માનવગૃહ્યસૂત્ર · અધ્યાય 2.18

ઇતિ દ્વિતીયે સપ્તદશઃ ખણ્ડઃ ॥17॥
અષ્ટાદશઃ શણ્ડઃ
ષડાહુતં પ્રતિપદિ પુત્રકામઃ

પયસિ સ્થાલીપાકં શ્રપયિત્વા તસ્ય જુહોતિ--
બ્રહ્મણાગ્નિઃ સંવિદાનો રક્ષોહા બાધાતામિતઃ ।
અમી વા યસ્તે ગર્ભં દુર્ણામા યોનિમાશયે ।
યસ્તે ગર્ભમમી વા દુર્ણામા યોનિમાશયે ।
અગ્નિષ્ઠં બ્રહ્મણા સહ નિષ્ક્રમ્યાદમનીનશત્ ॥
યસ્તે હન્તી પતયન્તં નિષત્સ્નું યઃ સરીસૃપમ્ ।
જાતં યસ્તે જિઘાંસતિ તમિતો નાશયામસિ ॥
યસ્ત્વા સ્વપ્નેન તમસા મોહયિત્વા નિપદ્યતે ।
પ્રજાંયસ્તે જિઘાંસતિ તમિતો નાશયામસિ ॥
યે તે ઘ્નન્ત્યપ્સો ગન્ધર્વા ગોષ્ઠાશ્ચ યે ।
ક્રવ્યાદંસુર દેવિનં તમિતો નાશયામસિ ॥
યસ્ત ઊરુ વિહરત્યન્તરા દમ્પતી શયે ।
યોનિં યો અન્તરારેઢિ તમિતો નાશયામસિ ॥
અભિન્નાણ્ડા વૃદ્ધગર્ભા અરિષ્ઠા જીવસૂકરી ।
વિજાયતાં પ્રજાયતામિયં ભવતુ તોકિની ॥
વિષ્ણુર્યોનિં કલ્પયતુ ત્વષ્ટા રૂપાણિ પિંશતુ ।
આસિઞ્ચતુ પ્રજાપતિર્ધાતા ગર્ભં દધાતુ તે ॥
ગર્ભં ધેહિ સીતીવાલિ ગર્ભં ધેહિ સરસ્વતિ ।
ગર્ભં તે અશ્વિનૌ દેવાવાધત્તાં પુષ્કરસ્રજા ॥
હિરણ્યયી અરણીયં નિર્મન્થતો અશ્વિના ।
તં તે ગર્ભં હવામહે દશમે માસિ સૂતવે ॥
પરં મૃત્યો અનુપરેહિ પન્થાં યસ્તે સ્વ ઇતરો દેવયાનાત્ ।
ચક્ષુષ્મતે શૃણવતે તે બ્રવીમિ માનઃ પ્રજાં રીરિષો મોત વીરાન્ ॥
ઇતિ દ્વાદશગર્ભવેદિન્યઃ ષડાદ્યાઃ સ્થાલીપાકસ્ય ષડુતરા આજ્યસ્ય

જયપ્રભૃતિ સમાનમ્

નૈજમેષં સ્થાલીપાકં શ્રપયિત્વા યથા ષાડાહુતમ્---
નેજમેષ પરાપત સુપુત્રઃ પુનરાપત ।
અસ્યૈ મે પુત્રકામાયૈ પુનરાધેહિ યઃ પુમાન્ ॥
યથેયં પૃથિવી મહ્યમુત્તાના ગર્ભમાદધે ।
એવં તં ગર્ભમાધેહિ દશમે માસિ સૂતવે ॥
વિષ્ણોઃ શ્રેષ્ઠેન રુપેણાસ્યાં નાર્યાં ગવીન્યામ્ ।
પુમાંસં પુત્રમાધેહિ દશમે માસિ સૂતવે ॥
પાકયજ્ઞાન્સમાસાદ્ય એકાજ્યામેકબહિર્ષિ ।
એકં સ્વિષ્ટકૃતં પુર્યન્નાના સત્યપિ દૈવતે નાના સત્યપિ દૈવતે