મઞ્જુશ્રીનામસંગીતિ · શ્લોક 101-120

વાગીશ્વરો મહાવાદી વાદિરાડ્ વાદિપુઙ્ગવઃ
વદતાં વરો વરિષ્ઠો વાદિસિંહો ઽપરાજિતઃ ॥

સમન્તદર્શી પ્રમોદ્યસ્ તેજોમાલી સુદર્શનઃ
શ્રીવત્સઃ સુપ્રભો દીપ્તિર્ ભા ભાસુરકરદ્યુતિઃ ॥

મહાભિષગ્વરઃ શ્રેષ્થઃ શલ્યહર્તા નિરુત્તરઃ
અશેષભૈષજ્યતરુઃ ક્લેશવ્યાધિર્ મહારિપુઃ ॥

ત્રૈલોક્યતિલકઃ કાન્તઃ શ્રીમાન્ નક્ષત્રમણ્ડલઃ
દશદિગ્વ્યોમપર્ય્યન્તો ધર્મધ્વજમહોચ્છ્રયઃ ॥

જગચ્છત્રૈકવિપુલો મૈત્રીકરુણમણ્ડલઃ
પદ્મનૃત્યેશ્વરઃ શ્રીમાન્ રત્નચ્છત્રો મહાવિભુઃ ॥

સર્વબુદ્ધમહારાજઃ સર્વબુદ્ધાત્મભાવધૃક્
સર્વબુદ્ધમહાયોગઃ સર્વબુદ્ધૈકશાસનઃ ॥

વજ્રરત્નાભિષેકશ્રીઃ સર્વરત્નાધિપેશ્વરઃ
સર્વલોકેશ્વરપતિઃ સર્વવજ્રધરાધિપઃ ॥

સર્વબુદ્ધમહાચિત્તઃ સર્વબુદ્ધમનોગતિઃ
સર્વબુદ્ધમહાકાયઃ સર્વબુદ્ધસરસ્વતી ॥

વજ્રસૂર્યો મહાલોકો વજ્રેન્દુવિમલપ્રભઃ
વિરાગાદિમહારાગો વિશ્વવર્ણોજ્જ્વલપ્રભઃ ॥

સંબુદ્ધવજ્રપર્યઙ્કો બુદ્ધસંગીતિધર્મધૃક્
બુદ્ધપદ્મોદ્ભવઃ શ્રીમાન્ સર્વજ્ઞજ્ઞાનકોષધૃક્ ॥

વિશ્વમાયાધરો રાજા બુદ્ધવિદ્યાધરો મહાન્
વજ્રતીક્ષ્નો મહાખડ્ગો વિશુદ્ધઃ પરમાક્ષરઃ ॥

દુઃખચ્છેદમહાયાન વજ્રધર્મમહાયુધઃ
જિનજિગ્ વજ્રગામ્ભીર્યો વજ્રબુદ્ધિર્ યથાર્થવિત્ ॥

સર્વપારમિતાપૂરી સર્વભૂમિવિભૂષણઃ
વિશુદ્ધધર્મનૈરાત્મ્યઃ સમ્યગ્જ્ઞાનેન્દુહૃત્પ્રભઃ ॥

માયાજાલમહોદ્યોગઃ સર્વતન્ત્રાધિપઃ પરઃ
અશેષવજ્રપર્યઙ્કો નિઃશેષજ્ઞાનકાયધૃક્ ॥

સમન્તભદ્રઃ સુમતિઃ ક્ષિતિગર્ભો જગદ્ધૃતિઃ
સર્વબુદ્ધમહાગર્ભો વિશ્વનિર્માણચક્રધૃક્ ॥

સર્વભાવસ્વભાવાગ્ર્યઃ સર્વભાવસ્વભાવવદ્ઃર્ક્
અનુત્પાદધર્મા વિશ્વાર્થઃ સર્વધર્મસ્વભાવદ્ઃર્ક્ ॥

એકક્ષણમહાપ્રજ્ઞઃ સર્વધર્માવબોધધૃક્
સર્વધર્માભિસમયો ભૂતાન્તમુનિર્ અગ્રધીઃ ॥

સ્તિમિતઃ સુપ્રસન્નાત્મા સમ્યક્સંબુદ્ધબોધિધૃક્
પ્રત્યક્ષઃ સર્વબુદ્ધાનાં જ્ઞાનાર્ચિઃ સુપ્રભાસ્વરઃ ॥

ઇષ્ટાર્થસાધકઃ પરઃ સર્વાપાયવિશોધકઃ
સર્વસત્ત્વોત્તમો નાથઃ સર્વસત્ત્વપ્રમોચકઃ ॥

ક્લેશસંગ્રામશૂરૈકઃ અજ્ઞાનરિપુદર્પહા
ધીઃ શૃઙ્ગારધરઃ શ્રીમાન્ વીરબીભત્સરૂપધૃક્ ॥