લક્ષ્મીતન્ત્રમ્ · અધ્યાય 52

દ્વિપઞ્ચાશોઽધ્યાયઃ - 52
શ્રીઃ---
અથ મન્ત્રમયં માર્ગં શૃણુ વત્સ પુરંદર।
પ્રકાશાનન્દરૂપાહં પૂર્ણાહંતા હરેરહમ્

મન્ત્રમાતેતિ માં વિદ્ધિ પ્રાણાખ્યાં શુદ્ધચિન્મયીમ્।
ઉદ્યન્તિ મત્ત એવૈતે યાન્તિ ચાસ્તં મયિ ધ્રુવમ્

અહં ચ બલમેતેષાં મદ્રૂપત્વં વિદન્તિ તે।
એકધા ચ દ્વિધા ચૈવ ત્રિધા ચૈવાહમૂર્જિતા

ચતુર્ધા પઞ્ચધા ષોઢા સપ્તધા ચાષ્ટધા તથા।
તથા ષોડશધા ચૈવ પઞ્ચવિંશતિધા તથા

પઞ્ચાશદ્ધા પુનશ્ચૈવ પુનશ્ચાહં ત્રિષષ્ટિધા।
ઉદેમિ બહુધા ચૈવ ચિન્તામણિરિવેશ્વરી

સ્વરાશ્ચ વ્યઞ્જનાશ્ચૈવ સ્વરવ્યઞ્જનસંહતિઃ।
અક્ષરાણિ પદાન્યેવં વાક્યપ્રકરણૈઃ સહ

આહ્નિકાધ્યાયયોશ્ચૈવ શાસ્રતન્ત્રવ્યવસ્થિતિઃ।
આગમા બહુધા ચૈવ બાહ્યાબાહ્યવ્યવસ્થિતિઃ

લૌકિકા વૈદિકાશ્ચૈવં ભાષાશ્ચ વિવિધાસ્તથા।
મન્ત્રરૂપમિદં વિદ્ધિ સર્વં મદ્રૂપવેદિનામ્

ભાવનાતારતમ્યેન ગ્રાહ્યગ્રાહકસંસ્થિતિઃ।
આસત્તિવિપ્રકર્ષૌ ચ ભાવનાતારતમ્યતઃ

બીજં પિણ્ડં પદં સંજ્ઞેત્યેવં મન્ત્રાશ્ચતુર્વિધાઃ।
તેષાં પ્રધાનતો વિદ્ધિ પઞ્ચ રત્નાનિ વાસવ

મત્સૂક્તે તાનિ બીજાનિ દધ્નિ સર્પિરિવાહિતમ્।
સૂર્યસોમાગ્નિખણ્ડોત્થં નાદવત્ પાકશાસન

યદત્ર સૂર્યરૂપં તજ્જાગ્રત્પદમુદાહૃતમ્।
વહ્નિઃ સ્વાપ્નં સુષિપ્તિશ્ચ સોમો માયા પરાહ્વયા

ખણ્ડં યદિન્દુખણ્ડાખ્યં તુર્યં નાદસ્તતઃ પરમ્।
શક્તિઃ શાન્તાત્મિકાવસ્થા નાદસ્યૈવ તુ સંસ્થિતિઃ

તતઃ પરં તુ યદ્‌ બ્રહ્મ લક્ષ્મીનારાયણં તુ તત્।
સ્વરાણાં ષટ્‌ચતુઃષટ્‌કં સૂર્યાગ્નીન્દુસમુદ્ગતમ્

શેષા વર્ણાઃ સ્વરોત્પન્ના ઇતીયં વર્ણસંસ્થિતિઃ।
ઇતીદં પરમં બીજં સર્વકામફલપ્રદમ્

પુત્રદં પુત્રકામાનાં રાજ્યકામસ્ય રાજ્યદમ્।
ભૂતિદં ભૂતિકામાનાં મોક્ષકામસ્ય મોક્ષદમ્

વિધ્વંસયતિ શત્રૂંશ્ચાપ્યાકર્ષયતિ વાઞ્છિતમ્।
ચિન્તામણરિદં નામ નૈવ ચિન્તામણિર્મણિઃ

તસ્યૈવ ચાનુગં બીજં શકાદ્યં સર્વકામદમ્।
યુગ્મૈર્માયાક્ષરાદેશૈરાદ્યન્તસ્વરષટ્‌કયોઃ

અઙ્ગક્લૃપ્તિરિયં કાર્યા જાતિમુદ્રાસમન્વિતા।
શિષ્ટબીજચતુષ્કસ્યાપ્યેવમેવ વ્યવસ્થિતિઃ

પૂર્ણાહંતાસમાવેશાદાદિબીજસમન્વયાત્।
નાનાવિધો મન્ત્રગણો મદીયત્વં પ્રપદ્યતે

મન્ત્રાણાં દેવતા યા સા સા મચ્છક્ત્યધિનિષ્ઠિતા।
મદ્ભાવભાવિની ચૈવ તસ્માદ્ધ્યેયાસ્મિ તત્ર વૈ

તાં તાં વૈ દેવતાં તત્ર નારીરૂપામનુસ્મરેત્।
તત્તદ્વર્ણાયુધાકારભૂષણાદિસમન્વિતાઃ

મદીયત્વં સમાસાદ્ય તાઃ શીઘ્રફલદાસ્તથા।
ઇતિ તે મન્ત્રમાર્ગોઽયં લેશતઃ શક્ર વર્ણિતઃ

ઇતિ શ્રીપાઞ્ચરાત્રસારે લક્ષ્મીતન્ત્રોદ્ધારે તન્ત્રાર્થસંગ્રહે દ્વિપઞ્ચાશોઽધ્યાયઃ
********ઇતિ દ્વિપઞ્ચાશોઽધ્યાયઃ********