મઞ્જુશ્રીનામસંગીતિ (અન્ય આવૃત્તિ) · શ્લોક 61-80

ઘનૈકસારો વજ્રાત્મા સદ્યોજાતો જગત્પતિઃ
ગગનોદ્ભવઃ સ્વયંભૂઃ પ્રજ્ઞાજ્ઞાનાનલો મહાન્ ॥

વૈરોચનો મહાદીપ્તિર્ જ્ઞાનજ્યોતિર્ વિરોચનઃ
જગત્પ્રદીપો જ્ઞાનોલ્કો મહાતેજાઃ પ્રભાસ્વરઃ ॥

વિદ્યારાજો ઽગ્રમન્ત્રેશો મન્ત્રરાજા મહાર્થકૃત્
મહોષ્ણીષો ઽદ્ભુતોષ્ણીષો વિશ્વદર્શી વિયત્પતિઃ ॥

સર્વબુદ્ધાત્મભાવાગ્ર્યો જગદાનન્દલોચનઃ
વિશ્વરૂપી વિધાતા ચ પૂજ્યો માન્યો મહાઋષિઃ ॥

કુલત્રયધરો મન્ત્રી મહાસમયમન્ત્રધૃક્
રત્નત્રયધરઃ શ્રેષ્ઠસ્ ત્રિયાનોત્તમદેશકઃ ॥

અમોઘપાશો વિજયી વજ્રપાશો મહાગ્રહઃ
વજ્રાઙ્કુશો મહાપાશો વજ્રભૈરવભીકરઃ ॥

ક્રોધરાટ્ ષણ્મુખો ભીમઃ ષડ્નેત્રઃ ષડ્ભુજો બલી
દંષ્ટ્રાકરાલકઙ્કાલો હલાહલશતાનનઃ ॥

યમાન્તકો વિઘ્નરાડ્ વજ્રવેગો ભયંકરઃ
વિઘુષ્ટવજ્રો હૃદ્વજ્રો માયાવજ્રો મહોદરઃ ॥

કુલિશેશો વજ્રયોનિર્ વજ્રમણ્ડો નભોપમઃ
અચલૈકજટાટોપો ગજચર્મપટાર્દ્રધૃક્ ॥

હાહાકારો મહાઘોરો હીહીકારો ભયાનકઃ
અટ્ટહાસો મહાહાસો વજ્રહાસો મહારવઃ ॥

વજ્રસત્વો મહાસત્વો વજ્રરાજો મહાસુખઃ
વજ્રચણ્ડો મહામોદો વજ્રહૂંકારહૂંકૃતિઃ ॥

વજ્રબાણાયુધધરો વજ્રખડ્ગો નિકૃન્તનઃ
વિશ્વવજ્રધરો વજ્રી એકવજ્રી રણંજહઃ ॥

વજ્રજ્વાલાકરાલાક્ષો વજ્રજ્વાલાશિરોરુહઃ
વજ્રાવેશો મહાવેશઃ શતાક્ષો વજ્રલોચનઃ ॥

વજ્રરોમાઙ્કુરતનુર્ વજ્રરોમૈકવિગ્રહઃ
વજ્રકોટિનખારમ્ભો વજ્રસારઘનચ્છવિઃ ॥

વજ્રમાલાધરઃ શ્રીમાં વજ્રાભરણભૂષિતઃ
હાહાટ્ટહાસ નિર્ઘોષો વજ્રઘોષઃ ષડક્ષરઃ ॥

મઞ્જુઘોષો મહાનાદસ્ ત્રૈલોક્યૈકવરો મહાન્
આકાશધાતુપર્યન્તો ઘોષો ઘોષવતાં વરઃ ॥

તથાતાભૂતનૈરાત્મ્યં ભૂતકોટિર્ અનક્ષરઃ
શૂન્યતાવાદિવૃષભો ગમ્ભીરોદારગર્જનઃ ॥

ધર્મશઙ્ખો મહાશબ્દો ધર્મગણ્ડી મહારણઃ
અપ્રતિષ્ઠિતનિર્વાણો દશદિગ્ધર્મદુન્દુભિઃ ॥

અરૂપો રૂપવાન્ અગ્ર્યો નાનારૂપો મનોમયઃ
સર્વરૂપાવભાસશ્રીર્ અશેષપ્રતિબિમ્બધૃક્ ॥

અપ્રધૃષ્યો મહેશાખ્યસ્ ત્રૈધાતુકમહેશ્વરઃ
સમુચ્છ્રિતાર્યમાર્ગસ્થો ધર્મકેતુર્ મહોદયઃ ॥