કૂર્મ પુરાણ · અધ્યાય 1.25

ઇતિ શ્રીકૂર્મપૂરાણે ષટ્સાહસ્ત્ર્યાં સંહિતાયાં પૂર્વવિભાગે ચતુર્વિશો ઽધ્યાયઃ
સૂત ઉવાચ
પ્રવિશ્ય મેરુશિખરં કૈલાસં કનકપ્રભમ્ ।
રરામ ભગવાન્ સોમઃ કેશવેન મહેશ્વરઃ

અપશ્યંસ્તં મહાત્માનં કૈલાસગિરિવાસિનઃ ।
પૂજયાઞ્ચક્રિરે કૃષ્ણં દેવદેવમથાચ્યુતમ્

ચતુર્બાહુમુદારાઙ્ગં કાલમેઘસમપ્રભમ્ ।
કિરીટિનં શાર્ઙ્ગપાણિ શ્રીવત્સાઙ્કિતવક્ષસમ્

દીર્ઘબાહું વિશાલાક્ષં પીતવાસસમચ્યુતમ્ ।
દધાનમુરસા માલાં વૈજયન્તીમનુત્તમામ્

ભ્રાજમાનં શ્રિયા દિવ્યં યુવાનમતિકોમલમ્ ।
પદ્માઙ્ઘ્રિનયનં ચારુ સુસ્મિતં સુગતિપ્રદમ્

કદાચિત્ તત્ર લીલાર્થં દેવકીનન્દવર્ધનઃ ।
ભ્રાજમાનઃ શ્રીયા કૃષ્ણશ્ચચાર ગિરિકન્દરે

ગન્ધર્વાપ્સરસાં મુખ્યા નાગકન્યાશ્ચ કૃત્સ્નશઃ ।
સિદ્ધા યક્ષાશ્ચ ગન્ધર્વાસ્તત્ર તત્ર જગન્મયમ્

દૃષ્ટ્વાશ્ચર્યં પરં ગત્વા હર્ષાદુત્ફુલ્લોચનાઃ ।
મુમુચુઃ પુષ્પવર્ષાણિ તસ્ય મૂર્ધ્નિ મહાત્મનઃ

ગન્ધર્વકન્યકા દિવ્યાસ્તદ્વદપ્સરસાં વરાઃ ।
દૃષ્ટ્વા ચકમિરે કૃષ્ણં સ્ત્રસ્તવસ્ત્રવિભૂષણાઃ

કાશ્ચિદ્ ગાયન્તિ વિવિધાં ગીતિં ગીતવિશારદાઃ ।
સંપ્રેક્ષ્ય દેવકીસૂનું સુન્દર્યઃ કામમોહિતાઃ

કાશ્ચિદ્વિલાસબહુલા નૃત્યન્તિ સ્મ તદગ્રતઃ ।
સંપ્રેક્ષ્ય સંસ્થિતાઃ કાશ્ચિત્ પપુસ્તદ્વદનામૃતમ્

કાશ્ચિદ્ ભૂષણવર્યાણિ સ્વાઙ્ગાદાદાય સાદરમ્ ।
ભૂષયાઞ્ચક્રિરે કૃષ્ણં કામિન્યો લોકભૂષણમ્

કાશ્ચિદ્ ભૂષણવર્યાણિ સમાદાય તદઙ્ગતઃ ।
સ્વાત્માનં બૂષયામાસુઃ સ્વાત્મગૈરપિ માધવમ્

કાશ્ચિદાગત્ય કૃષ્ણસ્ય સમીપં કામમોહિતાઃ ।
ચુચુમ્બુર્વદનામ્ભોજં હરેર્મુગ્ધમૃગેક્ષણાઃ

પ્રગૃહ્ય કાશ્ચિદ્ ગોવિન્દં કરેણ ભવનં સ્વકમ્ ।
પ્રાપયામાસુર્લોકાદિં માયયા તસ્ય મોહિતાઃ

તાસાં સ ભગવાન્ કૃષ્ણઃ કામાન્ કમલલોચનઃ ।
બહૂનિ કૃત્વા રૂપાણિ પૂરયામાસ લીલયા

એવં વૈ સુચિરં કાલં દેવદેવપુરે હરિઃ ।
રેમે નારાયણઃ શ્રીમાન્ માયયા મોહયઞ્જગત્

ગતે બહુતિથે કાલે દ્વારવત્યાં નિવાસિનઃ ।
બભૂવુર્વિહ્વલા ભીતા ગોવિન્દવિરહે જનાઃ

તતઃ સુપર્ણો બલવાન્ પૂર્વમેવ વિસજિતઃ ।
કૃષ્ણેન માર્ગમાણસ્તં હિમવન્તં યયૌ ગિરિમ્

અદૃષ્ટ્વા તત્ર ગોવિન્દં પ્રણમ્ય શિરસા મુનિમ્ ।
આજગામોપમન્યું તં પુરીં દ્વારવતીં પુનઃ

તદન્તરે મહાદૈત્યા રાક્ષસાશ્ચાતિભીષણાઃ ।
આજગ્મુર્દ્વારકાં શુભ્રાં ભીષયન્તઃ સહસ્ત્રશઃ

સ તાન્ સુપર્ણો બલવાન્ કૃષ્ણતુલ્યપરાક્રમઃ ।
હત્વા યુદ્ધેન મહતા રક્ષતિ સ્મ પુરીં શુભામ્

એતસ્મિન્નેવ કાલે તુ નારદો ભગવાનૃષિઃ ।
દૃષ્ટ્વા કૈલાસશિખરે કૃષ્ણં દ્વારવતીં ગતઃ

તં દૃષ્ટ્વા નારદમૃષિં સર્વે તત્ર નિવાસિનઃ ।
પ્રોચુર્નારાયણો નાથઃ કુત્રાસ્તે ભગવાન્ હરિઃ

સ તાનુવાચ ભગવાન્ કૈલસશિખરે હરિઃ ।
રમતે ઽદ્ય મહાયોગીં તં દૃષ્ટ્વાહમિહાગતઃ

તસ્યોપશ્રુત્ય વચનં સુપર્ણઃ પતતાં વરઃ ।
જગામાકાશગો વિપ્રાઃ કૈલાસં ગિરિમુત્તમમ્

દદર્શ દેવકીસૂનું ભવને રત્નમણ્ડિતે ।
વરાસનસ્થં ગોવિન્દં દેવદેવાન્તિકે હરિમ્

ઉપાસ્યમાનમમરૈર્દિવ્યસ્ત્રીભિઃ સમન્તતઃ ।
મહાદેવગણૈઃ સિદ્ધૈર્યોગિભિઃ પરિવારિતમ્

પ્રણમ્ય દણ્ડવદ્ ભૂમૌ સુપર્ણઃ શઙ્કરં શિવમ્ ।
નિવેદયામાસ હરેઃ પ્રવૃત્તિં દ્વારકે પુરે

તતઃ પ્રણમ્ય શિરસા શઙ્કરં નીલલોહિતમ્ ।
આજગામ પુરીં કૃષ્ણઃ સો ઽનુજ્ઞાતો હરેણ તુ

આરુહ્ય કશ્યપસુતં સ્ત્રીગણૈરભિપૂજિતઃ ।
વચોભિરમૃતાસ્વાદૈર્માનિતો મધુસૂદનઃ

વીક્ષ્ય યાન્તમમિત્રઘ્નં ગન્ધર્વાપ્સરસાં વરાઃ ।
અન્વગચ્છન્ મહોયોગં શઙ્ખચક્રગદાધરમ્

વિસર્જયિત્વા વિશ્વાત્મા સર્વા એવાઙ્ગના હરિઃ ।
યયૌ સ તૂર્ણં ગોવિન્દો દિવ્યાં દ્વારવતીં પુરીમ્

ગતે મુરરિપૌ નૈવ કામિન્યો મુનિપુઙ્ગવાઃ ।
નિશેવ ચન્દ્રરહિતા વિના તેન ચકાશિરે

શ્રુત્વા પૌરજનાસ્તૂર્ણં કૃષ્ણાગમનમુત્તમમ્ ।
મણ્ડયાઞ્ચક્રિરે દિવ્યાં પુરીં દ્વારવતીં શુભામ્

પતાકાભિર્વિશાલાભિર્ધ્વજૈ રત્નપરિષ્કૃતૈઃ ।
લાજાદિભિઃ પુરીં રમ્યાં ભૂષયાઞ્ચક્રિરે તદા

અવાદયન્ત વિવિધાન્ વાદિત્રાન્ મધુરસ્વનાન્ ।
શઙ્ખાન્ સહસ્ત્રશો દધ્મુર્વોણાવાદાન્ વિતેનિરે

પ્રવિષ્ટમાત્રે ગોવિન્દે પુરીં દ્વારવતીં શુભામ્ ।
અગાયન્ મધુરં ગાનં સ્ત્રિયો યૌવનશાલિનઃ

દૃષ્ટ્વા નનૃતુરીશાનં સ્થિતાઃ પ્રાસાદમૂર્ધસુ ।
મુમુચુઃ પુષ્પવર્ષાણિ વસુદેવસુતોપરિ

પ્રવિશ્ય ભવનં કૃષ્ણ આશીર્વાદાભિવર્ધિતઃ ।
વરાસને મહાયોગી ભાતિ દેવીભિરન્વિતઃ

સુરમ્યે મણ્ડપે શુભ્રે શઙ્ખાદ્યૈઃ પરિવારિતઃ ।
આત્મજૈરભિતો મુખ્યૈઃ સ્ત્રીસહસ્ત્રૈશ્ચ સંવૃતઃ

તત્રાસનવરે રમ્યે જામ્બવત્યા સહાચ્યુતઃ ।
ભ્રાજતે માલયા દેવો યથા દેવ્યા સમન્વિતઃ

આજગ્મુર્દેવગન્ધર્વા દ્રષ્ટું લોકાદિમવ્યયમ્ ।
મહર્ષયઃ પૂર્વજાતા માર્કણ્ડેયાદયો દ્વિજાઃ

તતઃ સ ભગવાન્ કૃષ્ણો માર્કણ્ડેયં સમાગતમ્ ।
નનામોત્થાય શિરસા સ્વાસનં ચ દદૌ હરિઃ

સંપૂજ્ય તાનૃષિગણાન્ પ્રણામેન મહાભુજઃ ।
વિસર્જયામાસ હરિર્દત્ત્વા તદભિવાઞ્છિતાન્

તદા મધ્યાહ્નસમયે દેવદેવઃ સ્વયં હરિઃ ।
સ્નાત્વા શુક્લામ્બરો ભાનુમુપતિષ્ઠત્ કૃતાઞ્જલિઃ

જજાપ જાપ્યં વિધિવત્ પ્રેક્ષમાણો દિવાકરમ્ ।
તર્પયામાસ દેવેશો દેવેશો દેવાન્ મુનિગણાન્ પિતૄન્

પ્રવિશ્ય દેવભવનં માર્કણ્ડેયેન ચૈવ હિ ।
પૂજયામાસ લિઙ્ગસ્થં ભૂતેશં ભૂતિભૂષણમ્

સમાપ્ય નિયમં સર્વં નિયન્તાસૌ નૃણાં સ્વયમ્ ।
ભોજયિત્વા મુનિવરં બ્રાહ્મણાનભિપૂજ્ય ચ

કૃત્વાત્મયોગં વિપ્રેન્દ્રા માર્કણ્ડેયેન ચાચ્યુતઃ ।
કથાઃ પૌરાણિકીઃ પુણ્યાશ્ચક્રે પુત્રાદિભિર્વૃતઃ

અથૈતત્ સર્વમખિલં દૃષ્ટ્વા કર્મ મહામુનિઃ ।
માર્કણ્ડેયો હસન્ કૃષ્ણં બભાષે મધુરં વચઃ

માર્કણ્ડેય ઉવાચ
કઃ સમારાધ્યતે દેવો ભવતા કર્મભિઃ શુભૈઃ ।
બ્રૂહિ ત્વં કર્મભિઃ પૂજ્યો યોગિનાં ધ્યેય એવ ચ

ત્વં હિ તત્ પરમં બ્રહ્મ નિર્વાણમમલં પદમ્ ।
ભારાવતરણાર્થાય જાતો વૃષ્ણિકુલે પ્રભુઃ

તમબ્રવીન્મહાબાહુઃ કૃષ્ણો બ્રહ્મવિદાં વરઃ ।
શૃણ્વતામેવ પુત્રાણાં સર્વેષાં પ્રહસન્નિવ

શ્રીભગવાનુવાચ
ભવતા કથિતં સર્વં તથ્યમેવ ન સંશયઃ ।
તથાપિ દેવમીશાનં પૂજયામિ સનાતનમ્

ન મે વિપ્રાસ્તિ કર્તવ્યં નાનવાપ્તં કથઞ્ચન ।
પૂજયામિ તથાપીશં જાનન્નૈતત્ પરં શિવમ્

ન વૈ પશ્યન્તિ તં દેવં માયયા મોહિતા જનાઃ ।
તતો ઽહં સ્વાત્મનો મૂલં જ્ઞાપયન્ પૂજયામિ તમ્

ન ચ લિઙ્ગાર્ચનાત્ પુણ્યં લોકેસ્મિન્ ભીતિનાશનમ્ ।
તથા લિઙ્ગે હિતાયૈષાં લોકાનાં પૂજયેચ્છિવમ્

યો ઽહં તલ્લિઙ્ગમિત્યાહુર્વેદવાદવિદો જનાઃ ।
તતો ઽહમાત્મમીશાનં પૂજયામ્યાત્મનૈવ તુ

તસ્યૈવ પરમા મૂર્તિસ્તન્મયો ઽહં ન સંશયઃ ।
નાવયોર્દ્યિતે ભેદો વેદેષ્વેવં વિનિશ્ચયઃ

એષ દેવો મહાદેવઃ સદા સંસારભીરુભિઃ ।
ધ્યેયઃ પૂજ્યશ્ચ વન્દ્યશ્ચ જ્ઞેયો લિઙ્ગે મહેશ્વરઃ

માર્કણ્ડેય ઉવાચ
કિં તલ્લિઙ્ગં સુરશ્રેષ્ઠ લિઙ્ગે સંપૂજ્યતે ચ કઃ ।
બ્રૂહિ કૃષ્ણ વિશાલાક્ષ ગહનં હ્યેતદુત્તમમ્

અવ્યક્તં લિઙ્ગમિત્યાહુરાનન્દં જ્યોતિરક્ષરમ્ ।
વેદા મહેસ્વરં દેવમાહુર્લિઙ્ગિનમવ્યયમ્

પુરા ચૈકાર્ણવે ઘોરે નષ્ટે સ્થાવરજઙ્ગમે ।
પ્રબોધાર્થં બ્રહ્મણો મે પ્રાદુર્ભૂતઃ સ્વયં શિવઃ

તસ્માત્ કાલાત્ સમારભ્ય બ્રહ્મા ચાહં સદૈવ હિ ।
પૂજયાવો મહાદેવં લોકાનાં હિતકામ્યયા

માર્કણ્ડેય ઉવાચ
કથં લિઙ્ગમભૂત્ પૂર્વમૈશ્વરં પરમં પદમ્ ।
પ્રબોધાર્થં સ્વયં કૃષ્ણ વક્તુમર્હસિ સાંપ્રતમ્

શ્રીભગવાનુવાચ
આસોદેકાર્ણવં ઘોરમવિભાગં તમોમયમ્ ।
મધ્યે ચૈકાર્ણવે તસ્મિન્ શઙ્ખચક્રગદાધરઃ

સહસ્ત્રશીર્ષા ભૂત્વાહં સહસ્ત્રાક્ષઃ સહસ્ત્રપાત્
સહસ્ત્રબાહુર્યુક્તાત્મા શયિતો ઽહં સનાતનઃ

એતસ્મિન્નન્તરે દૂરતા પશ્યમિ હ્યમિતપ્રભમ્ ।
કોટિસૂર્યપ્રતીકાશં ભ્રાજમાનં શ્રિયાવૃતમ્

ચતુર્વરક્ત્રં મહાયોગં પુરુષં કાઞ્ચનપ્રભમ્ ।
કૃષ્ણાજિરધરં દેવમૃગ્યજુઃ સામભિઃ સ્તુતમ્

નિમેષમાત્રેણ સ માં પ્રાપ્તો યોગવિદાં વરઃ ।
વ્યાજહાર સ્વયં બ્રહ્મા સ્મયમાનો મહાદ્યુતિઃ

કસ્ત્વં કુતો વા કિં ચેહ તિષ્ઠસે વહ મે પ્રભો ।
અહં કર્તા હિ લોકાનાં સ્વયંભૂઃ પ્રપિતામહઃ

એવમુક્તસ્તદા તેન બ્રહ્મણાહમુવાચ હ ।
અહં કર્તાસ્મિ લોકાનાં સંહર્તા ચ પુનઃ પુનઃ

એવં વિવાદે વિતતે માયયા પરમેષ્ઠિનઃ ।
પ્રબોધાર્થં પરં લિઙ્ગં પ્રાદુર્ભૂતં શિવાત્મકમ્

કાલાનલસમપ્રખ્યં જ્વાલામાલાસમાકુલમ્ ।
ક્ષયવૃદ્ધિવિનિર્મુક્તમાદિમધ્યાન્તવર્જિતમ્

તતો મામાહ ભગવાનધો ગચ્છ ત્વમાશુ વૈ ।
અન્તમસ્ય વિજાનીમ ઊર્ધ્વં ગચ્છે ઽહમિત્યજઃ

તદાશુ સમયં કૃત્વા ગતાવૂર્ધ્વમધશ્ચ દ્વૌ ।
પિતામહો ઽપ્યહં નાન્તં જ્ઞાતવન્તૌ સમાઃ શતમ્

તતો વિસ્મયમાપન્નૌ ભીતૌ દેવસ્ય શૂલિનઃ ।
માયયા મોહિતૌ તસ્ય ધ્યાયન્તૌ વિશ્વમીશ્વરમ્

પ્રોચ્ચારન્તૌ મહાનાદમોઙ્કારં પરમં પદમ્ ।
પ્રહ્વાઞ્જલિપુટોપેતૌ શંભું તુષ્ટુવતુઃ પરમ્

બ્રહ્મવિષ્ણૂ ઊચતુઃ ।
અનાદિમલસંસારરોગવૈદ્યાય શંભવે ।
નમઃ શિવાય શાન્તાય બ્રહ્મણે લિઙ્ગમૂર્તયે

પ્રલયાર્ણવસંસ્થાય પ્રલયોદ્ભૂતિહેતવે ।
નમઃ શિવાય શાન્તાય બ્રહ્મણે લિઙ્ગમૂર્તયે

જ્વાલામાલાવૃતાઙ્ગાય જ્વલનસ્તમ્ભરૂપિણે ।
નમઃ શિવાય શાન્તાય બ્રહ્મણે લિઙ્ગમૂર્તયે

આદિમધ્યાન્તહીનાય સ્વબાવામલદીપ્તયે ।
નમઃ શિવાય શાન્તાય બ્રહ્મણે લિઙ્ગમૂર્તયે

મહાદેવાય મહતે જ્યોતિષે ઽનન્તતેજસે ।
નમઃ શિવાય શાન્તાય બ્રહ્મણે લિઙ્ગમૂર્તયે

પ્રધાનપુરુષેશાય વ્યોમરૂપાય વેધસે ।
નમઃ શિવાય શાન્તાય બ્રહ્મણે લિઙ્ગમૂર્તયે

નિર્વિકારાય સત્યાય નિત્યાયામલતેજસે ।
નમઃ શિવાય શાન્તાય બ્રહ્મણે લિઙ્ગમૂર્તયે

વેદાન્તસારરૂપાય કાલરૂપાય ધીમતે ।
નમઃ શિવાય શાન્તાય બ્રહ્મણે લિઙ્ગમૂર્તયે

એવં સંસ્તૂયમાનસ્તુ વ્યક્તો ભૂત્વા મહેશ્વરઃ ।
ભાતિ દેવો મહાયોગી સૂર્યકોટિસમપ્રભઃ

વક્ત્રકોટિસહસ્ત્રેણ ગ્રસમાન ઇવામ્બરમ્ ।
સહસ્ત્રહસ્તચરણઃ સૂર્યસોમાગ્નિલોચનઃ

પિનાકપાણિર્ભગવાન્ કૃત્તિવાસાસ્ત્રિશૂલભૃત્ ।
વ્યાલયજ્ઞોપવીતશ્ચ મેઘદુન્દુભિનિઃ સ્વનઃ

અથોવાચ મહાદેવઃ પ્રીતો ઽહં સુરસત્તમૌ ।
પશ્યેતં માં મહાદેવં ભયં સર્વં પ્રમુચ્યતામ્

યુવાં પ્રસૂતૌ ગાત્રેભ્યો મમ પૂર્વં સનાતનૌ ।
અયં મે દક્ષિણે પાર્શ્વે બ્રહ્મા લોકપિતામહઃ ।
વામપાર્શ્વે ચ મે વિષ્ણુઃ પાલકો હૃદયે હરઃ

પ્રીતો ઽહં યુવયોઃ સમ્યક્ વરં દદ્મિ યથેપ્સિતમ્ ।
એવમુક્ત્વાથ માં દેવો મહાદેવઃ સ્વયં શિવઃ ।
આલિઙ્ગ્ય દેવં બ્રહ્માણં પ્રસાદાભિમુખો ઽભવત્

તતઃ પ્રહૃષ્ટમનસૌ પ્રણિપત્ય મહેશ્વરમ્ ।
ઊચતુઃ પ્રેક્ષ્ય તદ્વક્ત્રં નારાયણપિતામહૌ

યદિ પ્રીતિઃ સમુત્પન્ના યદિ દેયો વરશ્ચ નૌ ।
ભક્તિર્ભવતુ નૌ નિત્યં ત્વયિ દેવ મહેશ્વરે

તતઃ સ ભગવાનીશઃ પ્રહસન્ પરમેશ્વરઃ ।
ઉવાચ માં મહાદેવઃ પ્રીતઃ પ્રીતેન ચેતસા

દેવ ઉવાચ
પ્રલયસ્થિતિસર્ગાણાં કર્તા ત્વં ધરણીપતે ।
વત્સ વત્સ હરે વિશ્વં પાલયૈતચ્ચરાચરમ્

ત્રિધા ભિન્નો ઽસ્મ્યહં વિષ્ણો બ્રહ્મવિષ્ણુહરાખ્યયા ।
સર્ગરક્ષાલયગુણૈર્નિર્ગુણો ઽપિ નિરઞ્જનઃ

સંમોહં ત્યજ ભો વિષ્ણો પાલયૈનં પિતામહમ્ ।
ભવિષ્યત્યેષ ભગવાંસ્તવ પુત્રઃ સનાતનઃ

અહં ચ ભવતો વક્ત્રાત્ કલ્પાદૌ ઘોરરૂપધૃક્ ।
શૂલપાણિર્ભવિષ્યામિ ક્રોધજસ્તવ પુત્રકઃ

એવમુક્ત્વા મહાદેવો બ્રહ્માણં મુનિસત્તમ ।
અનુગૃહ્ય ચ માં દેવસ્તત્રૈવાન્તરધીયત

તતઃ પ્રભૃતિ લોકેષુ લિઙ્ગાર્ચા સુપ્રતિષ્ઠિતા ।
લિઙ્ગ તલ્લયનાદ્ બ્રહ્મન્ બ્રહ્મણઃ પરમં વપુઃ

એતલ્લિઙ્ગસ્ય માહાત્મ્યં ભાષિતં તે મયાનઘ ।
એતદ્ બુધ્યન્તિ યોગજ્ઞા ન દેવા ન ચ દાનવાઃ

એતદ્ધિ પરમં જ્ઞાનમવ્યક્તં શિવસંજ્ઞિતમ્ ।
યેન સૂક્ષ્મમચિન્ત્યં તત્ પશ્યન્તિ જ્ઞાન વક્ષુષઃ

તસ્મૈ ભગવતે નિત્યં નમસ્કારં પ્રકુર્મહે ।
મહાદેવાય રુદ્રાય દેવદેવાય લિઙ્ગિને

નમો વેદરહસ્યાય નીલકણ્ઠાય વૈ નમઃ ।
વિભીષણાય શાન્તાય સ્થાણવે હેતવે નમઃ

બ્રહ્મણે વામદેવાય ત્રિનેત્રાય મહીયસે ।
શઙ્કરાય મહેશાય ગિરીશાય શિવાય ચ

નમઃ કુરુષ્વ સતતં ધ્યાયસ્વ મનસા હરમ્ ।
સંસારસાગરાદસ્માદચિરાદુત્તરિષ્યસિ

એવં સ વાસુદેવેન વ્યાહૃતો મુનિપુઙ્ગવઃ ।
જગામ મનસા દેવમીશાનં વિશ્વતોમુખમ્

પ્રણમ્ય શિરસા કૃષ્ણમનુજ્ઞાતો મહામુનિઃ ।
જગામ ચેપ્સિતં દેશં દેવદેવસ્ય શૂલિનઃ

ય ઇમં શ્રાવયેન્નિત્યં લિઙ્ગાધ્યાયમનુત્તમમ્ ।
શૃણુયાદ્ વા પઠેદ્ વાપિ સર્વપાપૈઃ પ્રમુચ્યતે

શ્રુત્વા સકૃદપિ હ્યેતત્ તપશ્ચરણમુત્તમમ્ ।
વાસુદેવસ્ય વિપ્રેન્દ્રાઃ પાપં મુઞ્ચિતિ માનવઃ

જપેદ્ વાહરહર્નિત્યં બ્રહ્મલોકે મહીયતે ।
એવમાહ મહાયોગી કૃષ્ણદ્વૈપાયનઃ પ્રભુઃ