મહાભારત · અધ્યાય 5.25

સમાગતાઃ પાણ્ડવાઃ સૃઞ્જયાશ્ચ જનાર્દનો યુયુધાનો વિરાટઃ ।
યત્તે વાક્યં ધૃતરાષ્ટ્રાનુશિષ્ટં ગાવલ્ગણે બ્રૂહિ તત્સૂતપુત્ર ॥
સઞ્જય ઉવાચ ।

અજાતશત્રું ચ વૃકોદરં ચ ધનઞ્જયં માદ્રવતીસુતૌ ચ ।
આમન્ત્રયે વાસુદેવં ચ શૌરિં યુયુધાનં ચેકિતાનં વિરાટમ્ ॥

પઞ્ચાલાનામધિપં ચૈવ વૃદ્ધં ધૃષ્ટદ્યુમ્નં પાર્ષતં યાજ્ઞસેનિમ્ ।
સર્વે વાચં શૃણુતેમાં મદીયાં વક્ષ્યામિ યાં ભૂતિમિચ્છન્કુરૂણામ્ ॥

શમં રાજા ધૃતરાષ્ટ્રોઽભિનન્દ- ન્નયોજયત્ત્વરમાણો રથં મે ।
સભ્રાતૃપુત્રસ્વજનસ્ય રાજ્ઞ- સ્તદ્રોચતાં પાણ્ડવાનાં શમોઽસ્તુ ॥

સર્વૈર્ધર્મૈઃ સમુપેતાસ્તુ પાર્થાઃ સંસ્થાનેન માર્દનેવાર્જવેન ।
જાતાઃ કુલે હ્યનૃશંસા વદાન્યા હીનિષેવાઃ કર્મણાં નિશ્ચયજ્ઞાઃ ॥

ન યુજ્યતે કર્મ યુષ્માસુ હીનં સત્વં હિ વસ્તાદૃશં ભીમસેનાઃ ।
ઉદ્ભાસતે હ્યઞ્જનબિન્દુવત્ત- ચ્છુભ્રે વસ્ત્રે યદ્ભવેત્કિલ્બિષં વઃ ॥

સર્વક્ષયો દૃશ્યતે યત્ર કૃત્સ્નઃ પાપોદયો ભાવસંસ્થઃ કુરૂણામ્ ।
કસ્તત્ર કુર્યાઞ્જાતુ કર્મ પ્રજાનન્ પરાજયો યત્ર સમો જયશ્ચ ॥

તે વૈ ધન્યા યૈઃ કૃતં જ્ઞાતિકાર્યં તે વૈ પુત્રાઃ સુહૃદો બાન્ધવાશ્ચ ।
ઉપક્રુષ્ટં જીવિતં સન્ત્યજેયુ- ર્યતઃ કુરૂણાં નિયતો વૈ ભવઃ સ્યાત્ ॥

તે ચેત્કુરૂનનુશિષ્યાથ પાર્થા નિર્ણીય સર્વાન્દ્વિષતો નિગૃહ્ય ।
સમં વસ્તજ્જીવિતં મૃત્યુન સ્યા- દ્યજ્જીવધ્વં જ્ઞાતિવધેન સાધુ ॥

કો હ્યેવ યુષ્માન્સહ કેશવેન સચેકિતાનાન્પાર્ષતબાહુગુપ્તાન્ ।
સસાત્યકીન્વિષહેત પ્રજેતું લબ્ધ્વાઽપિ દેવાન્સચિવાન્સહેન્દ્રાન્ ॥

કો વા કુરૂન્દ્રોણભીષ્માભિગુપ્તા- નશ્વત્થામ્ના શલ્યકૃપાદિભિશ્ચ ।
રણે વિજેતું વિષહેત રાજન્ રાધેયગુપ્તાન્સહ ભૂમિપાલૈઃ ॥

મહદ્બલં ધાર્તરાષ્ટ્રસ્ય રાજ્ઞઃ કો વૈ શક્તો હન્તુમક્ષીયમાણઃ ।
સોઽહં જયે ચૈવ પરાજયે ચ નિઃશ્રેયસં નાધિગચ્છામિ કિઞ્ચિત્ ॥

કથં હિ નીચા ઇવ દૌષ્કુલેયા નિર્ધર્માર્થં કર્મ કુર્યુશ્ચ પાર્થાઃ ।
સોઽહં પ્રસાદ્ય પ્રણતો વાસુદેવં પઞ્ચાલાનામધિપં ચૈવ વૃદ્ધમ્ ॥

કૃતાઞ્જલિઃ શરણં વઃ પ્રપદ્યે કથં સ્વસ્તિ સ્યાત્કુરુસૃઞ્જયાનામ્ ।
ન હ્યેવમેવં વચનં વાસુદેવો ધનઞ્જયો વા જાતુ કિઞ્ચિન્ન કુર્યાત્ ॥

પ્રણાન્દદ્યાદ્યાચમાનઃ કુતોઽન્ય- દેતદ્વિદ્વન્સાધનાર્થં બ્રવીમિ ।
એતદ્રાજ્ઞો ભીષ્મપુરોગમસ્ય મતં યદ્વઃ શાન્તિરિહોત્તમા સ્યાત્ ॥