લક્ષ્મીતન્ત્રમ્ · અધ્યાય 48

અષ્ટચત્વારિંશોઽધ્યાયઃ - 48
શ્રીઃ---
વિધિં તૃતીયતન્વા મે જયાયા વૃત્રસૂદન।
શૃણુ સિદ્ધિપ્રકારં ચ સિદ્ધસંઘૈરભિષ્ટુતમ્

કૃત્વા તુ પૂર્વવન્ન્યાસમિષ્ટ્વા ચ હૃદયે જયામ્।
મણ્ડલં પૂર્વવત્ કૃત્વા તન્મધ્યે પઙ્કજં લિખેત્

નીલોત્પલાભતુલ્યેન રજસા ચ સુપત્રકમ્।
તત્રોત્સઙ્ગાતાં વિષ્ણોર્હૃદયાદ્યોજયેજ્જયામ્

કર્ણિકોપરિ મન્ત્રાંશ્ચ ન્યસેત્ પૂર્વક્રમેણ તુ।
કિંતુ ધ્યાનાનિ સર્વેષાં યથાવદવધારય

નીલનીરદવર્ણાશ્ચ પ્રસન્નવદનેક્ષણાઃ।
પીતામ્બરધરાઃ સર્વાઃ સખ્યઃ કનકકુણ્ડલાઃ

સિતચામરહસ્તાશ્ચ ચિત્રવેત્રલતોદ્યતાઃ।
નિરીક્ષમાણા વદનં જયાયા અજિતસ્ય ચ

કુન્દકુડ્‌મલવર્ણાભાઃ પ્રસન્નમુખપઙ્કજાઃ।
રક્તામ્બરધરાશ્ચૈવ ચતુર્હસ્તા મહાબલાઃ

ધનુર્બાણકરાશ્ચૈવ ગદાચક્રકરાન્વિતાઃ।
ચત્વારોઽનુચરા ધ્યેયાઃ પુષ્પાભરણભૂષિતાઃ

સર્વાશ્ચ દર્શયેન્મુદ્રાઃ પ્રતિસ્વં યાઃ પ્રકીર્તિતાઃ।
પૂજયેચ્ચ તતો ભક્ત્યા હોમં કુર્યાદનન્તરમ્

તિલૈઃ સિદ્ધાર્થકોપેતૈર્હવિષા ગુલ્ગુલેન ચ।
હોમાવસાને મન્ત્રી સ્વં કૃત્વા રૂપં જયાત્મકમ્

જયાહમિતિ વૈ બુદ્ધ્વા ચેતસોપસ્થિતં મહત્।
તીરસ્થાનં સમાસાદ્ય નિઃશઙ્કં જનવર્જિતમ્

વર્મણાસ્રેણ દિગ્બન્ધં કૃત્વા દુષ્ટનિબર્હણમ્।
પ્રારભેત જપં પશ્ચાત્ પયોઽન્નફલભુક્ સદા

પ્રણિપત્ય હરિં ભક્ત્યા પ્રાક્ સ્વમન્ત્રેણ વાસવ।
એકાન્તશીલો લઘ્વાશી મૌની ધ્યાનપરાયણઃ

જપેલ્લક્ષચતુષ્કં તુ જપાન્તે હોમમાચરેત્।
સમિત્ પ્રાદેશમાત્રા તુ રક્તચન્દનસંભવા

તાસામયુતમવ્યગ્રો ઘૃતાક્તાનાં તુ હોમયેત્।
સિદ્ધાર્થૈર્નિયુતે દ્વે ચ મધુમિશ્રૈર્મહામતે

અયુતં નિયુતં ચાથ જુહુયાદસિતૈસ્તિલૈઃ।
મધુત્રિતયસંયુક્તૈરન્તે પૂર્ણાહુતિત્રયમ્

મધુક્ષીરઘૃતૈઃ શક્ર ક્રમેણ પરિહોમયેત્।
તતો ભગવતી દેવી સમાયાતિ જયા સ્વયમ્

સિદ્ધાસ્મીતિ ચ તે પુત્ર મન્મન્ત્રેણ સમાચર।
યદભીષ્ટં તુ વૈ કાર્યં નિઃશઙ્કો વિગતજ્વરઃ

ઇત્યુક્ત્વાદર્શનં યાતિ શક્તિર્નારાયણાત્મિકા।
તતઃ કર્માણિ કુર્વીત વિવિધાનિ ત્વનેકશઃ

લોકેઽસ્મિન્ યાન્યભીષ્ટાનિ સ્વાત્મનશ્ચ પરસ્ય વા।
તત્રાપ્યુદ્દેશતો વક્ષ્યે શૃણુ તત્ત્વેન વજ્રધઃત્

જ્વાલાવદ્રસનાં ધ્યાયેદ્દેવીમન્ત્રેણ સાધકઃ।
ઉદ્‌ગ્રાહયતિ વૈ યસ્ય યસ્મિન્ યસ્મિન્ હિ વસ્તુનિ

વિજિત્ય ન્યાયતસ્તં વૈ જયમાપ્નોત્યયત્નતઃ।
ગજાશ્વશસ્રભૃત્પૂર્ણમપિ સૈન્યં બલાન્વિતમ્

દૃષ્ટ્વાન્યસ્ય સમાયુક્તં હન્તુમભ્યુદ્યતં રણે।
પરિજપ્ય ધનુઃ ખડ્‌ગં ખેટકં બાણપઞ્ચકમ્

પ્રેરયેદ્યસ્ય વૈ દત્ત્વા સ ગત્વા તુ ચમૂમુખમ્।
વિદારયતિ ચૈકાકી જયમાપ્નોતિ શાશ્વતમ્

દ્યાત્વા દક્ષિણપાણિસ્થં ત્રિકોણં ચાગ્નિમણ્ડલમ્।
તન્મધ્યે ચિન્તયેદ્દેવીં પરિવારસમન્વિતામ્

મત્તેબસિંહસર્પાણામશનીનાં ચ દર્શને।
ક્ષિપ્રં પરાઙ્‌મુખા યાન્તિ દૃષ્ટ્વા હસ્તતલં તુ તત્

ખાદિરં મુસલં સ્પૃષ્ટ્વા ચાદાય શતમન્ત્રિતમ્।
કૃત્વા ગત્વા બિલદ્વારં ચતુર્વર્ણં જયાન્વિતમ્

મુસલાહનનાન્યષ્ટૌ દદ્યાત્ તત્ર શનૈઃ શનૈઃ।
દેવીમન્ત્રેણ દેવેશ સ્વાસ્રસંપુટિતેન તુ

ફટ્‌કારાન્તેન તુ તતો બિલયન્ત્રં યજેદથ।
સમસ્તજનસંયુક્તો વિશેત્ સાધકસત્તમઃ

ભિત્ત્વા યન્ત્રાણ્યનેકાનિ જિત્વા દાનવપુંગવાન્।
જનાનાં યોજનં તત્ર કૃત્વા કાન્તાગણૈઃ સહ

પીત્વા તુ સાત્ત્વિકં પાનં સ્વહસ્તેન મહાબલઃ।
સ નિર્યાતિ સ્વમાર્ગેણ તેનૈવ સ્વનિવેશનમ્

કરોતિ યદિ દેવેશ મતિં મન્ત્રી જગત્ત્રયે।
જયં પ્રત્યવિચારેણ ગદાચક્રકરોદ્યતઃ

પાશાઙ્કુશધરો વાથ જયં પ્રાપ્નોતિ નાન્યથા।
લિખેદ્રોચનયા ભૂર્જે કુઙ્કુમેન ઘનેન ચ

સંપુટીકૃત્ય વૈ નામ નિધાય જનમધ્યગમ્।
તદા સુજયમાપ્નોતિ દિવ્યૈઃ સર્વૈસ્તુ લીલયા

વિલિખ્ય ચન્દનેનૈવ પયસા કુઙ્કુમેન ચ।
ધારયેદ્યો ગલે વક્ત્રે કરે વામેઽથ દક્ષિણે

સર્વદા તુ જયં શક્ર સંપ્રાપ્નોત્યવિચારતઃ।
જયાર્થં ત્રિદશેશાન મન્ત્રં વૈ યત્ર કુત્રચિત્

મન્ત્રી પ્રયોજયેચ્છશ્વત્ તત્ર તત્રાપ્નુયાજ્જયમ્।
જયા નામ તૃતીયા મે યા તનુઃ પરિકીર્તિતા।
તસ્યા વિધાનમિત્યેતત્ તવ શક્ર પ્રદર્શિતમ્

ઇતિ શ્રીપાઞ્ચરાત્રસારે લક્ષ્મીતન્ત્રે જયામન્ત્રસિદ્ધિપ્રકાશો નામાષ્ટચત્વારિંશોઽઘ્યાયઃ
********ઇતિ અષ્ટચત્વારિંશોઽધ્યાયઃ********