માનવગૃહ્યસૂત્ર · અધ્યાય 1.18

ઇતિ સપ્તદશઃ ખણ્ડઃ ॥17॥
અષ્ટાદશઃ ખણ્ડઃ
દશમ્યાં રાત્ર્યાં પુત્રસ્ય નામ દધ્યાદ્ ઘોષવદાદ્યન્તરન્તસ્થં દ્વયક્ષરં ચતુરક્ષરંવા ત્ર્યક્ષરં દાન્તં કુમારીણામ્

તેનાભિવાદયિતું ત્યત્કા પિતુર્નામધેયં યશસ્યં નામધેયં દેવતાશ્રયં નક્ષત્રાશ્રયં દેવતાયાશ્ચ પ્રત્યક્ષમ્ પ્રતિષિદ્ધમ્

સ્નાત્વા સહપુત્રો ઽભ્યુપૈતિ

અથૈનમભિભૃશતિ-ઽઅગ્નેષ્ટ્વા તેજસા સૂર્યસ્ય વર્ચસા વિશ્વેષાં ત્વા દેવાનાં ક્રતુનાભિભૃશામીતિ પ્રક્ષાલિતપાણિર્નવનીતેનાભ્યાજ્યાગ્નૌ પ્રતાપ્ય બ્રાહ્મણાય પ્રોચ્યભિભૃસેદિતિ શ્રુતિઃ

વરં કર્ત્રે દદાતિ

અઙ્ગાદઙ્ગાત્સંભવસિ હૃદયાદધિજાયસે
આત્મા વૈ પુત્રનામાસિ સ જીવ શરદઃ શતમ્ ॥
ઇતિ પ્રવાસાદેત્ય પુત્રસ્ય મૂર્દ્ધનિ જપેત્

ન મધુમાંસે પ્રાશ્નીયાદાપશુબન્ધાત્

સંવત્સરે ચાજાવિભ્યામગ્નિધન્વન્તરી યજેત્