માર્કંડેય પુરાણ · અધ્યાય 86

ઇતિ શ્રીમાર્કણ્ડેયપુરાણેઠસાવર્ણિકે મન્વન્તરેઽ દેવીમાહાત્મ્યે પઞ્ચાશોતિતમો ઽધ્યાયઃ
ષડશીતિતમો ઽધ્યાયઃ- 86
ઋષિરુવાચ
ઇત્યાકર્ણ્ય વચો દેવ્યાઃ સ દૂતો ઽમર્ષપૂરિતઃ ।
સમાચષ્ટ સમાગમ્ય દૈત્યરાજાય વિસ્તરાત્

તસ્ય દૂતસ્ય તદ્વાક્યમાકર્ણ્યાસુરરાટ્ તતઃ ।
સક્રોધઃ પ્રાહ દૈત્યાનામધિપં ધૂમ્રલોચનમ્

હે ધૂમ્રલોચનાશુ ત્વં સ્વસૈન્યપરિવારિતઃ ।
તામાનય બલાદ્ દુષ્ટાં કેશાકર્ષણવિહ્વલામ્

તત્પરિત્રાણદઃ કશ્ચિદ્યદિ વોત્તિષ્ઠતે ઽપરઃ ।
સ હન્તવ્યો ઽમરો વાપિ યક્ષો ગન્ધર્વ એવ વા

ઋષિરુવાચ
તેનાજ્ઞપ્તસ્તતઃ શીઘ્રં સ દૈત્યો ધૂમ્રલોચનઃ ।
વૃતઃ પષ્ટ્યા સહસ્રાણામસુરાણાં દ્રુતં યયો

સ દૃષ્ટ્વા તાં તતો દેવીં તુહિનાચલસંસ્થિતામ્ ।
જગાદોચ્ચૈઃ પ્રયાહીતિ મૂલં શુમ્ભનિશુમ્ભયોઃ ॥ મર્ક્પ્_86. 6 ॥
ન ચેત્પ્રીત્યાદ્ય ભવતી મદ્ભર્તારમુપૈષ્યતિ ।
તતો બલાન્નયામ્યેષ કેશાકર્ષણવિહ્વલામ્

શ્રીદેવ્યુવાચ
દૈત્યેશ્વરેણ પ્રહિતો બલવાન્ બલસંવૃતઃ ।
બલાન્નયસિ મામેવં તતઃ કિં તે કરોમ્યહમ્

ઋષિરુવાચ
ઇત્યુક્તઃ સો ઽભ્યધાવત્તામસુરો ધૂમ્રલોચનઃ ।
હુઙ્કારેણૈવ તં ભસ્મ સા ચકારામ્બિકા તતઃ

અથ ક્રુદ્ધં મહાસૈન્યમસુરાણાં તથામ્બિકા ।
વવર્ષ સાયકૈસ્તીક્ષ્ણૈસ્તથા શક્તિપરશ્વધૈઃ

તતો ધુતસટઃ કોપાત્ કૃત્વા નાદં સુભૈરવમ્ ।
પપાતાસુરસેનાયાં સિંહો દેવ્યાઃ સ્વવાહનઃ

કાંશ્ચિત્ કરપ્રહારેણ દૈત્યાનાસ્યેન ચાપરાન્ ।
આક્રમ્ય ચાધરેણાન્યાન્ સ જઘાન મહાસુરાન્

કેષાઞ્ચિત્ પાટયામાસ નખૈઃ કોષ્ઠાનિ કેસરી ।
તથા તલપ્રિહારેણ શિરાંસિ કૃતવાન્ પૃથક્

વિચ્છિન્નબાહુશિરસઃ સૃતાસ્તેન તથાપરે ।
પપૌ ચ રુધિરં કોષ્ઠાદન્યેષાં ધુતકેસરઃ

ક્ષણેન તદ્બલં સર્વં ક્ષયં નીતં મહાત્મના ।
તેન કેસરિણા દેવ્યા વાહનેનાતિકોપિના

શ્રુત્વા તમસુરં દેવ્યા નિહતં ધૂમ્રલોચનમ્ ।
બલં ચ ક્ષયિતં કૃત્સ્ત્રં દેવીકેસરિણા તતઃ

ચુકોપ દૈત્યાધિપતિઃ શુમ્ભઃ પ્રસ્ફુરિતાધરઃ ।
આજ્ઞાપયામાસ ચ તૌ ચણ્ડમુણ્ડૌ મહાસુરૌ

હે ચણ્ડ હે મુણ્ડ બલૈર્બહુભિઃ પરિવારિતૌ ।
તત્ર ગચ્છત ગત્વા ચ સા સમાનીયતાં લઘુ

કેશેષ્વાકૃષ્ય બદ્ધ્વા વા યદિ વઃ સંશયો યુધિ ।
તદાશેષાયુધૈઃ સર્વૈરસુરૈર્વિનિહન્યતામ્

તસ્યાં હતાયાં દુષ્ટાયાં સિંહે ચ વિનિપાતિતે ।
શીઘ્રમાગમ્યતાં બદ્ધ્વા ગૃહીત્વા તામથામ્બિકામ્