નારાયણીય · અધ્યાય 1.1

સાન્દ્રાનન્દાવબોધાત્મકમનુપમિતં કાલદેશાવધિભ્યાં
નિર્મુક્તં નિત્યમુક્તં નિગમશતસહસ્રેણ નિર્ભાસ્યમાનમ્ ।
અસ્પષ્ટં દૃષ્ટમાત્રે પુનરુરુપુરુષાર્થાત્મકં બ્રહ્મ તત્ત્વં
તત્તાવદ્ ભાતિ સાક્ષાદ્ ગુરુપવનપુરે હન્ત ભાગ્યં જનાનામ્ ॥

એવં દુર્લભ્યવસ્તુન્યપિ સુલભતયા હસ્તલબ્ધે યદન્યત્
તન્વા વાચા ધિયા વા ભજતિ બત જનઃ ક્ષુદ્રતૈવ સ્ફુટેયમ્ ।
એતે તાવદ્ વયં તુ સ્થિરતરમનસા વિશ્વપીડાપહત્યૈ
નિશ્શેષાત્માનમેનં ગુરુપવનપુરાધીશમેવાશ્રયામઃ ॥

સત્ત્વં યત્તત્ પુરાભ્યામપરિકલનતો મિર્મલં તેન તાવદ્
ભૂતૈર્ભૂતેનિદ્રયૈસ્તે વપુરિતિ બહુશઃ શ્રૂયતે વ્યાસવાક્યમ્ ।
તત્ સ્વચ્છત્વાદ્ યદચ્છાદિતપરસુખચિદ્જર્ભનિર્ભાસરૂપં
તસ્મિન્ ધન્યા રમન્તે શ્રુતિમતિમધુરે સુગ્રહે વિગ્રહે તે ॥

નિષ્કમ્પે નિત્યપૂર્ણે નિરવધિ પરમાનન્દપીયૂષરૂપે
નિર્લીનાનેકમુક્તાવલિસુભગતમે નિર્મલબ્રહ્મસિન્ધૌ ।
કલ્લોલોલ્લાસતુલ્યં ખલુ વિમલતરં સત્ત્વમાહુસ્તદાત્મા
કસ્માન્નો નિષ્કલસ્ત્વં સકલ ઇતિ વચસ્ત્વત્કલાસ્વેવ ભૂમન્! ॥

નિર્વ્યાપારોઽપિ નિષ્કારણમજ! ભજસે યત્ ક્રિયામીક્ષણાખ્યાં
તેનૈવોદેતિ લીના પ્રકૃતિરસતિકલ્પાપિ કલ્પાદિકાલે ।
તસ્યાઃ સંશુદ્ધમંશં કમપિ તમતિરોધાયકં સત્ત્વરૂપં
સ ત્વં ધૃત્વા દધાસિ સ્વમહિમવિભવાકુણ્ઠ! વૈકુણ્ટ્ઃઅ! રૂપમ્ ॥

તત્તે પ્રત્યગ્રધારાધરલલિતકલાયાવલીકેલિકારં
લાવણ્યસ્યૈકસારં સુકૃતિજનદૃશાં પૂર્ણપુણ્યાવતારમ્ ।
લક્ષ્મીનિશ્શઙ્કલીલાનિલયનમમૃતસ્યન્દોહમન્તઃ
સિઞ્ચત્ સઞ્ચિન્તકાનાં વપુરનુકલયે મારુતાગારનાથ! ॥

કષ્તા તે સૃષ્ટિચેષ્ટા બહુતરભવખેદાવહા જીવભાજામિત્યેવં
પૂર્વમાલોચિતમજિત! મયા નૈવમદ્યાભિજાને ।
નો ચેજ્જીવાઃ કથં વા સધુરતરમિદં ત્વદ્વપુશ્ચિદ્રસાર્દ્રં
નેત્રૈઃ શ્રોત્રૈશ્ચ પીત્વા પરમરસસુધામ્ભોધિપૂરે રમેરન્ ॥

નમ્રાણાં સન્નિધત્તે સતતમપિ પુરસ્તૈરનભ્યાર્થિતાનપ્યર્થાન્
કામાનજસ્રં વિતરતિ પરમાનન્દસાન્દ્રાં ગતિં ચ ।
ઇત્થં નિશ્શેષલભ્યો નિરવધિકફલઃ પારિજાતો હરે! ત્વં
ક્ષુદ્રં તં શક્રવાટીદ્રુમમભિલષતિ વ્યર્થમર્થિવ્રજોઽયમ્ ॥

કારુણ્યાત્ કામમન્યં દદતિ ખલુ પરે સ્વાત્મદસ્ત્વં વિશેષા-
દૈશ્વર્યાદીશતેઽન્યે જગતિ પરજને સ્વાત્મનોઽપીશ્વરસ્ત્વમ્ ।
ત્વય્યુચ્ચૈરારમન્તિ પ્રતિપદમધુરે ચેતનાઃ સ્ફીતભાગ્યાસ્ત્વં
ચાત્મારામ્ એવેત્યતુલગુણગણાધાર! શૌરે! નમસ્તે ॥

એશ્વર્યં શઙ્કરાદીશ્વરવિનિયમનં વિશ્વતેજોહરાણાં
તેજસ્સંહારિ વીર્યં વિમલમપિ યશો નિસ્પૃહૈશ્ચોપગીતમ્ ।
અઙ્ગાસઙ્ગા સદા શ્રીરખિલવિદસિ ન ક્વાપિ તે સઙ્ગવાર્તા
તદ્ વાતાગારવાસિન્! મુરહર! ભગવચ્છબ્દમુખ્યાશ્રયોઽસિ ॥