કાલિકાપુરાણમ્ · અધ્યાય 81

॥ એકાશીતિતમોઽધ્યાયઃ ॥
॥ઔર્વ્વ ઉવાચ॥
કમારૂપે મહાપીઠે સ્નાત્વા પીત્વા ચ દેવતાઃ।
પૂજયિત્વા ચ વિપુલા લોકાઃ સ્વર્ગં પુરા યયુઃ

કેચિદ્ ભેજુશ્ચ નિર્વાણં કેચિદ્ યાન્તિ સ્મ શમ્ભુતામ્।
ન યમસ્તાન્ વારયિતું નેતું ચ નિજમન્દિરમ્

ક્ષમોઽભૂન્નરશાર્દૂલ શિવાયાજાતસાધ્વસઃ।
યમદૂતં તત્ર યાન્તં બાધન્તે શંકરા ગણાઃ

ન તદ્ભિયા તત્ર યાન્તિ યમદૂતાઃ પ્રચોદિતાઃ।
તથા દૃષ્ટ્વાથ શમનઃ સ્વક્રિયાપરિવર્જિતઃ

વિધાતારં સમાસાદ્ય વચનં ચેદમબ્રવીત્।
વિધાતઃ કામરૂપેઽસ્મિન્ સ્નાત્વા પીત્વા ચ માનવઃ

કામાખ્યાગણતાં યાતિ તથા શભ્ભુગણેશતામ્।
તત્ર મે નાધિકારોઽસ્તિ ન તાન્ વારયિતું ક્ષમઃ

વિધત્સ્વાત્રોચિતાં નીતિં યુજ્યતે યદિ ગોચરે।
તસ્ય તદ્વચનં શ્રુત્વા બ્રહ્મા લોકપિતામહઃ

જગામ વિષ્ણુભવનં સહૈવ સમવર્તિના।
તમાસાદ્ય તથા પ્રાહ વિષ્ણુંવૈ યમભાષિતમ્

યથાવત્ સર્વલોકેશઃ સ ચ તદ્વાક્યમગ્રહીત્।
સહ બ્રહ્મયમાભ્યાં તુ વિષ્ણુઃ શમ્ભું યયૌ તતઃ।
સત્કૃતસ્તતેન પૃષ્ટશ્ચ પ્રાહેદં યમભાષિતમ્

॥શ્રીભગવાનુવાચ॥
સર્વદેવૈઃ સર્વતીર્થૈઃ સર્વક્ષેત્રૈસ્તથૈવ ચ।
એતદ્ વ્યાપ્તંકામરૂપં નાતોઽન્યદ્ વિદ્યતે પરમ્

ઇદં પીઠં સમાસાદ્ય દેવત્વં યાન્તિ માનવાઃ।
અમૃતત્વં ગણત્વં ચ તત્ર શક્તો યમો નહિ

તથા કુરુ મહાદેવ યથા તત્ર ક્ષમો યમઃ।
યમો નિરસ્તો યત્રાસ્તિ મર્યાદા ન પ્રદૃશ્યતે

॥ઔર્વ્વ ઉવાચ॥
એતદ્ વિષ્ણુવચઃ શ્રુત્વાઃ વિધિના સહિતસ્ય તુ।
અઙ્ગીચકાર હૃદયે તદ્વચઃ સાધ્યસાધને

વિસૃજ્ય તાન્ બ્રહ્મવિષ્ણુયમાન્ વૃષભવાહનઃ।
આદાય સ્વગણાન્ સર્વાન્ કામરૂપાન્તરં યમૌ

ઉગ્રતારાં તતો દેવીં ગણં ચ પ્રાહ શઙ્કરઃ।
ઉત્સારયન્તુ સકલાન્નિમાઁલ્લોકાન્ ગણા દ્રુતમ્

ઉગ્રતારે મહાદેવિ ત્વં ચાપ્યુત્સારય દ્રુતમ્।
તતો ગણાઃ કામરૂપાદ્દેવી ચાપ્યપરાજિતા

લોકાનુત્સારયામાસુઃ પીઠં કર્તું હરસ્યકમ્।
ઉત્સાર્યમાણે લોકે તુ ચતુર્વર્ણદ્વિજાતિષુ

સન્ધ્યાચલગતો વિપ્રો વસિષ્ઠઃ કુપિતો મુનિઃ।
સોઽપ્યુગ્રતારયા દેવ્યા ઉત્સારયિતુમીશયા

ગણૈઃ સહ ધૃતઃ પ્રાહ શાપં કુર્વન્ સુદારુણમ્।
યસ્માદહં ધૃતો વામે ત્વયોત્સારયિતું મુનિઃ

તસ્માત્ ત્વં વામ્યભાવેન પૂજ્યા ભવ સમન્ત્રિકા।
ભ્રમન્તિ મ્લેચ્છવદ્ યસ્માદ્ ગણાનાં મન્દબુદ્ધયઃ

ભવન્તુ મ્લેચ્છાસ્તસ્માદ્ વૈ ભવન્તઃ કામરૂપકે।
મહાદેવોઽપિ યસ્માન્માં નિઃસારયિતુમુદ્યતઃ

તપોધનં મુનિં દાન્તં મ્લેચ્છવદ્ વેદપારગમ્।
તસ્માદ્ મ્લેચ્છપ્રિયો ભૂયાચ્છઙ્કરશ્ચાસ્થિભસ્મધૃક્

એતત્ તુ કામરૂપાખ્યં મ્લેચ્છૈર્ગુપ્તં મદત્વરમ્।
સ્વયં વિષ્ણુર્ન ચાયાતિ યાવત્ સ્થાનમિદં પુનઃ

વિરલાશ્ચાગમાઃ સન્તુ ય એતત્પ્રતિપાદકાઃ।
વિરલં યસ્તુ જાનાતિ કામરૂપાગમં બુધઃ

સ એવ પ્રાપ્તે કાલેઽપિ સમ્પૂર્ણં ફલભાપ્સ્યતિ।
એવમુક્ત્વા વસિષ્ઠસ્તુ તત્રૈવાન્તરધીયત

તે ગણા મ્લેચ્છતાં યાતાઃ કામરૂપે સુરાલયે।
વામાઽભૂદ્રુગ્રતારાપિ શમ્ભુર્મ્લેચ્છરતોઽભવત્

આગમા વિરલાશ્ચાસન્ યે ચ મત્પ્રતિપાદકાઃ।
વેદમન્ત્રવિહીનં તુ ચતુર્વર્ણવિવર્જિતમ્

કામરૂપં ક્ષણાજ્જાતં યદ્ યમેનાનુસાશ્તિમ્।
આગતેઽપિ હરૌ મુક્તે શાપાત્ પીઠે ફલપ્રદે

યથા ન સમ્યક્ સ્થાસ્યન્તિ તત્પીઠે દેવમાનુષાઃ।
ગુપ્તયે સર્વકુણ્ડાનાં બ્રહ્મોપાયં તથાઽકરોત્

અપુનર્ભવકુણ્ડસ્ય સોમકુણ્ડસ્ય ચોભયોઃ।
બ્રહ્મોર્વશીકુણ્ડસ્ય નદીનામપિ ભૂરિશઃ

નદીનાં પૂર્વમુક્તાનામનુક્તાનાં ચ ગુપ્તયે।
સર્વસ્યૈકફલજ્ઞાને બ્રહ્મોપાયં તથાઽકરોત્

અમોઘાયાં શાન્તનોસ્તુ ભાર્યાયાં તનયં સ્વકમ્।
જલરૂપં સમુત્પાદ્ય જામદગ્ન્યેન ધીમતા

અવતારયદવ્યગ્રં પ્લવયન્ કામરૂપકમ્।
સ તુ બ્રહ્મસુતો ધીરઃ પ્લાવયન્ કુણ્ડસઞ્ચયાન્

આચ્છાદ્ય સર્વતીર્થાનિ ભુવિ ગુપ્તાનિ ચાકરોત્।
લૌહિત્યમાત્રં યે કેચિજ્જાનન્તિ તત્ર વૈ નરાઃ

તે લૌહિત્યસ્નાનફલં પ્રાપ્નુવન્તિ સુનિશ્ચિતમ્।
ન જાનન્તિ ચ કુણ્ડાનિ નાપિ તીર્થાનિ ચાન્યતઃ

વસિષ્ઠશાપાદેતત્ તુ પ્રવૃત્તં તીર્થગોપનમ્।
યઃ કશ્ચિત્ તત્ર જાનાતિ તીર્થાનાં ચ વિશેષતામ્

સમવાપ્નોતિ તત્ સ્નાનફલં સમ્યગ્ નરોત્તમ।
સર્વા નદીઃ સમાપ્લાવ્ય સર્વતીર્થાનિ સર્વતઃ।
લૌહિત્યો બ્રહ્મણઃ પુત્રો યાતિ દક્ષિણસાગરમ્

એવં તે કથિતં રાજન્ કામરૂપસ્ય કીર્તનમ્।
યદન્યદ્રોચતે તુભ્યં તત્ પૃચ્છ નિગદામિ તે

॥ ઇતિ શ્રીકાલિકાપુરાણે એકાશીતિતમોઽધ્યાયઃ