મહાસાહસ્રપ્રમર્દની · ભાગ 2121

એવમ્ ઉક્તાસ્ તે ભિક્ષવો ભગવન્તમ્ એતદ્ અવોચત્ ।
યાનીમાનિ ભદન્ત ભગવન્ પઞ્ચમહારક્ષાસૂત્રાણિ ભાષિતાનિ । સ્યાદ્ યથેદમ્ । મહાસાહસ્રપ્રમર્દની । મહામાયૂરી મહાશીતવતી મહાપ્રતિસરા મહામન્ત્રાનુસારણી ચેતિ । તાનિ ચ ભગવતા પઞ્ચામિષપરિવર્જિનેનાનુજ્ઞતાનિ વાચયિતવ્યાનિ । પિણ્ડપાત્રં ચ ભોજનં નિશ્રાય પ્રવ્રજ્યા વ્યાકૃતા । અલ્પં ચ ભગવન્ પિણ્ડપાત્રં પઞ્ચામિષપરિવર્જિતમ્ । ઇદમ્ એવ બહુતરં યદ્ ઇદં પઞ્ચામિષસંસૃષ્ટં તત્ર વયં ભગવન્ કથં પ્રતિપદ્યામઃ ॥
એવમ્ ઉક્તે ભગવાન્ તાન્ ભિક્ષૂન્ એતદ્ અવોચત્ ।
તેન હિ ભિક્ષવો યો હ્ય્ એતત્ મહાસાહસ્રપ્રમર્દનીસૂત્રં ધારયિતવ્યમ્ । તેનાક્ષતેયં ધારણી આત્મરક્ષાયૈ ધારયિતવ્યા । તેન હિ પિણ્ડપાત્રં પરિગૃહીતા આહારે પ્રતિકૂલસંજ્ઞોત્પાદયિતવ્યા । પઞ્ચામિષસંસૃષ્ટપિણ્ડપાત્રે પઞ્ચામિષપરિવર્જિતસંજ્ઞોત્પાદયિતવ્યા । સર્વસંસ્કૃતે અનિત્યસંજ્ઞા । અનિત્યે દુઃખસંજ્ઞા । દુઃખે અનાત્મસંજ્ઞા । અનાત્મન્ય્ અશુભસંજ્ઞોત્પાદયિતવ્યા । કુતઃ પઞ્ચામિષાણિ કસ્ય વા પઞ્ચામિષાણિ । કો વા પઞ્ચામિષાણિ પરિભોજ્યન્તે । નાસ્તિ સત્વઃ કુતઃ સત્વઃ । સ સત્વો નોપલભ્યતે । તત્ર ચાહાર પઞ્ચામિષાસંસૃષ્ટસંજ્ઞકરણીયા । આત્મરક્ષા અષ્ટમ્યાં ચતુર્દશ્યાં પઞ્ચદશ્યાં ચ રાજગોત્રાય કન્યાય સુસ્નાતાય સુભૂષિતાય અહોરાત્રો વપુષ્ટાય પઞ્ચશિક્ષાપદપરિગૃહીતયા લોહિતં સૂત્રં ચતુર્ગુણં કારયિત્વા મન્ત્રધારેણ વિદ્યા સ્મરયિતવ્યા । ગ્રન્થિં કૃત્વા તત્ સૂત્રં નવેન શસ્ત્રેણ ચ્છિત્વા દગ્ધા રત્નભણ્ડો વા ઉદકપરિપૂર્ણં કૃત્વા પુષ્પૈર્ આચ્છાદયિત્વા નાનાગન્ધેન ધૂપયિત્વા ઇયં વિદ્યા આવર્તયિતવ્યા । યાવત્ તજ્ જાતં સૂત્રં ભાજને પ્રાદુર્ભવતિ । તચ્ ચ પાણૌ બન્ધયિત્વા વાચ્યમ્ ॥
બ્રહ્મણૈર્ વિપ્રલબ્ધેન શાક્યસિંહેન તાયિના ।
સ વિષં ગિરિગુપ્તેન ભોજનમ્ ઉપનામિતમ્ ॥
પ્રતિગૃહ્ય તતઃ શાસ્તા નિર્વિષીકૃત્ય ભોજિનામ્ ।
એતેન સત્યવાક્યેન અમૃતં ભોન્તુ ભોજનમ્ ॥
વિપશ્યિનો દેવતાયાઃ શિખિનો વિશ્વભુવસ્ તથા ।
ક્રકુચ્છન્દપ્રસન્નાચ્ ચ દેવતાયા મહાબલાઃ ॥
કનકાખ્યદેવેન્દ્રાઃ શ્રીમતઃ કાશ્યપસ્ય ચ ।
પ્રસન્નાઃ શાક્યસિંહસ્ય બ્રહ્મેન્દ્રાસ્ ત્રિદેશેશ્વરાઃ ॥
ચત્વારો લોકપાલાશ્ ચ માણિભદ્રો મહેશ્વરઃ ।
રાક્ષસી ચ મહાકાલી ચણ્ડચણ્ડાલિની તથા ॥
ઇદં પુષ્પં ચ ગન્ધં ચ પ્રતિગૃહ્ણન્તુ મમાહુતિમ્ ।
પ્રીણિતા પૂજિતા ભૂત્વા એતે શોધન્તુ ભોજનમ્ ॥
પઞ્ચામિષેણ સંસૃષ્ટમ્ અસંસૃષ્ટં કરોન્તુ મે ।
અપઞ્ચામિષસંસૃષ્ટં સર્વં ભુજામિ ભોજનમ્ ॥
સર્વેષાં બીજગ્રામાણાં પ્રતિષ્ઠા પૃથિવીરસાઃ ।
સર્વભોજનસંસૃષ્ટમ્ અસંસૃષ્ટં ભવન્તુ મે ॥
છિન્નં દગ્ધં યથા સૂત્રં તાદૃશં ભવતે પુનઃ ।
તથા ભોજનસંસૃષ્ટમ્ અસંસૃષ્ટં કરોન્તુ મે ॥
સ્યાદ્ યથેદમ્ ।
ખખમે । ખખ ખખ । ખુખુમે । સિમે સિમે । સિહુને । સિમિ સિમે । સ્વસ્તિ સ્વસ્તિ સ્વસ્તિ સ્વસ્તિ । શાન્તિ શાન્તિ સારાગ્રિ । પઞ્ચામિષેણ સંસૃષ્ટં યથા હાર નિરામિષમ્ । યેન દગ્ધં યથા સૂત્રં સત્યં કુર્વન્તુ તાદૃશમ્ ॥
સ્યાદ્ યથેદમ્ ॥
કલકે । કલલે । બલનિકરુણલાયે । ખલુમે । અગ્નિસંક્રામનિ સ્વાહા ॥
વિપશ્યિબુદ્ધં શરણમ્ ઉપૈમિ । શિખિનં ચ બુદ્ધં સુગતં ચ વિશ્વભુમ્ । ક્રકુચ્છન્દબુદ્ધં કનકમુનિં ચ કાશ્યપમ્ । વિશારદં શક્યમુનિં ચ ગૌતમમ્ । એતેન સપ્તાન્ નરોત્તમાનાં પુષ્પૈશ્ ચ ગન્ધૈશ્ ચ શરીરપૂજાં કાયેન વાચા ( મ્સ્પ્ 43 ) મનસા ચ કૃત્વા પ્રસન્નચિત્તશરણં હ્ય્ ઉપૈમિ । એતેષુ બુદ્ધેષુ મહર્દ્ધિકેષુ યા દેવતાઃ સન્તિ અભિપ્રસન્નાઃ । તા દેવતા આત્તમના ઉદગ્રાઃ કુર્વન્તિ શાન્તિં ચ નિત્યમ્ । સ્વસ્ત્ય્ અસ્તુ મમ સર્વસત્વાનાં ચ સ્વાહા ॥
ઇદમ્ અવોચદ્ ભગવાન્ આત્તમનાસ્ તે ચ ભિક્ષવો બોધિસત્વા સા ચ સર્વાવતી પર્ષત્ સદેવમાનુષાસુરગન્ધર્વશ્ ચ લોકો ભગવતો ભાષિતમ્ અભ્યનન્દન્ન્ ઇતિ ॥
આર્યમહાસાહસ્રપ્રમર્દની નમ મહાયાનસૂત્રં સમાપ્તમ્ ॥