કાલિકાપુરાણમ્ · અધ્યાય 77

॥ સપ્તસપ્તતિતમોઽધ્યાયઃ ॥
॥ઔર્વ્વ ઉવાચ॥
તતસ્તુ કામરૂપસ્ય વાયવ્યાં ત્રિપુરાન્તકઃ।
આત્મનો લિઙ્ગમતુલં જલ્પીશાખ્યં વ્યદર્શયત્

યત્ર નન્દી સમારાધ્ય મહાદેવં જગત્પતિમ્।
અભિન્નેન શરીરેણ ગાણપત્યમવાપ્નુયાત્

નન્દિકુણ્ડં મહાકુણ્ડં યત્ર નન્દી પુરાઽકરોત્।
અભિષેકં લબ્ધવરં પીતં તોયમનુતમમ્

તત્ર સ્નાત્વા ચ પીત્વા ચ કૃતકૃત્યો નરોત્તમઃ।
હરસ્ય સદનં યાતિ નન્દિનોઽપિ મહાશ્રિયઃ

તસ્યાસન્ને મહાદેવીં નાતિદૂરે વ્યવસ્થિતામ્।
સિદ્ધેશ્વરીં યોનિરૂપાં મહામાયાં જગન્મયીમ્

ત્ર્યમ્બકો દર્શયામાસ ભૈરવાય મહાત્મને।
યત્ર નન્દી મહામાયામાજ્ઞયા શશિધારિણઃ

સ્તુતિભિર્નતિભિઃ પૂજ્ય ગાણપત્યમવાપ્નુયાત્।
સુવર્ણમાનસસ્તત્ર નદમુખ્યો મનોહરઃ

નન્દિનોઽનુગ્રહાયાશુ માનસાખ્યં સરસ્તુ તત્।
આગતં ચાજ્ઞયા શમ્ભોઃ પૂર્વમેવ તપસ્યતઃ

જટોદ્ભવા તત્ર નદી હિમવત્પ્રભવા શુભા।
યસ્યાં સ્નાત્વા નરઃપુણ્યમાપ્નોતિ જાહ્નવીસમમ્

ગૌરીવિવાહસમયે સર્વૈર્માતૃગણૈઃ કૃતઃ।
જલાભિષેકો ભર્ગસ્ય જટાજૂટેષુ યઃ પુરા

તૈસ્તોયૈરભવદ્યસ્માજ્જટોદાખ્યા નદી તતઃ।
ચૈત્રે માસિ સિતાષ્ટમ્યાં સ્નાત્વા યસ્યાં નરો વ્રજેત્

પૂર્ણાયુર્વૈ નરશ્રેષ્ઠ શિવસ્ય સદનં પ્રતિ।
દ્વાપરસ્ય તુ યા ગઙ્ગા ત્રિઃસ્રોતાખ્યા સરિદ્વરા

હિમવત્પ્રભવા શુદ્ધચન્દ્રવિમ્બાદ્ વિનિર્ગતા।
યસ્યાં સ્નાત્વા મહામાધ્યાં માતૃયોનૌ ન જાયતે

ચન્દ્રસૂર્યગ્રહે સ્નાત્વા કૈવલ્યં પ્રાપ્નુયાન્નરઃ।
સિતપ્રભા નામ નદી મહાદેવાતારિતા

હિમવત્પ્રભવા સાપિ સિતા દક્ષ સમુદ્રગા।
તસ્યાં દશહરાયાં તુ દશમ્યાં શુક્લપક્ષકે

સ્નાત્વા વિષ્ણુગૃહે યાતિ નરો વૈ મુક્તપાતકઃ।
નવતોયા નામ નદી તતઃ પૂર્વસ્થિતા પુરા

નવં નવં નવં નિત્યં કુર્વન્તી સા પુનાતિ હિ।
નવતોયા તતઃ પ્રોક્તા હિમવત્પ્રભવૈવ સા

તસ્યાં સ્નાત્વા મહામાઘ્યાં નરો ગચ્છતિ દેવતામ્।
સમ્પૂર્ણં માઘમાસં તુ સ્નાત્વા વિષ્ણુગૃહં વ્રજેત્

તાસાં નદીનાં તુ પતિરગદો નામ વૈ નદઃ।
પીઠપૂર્વો સ્થિતઃ પુણ્યો બ્રહ્મપાદસમુદ્ભવઃ

હિમવત્પ્રભવઃ સોઽપિ દેવગન્ધર્વસેવિતઃ।
તત્ર સ્નાત્વા ચ પીત્વા ચ નરો બ્રહ્મગૃહં વ્રજેત્

કાર્તિકં સકલં માસં યોઽગદાખ્યે મહાનદે।
પીઠપૂર્વે સ્તિતઃ પુણેયે બ્રહ્મપાદસમુદ્ભવઃ॥
હિમવત્પ્રભવઃ સોઽપિ દેવગન્ધર્વસેવિતઃ।
તત્ર સ્નાત્વા ચ પીત્વા ચ નરો બ્રહ્મગૃહં વ્રજેત્॥
સ્નાનં કરોતિ મનુજસ્તસ્ય પુણ્યફલં શૃણુ

ઇહ લોકે ત્વરોગઃ સ પ્રાપ્ય ચૈવોત્તમં સુખમ્।
શેષે બ્રહ્મગૃહં પ્રાપ્ય તતો મોક્ષમવાપ્નુયાત્

નન્દિકુણ્ડે નરઃ સ્નાત્વા ભક્તં કુર્યાત્ તદા નિશિ।
તતઃ પરસ્મિન્ દિવસે ગચ્છેજ્જલ્પીશમન્દિરમ્

તત્ર સ્નાત્વા મહાનદ્યાં જલ્પીશં પ્રતિપૂજ્ય ચ।
તસ્યાં નિશિ હવિષ્યાશી સંયતસ્તાં નિશાં નયેત્

તતોઽનુદિવસે પ્રાપ્તે ગચ્છેત્ સિદ્ધેશ્વરીં શિવામ્।
તાં પૂજયેત્ તથાષ્ટમ્યામુવાસં તથાચરેત્

ચતુર્ભુજા તુ સા દેવી પીનોન્નતપયોધરા।
સિન્દુરપુઞ્જસઙ્કાશા ધત્તે કર્ત્રી ચ ખર્પરમ્

દક્ષિણે બામબાહુભ્યામભીતિવરદાયિની।
જટામણ્ડિતશીર્ષા ચ રક્તપદ્મોપરિસ્થિતા

પંચાક્ષરજપાન્તાદિર્મન્ત્રેસ્યાઃ પરિકીર્તિતઃ।
કામખ્યાતન્ત્રમેવાસ્યાઃ પૂજને તન્ત્રમીરિતમ્

એવં કૃત્વા નરો ધીરઃ પુનર્યોનૌ ન જાયતે।
જામદગ્ન્યભયાદ્ ભીતાઃ ક્ષત્રિયાઃ પૂર્વમેવ યે

મ્લેચ્છચ્છદ્માણ્યુપાદાય જલ્પીશં શરણં ગતાઃ।
તે મ્લેચ્છવાચઃ સતતમાર્યવાચશ્ચ સર્વદા

જલ્પીશં સેવમાનાસ્તે ગોપાયન્તિ ચ તં હરમ્।
ત એવ તુ ગણાસ્તસ્ય મહારાજમનોહરાઃ

તોષયિત્વા તથા સર્વાન્ જલ્પીશં પૂજયેન્નરઃ।
વરદાભયહસ્તોઽયં દ્વિભુજઃ કુન્દસન્નિભઃ

તત્પુરુષસ્ય તુ મન્ત્રેણ પૂજયેદ્ દેવમુત્તમમ્।
એવં પુણ્યકરઃ પીઠો જલ્પીશસ્ય મહાત્મનઃ।
એવં જ્ઞાત્વા નરો યાતિ શંકરસ્ય પુરં પ્રતિ

॥ ઇતિ શ્રીકાલિકાપુરાણે સપ્તસપ્તતિતમોઽધ્યાયઃ