નારાયણીય · અધ્યાય 10.57

રામસખઃ ક્વાપિ દિને કામદ! ભગવન્! ગતો ભવાન્ વિપિનમ્ ।
સૂનુભિરપિ ગોપાનાં ધેનુભિરભિસંવૃતો લસદ્વેષુ ॥

સન્દર્શયન્ બલાય સ્વૈરં બૃન્દાવનશ્રિયં વિમલામ્ ।
કાણ્ડીરૈઃ સહ બાલૈર્ભાણ્ડીરકમાગમો વટં ક્રીડન્ ॥

તાવત્ તાવકનિધનસ્પૃહયાલુર્ગોપમૂર્તિરદયાલુઃ ।
દૈત્યઃ પ્રલમ્બનામા પ્રલમ્બબાહું ભવન્તમાપેદે ॥

જાનન્નપ્યવિજાનન્નિવ તેન સમં નિષદ્ધસૌહાર્દઃ ।
વટનિકટે પટુપશુપવ્યાનદ્ધં દ્વન્દ્વયુદ્ધમારબ્ધાઃ ॥

ગોપાન્ વિભજ્ય તન્વન્ સઙ્ઘં બલભદ્રકં ભવત્કમપિ ।
ત્વદ્બલભીરું દૈત્યં ત્વદ્બલગતમન્વમન્યથા ભગવન્! ॥

કલ્પિતવિજેતૃવહને સમરે પરૌઊથગં સ્વદયિતતરમ્ ।
શ્રીદામાનમધત્થાઃ પરાજિતો ભક્તદાસતાં પ્રથયન્ ॥

એવં બહુષુ વિભૂમન્! બાલેષુ વહત્સુ વાહ્યમાનેષુ ।
રામવિજિતઃ પ્રલમ્બો જહાર તં દૂરતો ભવદ્ભીત્યા ॥

ત્વદ્ દૂરં ગમયન્તં તં દૃઋષ્ટ્વા હલિનિ વિહિતગરિમભરે ।
દૈત્યઃ સ્વરૂપમાગાદ્ યદ્રૂપાત્ સ હિ બલોઽપિ ચકિતોઽભૂત્ ॥

ઉચ્ચતયા દૈત્યતનોસ્ત્વન્મુખમાલોક્ય દૂરતો રામઃ ।
વિગતભયો દૃઢમુષ્ટ્યા ભૃશદુષ્ટં સપદિ પિષ્ટવાનેનમ્ ॥

હત્વા દાનવવીરં પ્રાપ્તં બલમાલિલિઙ્ગિથ પ્રેમ્ણા ।
તાવન્મિલતોર્ય્વયોઃ શિરસિ કૃતા પુષ્પવૃષ્ટિરમરગણૈઃ ॥

આલમ્બો ભુવનાનાં પ્રાલમ્બં નિધનમેવમારચયન્ ।
કાલં વિહાય સદ્યો લોલમ્બરુચે! હરે! હરેઃ ક્લેશાન્ ॥