મઞ્જુશ્રીનામસંગીતિ · શ્લોક 21-40

મહાર્થાં નામસંગીતિં પવિત્રામ્ અઘનાશિનીમ્
મઞ્જુશ્રીજ્ઞાનકાયસ્ય મત્તઃ શ્રોતું સમુદ્યતઃ ॥

તત્ સાધુ દેશયામ્ય્ એષઃ અહં તે ગુહ્યકાધિપ
શૃણુ ત્વમ્ એકાગ્રમનાસ્ તત્ સાધુ ભગવન્ન્ ઇતિ ॥

અથ શાક્યમુનિર્ ભગવાન્ સકલં મન્ત્રકુલં મહત્
મન્ત્રવિદ્યાધરકુલં વ્યવલોક્ય કુલત્રયમ્ ॥

લોકલોકોત્તરકુલં લોકાલોકકુલં મહત્
મહામુદ્રાકુલં ચાગ્ર્યં મહોષ્ણીષકુલં મહત્ ॥

ઇમાં ષણ્મન્ત્રરાજાનાં સંયુક્તામ્ અદ્વયોદયામ્
અનુત્પાદધર્મિણીં ગાથાં ભાષતે સ્મ ગિરાં પતેઃ ॥

અ આ ઇ ઈ ઉ ઊ એ ઐ ઓ ઔ અં અઃ સ્થિતો હૃદિ
જ્ઞાનમૂર્તિર્ અહં બુદ્ધો બુદ્ધાનાં ત્ર્યધ્વવર્તિનામ્ ॥

ઓં વજ્રતીક્ષ્ણદુઃખચ્છેદપ્રજ્ઞાજ્ઞાનમૂર્તયે ।
જ્ઞાનકાયવાગિશ્વરારાપચનાય તે નમઃ ॥

તદ્ યથા ભગવાન્ બુદ્ધઃ સંબુદ્ધો ઽકારસમ્ભવઃ
અકારઃ સર્વવર્ણાગ્ર્યો મહાર્થઃ પરમાક્ષરઃ ॥

મહાપ્રાણો હ્ય્ અનુત્પાદો વાગુદાહારવર્જિતઃ
સર્વાભિલાપહેત્વગ્ર્યઃ સર્વવાક્સુપ્રભાસ્વરઃ ॥

મહામહમહારાગઃ સર્વસત્ત્વરતિંકરઃ
મહામહમહાદ્વેષઃ સર્વક્લેશમહારિપુઃ ॥

મહામહમહામોહો મૂઢધીમોહસૂદનઃ
મહામહમહાક્રોધો મહાક્રોધરિપુર્ મહાન્ ॥

મહામહમહાલોભઃ સર્વલોભનિષૂદનઃ
મહાકામો મહાસૌખ્યો મહામોદો મહારતિઃ ॥

મહારૂપો મહાકાયો મહાવર્ણો મહાવપુઃ
મહાનામા મહોદારો મહાવિપુલમણ્ડલઃ ॥

મહાપ્રજ્ઞાયુધધરો મહાક્લેશાઙ્કુશો ઽગ્રણીઃ
મહાયશા મહાકીર્તિર્ મહાજ્યોતિર્ મહાદ્યુતિઃ ॥

મહામાયાધરો વિદ્વાન્ મહામાયાર્થસાધકઃ
મહામાયારતિરતો મહામાયેન્દ્રજાલિકઃ ॥

મહાદાનપતિઃ શ્રેષ્ઠો મહાશીલધરો ઽગ્રણીઃ
મહાક્ષાન્તિધરો ધીરો મહાવીર્યપરાક્રમઃ ॥

મહાધ્યાનસમાધિસ્થો મહાપ્રજ્ઞાશરીરદ્ઃઋક્
મહાબલો મહોપાયઃ પ્રણિધિર્ જ્ઞનસાગરઃ ॥

મહામૈત્રીમયો ઽમેયો મહાકારુણિકો ઽગ્રધીઃ
મહાપ્રજ્ઞો મહાધીમાન્ મહોપાયો મહાકૃતિઃ ॥

મહાઋદ્ધિબલોપેતો મહાવેગો મહાજવઃ
મહર્દ્ધિકો મહેશાખ્યો મહાબલપરાક્રમઃ ॥

મહાભવાદ્રીસંભેત્તા મહાવજ્રધરો ઘનઃ
મહાક્રૂરો મહારૌદ્રો મહાભયભયંકરઃ ॥