મહાપરિનિર્વાણસૂત્ર · અધ્યાય 12

(અથામ્રપાલિસ્ તામ્ એવ રાત્રિં શુચિં પ્રણીતં ખાદનીયભોજનીયં સમુદાનીય કાલ્યમ્ એવોત્થાય આસનકાનિ પ્રજ્ઞ)પ્યોદકમણિં પ્રતિષ્ઠાપ્ય ભ(ગવતો દૂતેન કાલમ્ આરોચયતિ ॥)

(સમયો ભો ગૌતમો સદ્યો ભક્તં યસ્યેદાનીં ભવાઙ્ ગૌતમઃ કાલં મન્યતે ॥)

(અથ ભગવાન્ પૂર્વાહ્ણે નિવસ્ય પા)ત્રચીવરમ્ આદાય ભિક્ષુસંઘપ(રિવૃતો ભિક્ષુસંઘપુરસ્કૃતો યેનામ્રપાલ્યા ગણિકાયા ભક્તાભિસારસ્ તેનોપજગામ ॥ ઉપેત્ય પુરસ્તાદ્ ભિક્ષુસંઘસ્ય પ્રજ્ઞપ્ત એવાસને ન્ય)ષીદત્ ॥

અથામ્રપાલિઃ સુખોપનિષણ્ણં બુદ્ધપ્રમુખં ભિક્ષુસંઘં વિદિત્વા શુ(ચિન્)આ પ્રણીતે(ન ખાદની)યભોજનીયેન સ્વહસ્તં સન્તર્પયતિ સંપ્રવારયતિ ॥ શુચિના પ્રણીતેન ખાદનીયભોજનીયેન સ્વહસ્તં સન્તર્પયિત્વા સંપ્રવારયિત્વા

ભગવન્તં ભુક્તવ્(અન્)ત્(અં) વિદિત્વા ધૌતહસ્તમ્ અપનીતપાત્રં નીચતરકમ્ આસનં ગૃહીત્વા ભગવતઃ પુરતો નિષણ્ણા ધર્મશ્રવણાય ॥

અથ ભગવાન્ આમ્રપાલ્યાસ્ તદ્ દાનમ્ અનયાભ્યનુમોદનયાભ્યનુમોદતે ।

દદત્ પ્રિયો ભવતિ ભજન્તિ તં જનાઃ
કીર્તિં સમાપ્નોતિ યશશ્ ચ વર્ધતે ॥
અમ(દ્)ગુ(ભૂ)તઃ પરિષદં વિગાહતે
વિશારદો ભવતિ નરો હ્ય્ અમત્સરી । 1

તસ્માદ્ ધિ દાનાનિ દદતિ પણ્ડિતા
વિનીય માત્સર્યમલં સુખૈષિણઃ ॥
તે દીર્ઘરાત્રં ત્રિદશે પ્રતિષ્ઠિતા
દેવાનાં સ્વભાવગતા રમન્તિ ત્(એ) । 2

કૃતાયુષાઃ કૃતકુશલા ઇતશ્ ચ્યુતાઃ
સ્વયંપ્રભા અનુવિચરન્તિ નન્દને ॥
(તે) તત્ર ક્રીડન્તિ રમન્તિ ચોભયં
સમર્પિતાઃ કામગુણૈસ્ તુ પઞ્ચભિઃ ॥
શ્રુત્વેહ વાક્યમ્ અસિતસ્ય તાયિનઃ
સ્વર્ગે રમન્તે સુગતસ્ય શ્રાવકાઃ । 3

અથ ભગવાન્ આમ્રપાલિ(ં) ધાર્મ્ય્(આ) કથયા સન્દર્શયિત્વા સમાદાપયિત્વા સમુત્તેજયિત્વા સંપ્રહર્ષયિત્વોત્થાયાસનાત્ પ્રક્રાન્તઃ ॥