માર્કંડેય પુરાણ · અધ્યાય 33

ઇતિ શ્રીમાર્કણ્ડેયપુરાણે શ્રાદ્ધકલ્પો નામ દ્વાત્રિંશો ઽધ્યાયઃ
ત્રયસ્ત્રિંશો ઽધ્યાયઃ
મદાલસોવાચ
પ્રતિપદ્ધનલાભાય દ્વિતીયા દ્વિપદપ્રદા ।
વરાર્થિની તૃતીયા તુ ચતુર્થો શત્રુનાશિની

શ્રિયં પ્રાપ્રોતિ પઞ્ચમ્યાં ષષ્ઠ્યાં પૂજ્યો ભવેન્નરઃ ।
ગણાધિપત્યં સપ્તમ્યામષ્ટમ્યાં વૃદ્ધિમુત્તમામ્

સ્ત્રિયો નવમ્યાં પ્રાપ્રોતિ દશમ્યાં પૂર્ણકામતામ્ ।
વેદાંસ્તથાપ્નુયાત્ સર્વાનેકાદશ્યાં ક્રિયાપરઃ

દ્વાદશ્યાં જયલાભઞ્ચ પ્રાપ્રોતિ પિતૃપૂજકઃ ।
પ્રજાં મેધાં પશું વૃદ્ધિં સ્વતન્ત્ર્યં પુષ્ટમુત્તમામ્

દીર્ઘમાયુરથૈશ્વર્યં કુર્વાણસ્તુ ત્રયોદશીમ્ ।
અવાપ્રોતિ ન સન્દેહઃ શ્રાદ્ધં શ્રદ્ધાપરો નરઃ

યથાસમ્ભાવિતાન્નેન શ્રાદ્ધસમ્પત્સમન્વિતઃ ।
યુવાનઃ પિતરો યસ્ય મૃતાઃ શસ્ત્રેણ વા હતાઃ

તેન કાર્યં ચતુર્દશ્યાં તેષાં પ્રીતિમભીપ્સતા ।
શ્રાદ્ધં કુર્વન્નમાવાસ્યાં યત્નેન પુરુષઃ શુચિઃ

સર્વાન્ કામાનવાપ્રોતિ સ્વર્ગઞ્ચાનન્તમશ્નુતે ।
કુત્તિકાસુ પિતૄનર્ચ્ય સ્વર્ગમાપ્રોતિ માનવઃ

અપત્યકામો રોહિણ્યાં સૌમ્યે ચૌજસ્વિતાં લભેત્ ।
શૌર્યમાર્દ્રાસુ ચાપ્રોતિ ક્ષેત્રાદિ ચ પુનર્વસૌ

પુષ્ટિં પુષ્યે સદાભ્યર્ચ્ય આશ્લેષાસુ વરાન્ સુતાન્ ।
મઘાસુ સ્વજનશ્રૈષ્ઠ્યં સૌભાગ્યં ફાલ્ગુનીષુ ચ

પ્રદાનશીલો ભવતિ સાપત્યશ્ચોત્તરાસુ ચ ।
પ્રયાતિ શ્રેષ્ઠતાં સત્યં હસ્તે શ્રાદ્ધપ્રદો નરઃ

રૂપયુક્તશ્ચ ચિત્રાસુ તથાપત્યાન્યવાપ્નુયાત્ ।
વાણિજ્યલાભદા સ્વાતિર્વિશાખા પુત્રકામદા

કુર્વન્તશ્ચાનુરાધાસુ લભન્તે ચક્રાવર્તિતામ્ ।
આધિપત્યઞ્ચ જ્યેષ્ઠાસુ મૂલે ચારોગ્યમુત્તમમ્

આષાઢાસુ યશઃ પ્રાપ્તિરુત્તરાસુ વિશોકતા ।
શ્રવણે ચ શુભાન્ લોકાન્ ધનિષ્ઠાસુ ધનં મહત્

વેદવિત્ત્વમભિજિતિ ભિષક્સિદ્ધન્તુ વારુણે ।
અજાવિકં પ્રૌષ્ઠપદે વિન્દેદ્ ગાસ્તુ તથોત્તરે

રેવતીષુ તથા કુપ્યમશ્વિનીષુ તુરઙ્ગમાન્ ।
શ્રાદ્ધં કુર્વંસ્તથાપ્રોતિ ભરણીષ્વાયુરુત્તમમ્ ।
તસ્માત્ કામ્યાનિ કુર્વોત ઋક્ષેષ્વેતેષુ તત્ત્વવિત્