મધ્યમકાવતાર · અધ્યાય 5

અસ્યાં ભૂમૌ તસ્ય આત્મદૃષ્ટિક્ષયો ઽપિ ભવતિ- તથા- "જિનપુત્રા, બોધિસત્ત્વસ્ય અસ્યામર્ચિષ્મત્યાં બોધિસત્ત્વભૂમૌ સ્થિતસ્ય યાનીમાનિ સત્કાયદૃષ્ટિપૂર્વઙ્ગમાનિ આત્મસત્ત્વજીવપોષ (પુરુષ) પુદલસ્કન્ધધાત્વાયતનાભિનિવેશસમુચ્છ્રિતાનિ ઉન્મર્જ્જિતાનિ નિમજ્જિતાનિ વિચિન્તિતાનિ વિતર્કિતાનિ કેલાયિતાનિ મમાયિતાનિ ધનાયિતાનિ નિકેતસ્થાનાનિ, તાનિ સર્વાણિ વિગતાનિ ભવન્તિ સ્મ ।" ઇત્યુક્તમ્ ।
ઇતિ મધ્યમકાવતારભાષ્યે ઽર્ચિષ્મતી નામ ચતુર્થશ્ચિત્તોત્પાદઃ ।
5. પઞ્ચમશ્ચિત્તોત્પાદઃ
સમ્પ્રતિ પઞ્ચમચિત્તોત્પાદાધિકારઃ-
સ દુર્જયાભૂમિગતો મહાત્મા ક્ષમો ન જેતું હ્યપિ સર્વમારૈઃ ।
પઞ્ચમબોધિસત્ત્વભૂમૌ સ્થિતો બોધિસત્ત્વસ્તુ સર્વલોકધાતુસ્થિતૈર્દેવપુત્રમારૈરપિ જેતું ન ક્ષમઃ તત્પરેષાં મારકિઙ્કરાદીનાં કઃ પુનર્વાદઃ? અત એવ અસ્યા ભૂમેર્નામ સુદુર્જયેતિ । બોધિસત્ત્વસ્તુ-
ધ્યાને વિશિષ્ટે સુમતેશ્ચ સત્યસૂક્ષ્મસ્વભાવાધિગમે ઽતિદક્ષઃ