મઞ્જુશ્રીનામસંગીતિ · શ્લોક 81-100

ત્રૈલોક્યૈકકુમારાઙ્ગઃ સ્થવિરો વૃદ્ધઃ પ્રજાપતિઃ
દ્વાત્રિંશલ્લક્ષણધરઃ કાન્તસ્ ત્રૈલોક્યસુન્દરઃ ॥

લોકજ્ઞાનગુણાચાર્યો લોકાચાર્યો વિશારદઃ
નાથસ્ ત્રાતા ત્રિલોકાપ્તઃ શરણં તાય્ય્ અનુત્તરઃ ॥

ગગનાભોગસંભોગઃ સર્વજ્ઞજ્ઞાનસાગરઃ
અવિદ્યાણ્ડકોશસંભેત્તા ભવપઞ્જરદારણઃ ॥

શમિતાશેષસંક્લેશઃ સંસારાર્ણવપારગઃ
જ્ઞાનાભિષેકમુકુટઃ સમ્યક્સંબુદ્ધભૂષણઃ ॥

ત્રિદુઃખદુઃખશમનસ્ ત્ર્યન્તો ઽનન્તસ્ ત્રિમુક્તિગઃ
સર્વાવરણનિર્મુક્ત આકાશસમતાં ગતઃ ॥

સર્વક્લેશમલાતિતસ્ ત્ર્યધ્વાનધ્વગતિં ગતઃ
સર્વસત્ત્વમહાનાગો ગુણશેખરશેખરઃ ॥

સર્વોપાધિવિનિર્મુક્તો વ્યોમવર્ત્મનિ સુસ્થિતઃ
મહાચિન્તામણિધરઃ સર્વરત્નોત્તમો વિભુઃ ॥

મહાકલ્પતરુઃ સ્ફીતો મહાભદ્રઘટોત્તમઃ
સર્વસત્ત્વાર્થકૃત્ કર્તા હિતૈષી સત્ત્વવત્સલઃ ॥

શુભાશુભજ્ઞઃ કાલજ્ઞઃ સમયજ્ઞઃ સમયી વિભુઃ
સત્ત્વેન્દ્રિયજ્ઞો વેલજ્ઞો વિમુક્તિત્રયકોવિદઃ ॥

ગુણી ગુણજ્ઞો ધર્મજ્ઞઃ પ્રશસ્તો મઙ્ગલોદયઃ
સર્વમઙ્ગલમાઙ્ગલ્યઃ કીર્તિર્ લક્ષ્મીર્ યશઃ શુભઃ ॥

મહોત્સવો મહાશ્વાસો મહાનન્દો મહારતિઃ
સત્કારઃ સત્કૃતિર્ ભૂતિઃ પ્રમોદઃ શ્રીર્ યશસ્પતિઃ ॥

વરેણ્યો વરદઃ શ્રેષ્ઠઃ શરણ્યઃ શરણોત્તમઃ
મહાભયારિઃ પ્રવરો નિઃશેષભયનાશનઃ ॥

શિખી શિખણ્ડી જટિલો જટી મૌણ્ડી કિરીટિમાન્
પઞ્ચાનનઃ પઞ્ચશિખઃ પઞ્ચચીરકશેખરઃ ॥

મહાવ્રતધરો મૌઞ્જી બ્રહ્મચારી વ્રતોત્તમઃ
મહાતપાસ્ તપોનિષ્ઠઃ સ્નાતકો ગૌતમો ઽગ્રણીઃ ॥

બ્રહ્મવિદ્ બ્રાહ્મણો બ્રહ્મા બ્રહ્મનિર્વાણમ્ આપ્તવાન્
મુક્તિર્ મોક્ષો વિમોક્ષાઙ્ગો વિમુક્તિઃ શાન્તતા શિવઃ ॥

નિર્વાણં નિર્વૃતિઃ શાન્તિઃ શ્રેયો નિર્યાણમ્ અન્તગઃ
સુખદુઃખાન્તકૃન્ નિષ્ઠા વૈરાગ્યમ્ ઉપાધિક્ષયઃ ॥

અજયો ઽનુપમો ઽવ્યક્તો નિરાભાસો નિરઞ્જનઃ
નિષ્કલઃ સર્વગો વ્યાપી સૂક્ષ્મો બીજમ્ અનાશ્રવઃ ॥

અરજો વિરજો વિમલો વાન્તદોષો નિરામયઃ
સુપ્રબુદ્ધો વિબુદ્ધાત્મા સર્વજ્ઞાઃ સર્વવિત્ પરઃ ॥

વિજ્ઞાનધર્મતાતીતો જ્ઞાન્ અમદ્વયરૂપધૃક્
નિર્વિકલ્પો નિરાભોગસ્ ત્ર્યધ્વસંબુદ્ધકાર્યકૃત્ ॥

અનાદિનિધનો બુદ્ધ આદિબુદ્ધો નિરન્વયઃ
જ્ઞાનૈકચક્ષુર્ અમલો જ્ઞાનમૂર્તિસ્ તથાગતઃ ॥