માર્કંડેય પુરાણ · અધ્યાય 69

ઇતિ શ્રીમાર્કણ્ડેયપુરાણે સ્વારોચિષે મન્વન્તરે પઞ્ચષષ્ટિતમો ઽધ્યાયઃ
æઞ્ઃâå%>üúåßઞાદાદનાગતમ્ ।
યથાહં સમતીતઞ્ચ વર્તમાનઞ્ચ સર્વતઃ

આલોચ્યાજ્ઞાપયેત્યુક્તે તતો જ્ઞાતં મયાપિ તત્ ।
તતો ન દત્તવાનર્ઘમહં તુભ્યં વિધાનતઃ

સત્યં રાજન્ ! ત્વમર્ઘાર્હઃ કુલે સ્વાયમ્ભુવસ્ય ચ ।
તથાપિ નાર્ઘયોગ્યં ત્વાં મન્યામો વયમુત્તમમ્

રાજોવાચ
કિં કૃતં હિ મયા બ્રહ્મન્ ! જ્ઞાનાદજ્ઞાનતો ઽપિ વા ।
યેન ત્વત્તોર્ઽઘમર્હામિ નાહમભ્યાગતશ્ચિરાત્

ઋષિરુવાચ
કિં વિસ્મૃતન્તે યત્પત્ની ત્વયા ત્યક્તા ચ કાનને ।
પરિત્યક્તસ્તયા સાર્ધં ત્વયા ધર્મો નૃપાખિલઃ

પક્ષેણ કર્મણો હાન્યા પ્રયાત્યસ્પર્શતાં નરઃ ।
વિણ્મૂત્રૈર્વાર્ષિકી યસ્ય હાનિસ્તે નિત્યકર્મણઃ

પત્ન્યાનુકૂલયા ભાવ્યં યથાશીલે ઽપિ ભર્તરિ ।
દુઃ શીલાપિ તથા ભાર્યા પોષણીયા નરેશ્વર

પ્રતિકૂલા હિ સા પત્ની તસ્ય વિપ્રસ્ય યા હૃતા ।
તથાપિ ધર્મકામો ઽસૌ ત્વામુદ્યોતિતવાન્ નૃપ

ચલતઃ સ્થાપયસ્યન્યાન્ સ્વધર્મેષુ મહીપતે ।
ત્વાં સ્વધર્માદ્વિચલિતં કો ઽપરઃ સ્થાપયિષ્યતિ

માર્કણ્ડેય ઉવાચ
વિલક્ષ્યઃ સ મહીપાલ ઇત્યુક્તસ્તેન ધીમતા ।
તથેત્યુક્ત્વા ચ પપ્રચ્છ હૃતાં પત્નીં દ્વિજન્મનઃ

ભગવન્ ! કેન નીતા સા પત્ની વિપ્રસ્ય કુત્ર વા ।
અતીતાનાગતં વેત્તિ જગત્યવિતથં ભવાન્

ઋષિરુવાચ
તાં જહારાદ્રિતનયો બલાકો નામ રાક્ષસઃ ।
દ્રક્ષ્યસે ચાદ્ય તાં ભૂપ ! ઉત્પલાવતકે વને

ગચ્છ સંયોજયાશુ ત્વં ભાર્યયા હિ દ્વિજાત્તમમ્ ।
મા પાપાસ્પદતાં યાતુ ત્વમિવાસૌ દિને દિને