નારદ પુરાણ · અધ્યાય 1.17

ઇતિ શ્રૂબૃહન્નારદીયપુરાણે પૂર્વભાગે પ્રથમપાદે ગઙ્ગામાહાત્મ્યે ભગીરથગઙ્ગાનયનં નામ ષોડષો ઽધ્યાયઃ
ઋષય ઊચુઃ
સાધુ સૂત મહાભાગ ત્વયાતિકરુણાત્મના ।
શ્રાવિતં સર્વપાપન્ઘં ગઙ્ગામાહાત્મ્ય મુત્તમમ્

શ્રુત્વા તુ ગઙ્ગામાહાત્મ્યં નારદો દેવદર્શનઃ ।
કિં પપ્રચ્છ પુનઃ સૂત સનકં મુનિસત્તમમ્

સૂત ઉવાચ
શૃણુધ્વમૃષયઃ સર્વે નારદેન સુરર્ષિણા ।
પૃષ્ટં પુનર્યથા પ્રાહ પ્રવક્ષ્યામિ તથૈવ તત્

નાનાખ્યાનેતિહાસાડ્યં ગઙ્ગામાહાત્મ્યમુત્તમમ્ ।
શ્રુત્વા બ્રહ્મસુતો ભૂયઃ પૃષ્ટવાનિદમાદરાત્

નારદ ઉવાચ
અહો ઽતિધન્યં સુકૃતૈકસારં શ્રુતં મયા પુણ્યમસંવૃતાર્થમ્ ।
ગાઙ્ગેયમાહાત્મ્યમઘપ્રણાશિ ત્વત્તો મુને કારુણિકાદભીષ્ટમ્

યે સાધવઃ સાધુ ભજન્તિ વિષ્ણું સ્વાર્થં પરાર્થં ચ યતન્ત એવ ।
નાનોપદેશૈઃ સુવિમુગ્ધચિત્તં પ્રબોધયન્તિ પ્રસભં પ્રસન્નમ્

તતઃ સમાખ્યાહિ હરેર્વ્રતાનિ કૃતૈશ્ચ યૈઃ પ્રીતિમુપૈતિ વિષ્ણુઃ ।
દદાતિ ભક્તિં ભજતાં દયાલુર્મુક્તિસ્તુ તસ્યા વિદિતા હિ દાસી

દદાતિ મુક્તિં ભજતાં મુકુન્દો વ્રતાર્ચનધ્યાનપરાયણાનામ્ ।
ભક્તાનુસેવાસુ મહાપ્રયાસં વિમૃશ્ય કસ્યાપિ ન ભક્તિયોગમ્

પ્રવૃત્તં ચ નિવૃત્તં ચ યત્કર્મ હરિતો ષણમ્ ।
તદા ખ્યાહિ મુનિશ્રેષ્ઠ વિષ્ણુભક્તો ઽસિ માનદ

સનક ઉવાચ
સાધુ સાધુ મુનિશ્રેષ્ઠ ભક્તસ્ત્વં પુરુષોત્તમેઃ ।
ભૂયો ભૂયો યતઃ પુચ્છેશ્ચરિત્રં શાર્ઙ્ગધન્વનઃ

વ્રતાનિ તે પ્રવક્ષ્યામિ લોકોપકૃતિમન્તિ ચ ।
પ્રસીદતિ હરિર્યૈસ્તુ પ્રયચ્છત્યભયં તથા

યસ્ય પ્રસન્નો ભગવાન્યજ્ઞલિઙ્ગો જનાર્દનઃ ।
ઇહામુત્ર સુખં તસ્ય તપોવૃદ્ધિશ્ચ જાયતે

યેન કેનાપ્યુપાયેન હરિપૂજાપરાયણાઃ ।
પ્રયાન્તિ પરમં સ્થાનમિતિ પ્રાહુર્મહર્ષયઃ

માર્ગ શીર્ષે સિતે પક્ષે દ્વાદશ્યાં જલશાયિનમ્ ।
ઉપોષિતો ઽડર્ચયેત્સમ્યઙ્ નરઃ શ્રદ્ધાસમન્વિતઃ

સ્નાત્વા શુક્લામ્બરધરો દન્તધાવનપૂર્વકમ્ ।
ગન્ધપુષ્પાક્ષતૈર્ધૂપૈર્ દીપૈર્નૈવેદ્યપૂર્વકૈઃ

વાગ્યતો ભક્તિભાવેન મુનિશ્રેષ્ઠાર્ચયેદ્ધરિમ્ ।
કેશવાય નમસ્તુભ્યમિતિ વિષ્ણું ચ પૂજયેત્

અષ્ટોત્તરશતં હુત્વા વન્હૌ ઘૃતતિલાહુતીઃ ।
રાત્રૌ જાગરણં કુર્યાચ્છાલગ્રામસમીપતઃ

સ્નાપયેત્પ્રસ્થપયસા નારાયણમનામયમ્ ।
ગીતૈર્વાદ્યૈશ્ચ નૈવેદ્યૈર્ભક્ષ્યૈર્ભોજ્યૈશ્ચ કેશવમ્

ત્રિકાલં પૂજયેદ્ભક્ત્યા મહાલક્ષ્મ્યા સમન્વિતમ્ ।
પુનઃ કલ્યે સમુત્થાય કૃત્વા કર્મ યથોચિતમ્

પૂર્વવત્પૂજયેદ્વેવં વાગ્યતો નિયતઃ શુચિઃ ।
પાયસં ઘૃતસંમિશ્રં નાલિકેરફલાન્વિતમ્

મન્ત્રેણાનેન વિપ્રાય દદ્યાદ્ભક્ત્યા સદક્ષિણમ્ ।
કેશવઃ કેશિહા દેવઃ સર્વસંપત્પ્રદાયકઃ

પરમાન્નપ્રદાનેન મમ સ્યાદિષ્ટદાયકઃ ।
બ્રહ્મણાન્ભોજયેત્પશ્ચાચ્છક્તિતો બન્ધુભિઃ સહ

નારાયણ પરો ભૂત્વા સ્વયં ભુઞ્જીત વાગ્યતઃ ।
ઇતિ યઃ કુરુતે ભક્ત્યા કેશવાર્ચનમુત્તમમ્

સ પૈણ્ડરીકયજ્ઞસ્ય ફલમષ્ટગુણં લભેત્ ।
પૌષમાસે સિતે પક્ષે દ્વાદશ્યાં સમુપોષિતઃ

નમો નારાયણાયેતિ પૂજયેત્પ્રયતો હરિમ્ ।
પયસા સ્નાપ્ય નૈવેદ્યં પાયસં ચ સમર્પયેત્

રાત્રૌ જાગરણં કુર્યાત્ર્રિકાલાર્ચનતત્પરઃ ।
ધૂપૈર્દીપૈશ્ચ નૈવેદ્યૈર્ગન્ધૈઃ પુષ્પૈર્મનોરમૈઃ

તૃણૈશ્ચ ગીતવાદ્યાદ્યૈઃ સ્તોત્રૈશ્ચાપ્યર્યયેદ્ધરિમ્ ।
કૃશરાન્નં ચ વિપ્રાય દદ્યાત્સઘૃતદક્ષિણમ્

સર્વાત્મા સર્વલોકેશઃ સર્વવ્યાપી સનાતનઃ ।
નારાયણઃ પ્રસન્નઃ સ્યાત્કૃશરાન્નપ્રદાનતઃ

મન્ત્રેણાનેન વિપ્રાય દત્ત્વા વૈ દાનમુત્તમમ્ ।
દ્વિજાંશ્ચ ભોજેયચ્છક્ત્યા સ્વયમદ્યાત્સબાન્ધવઃ

એવં સંપૂજયેદ્ભક્ત્યા દેવં નારાયણં પ્રભુમ્ ।
અગ્નિષ્ટોમાષ્ટકફલં સ સંપૂર્ણમવાપ્નુયાત્

માઘસ્ય શુક્લદ્વાદશ્યાં પૂર્વવત્સમુપોષિતઃ ।
નમસ્તે માધવાયેતિ હુત્વાષ્ટૌ ચ ઘૃતાહુતીઃ

પૂર્વમાનેન પયસા સ્નાપયેન્માધવં તદા ।
પુષ્પગન્ધાક્ષતૈરર્ચેત્સાવધાનેન ચેતસા

રાત્રૌ જાગરણં કુર્યાત્પૂર્વવદ્ભઘક્તિસંયુતઃ ।
કલ્યકર્મ ચ નિર્વર્ત્ય માધવં પુનરર્ચયેત્

પ્રસ્થં તિલાનાં વિપ્રાય દદ્યાદ્વૈ મન્ત્રપૂર્વકમ્ ।
સદક્ષિણં સવાસ્ત્રઞ્ચ સર્વપાપવિમુક્તયે

માધવઃ સર્વભૂતાત્મા સર્વકર્મફલપ્રદઃ ।
તિલદાનેન મહતા સર્વાન્કામાન્પ્રયચ્છતુ

મન્ત્રેણાનેન વિપ્રાય દત્ત્વા ભક્તિસમન્વિતઃ ।
બ્રહ્મણાન્ભોજયેચ્છક્ત્યા સંસ્મરન્માધવં પ્રભુમ્

એવં યઃ કુરુતે ભક્ત્યા તિલદાને વ્રતં મુને ।
વાજપેય શતસ્યાસૌ સંપૂર્ણં ફલમાપ્નુયાત્

ફઆલ્ગુનસ્ય સિતે પક્ષે દ્વાદશ્યાં સમુપોષિતઃ ।
ગોવિન્દાય નમસ્તુભ્યમિતિ સંપૂજયેદ્વ્રતી

અષ્ટોત્તગરશતં દૃત્વા ઘૃતમિશ્રતિલાહુતીઃ ।
પૂર્વમાનેન પયસા ગોવિન્દં સ્નાપયેચ્છુચિઃ

રાત્રૌ જાગરણં કુર્યાત્ર્રિકાલં પૂજયૈત્તથા ।
પ્રાતઃ કૃત્યં સમાપ્યાથ ગોવિન્દં પૂજયેત્પુનઃ

વ્રીહ્યાઢકં ચ વિપ્રાય દદ્યાદ્વસ્ત્રં સદક્ષિણમ્ ।
નમો ગોવિન્દ સર્વેશ ગોપિકાજનવલ્લભ

અનેન ધાન્ય દાનેન પ્રીતો ભવ જગદ્ગુરો ।
એવં કૃત્વા વ્રતં સમ્યક્ સર્વપાપવિવર્જિતઃ

ગોમેધમખજં પુણ્યં સમ્પૂર્ણં લભતે નરઃ ।
ચૈત્રમાસે સિતે પક્ષે દ્વાદશ્યાં સમુપોષિતઃ

નમો ઽસ્તુ વિષ્ણવે તુભ્યમિતિ પૂર્વવદર્ચયેત્ ।
ક્ષીરેણ સ્નાપયેદ્વિષ્ણું પૂર્વમાનેન શક્તિતઃ

તથૈવ સ્નાપયેદ્વિપ્ર ઘૃતપ્રસ્થેન સાદનમ્ ।
કૃત્વા જાગરણં રાત્રૌ પૂજયેત્પૂર્વવદ્રૂતી

તતકઃ કલ્યે સમુત્થાય પ્રાતઃ કૃત્યં સમાપ્ય ચ ।
અષ્ટોત્તરશતં હુત્વા મધઅવાજ્યતિલમિશ્રિતમ્

સદક્ષિણં ચ વિપ્રાય દદ્યાદ્વૈ તણ્ડુલાઢકમ્ ।
પ્રાણરુપી મહાવિષ્ણુઃ પ્રાણદઃ સર્વવલ્લભઃ

તણ્ડુલાઢકદાનેન પ્રીયતાં મે જનાર્દનઃ ।
એવં કૃત્વા નરો ભક્ત્યા સર્વપાપવિવર્જિતઃ

અત્યન્ગિષ્ટોમયજ્ઞસ્ય ફલમષ્ટગુણં લભેત્ ।
વૈશાખશુક્લદ્વાદશ્યામુપોષ્ય મધુસૂદનમ્

દ્રોણક્ષીરેણ દેવેશં સ્નાપયેદ્ભક્તિંસંયુતઃ ।
જાગરં તત્રઘ કર્ત્તવ્યં ત્રિકાલાર્ચનસંયુતમ્

નમસ્તે મધુહન્ત્રે ચ જુહુયાચ્છક્તિતો ઘૃતમ્ ।
અષ્ટોત્તરશતં પ્રોર્ચ્ય વિધિવન્મધુસૂદનમ્

વિપાપો હ્યશ્વમેધાનામષ્ટાનાં ફલમાન્પુયાત્ ।
જ્યેષ્ટમાસે સિતે પક્ષે દ્વાદશ્યામુપવાસકૃત્

ક્ષીરેણાઢકમાનેન સ્નાપયેદ્યસ્ત્રિવિક્તમમ્ ।
નમસ્ત્રિવિક્તમાયેતિ પૂજયેદ્ભક્તિસંયુતઃ

જુહુયાત્પાયસેનૈવ હ્યષ્ટોત્તરશતાહુતીઃ ।
કૃત્વા જાગરણં રાત્રૌ પુનઃ પૂજાં પ્રકલ્પયેત્

અપૂપવિંશતિં દત્ત્વા બ્રાહ્મણાય સદક્ષિણમ્ ।
દેવદેવ જગન્નાત પ્રસીદ પરમેશ્વર

ઉપાયનં ચ સંગૃહ્ય મમાભીષ્ટપ્રદો ભવ ।
બ્રાહ્મણાન્ભોજયેચ્છક્ત્યા સ્વયં ભુઞ્જીત વાગ્યતઃ

એવં યઃ કુરુતે વિપ્ર વ્રતં ત્રૈવિક્રમં પરમ્ ।
સો ઽષ્ટાનાં નરમેધાનાં વિપાપઃ ફલમાન્પુયાત્

આષાઢશુક્લદ્વાદશ્યામુપવાસી જિતેન્દ્રિયઃ ।
વામનં પૂર્વમાનેન સ્નાપયેત્પયસા વ્રતી

નમસ્તે વામનાયેતિ દૂર્વાજ્યાષ્ટોત્તરં શતમ્ ।
હુત્વા ચ જાગરં કુર્યાદ્વામનં ચાર્ચયેત્પુનઃ

સદાક્ષિણં ચ દધ્યન્નં નાલિકેરફલાન્વિતમ્ ।
ભક્ત્યા પ્રદદ્યાદ્વિપ્રાય વામનાર્ચનશીલિને

વામનો વુદ્ધિદો હોતા દ્રવ્યસ્થો વામનઃ સદા ।
વામનસ્તારકો ઽસ્માચ્ચ વામનાય નમો નમઃ

અનેન દત્ત્વા દધ્યન્નં શક્તિતો ભોજયેદ્દિજાન્ ।
કૃત્વૈ વમગ્રિષ્ટોમાનાં શતસ્ય ફલમાપ્નુયાત્

શ્રાવણસ્ય સિતે પક્ષે દ્વાદશ્યામુપવાસકૃત્ ।
ક્ષીરેણ મધુમિશ્રેણ સ્નાપયેચ્છ્રીધરં વ્રતી

નમો ઽસ્તુ શ્રીધરાયેતિ ગન્ધાદ્યૈઃ પૂજયેત્ક્રમાત્ ।
જુહુયાત્પૃષદાજ્યેન શતમષ્ટોત્તરં મુને

કૃત્વા ચ જાગરં રાત્રૌ પુનઃ પૂજાં પ્રકલ્પયેત્ ।
દાતવ્યં ચૈવ વિપ્રાય ક્ષીરાઢકમનુત્તમમ્

દક્ષિણાં ચ સવસ્ત્રાં વૈ પ્રદદ્યાદ્ધેમકુણ્ડલે ।
મન્ત્રેણાનેન વિપ્રેન્દ્રુ સર્વકામાશ્રસિદ્ધયે

ક્ષીરાબ્ધિશાયિન્દેવેશ રમાકાન્ત જગત્પતે ।
ક્ષીરદાનેન સુપ્રીતો ભવ સર્વસુખપ્રદઃ

સુખપ્રદત્ત્વાદ્વિપ્રાંશ્ચ ભોજયેચ્છક્તિતો વ્રતી ।
એવ કૃત્વા શ્વમેધાનાં સહસ્રસ્ય ફલં લભેત્

માસિ ભાદ્રપદે શુક્લે દ્વાદશ્યાં સમુપોષિતઃ ।
સ્નાપયેદ્દ્રોણપયસા હૃષીકેશં જગદ્ગુરુમ્

હૃષીકેશ નમસ્તુભ્યમિતિ સંપૂજયેન્નરઃ ।
ચરુણા મધુયુક્તેન શતમષ્ટોત્તરં હુનેત્

જાગરાદીનિનિ નિર્વર્ત્ય દદ્યાદાત્મવિદે તતઃ ।
સાર્ધાઢકં ચ ગોધૂમાન્દક્ષિણાં હેમ શક્તિતઃ

હૃષીકેશ નમસ્તુભ્યં સર્વલોકૈકહેતવે ।
મહ્યં સર્વસુખં દેહિ ગોધૂમસ્ય પ્રદાનતઃ

ભોજયેદ્વ્રાહ્માઞ્શક્ત્યા સ્વયં ચાશ્રીતવાગ્યતઃ ।
સર્વપાપવિનિર્મુક્તો બ્રહ્મમેધફલં લભેત્

આશ્વિને માસિશુક્લાયાં દ્વાદશ્યાંસમુપોષિતઃ ।
પદ્મનાભં ચપયસા સ્નાપયેદ્ભક્તિતઃ શુચિઃ

નમસ્તે પદ્મનાભાય હોમં કુયાર્ત્સ્વશક્તિતઃ ।
તિલબ્રીહિયવાજ્યૈશ્ચ પૂજયેચ્ચ વિધાનતઃ

જામરં નિશિ નિર્વર્ત્ય પુનઃ પૂજાં સમાચરેત્ ।
દદ્યાદ્વિપ્રાય કુડવં મધુનસ્તુ સદક્ષિણમ્

પદ્મનાભઘ નમસ્તુભ્યં સર્વલોકપિતામહ ।
મધુદાનેન સુપ્રીતો ભવસર્વસુખપ્રદઃ

એવં યઃ કુરુતે ભક્ત્યા પદ્મનાભવ્રતં સુધીઃ ।
બ્રહ્મમેધસહસ્રસ્ય ફલમાન્પોતિ નિશ્ચિતમ્

દ્વાદશ્યાં કાર્તિકે શુક્લે ઉપવાસી જિતેન્દ્રિયઃ ।
ક્ષીરેણાકઢકમાનેન દન્ધા વાજ્યેન તાવતા

નમો દામોદરાયેતિ સ્નાપયેદ્ભક્તિભાવતઃ ।
અષ્ટોત્તરશતં હુત્વા મઘ્વાજ્યાક્તતિલાહુતીઃ

જાગરં નિયતઃ કુર્યાત્ત્રિકાલાર્ચનતત્પરઃ ।
પ્રાતઃ સંપૂજયેદ્દેવં પદ્મપુષ્પૈર્મનોરમૈઃ

પુનરષ્ટોત્તરશતં જુહુયાત્સઘૃતૈ સ્તિલૈઃ ।
પઞ્ચભક્ષ્યયુતં ચાન્નં દદ્યાદ્વિપ્રાય ભક્તિતઃ

દામોદર જગન્નાથ સર્વકારણકારણ ।
ત્રાહિમાં કૃપયા દેવ શારણાગતપાલકઃ

અનેન દત્ત્વા દાનં ચ શ્રોત્રિયાય કુટુમ્બિને ।
દક્ષિણાઞ્ચ યથાશક્ત્યા બ્રાહ્મણાંશ્વાપિ ભોજયેત્

એવઙ્કૃત્વા વ્રતં સમ્યગશ્રીયાદ્વૂન્ધુભિઃ સહ ।
અશ્વમેઘ સહસ્રાણાં દ્વિગુણં ફલમશ્નુતે

એવં કુર્યાદ્વ્રતી યસ્તુ દ્વાદશીવ્રતમુત્તમમ્ ।
સંવત્સરં મુનિશ્રેષ્ઠ સ યાતિ પરમ પદમ્

એકમાસે દ્વિમાસે વાયઃ કુર્યાદ્ભક્તિતત્પરઃ ।
તત્તત્ફલમવાન્પોતિ પ્રાન્પોતિ ચ હરેઃ પદમ્

પૂર્ણં સંવત્સરં કૃત્વા કુર્યાદુદ્યાપનં વ્રતી ।
માર્ગશીર્ષાસિતે પક્ષે દ્વાદશ્યાં ચ મુનીશ્વર

સ્નાત્વા પ્રાતર્યથાચારં દન્તધાવનપૂર્વકમ્ ।
શુક્લમાલ્યામ્બરધરઃ શુક્લગન્ધાનુલેપનઃ

મણ્ડપં કારયેદ્દિવ્યં ચતુરસ્ત્રં સુશીભનમ્ ।
ઘણ્ટાચામરસંયુક્તં કિઙ્કિણીરવશોભિતમ્

અલઙ્કૃતં પુષ્પમાલ્યૈર્વિતાનઘ્વજરાજિતાન્ ।
છાદિતં શુક્લવસ્ત્રેણ દીપમાલાવિભૂષિતમ્

તન્મધ્યે સર્વતોભદ્રં કુર્યાત્સમ્યગલઙ્કૃતમ્ ।
તસ્યોપરિન્યસેત્કુમ્ભાન્દ્વાદશામ્બુપ્રપૂરિતાન્

એકેન શુલ્કવનસ્ત્રેણ સમ્યક્સંશોધિતેન ચ ।
સર્વાનાચ્છાદયેત્કુમ્ભાન્પઞ્ચરત્નસમન્વિતાન્

લક્ષ્મીનારાયણં દેવં કારયેદ્ભક્તિમાન્વ્રતી ।
હેન્મા વા રાજતેનાપિ તથા તામ્રેણ વા દ્વિજા

સ્થાપયેત્પ્રતિમાં તાં ચ કુમ્ભોપરિ સુસંયમી ।
તન્મૂલ્યં વા દ્વિજશ્રેષ્ઠ કાઞ્ચનં ચ સ્વશક્તિતઃ

સર્વવ્રતેષુ મતિમાન્વિત્તશાઠ્યં વિવર્જ યેત્ ।
યદિ કુર્યાત્ક્ષયં યાન્તિ તસ્યાયુર્દ્ધનસંપદઃ

અનન્તશાયિનં દેવં નારાયણમનામયટમ્ ।
પઞ્ચામૃતેન પ્રથમં સ્નાપયેદ્ભક્તિસંયુતઃ

નાંમભિઃ કેશવાદ્યૈશ્ચ હ્યુપચારાન્મકલ્પયેત્ ।
રાત્રૌ જાગરણં કુર્યાત્પુરાણશ્રવણાદિભઘિઃ

જિતનિદ્રો ભવેત્સમ્યક્સોપવાસો જિતેન્દ્રિયઃ ।
ત્રિકાલમર્ચયેદ્દેવં યથાવિભવવિસ્તરમ્

તતઃ પ્રાતઃ સમુત્થાય પ્રાતઃ કૃત્યં સમાપ્ય ચ ।
તિલહોમાન્વ્યાહૃતિભિઃ સહસ્રંર કાવ્યેદ્દ્વિજૈઃ

તતઃ સંપૂજયેદ્દેવં ગન્ધપુષ્પાદિભિઃ ક્રમાત્ ।
દેવસ્ય પુરતઃ કુર્યાત્પુરાણશ્રવણં તતઃ

દદ્યાદ્દ્વાદશવિપ્રેભ્યો દધ્યન્નં પાયસં પાયસં તથા ।
અપૂપૈર્દશ ભિર્યુક્તં સઘૃતં ચ સદક્ષિણમ્

દેવદેવજગન્નાથ ભક્તાનુગ્રહવિગ્રહ ।
ગૃહાણોપાયનં કૃષ્ણ સર્વાભીષ્ટપ્રદો ભવ

અનેનોપાયનં દત્ત્વા પ્રાર્થયે માઞ્જલિઃ સ્થિતઃ ।
આધાય જાનુની ભૂમૌ વિનયાવનનતો વ્રતી

નમો નમસ્તે સુરરાજરાજ નમો ઽસ્તુતે દેવં જગન્નિવાસ ।
કુરુષ્વ સંપૃર્ણફલં મમાદ્ય નમો ઽસ્તુ તુભ્યં પુરુષોત્તમાય

ઇતિ સંપ્રાર્થયેદ્વિપ્રાન્દેવં ચ પુરુષોત્તમમ્ ।
દદ્યાદર્ઘ્યં ચ દેવાય મહાલક્ષ્મીયુતાય વૈ

લક્ષ્મીપતે નમસ્તુભ્યં ક્ષીરાર્ણવનિવાસિને ।
અર્ઘ્યં ગૃહાણ દેવેશ લક્ષ્મ્યા ચ સહિતઃ પ્રક્ષો

યસ્ય સ્મૃત્યા ચ નામોક્ત્યા તપોયજ્ઞક્રિયાદિષુ ।
ન્યૂનં સંપૂર્ણતાં યાતિ સદ્યો વન્દે તમચ્યુતમ્

ઇતિ વિજ્ઞાપ્ય દેવેશં તત્સર્વં સંયમી વ્રતે ।
પ્રતિમાં દક્ષિણાયુક્તામાચાર્યાય નિવેદયેત્

બ્રાહ્મણાન્ભોજયેત્પશ્ચીચ્છક્ત્યા દદ્યાજ દક્ષિણામ્ ।
ભુઞ્જીત વાગ્યતઃ પશ્ચાત્સ્વયં બેવૃજનૈર્વૃતઃ

આસાયં શૃદુયાદ્વિષ્ણોઃ કથાં વિદ્વજ્જનૈઃ સહ ।
ઇત્યેવં કુરુતે યસ્તુ મનુજો દ્વાદશીવ્રતમ્

સર્વાન્કામાન્સ આન્પોતિ પરઘત્રેહ ચ નારદ ।
ત્રિસતકુલસંયુક્તઃ સર્વપાપવિવર્જિતઃ ।
તપાતિ વિષ્ણુભવનં યત્ર યત્ત્વા ન શોચતિ

ય ઇદં શૃણુયાદ્વિપ્ર દ્વાદશીવ્રતમુત્તમમ્ ।
વાચયેદ્વાપિ સ નરો વાજપેયફલં લભેત્