માર્કંડેય પુરાણ · અધ્યાય 87

ઇતિ શ્રીમાર્કણ્ડેયમહાપુરાણે સાવર્ણિકે મન્વન્તરે દેવીમાહાત્મ્યે ધૂમ્રલોચનવધો નામ ષડશીતિતમો ઽધ્યાયઃ
સપ્તશીતિતમાધ્યાયઃ- 87
ઋષિરુવાચ
આજ્ઞપ્તાસ્તે તતો દૈત્યાશ્ચણ્ડમુણ્ડપુરોગમાઃ ।
ચતુરઙ્ગબલોપેતા યયુરભ્યુદ્યતાયુધાઃ

દદૃશુસ્તે તતો દેવીમીષદ્ધાસાં વ્યવસ્થિતામ્ ।
સિંહસ્યોપરિ શૈલેન્દ્રશૃઙ્ગે મહતિ કાઞ્ચને

તે દૃષ્ટ્વા તાં સમાદાતુમુદ્યમં ચક્રુરુદ્યતાઃ ।
આકૃષ્ટચાપાસિધરાસ્તથાન્યે સત્સમીપગાઃ

તતઃ કોપં ચકારોચ્ચૈરમ્બિકા તાનરીન્ પ્રતિ ।
કોપેન ચાસ્યા વદનં મષીવર્ણમભૂત્તદા

ભ્રુકુટીકુટિલાત્તસ્યા લલાટફલકાદ્ દ્રુતમ્ ।
કાલી કરાલવદના વિનિષ્ક્રાન્તાસિપાશિની

વિચિત્રખટ્વાઙ્ગધરા નરમાલાવિભૂષણા ।
દ્વીપિચર્મપરીધાના શુષ્કમાંસાતિભૈરવા

અતિવિસ્તારવદના જિહ્વાલલનભીષણા ।
નિમગ્નારક્તનયના નાદાપૂરિતદિઙ્મુખા

સા વેગેનાભિપતિતા ઘતયન્તી મહાસુરાન્ ।
સૈન્યે તત્ર સુરારીણામભક્ષયત તદ્વલમ્

પાર્ષ્ણિગ્રાહાઙ્કુશગ્રાહિયોધઘણ્ટાસમન્વિતાન્ ।
સમાદાયૈકહસ્તેન મુખે ચિક્ષેપ વારણાન્

તથૈવ યોધં તુરગૈ રથં સારથિના સહ ।
નિક્ષિપ્ય વક્ત્રે દશનૈશ્ચર્વયન્ત્યતિભૈરવમ્

એકં જગ્રાહ કેશેષુ ગ્રીવાયામથ ચાપરમ્ ।
પાદેનાક્રમ્ય ચૈવાન્યમુરસાન્યમપોથયત્

તૈર્મુક્તાનિ ચ શસ્ત્રણિ મહાસ્ત્રાણિ તથાસુરૈઃ ।
મુખેન જગ્રાહ રુષા દશનૈર્મથિતાન્યપિ

બલિનાં તદ્બલં સર્વમસુરાણાં દુરાત્મનામ્ ।
મમર્દાભક્ષયચ્ચાન્યાનન્યાંશ્ચાતાડયત્તથા

અસિના નિહતાઃ કેચિત્કેચિત્ખટ્વાઙ્ગતાડિતાઃ ।
જગ્મુર્વિનાશમસુરા દન્તાગ્રાભિહતા રણે

ક્ષણેન તન્મહાસૈન્યમસુરાણાં નિપાતિતમ્ ।
દૃષ્ટ્વા ચણ્ડો ઽભિમૈર્ભોમાક્ષીં તાં મહાસુરઃ

શરવર્ષૈર્મહાભીમૈર્ભોમાક્ષીં તાં મહાસુરઃ ।
છાદયામાસ ચક્રૈશ્ચ મુણ્ડઃ ક્ષિપ્તૈઃ સહસ્રશઃ

તાનિ ચક્રાણ્યનેકાનિ વિશમાનાનિ તન્મુખમ્ ।
બભુર્યથાર્કબિમ્બાનિ સુબહૂનિ ઘનોદરમ્

તતો જહાસાતિરુષા ભીમં ભૈરવનાદિની ।
કાલી કરાલવક્ત્રાન્તર્દુર્દર્શદશનોજ્જ્વલા

ઉત્થાય ચ મહાસિંહં દેવી ચણ્ડમધાવત ।
ગૃહીત્વા ચાસ્ય કેશેષુ શિરસ્તેનાસિનાચ્છિનત્

છિન્ને શિરસિ દૈત્યેન્દ્રશ્ચક્રે નાદં સુભૈરવમ્ ।
તેન નાદેન મહતા ત્રાસિતં ભુવનત્રયમ્

અથ મુણ્ડો ઽભ્યધાવત્તાં દૃષ્ટ્વા ચણ્ડં નિપાતિતમ્ ।
તમપ્યપાતયદ્ ભૂમૌ સા ખડ્ગાભિહતં રુષા

હતશેષં તતઃ સૈન્યં દૃષ્ટ્વા ચણ્ડં નિપાતિતમ્ ।
મુણ્ડં ચ સુમહાવીર્યં દિશો ભેજે ભયાતુરમ્

શિરઞ્ચણ્ડસ્ય કાલી ચ ગૃહીત્વા મુણ્ડમેવ ચ ।
પ્રાહ પ્રચણ્ડાટ્ટહાસમિશ્રમભ્યેત્ય ચણ્ડિકામ્

મયા તવાત્રોપહૃતૌ ચણ્ડમુણ્ડૌ મહાપશૂ ।
યુદ્ધયજ્ઞે સ્વયં શુમ્ભં નિશુમ્ભં ચ હનિષ્યસિ

ઋષિરુવાચ
તાવાનીતૌ તતો દૃષ્ટ્વા ચણાડમુણ્ડૌ મહાસુરૌ ।
ઉવાચ કાલીં કલ્યાણી લલિતં ચણ્ડિકા વચઃ

શ્રીદેવ્યુવાચ
યસ્માચ્ચણ્ડં ચ મુણ્ડં ચ ગૃહીત્વા ત્વમુપાગતા ।
ચામુણ્ડેતિ તતો લોકે ખ્યાતા દેવિ ભવિષ્યસિ