મહાભારત · અધ્યાય 13.14

ભૂયસ્તુ શૃણુ રાજેન્દ્ર ધર્માન્ધર્મભૃતાંવર ॥

અત્રાપ્યુદાહરન્તીમમિતિહાસં પુરાતનમ્ ।
ઇન્દ્રાગ્ન્યોઃ સૂર્યશચ્યોશ્ચ તન્મે નિગદતઃ શૃણુ ॥
ઇન્દ્ર ઉવાચ ।

રાજ્યે વિપ્રાન્પ્રપશ્યામિ કામક્રોધવિવર્જિતાન્ ।
એતેન સત્યવાક્યેન પાદઃ કુમ્ભસ્ય પૂર્યતામ્ ॥
અગ્નિરુવાચ ।

યથાઽહં તત્ર નાશ્નામિ યત્ર નાશ્નન્તિ વૈ દ્વિજાઃ એતેન સત્યવાક્યેન પાદઃ કુમ્ભસ્ય પૂર્યતામ્ ॥
સૂર્ય ઉવાચ ।

યથા ગોબ્રાહ્મણસ્યાર્થે ન તપામિ યથાબલમ્ ।
એતેન સત્યવાક્યેન પાદઃ કુમ્ભસ્ય પૂર્યતામ્ ॥
શચ્યુવાચ ।

કર્મણા મનસા વાચા નાવમન્યે પુરન્દરમ્ ।
એતેન સત્યવાક્યેન પાદઃ કુમ્ભસ્ય પૂર્યતામ્ ॥