માનવગૃહ્યસૂત્ર · અધ્યાય 2.15

ઇતિ દ્વિતીયે ચતુર્દશઃ ખણ્ડઃ ॥14॥
પઞ્ચદશઃ ખણ્ડઃ
યદિ દુઃસ્વપ્નં પશ્યેદ્વ્યાહૃતિભિસ્તિલાન્ હુત્વા દિશા ઉપતિષ્ઠેત્ ।
બોધશ્ચ મા પ્રતિબોધશ્ચ પુરસ્તાદ્ગોપાયતામ્ ।
અસ્વપ્નશ્ચ માનવદ્રાણશ્ચ દક્ષિણતો ગોપાયતામ્ ॥
ગોપાયમાનં ચ માં રક્ષમાણં ચ પશ્ચાદ્ ગોપાયતામ્ ।
જાગૃવિશ્ચ મારુન્ધતી ચોત્તરતો ગોપાયતામ્ ॥
વિષ્ણુશ્ચ મે પૃથિવી ચ નાગાશ્ચાધસ્તાદ્ગોપાયતામ્ ।
બૃહસ્પતયશ્ચ મે વિશ્વે ચ મે દેવા દ્યૌશ્ચોપરિષ્ઠાદ્ગોપાયતામ્

એવં યસ્મિંશ્ચોત્પન્ને ઽનર્થાન્ શઙ્કેત

વ્યાહૃતિભિસ્તિલાન્ હુત્વા તપઃ પ્રતિપદ્યેત દ્વાદશરાત્રં ષડ્રાત્રં ત્રિરાત્રમોકરાત્રં વા

યદિ સમુત્પાતં મન્યેત તદ્વા

યદિ પર્વસુ માર્તિકં ભિદ્યતે પાર્થિવમાસિ પૃથિવીં દૃંહસ્વ યોનિં ગચ્છ સ્વાહેત્યપ્સુ પ્રહરેત્

યદ્યર્ચા દહ્યેદ્વા નશ્યેદ્વા પ્રપતેદ્વા પ્રભજેદ્વા પ્રહસેદ્વા પ્રચલેદ્વા, સ્થાલ્યા વા સ્થાલીમાસિચ્ય દક્ષિણોત્તરા વા સ્થાલી ભિદ્યેતોત્તરા વોપલાશે નિયમ્ય દ્વારવંશો વા સ્ફુટેત્ ।
ગૌર્ વા ગાં ધયેત્, સ્ત્રી વા સ્ત્રિયમાહન્યાત્, કર્તસંસર્ગે , હલસંસર્ગે, મુસલપ્રપતને, મુસલંવાવશીર્યેતાન્યસ્મિંશ્ચાદ્ભુત એતાભિર્જુહુયાત્--
સ્વસ્તિ ન ઇન્દ્રો વૃદ્ધશ્રવાઃ સ્વસ્તિનઃ પૂષા વિશ્વવેદાઃ ।
સ્વસ્તિ નસ્તાર્ક્ષ્યો અરિષ્ટનેમિઃ સ્વસ્તિનો બૃહસ્પતિર્દધાતુ ।
સ્વસ્તિ નો મિમીતામાશ્વિના ભગઃ સ્વસ્તિ દેવ્યદિતિરનર્વણઃ ।
સ્વસ્તિ પૂષા અસુરો દધાતુ નઃ સ્વસ્તિદ્યાવાપૃથિવી સુચેતુના ॥
સ્વસ્તયે વાયુમુપબ્રવામહૈ સોમં સ્વસ્તિ ભુવનસ્ય યસ્પતિઃ ।
બૃહસ્પતિં સર્વગણં સ્વસ્તયે સ્વસ્તય આદિત્યાસો ભવન્તુ નઃ ॥
વિશ્વે દેવા નો અદ્યા સ્વસ્તયે વૈશ્વાનરો વસુરાગ્નિઃ સ્વસ્તયે ।
દેવા અવન્ત્વૃભવઃ સ્વસ્તયે સ્વસ્તિ નો રુદ્રઃ પાત્વંહસઃ ॥
સ્વસ્તિ નઃ પશ્યાસુ ધન્વસુ સ્વસ્ત્યપ્સુ વ્રજને સ્વર્વતઃ ।
સ્વસ્તિ નઃ પથ્યાકૃતેષુ યોનિષુ સ્વસ્તિ રાયે મનુતો દધાતુ નઃ ॥
ત્રાતારમિન્દ્રં, મા તે અસ્યાં, વિન ઇન્દ્ર, મૃગો ન ભીમસ્તં, શંયોરાવૃણીમહ ઇતિ દશાહુતયઃ

જયપ્રભૃતિ સમાનમ્