મહાભારત · અધ્યાય 13.253

કૃપયા પરયા પ્રોક્તઃ સર્વેષાં પાપકર્મણામ્ ।
જ્ઞાનસ્ય ચ પરસ્યેહ તન્મે બ્રૂહિ પિતામહ ॥
ભીષ્મ ઉવાચ ।

ઉપાયોઽયં પરપ્રાપ્તૌ પરમઃ પરિકીર્તિતઃ ।
નારાયણાસ્યાનુધ્યાનમર્ચનં યજનં સ્તુતિઃ ॥

શ્રવણં તત્કથાનાં ચ વિદ્વત્સંરક્ષણં તથા । વિદ્વચ્છુશ્રૂષણપ્રીતિરુપદેશાનુપાલનમ્ ।
સ ધ્યાનેન જપેનનાશુ મુચ્યતે પ્રાકૃતોપિ વા ॥

જપશ્ચતુર્વિધઃ પ્રોક્તો વૈદિકસ્તાન્ત્રિકોપિ ચ ।
પૌરાણિકોથ વિદ્વદ્ભિઃ કથિતઃ સ્માર્ત એવ ચ ॥

વિદ્વચ્છુશ્રૂષયા જ્ઞાનં વિદ્વત્સંરક્ષણેન ચ ।
નાસાધ્યં જ્ઞાનિનાં કિઞ્ચિત્તસ્માદ્રક્ષ્યાસ્ત્વયા દ્વિજાઃ ॥

સુવ્રતા બન્ધુહીનૈકા વને પૂર્વં યમેન તુ ।
આસીદાશ્વાસિતા વિદ્વત્સંરક્ષણફલાત્કિલ ॥

વિપ્રસ્ય મરણે હેતુસ્તત્પત્ની પિતૃશોકદા । વૈશ્યા ત્વમતિલાભોઽયં વિપ્રકન્યેતિ સામ્પ્રતમ્ ।

ઇત્યુક્તાઽશ્વાસિતાઽપૃચ્છત્કેનૈવં પાપસંયુતા ।
જાતા વિપ્રકુલે સમ્યક્ શ્રેયશ્ચાપિ બ્રવીહિ મે ॥
યમ ઉવાચ ।

અન્યજન્મનિ વિદ્વાંસં પ્રહારૈરભિપીડિતમ્ ।
ચોરશઙ્કાવિમોક્ષેણ મોક્ષયિત્વા સુજન્મિકા ॥

ઇત્યુક્તાઽષ્ટાક્ષરધ્યાનજપાદિશ્રેયસંયુતા ।
યમેનાનુગૃહીતાઽભૂત્પુણ્યલોકનિવાસિની ॥

તન્નિત્યં વિદુષાં રક્ષા તત્પરોઽભૂર્મહીપતે ।
તેષાં સંરક્ષણાત્સદ્યઃ સર્વપાપૈઃ પ્રમુચ્યતે ॥