કૂર્મ પુરાણ · અધ્યાય 1.37

ઇતિ શ્રીકૂર્મપુરાણે ષટ્સાહસ્ત્ર્યાં સંહિતાયાં પૂર્વવિભાગે ષટ્ત્રિંશો ઽધ્યાયઃ
માર્કણ્ડય ઉવાચ
તપનસ્ય સુતા દેવી ત્રિષુ લોકેષુ વિશ્રુતા ।
સમાગતા મહાભાગા યમુના યત્ર નિમ્નગા

યેનૈવ નિઃ સૃતા ગઙ્ગા તેનૈવ યમુના ગતા ।
યોજનાનાં સહસ્ત્રેષુ કીર્તનાત્ પાપનાશની

તત્ર સ્નાત્વા ચ પીત્વા ચ યમુનાયાં યુધિષ્ઠિર ।
સર્વપાપવિનિર્મુક્તઃ પુનાત્યાસપ્તમં કુલમ્ ।
પ્રાણાંસ્ત્યજતિ યસ્તત્ર સ યાતિ પરમાં ગતિમ્

અગ્નિતીર્થમિતિ ખ્યાતં યમુનાદક્ષિણ તટે ।
પશ્ચિમે ધર્મરાજસ્ય તીર્થં ત્વનરકં સ્મૃતમ્ ।
તત્ર સ્નાત્વા દિવં યાન્તિ યે મૃતાસ્તે ઽપુનર્ભવાઃ

કૃષ્ણપક્ષે ચતુર્દશ્યાં સ્નાત્વા સંતર્પયેચ્છુચિઃ ।
ધર્મરાજં મહાપાપૈર્મુચ્યતે નાત્ર સંશયઃ

દશ તીર્થસહસ્ત્રાણિ ત્રિંશત્કોટ્યસ્તથાપરાઃ ।
પ્રયાગે સંસ્થિતાનિ સ્યુરેવમાહુર્મનીષિણઃ

તિસ્ત્રઃ કોટ્યોર્ઽધકોટી ચ તીર્થાનાં વાયુરબ્રવીત્ ।
દિવિ ભૂમ્યન્તરિક્ષે ચ તત્સર્વં જાહ્નવી સ્મૃતા

યત્ર ગઙ્ગા મહાભાગા સ દેશસ્તત્ તપોવનમ્ ।
સિદ્ધિક્ષેત્રં તુ તજ્જ્ઞેયં ગઙ્ગાતીરસમાશ્રિતમ્

યત્ર દેવો મહાદેવો દેવ્યા સહ મહેશ્વરઃ ।
આસ્તે વટેશ્વરો નિત્યં તત્ તીર્થં તત્ તપોવનમ્

ઇદં સત્યં દ્વિજાતીનાં સાધૂનામાત્મજસ્ય ચ ।
સુહૃદાં ચ જપેત્ કર્ણે શિષ્યસ્યાનુગતસ્ય તુ

ઇદં ધન્યમિદં સ્વર્ગ્યમિદં મેધ્યમિદં સુખમ્ ।
ઇદં પુણ્યમિદં રમ્યં પાવનં ધર્મ્યમુત્તમમ્

મહર્ષોણામિદં ગુહ્યં સર્વપાપપ્રમોચનમ્ ।
અત્રાધીત્ય દ્વિજો ઽધ્યાયં નિર્મલત્વમવાપ્નુયાત્

યશ્ચેદં શૃણુયાન્નિત્યં તીર્થં પુણ્યં સદા શુચિઃ ।
જાતિસ્મરિત્વં લભતે નાકપૃષ્ઠે ચ મોદતે

પ્રાપ્યન્તે તાનિતીર્થાનિ સદ્ભિઃ શિષ્ટાનુદર્શિભિઃ ।
સ્નાહિ તીર્થેષુ કૌરવ્ય ન ચ વક્રમતિર્ભવ

એવમુક્ત્વા સ ભગવાન્ માર્કણ્ડેયો મહામુનિઃ ।
તીર્તાનિ કથયામાસ પૃથિવ્યાં યાનિ કાનિચિત્

ભૂસમુદ્રાદિસંસ્થાનં પ્રમાણં જ્યોતિષાં સ્થિતમ્ ।
પૃષ્ટઃ પ્રોવાચ સકલમુક્ત્વાથ પ્રયયો મુનિઃ

ય ઇદં કલ્યમુત્થાય પઠતે ઽથ શૃણોતિ વા ।
મુચ્યતે સર્વપાપેભ્યો રુદ્રલોકં સ ગચ્છતિ