મહાભારત · અધ્યાય 5.53

યથૈવ પાણ્ડવાઃ સર્વે પરાક્રાન્તા જિગીષવઃ ।
તથૌભિસરાસ્તેષાં ત્યક્તાત્માનો જયે ધૃતાઃ ॥

॥ હિ પરાક્રાન્તાનાચક્ષીથાઃ પરાન્મમ ।
પાઞ્ચાલાન્કેકયાન્મત્સ્યાન્માગધાન્વત્સભૂમિપાન્ ॥

યશ્ચ સેન્દ્રાનિમાઁલ્લોકાનિચ્છન્કુર્યાદ્વશે બલી ।
સ સ્રષ્ટા જગતઃ કૃષ્ણઃ પાણ્ડવાનાં જયે ધૃતઃ ॥

સમસ્તામર્જુનાદ્વિદ્યાં સાત્યકિઃ ક્ષિપ્રમાપ્તવાન્ ।
શૈનેયઃ સમરે સ્થાતા બીજવત્પ્રવપઞ્શરાન્ ॥

ધૃષ્ટદ્યુમ્નશ્ચ પાઞ્ચાલ્યઃ ક્રૂરકર્મા મહારથઃ ।
મામકેષુ રણં કર્તા બલેષુ પરમાસ્ત્રવિત્ ॥

યુધિષ્ઠિરસ્ય ચ ક્રોધાદર્જુનસ્ય ચ વિક્રમાત્ ।
મયાભ્યાં ભીમસેનાચ્ચ ભયં મે તાત જાયતે ॥

અમાનુષં મનુષ્યેન્દ્રૈર્જાલં વિતતમન્તરા ।
ન મે સૈન્યાસ્તરિષ્યન્તિ તતઃ ક્રોશામિ સઞ્જય ॥

દર્શનીયો મનસ્વી ચ લક્ષ્મીવાન્બ્રહ્મવર્ચસી ।
મેધાવી સુકૃતપ્રજ્ઞો ધર્માત્મા પાણ્ડુનન્દનઃ ॥

મિત્રામાત્યૈઃ સુસમ્પન્નઃ સમ્પન્નો યુદ્ધયોજકૈઃ ।
ભ્રાતૃભિઃ શ્વશુરૈર્વીરૈરુપપન્નો મહારથૈઃ ॥

ધૃત્યા ચ પુરુષવ્યાઘ્રો નૈભૃત્યેન ચ પાણ્ડવઃ ।
અનુશંસો વદાન્યશ્ચ હીમાન્સત્યપરાક્રમઃ ॥

બહુશ્રુતઃ કૃતાત્મા ચ વૃદ્ધસેવી જિતેન્દ્રિયઃ ।
તં સર્વગુણસમ્પન્નં સમિદ્ધમિવ પાવકમ્ ॥

તપન્તમભિ કો મન્દઃ પતિષ્યતિ પતઙ્ગવત્ ।
પાણ્ડવાગ્નિમનાવાર્યં મુમૂર્ષુર્નષ્ટચેતનઃ ॥

તનુરુચ્ચઃ શિખી રાજા મિથ્યોપચરિતો મયા ।
મન્દાનાં મમ પુત્રાણાં યુદ્ધેનાન્તં કરિષ્યતિ ॥

તૈરયુદ્ધં સાધુ મન્યે કુરવસ્તન્નિબોધત ।
યુદ્ધે વિનાશઃ કૃત્સ્નસ્ય કુલસ્ય ભવિતા ધ્રુવમ્ ॥

એષા મે પરમા બુદ્ધિર્યયા શામ્યતિ મે મનઃ ।
યદિ ત્વયુદ્ધમિષ્ટં વો વયં શાન્ત્યૈ યતામહે ॥

ન તુ નઃ ક્લિશ્યમાનાનામુપેક્ષેત યુધિષ્ઠિરઃ ।
જુગુપ્સતિ હ્યધર્મેણ મામેવોદ્દિશ્ય કારણમ્ ॥