામીશઃ

તત્ત્વજ્ઞાનપ્રસવસુરભિર્ગૂઢબહ્વર્થજાતા સેયં મોક્ષામૃતમયફલા સૂક્તિમઞ્જુપ્રવાલા ।
પ્રત્યક્ષાપ્તાગમમયમહાન્યાયમૂલા મનોજ્ઞા ટીકાવીરુદ્ભવતુ કૃતિનાં નન્દ્રિની ષઠ્પદાનામ્

ક્રૂરાઃ કૃતો ઽઞ્જલિરયં બલિરેષ દત્તઃ કાયો મયા પ્રહરતાત્ર યથાભિલાષમ્ ।
અભ્યર્થયે વિતથવાઙ્મયપાંશુવર્ષૈર્- મા માવિલીકુરુત કીર્તિનદીઃ પરેષામ્