મૈત્રેયવ્યાકરણ · શ્લોક 85-100

સ ચ શક્રઃ સહસ્રાક્ષો દેવરાજો મહાદ્યુતિઃ
પ્રહૃષ્ટઃ પ્રાઞ્જલિં કૃત્વા સ્તોષ્યતે લોકનાયકમ્ ॥

નમસ્ તે પુરુષસિંહ નમસ્ તે પુરુષોત્તમ
અનુકમ્પસ્વ જનતાં ભગવન્ન્ અગ્રપુદ્ગલ ॥

મહર્દ્ધિકો દેવપુત્રસ્ તસ્ય મારો ભવિષ્યતિ
સ ચૈવ પ્રાઞ્જલિં ભૂત્વા સ્તોષ્યતે લોકનાયકમ્ ॥

શુદ્ધાવાસસહસ્રૈશ્ ચ બહુભિઃ પરિવારિતઃ
પ્રવેક્ષતે કેતુમતીં મૈત્રેયો લોકનન્દનઃ ॥

બ્રાહ્મણપરિવારેણ બ્રહ્મા ચૈવ પુરસ્કૃતઃ
કથયિષ્યતિ સદ્ધર્મં બ્રહ્મઘોષમ્ ઉદીરયન્ ॥

આકીર્ણા પૃથિવી સર્વા અર્હદ્ભિશ્ ચ ભવિષ્યતિ
ક્ષીણાસ્રવૈર્ વાન્તદોષૈઃ પ્રહીણભવબન્ધનૈઃ ॥

હૃષ્ટા દેવમનુષ્યાશ્ ચ ગન્ધર્વા યક્ષરાક્ષસાઃ
શાસ્તુઃ પૂજાં કરિષ્યન્તિ નાગાશ્ ચાપિ મહર્દ્ધિકાઃ ॥

તે વૈ નૂનં ભવિષ્યન્તિ અખિલાશ્ છિન્નસંશયાઃ
છિન્નસ્રોતા અનાદાતા ઉત્તીર્ના ભવસાગરાત્
બ્રહ્મચર્યં ચરિષ્યન્તિ મૈત્રેયસ્યાનુશસને ॥

તે વૈ નૂનં ભવિષ્યન્તિ અમમા અપરિગ્રહાઃ
અજાતરૂપરજતા અનિકેતા અસંભવાઃ
બ્રહ્મચર્યં ચરિષ્યન્તિ મૈત્રેયસ્યાનુશસને ॥

તે વૈ નૂનં ભવિષ્યન્તિ છિન્નજાલમ્ અશક્તિકાઃ
ધ્યાનાન્ય્ ઉપસંપાદ્ય પ્રીતિસૌખ્યસમન્વિતાઃ
બ્રહ્મચર્યં ચરિષ્યન્તિ મૈત્રેયસ્યાનુશસને ॥

ષષ્ટિવર્ષસહસ્રાણિ મૈત્રેયો દ્વિપદોત્તમઃ
દેશયિષ્યતિ સદ્ધર્મં સર્વભૂતાનુકમ્પકઃ ॥

શતલક્ષસહસ્રાણિ પ્રાણિનં સ વિનાયકઃ
વિનયિત્વા ચ સદ્ધર્મે તતો નિર્વાણમ્ એષ્યતિ ॥

પરિનિર્વૃતસ્ય તસ્યૈવ મૈત્રેયસ્ય મહામુનેઃ
દશવર્ષસહસ્રાણિ સદ્ધર્મઃ સ્થાસ્યતે તદા ॥

પ્રસાદયિષ્યથ ચિત્તાનિ તસ્મિં શાક્યમુનૌ જિને
તતો દ્રક્ષ્યથ મૈત્રેયં સંબુદ્ધં દ્વિપદોત્તમમ્ ॥

ઇદમ્ આશ્ચર્યકં શ્રુત્વા ઇમામ્ ઋદ્ધિમ્ અનુત્તમામ્
કો વિદ્વાન્ ન પ્રસીદેત અપિ કૃષ્ણાભિજાતિકઃ ॥

તસ્માદ્ ઇહાત્મકામેન માહાત્મ્યમ્ અભિકાંક્ષતા
સદ્ધર્મો ગુરુકર્તવ્યઃ સ્મરતાં બુદ્ધશાસનમ્ ॥