નારાયણીય · અધ્યાય 7.24

હિરણ્યાક્ષે પોત્રિપ્રવરવપુષા દેવ! ભવતા
હતે શોલક્રોધગ્લપિતઘૃતિરેતસ્ય સહજઃ ।
હિરણ્યપ્રારમ્ભઃ કશિપુરમરારાતિસદસિ
પ્રતિજ્ઞામાતેને તવ કિલ વધાર્થં મુરરિપો! ॥

વિધાતારં ઘોરં સ ખલુ તપસિત્વા નચિરતઃ
પુરઃ સાક્ષાત્કુર્વન્ સુરનરમૃગાદ્યૈરનિધનમ્ ।
વરં લબ્ધ્વા દૃપ્તો જગદિહ ભવન્નાયકમિદં
પરિક્ષુન્દન્નિન્દ્રાદહરત દિવં ત્વામગણયન્ ॥

નિહન્તું ત્વાં ભૂયસ્તવ પદમવાપ્તસ્ય ચ રિપોર્-
બહિર્દૃષ્ટેરન્તર્દધિથ હૃદયે સૂક્ષ્મવપુષા ।
નદન્નુચ્ચૈસ્તત્રાપ્યખિલભુવનાન્તે ચ મૃગયન્
ભિયા યાતં મત્વા સ ખલુ જિતકાશી નિવવૃતે ॥

તતોઽસ્ય પ્રહ્લાદઃ સમજનિ સુતો ગર્ભવસતૌ
મુનેર્વીણાપાણેરધિગતભબદ્ભક્તિમહિમા ।
સ વૈ જાત્યા દૈત્યઃ શિશુરપિ સમેત્ય ત્વયિ રતિં
ગતસ્ત્વદ્ભક્તાનાં વરદ! પરમોદાહરણતામ્ ॥

સુરારીણાં હાસ્યં તવ ચરણદાસ્યં નિજસુતે
સ દૃષ્ટ્વા દિષ્ટાત્મા ગુરુભિરશિશિક્ષચ્ચિરમમુમ્ ।
ગુરુપ્રોક્તં ચાસાવિદમિદમભદ્રાય દૃઢમિ-
ત્યપાકુર્વન્ સર્વં તવ ચરણભક્ત્યૈવ વવૃધે ॥

અધીતેષુ શ્રેષ્ઠં કિમિતિ પરિપૃષ્ટેઽથ તનયે
ભવદ્ભક્તિં વર્યામભિગદતિ પર્યાકુલધૃતિઃ ।
ગુરુભ્યો રોષિત્વા સહજમતિરસ્યોત્યભિવિદન્
વધિપાયાનસ્મિન્ વ્યતતુત્ ભવત્પાદશરણે ॥

સ શૂલૈરાવિદ્ધઃ સુબહુ મથિતો દિગ્ગજગણૈર્-
મહાસર્પૈર્દષ્ટોઽપ્યનશનગરાહારવિધુતઃ ।
ગિરિન્દ્રાવક્ષિપ્તોઽપ્યહહ પરમાત્મન્નયિ વિભો!
ત્વયિ ન્યસ્તાત્મત્વાત્ કિમપિ ન નિપીડામભજત ॥

તતઃ શઙ્કાવિષ્ટઃ સ પુનરતિદુષ્ટોઽસ્ય જનકો
ગુરૂક્ત્યા તદ્ગેહ કિલ વરુણપાશૈસ્તમરુણત્ ।
ગુરોશ્ચાસાન્નિધ્યે સ પુનરનુગાન્ દૈત્યતનયાન્
ભવદ્ભક્તેસ્તત્ત્વં પરમપિ વિજ્ઞાનમશિષત્ ॥

પિતા શૃણ્વન્ બાલપ્રકરમખિલં ત્વત્સ્તુતિપરં
રુષાન્ધઃ પ્રાહૈનં કુલહતક! કસ્તે બલમિતિ ।
બલં મે વૈકુણ્ઠસ્તવ ચ જગતાં ચાપિ સ બલં
સ એવ ત્રૈલોક્યં સકલમિતિ ધીરોઽયમગદીત્ ॥

અરે! ક્વાસૌ ક્વાસૌ સકલજગદાત્મા હરિરિતિ
પ્રભિન્તે સ્મ સ્તમ્ભં ચલિતકરવાલો દિતિસુતઃ ।
અતઃ પશ્ચાદ્ વિષ્ણો! ન હિ વદિતુમીશોઽસ્મિ સહસા
કૃપાત્મન્! વિશ્વાત્મન્! પવનપુરવાસિન્! મૃડય મામ્ ॥