કુટ્ટનીમત · શ્લોક 1041-1059

દગ્ધ્વાપિ પુનર્દગ્ધો નૂનમનઙ્ગઃ હરેણ તાં તન્વીમ્ ।
દૃષ્ટ્વાપિ યેન તિષ્ઠસિ નિરાકુલઃ સ્વસ્થવૃત્તેન

અથ વિરતોક્તૌ તસ્યામુલ્લાસિતમાનસે ચ નૃપસૂનૌ ।
કશ્ચિદગાયદ્ગીતિં સ્મૃતિસંગતિમાગતાં પ્રસઙ્ગેન

અન્યોન્યગાઢરાગપ્રબલીકૃતચિત્તજન્મનોર્યૂનોઃ ।
કાલાત્યયો મનાગપિ સમાગમાનન્દવિઘ્નકરઃ

શ્રુત્વા સિંહભટસુતઃ પ્રિયાપ્રિયાં પ્રીતિમાન્ સ્મિતપ્રથમમ્ ।
નિજગાદ ચારુભાષિણિ ગીતિકયા સમયસમ્મતં કથિતમ્

અભિનન્દ્ય સા તથેતિ પ્રયયૌ પ્રમદાવતી નિજં ભવનમ્ ।
અકરોચ્ચ વિદિતકાર્યાં યુક્તે ઽવસરે મનોરમાં ગણિકામ્

અથ સા કૃતસંકલ્પા સત્વરમાદાય રુચિરવિચ્છિત્તિમ્ ।
આસાદ્ય નૃપનિશાન્તં વિવેશ સંચારિકાસહિતા

વિહિતનમસ્કૃતિરાસનમધિતષ્ઠૌ નાયકેન નિર્દિષ્ટમ્ ।
પૃષ્ટે ચ દેહકુશલે વિનયાન્વિતમભ્યધાદ્દૂતી

શ્રીમન્નદ્ય શ્રેયઃસમ્પન્ના ગુરુજનાશિષો ઽશેષાઃ ।
અદ્ય મદનઃ પ્રસન્નો ભાગ્યચયૈરદ્ય પરિણતં ફલતઃ

અદ્ય જનની પ્રસૂતા સૌભાગ્યગુણોદયો ઽદ્ય નિષ્ણાતઃ ।
ત્વયિ વિતરતિ સસ્નેહં નિરામયપ્રશ્નભારતીં તસ્યાઃ

ઉત્કલિકાકુલમનસામુદ્રિક્તરિરંસયાભિભૂતાનામ્ ।
ઔદાસીન્યં ભજતાં સમાગતા ભવતિ નાલિકા યૂનામ્

ધૃતસુમનઃશરધનુષા સહાયવાંસ્તિષ્ઠ દયિતયા સાર્ધમ્ ।
યામો વયં ન રાજતિ વિજનસ્થિતમિથુનસંનિધાવપરઃ

એષા નૃત્યશ્રાન્તા મદનેનાયાસિતાતિસુકુમારા ।
ત્વમપિ રતિસમરશૂરઃ સ્વર્ગભુવઃ સન્તુ કુશલાય

યાવદ્યાવદશક્તિં પ્રથયતિ લલના હિ મોહનાક્રાન્તા ।
તાવત્તાવત્પુંસામુત્સાહઃ પલ્લવાન્ સમુત્સૃજતિ

ઇતિ શૂન્યીકૃતવેશ્મનિ હરતિ શનૈઃ સહજમંશુકં તસ્મિન્ ।
દર્શિતસાધ્વસલજ્જા જગાદ સા કિં કરોષીતિ

અયિ મુગ્ધે તત્ક્રિયતે પુરુષાર્થચતુષ્ટયસ્ય યત્સારમ્ ।
ઇતિ નિગદિતસસ્મેરઃ સ્મરવિધુરિત આતતાન રતિકલહમ્

વેર્સેસ્ 1056-1059 અરે fઓઉન્દ્ ઓન્લ્ય્ ઇન્ ત્wઓ નેપલેસે મનુસ્ચ્રિપ્ત્સ્ અન્દ્ ઇન્ ત્wઓ એદિતિઓન્સ્.
નાનાસુરતવિશેષૈરારાધ્ય ચકાર ભુક્તસર્વસ્વમ્ ।
ગણિકાસૌ રાજસુતં ત્વગસ્થિશેષં મુમોચ નાતિચિરાત્

તદ્યન્મયોપદિષ્ટં કામિજનાર્થાપ્તિકારણં તેન ।
મહતીં સમૃદ્ધિમેષ્યસિ કામુકલોકાહૃતેન વિત્તેન

ઇત્યુપદેશશ્રવણપ્રબોધતુષ્ટા જગામ ધામ સ્વમ્ ।
માલત્યપગતમોહા વિકરાલાપાદવન્દનાં કૃત્વા

કાવ્યમિદં યઃ શૃણુતે સમ્યક્કાવ્યાર્થપાલનેનાસૌ ।
નો વઞ્ચ્યતે કદા ચિદ્વિટવેશ્યાધૂર્તકુટ્ટનીભિરિતિ