મહાભારત · અધ્યાય 6.24

કેષાં પ્રહૃષ્ટાસ્તત્રાગ્રે યોધા યુધ્યન્તિ સઞ્જય ।
ઉદગ્રમનસઃ કે વા કે વા દીના વિચેતસઃ ॥

કે પૂર્વં પ્રાહરંસ્તત્ર યુદ્ધે હૃદયકમ્પને ।
મામકાઃ પાણ્ડવેયા વા તન્મમાચક્ષ્વ સઞ્જય ॥

કસ્ય સેનાસમુદયે ગન્ધો માલ્યસમુદ્ભવઃ ।
વાયુઃ પ્રદક્ષિણશ્ચૈવ યોધાનામભિગર્જતામ્ ॥
સઞ્જય ઉવાચ ।

ઉભયોઃ સેનયોસ્તત્ર યોધા જહૃષિરે તદા ।
સ્રજઃ સમાઃ સુગન્ધાનામુભયત્ર સમુદ્ભવઃ ॥

સંહતાનામનીકાનાં વ્યૂઢાનાં ભરતર્ષભ ।
સંસર્ગાત્સમુદીર્ણાનાં વિમર્દઃ સુમહાનભૂત્ ॥

વાદિત્રશબ્દસ્તુમુલઃ શઙ્ખભેરીવિમિશ્રિતઃ ।
શૂરાણાં રણશૂરાણાં ગર્જતામિતરેતરમ્ ॥

ઉભયોઃ સેનયો રાજન્મહાન્વ્યતિકરોઽભવત્ । અન્યોન્યં વીક્ષમાણાનાં યોધાનાં ભરતર્ષભ ।
કુઞ્જરાણાં ચ નદતાં સૈન્યાનાં ચ પ્રહૃષ્યતામ્ ॥