મૈત્રેયવ્યાકરણ (અન્ય આવૃત્તિ) · શ્લોક 101-108

ષષ્ઠિં વર્ષ સહસ્રાણિ મૈત્રેયો દ્વિપદોત્તમઃ ।
દેશયિષ્યતિ સદ્ધર્મં શાસ્તા લોકાનુકમ્પયા

શતાનિ ચ સહસ્રાણિ પ્રાણિણાં સ વિનાયકઃ ।
વિનીય ધર્મકાયેન તતો નિર્વાણમેષ્યતિ

તસ્મિંશ્ચ નિર્વૃતે ધીરે મૈત્રેયે દ્વિપદોત્તમે ।
દશવર્ષસહસ્રાણિ સદ્ધર્મં સ્થાસ્યતિ ક્ષિતૌ

પ્રસાદયતિ ચિત્તાનિ તસ્માચ્છાક્યમુનૌ જિને ।
તતોદૃક્ષથ મૈત્રેયં સંબુદ્ધં દ્વિપદોત્તમમ્

તસ્માદ્ધર્મે ચ બુદ્ધે ચ સંઘે ચાપિ ગણોત્તમે ।
પ્રસાદયતિ ચિત્તાનિ ભવિષ્યતિ મહર્દ્ધિકં

તં તાદૃશં કારુણિકં મૈત્રેયં દ્વિપદોત્તમં ।
આરાધયિત્વા કાલેન તતો નિર્વાણમેષ્યથ

ઇદમાશ્ચર્યકં શ્રુત્વા દૃષ્ટ્વા ચ વિભવાનલ્પિકાં ।
કો વિદ્વાન્ન પ્રસીદેત અપિ કૃષ્ણાસુ જાતિષુ

તસ્માદિહાત્મકામેન માહાત્મયમભિકાંક્ષતાઃ ।
સદ્ધર્મો ગુરુકર્ત્તવ્યઃ સ્મરતા બુદ્ધશાસનમ્