કાલિકાપુરાણમ્ · અધ્યાય 76

॥ ષટ્સપ્તતિતમોઽધ્યાયઃ ॥
॥શ્રીભગવાનુવાચ॥
મન્ત્રશુદ્ધિમવેક્ષ્યેવ ગૃહ્ણીયાન્મન્ત્રમુત્તમમ્

તત્ર સિદ્ધં સુસિદ્ધં ચ સાધ્યં શાત્રવમેવ ચ।
મન્ત્રં ચતુર્વિધં પ્રોક્તં તદ્વિદ્ધ્યક્ષરભેદતઃ

વર્ણક્રમઃ શાશ્વતસ્તુ યો મયા ભાષિતઃ પુરા।
તત્રાદૌ ભૈરવ જ્ઞાત્વા પશ્ચાચ્ચક્રં શૃણુષ્વ મે।
વર્ણાનાં તુ મુખાદીનાં વૈષ્મવીતન્ત્રસંજ્ઞક

યઃ પ્રોક્તોઽભૂન્મહામન્ત્રસ્તસ્યાસન્નક્ષરાણિ તુ।
મૂલભૂતાનિ તાન્યેવ તતોઽન્યાનપિ વર્ધયેત્

અકારશ્ચ કકારશ્ચ ચટકારૌ તથૈવ ચ।
તપકારૌ યકારશ્ચ વર્ગાદ્યાઃ પરિકીર્તિતાઃ

અ આ ઇ ઈ ઉ ઊ ઋ ૠ લૃ લૃ એતેઽદીર્ઘદીર્ઘકાઃ।
એ ઐ ઓ ઔ વિસર્ગશ્ચ બિન્દિવાદિર્યાજ્ઞિકસ્તથા

ધ્વનેરન્તરજાશ્ચેતિ કીર્તિતાસ્તુ સ્વરા અમી।
ખકરાશ્ચ ગકરાશ્ચ ઘ ઙો વર્ગઃ પ્રકીર્તિતઃ

વ્યઞ્જનકારાદિછજૌ ભૈરવશબ્દાદિરેવ ચ

ણકારાન્તસ્તૃતીયોઽયં વર્ગોષ્ઠાદિઃ પ્રકીર્તિતઃ।
થકારશ્ચ દકારશ્વ ધર્મશબ્દાદિરેવ ચ

નવશબ્દસ્ય ચૈવાદિશ્ચતુર્થો વર્ગ ઉચ્યતે।
ફલશબ્દસ્ય યશ્ચાદિર્બહુશબ્દાદિરેવ ચ

ભકારો મનઃશબ્દાદિઃ પઞ્ચમો વર્ગ ઉચ્યતે।
યકારશ્ચ રકારશ્ચ લકારો વસ્તથૈવ ચ

એભિશ્ચતુર્ભિર્વર્ગાઽયં ષષ્ઠો ભૈરવ ઉચ્યતે।
શષસા હઃ ક્ષકારશ્ચ સંયોગઃ પરિવેદકઃ

પઞ્ચભિઃ શેષવર્ગોઽયં સપ્તમઃ પરિકીર્તિતઃ।
સંયોગયોગસંલોમપ્રતિલોમૈરિમે સુત

વર્ણાઃ સ્યુર્મન્ત્રનામાદૌ વાઙ્માત્રેઽપિ ચ ભૈરવ।
ચર્તુવર્ગપ્રદા વર્ણાઃ સુખદુઃખકરાસ્તથા

રોગં ચ તેજસમ્પૂજ્યપૂજકાઃ કરિકોર્તિતાઃ।
અહં વિષ્ણુશ્ચ બ્રહ્મા ચ ગાયત્રી બ્રહ્મમાતૃકાઃ

અપરં બ્રહ્મવર્ણા યે પરબ્રહ્મસુખપ્રદમ્।
અપરં બ્રહ્મકુશલઃ પરબ્રહ્મધિગચ્છતિ

સિસૃક્ષુરીશ્વરો વર્ણાજ્જ ગન્તિ સ્વેચ્છયા પુનઃ।
સસર્જ મમ વક્ત્રે તાં બ્રહ્મવક્ત્રે ચ વૈ ન્યધાત્

અહં તુ સકલાન્ વર્ણાન્ ન્યસ્ય ભૈરવ તન્ત્રકમ્।
અકાર બહુલં પુત્ર જ્ઞાનમાર્ગં વિવર્ધયન્

ય ઇમે ગદિતા વર્ણા મયા વર્ણવિનિશ્ચયે।
મન્ત્રશુદ્ધિવિવેકાર્થં વર્ણચક્રં તતઃ શૃણુ

શક્તિશમ્ભુસ્વરૂપિણ્યો રેખે દ્વે પ્રથમં ન્યસેત્।
તન્મધ્યતઃ પુનારેખે વિષ્ણુલક્ષ્મીતલે તથા

તયોસ્તુ રેખયોર્મંધ્યે દ્વે રેખે સમતો ન્યસેત્।
તસ્ય ચક્રસ્ય ચારેષુ રેખાસ્તુ પરિસંખ્યયા

ચતસ્રસ્તુ પ્રદાતવ્યાઃ સ્વરમધ્યે તુ ભૈરવ।
ભિન્નાનાં ચ તથા વર્ણાઃ સન્ધયોઽષ્ટૌ પ્રકીર્તિતાઃ

નેમયસ્તુ ચતસ્રોઽસ્ય સન્ધિમધ્યેષુ કીર્તિતાઃ।
અષ્ટારસંયુતં ચક્રં ચતુર્નેમિસમન્વિતમ્

બહિર્વેષ્ટનસંયુક્તં વર્ણચક્રં પ્રકીર્તિતમ્।
મેષાદીનાં ચ રાશીનામુદયાસ્તપ્રતિજ્ઞયા

ઇદમેવ ભવેચ્ચક્રં જ્ઞાનશ્રીવૃદ્ધિ-કારકમ્।
ઇદં ચક્રં લિખિત્વા તુ સમભૂમાવુદઙ્મુખઃ

પ્રાઙ્મુખો વા લિખેદ્ વર્ણાંચ્છુચિરિષ્ટં નમન્ ગુરુમ્।
પ્રદક્ષિણં લિખેત્ તસ્મિન્ વર્ણાસ્તેષ્વેવ તુ ક્રમાત્

પુરો નેમેવકારં તુ રકારં ચાપિ વૈ લિખેત્।
અકારં વર્જયેદ્ દીર્ઘમીકારં ચ સ્વરેષુ વૈ

અકરાદિક્ષકારાન્ત ઢ ટ ઞ ણ વર્જિતમ્।
પ્રદક્ષિણક્રમાદેવ લિખિત્વા વર્ણસઞ્ચયમ્

સ્વનામાદ્યક્ષરં ગૃહ્ય કુર્યાત્ તુ ગણનક્રમમ્।
મન્ત્રસ્યાદ્યક્ષરં યાવત્ સિદ્ધાદ્યં તત્ર યોજયેત્

નવૈકપઞ્ચકે સિદ્ધઃ સાધ્યઃ ષડ્યુગ્મપઙ્કિષુ।
ત્રિસપ્તકાદશેષ્વેવ સુસુદ્ધઃ પરિકીર્તિતઃ

દ્વાદશાષ્ટજતુર્થેષુ ભાત્રવઃ પરિકીર્તિતઃ।
સિદ્ધેનાવાચિરાત્ સિદ્ધિઃ સાધ્યઃ કાલેન સિધ્યતિ

ક્રમાન્નાશયતે શત્રુઃ સુસિદ્ધઃ સિદ્ધિદોઽચિરાત્।
યો યો વર્ણક્રમઃ પ્રોક્તો મન્ત્રે દક્ષિણગોચરે

વામ્યારાધનમન્ત્રેષુ ક્રમં શૃણ્વિહ ભૈરવ।
ઋલૃદ્વયં ઙ ઞ ણ ના વર્જ્યાશ્ચ વર્ણગોચરે

લિખેદ્ વામક્રમેણૈવ તત્ર વર્ણાંસ્તુ મન્ત્રવિત્।
નૃસિંહાર્કવરાહાણાં પ્રસાદપ્રણવસ્ય ચ

એકાક્ષરદ્વ્યક્ષરાણાં ન સિદ્ધાદિવિચિન્તનમ્।
બીજેતુ ચાપિ સર્વેષુ દીક્ષાર્થેષુ ચ ભૈરવ

સિદ્ધાદિચિન્તા નો કાર્યા ગ્રાહ્યાસ્તુ દશ વશ્યકમ્।
સુસિદ્ધં કામદં ગ્રાહ્યં સાધ્યસિદ્ધવિચારણાત્

ન ગ્રાહ્યઃ શાત્રવો ધીરૈર્ગૃહીત્વાપ્નોતિ ચાપદમ્।
યો યસ્યૈકાક્ષરો મન્ત્રસ્તન્નામ્ના સ નિગદ્યતે

સહિતશ્ચન્દ્રબિન્દુભ્યાં તદ્બીજમિતિ ગદ્યતે।
તથા શક્રો સકારઃ સ્યાત્ સાર્ધચન્દ્રઃ સબિન્દુકઃ

સ એવ શક્રબીજં સ્યાત્ તથાન્યત્રાપિ યોજયેત્।
મન્ત્રોદ્ધારેષુ સર્વત્ર પરતઃ પરતઃ પુરઃ

પૂર્વતોઽપિ પરે કાર્યમનુક્તઃ પૂર્વપક્ષકઃ।
યદા ષોડશસાહસ્રં વૈષ્મવ્યા મન્ત્રસઞ્ચયમ્

ચક્રે નિરીક્ષ્યતે તત્ર ષોડશારં તુ ચક્રકમ્।
વિંશતિસ્તુ સહસ્રાણિ ત્રિપુરાયા યદીક્ષતે

દ્વાત્રિંશારં તત્ર ચક્રં લેખનીયં સદા બુધૈઃ।
ઇદમેવ મહાચક્રં ષોડશારાદિકં કૃતી

કુર્યાદધિકરેખાભિર્મન્ત્રશુદ્ધ્યન્તરે સુત।
ઇયં તે કથિતા પુત્ર મન્ત્રસિદ્ધિરભીષ્ટદા

જાનાતિ સમ્યક્ ય ઇમાં સ જયી કામમાપ્નુયાત્।
રહસ્યં પરમં પુત્ર પ્રયોગાદિપ્રકારતઃ

વક્ષ્યામિ તત્ સમાસેન શૃણુ વેતાલ ભૈરવ।
દન્તઃ પક્ષવિડાલસ્ય તત્ત્વચા પરિવેષ્ટિતઃ

નિર્માલ્યેન તુ વૈષ્મવ્યા તત્ સંવેષ્ટય ગુણત્રયમ્।
તત્ તદ્ વા વામસૂત્રસ્ય તત્તન્મન્ત્રેણ મન્ત્રિતમ્

ગૃહીત્વા દક્ષિણે પાણૌ મન્ત્રાણાં શતમાદિતઃ।
સઞ્ચયેદથ વૈષ્ણવ્યા અષ્ટમ્યાં નિયતેન્દ્રિયઃ

તતસ્તુ દક્ષિણે બાહૌ ધાર્યં યન્ત્રોત્તમં બુધૈઃ।
તતો દ્વાદશસિદ્ધિઃ સ્યાદ્ધર્તાચેન્નાત્રિતિત્તિલીમ્

જયઃ સંગ્રામવાદેષુ શરીરસ્યાપ્યરોગિતા।
વશકૃદ્રાજપુત્રાણાં રાજ્ઞામપિ ચ સન્તતમ્

ભૂતપ્રેતપિશાચાશ્ચ નો યાન્તિ નેત્રગોચરમ્।
યોષિતાં સમદાનાં તુ વશકૃચ્ચિન્તનાત્ સકૃત્

રુધિરાણાં શ્લેષ્મણા ચ ધાતૂનાં સ્તમ્ભનં તથા।
તેજસાં સ્તમ્ભકં ચૈવ ચક્ષુસ્તેજઃ પ્રદં તથા

મૂર્ધ્નિ પક્ષવિડાલસ્ય હસ્તં દત્ત્વા શતત્રયમ્।
વૈષ્મવીતન્ત્રમન્ત્રં તુ જપ્ત્વા તં સ્થાપયેદ્ ગૃહે

તં વિડાલં તુ યા પશ્યેન્મલિની વનિતા સુત।
નાપુત્રા સા ભવિત્રી તુ કદાચિદપિ ભૈરવ

તાદૃક્ પક્ષવિડાલસ્તુ યસ્ય તિષ્ઠતિ મન્દિરે।
મૃતાપત્યાપિ તદ્ગેહે જીવત્પુત્રા પ્રજાયતે

કોકિલો ભૃઙ્ગરાજો વા ચકોરો વા શુકોઽથવા।
વૈષ્ણવીતન્ત્રમન્ત્રેણ મન્ત્રિતો યત્ર તિષ્ઠતિ

વિઘ્નં ન મન્દિરે તસ્ય ભવિતૃ સુપ્રજા ભવેત્।
ન સર્પાસ્તત્ર ગચ્છન્તિ ગતાઃ ખાદન્તિ નો નરાન્।
નારી ન બન્ધકી તસ્ય મન્દિરેઽપિ પ્રજાયતે

પઞ્ચમૂર્તેશ્ચણ્ડિકાયા નિર્માલ્યાનિ ચ પઞ્ચમઃ

તેષાઁ વલીનાં માંસ્ન સ્થાલ્યાં પક્ત્વા દિનત્રયમ્।
અષ્ટમ્યાં તત્પુનર્દેવ્યૈ દત્ત્વા તન્મન્ત્રમન્ત્રિતૈઃ

તોયૌર્ભ્યુક્ષ્ય ભુઞ્જીયાન્મનસા ચિન્તયેચ્છિવામ્।
તસ્મિન્ ભુક્તે તુ દીર્ઘાયુજંરા શોકવિવર્જિતઃ

તેજસ્વી શત્રુદમનઃ કવિર્વાગ્મો ચ જાયતે।
લલાટે મૂર્ધ્નિ કણ્ઠે ચ બાહ્વોઃ પાણ્યોસ્તથા હૃદિ

વૈષ્ણવીતન્ત્રમન્ત્રસ્ય યાનિ ચાષ્ટાક્ષરાણિ ચ।
લિખિત્વા તાનિ ચૈતેષુ સ્થાનેષુ મન્ત્રવિદ્ બુધઃ

કુઙ્કુમં ક્ષીરમલયજાતપઙ્કઃ સુયાવકૈઃ।
અષ્ટમ્યાં સંયતો ભૂત્વા નવમ્યાં પ્રથમં નરઃ

પ્રતિષ્ઠાને ન્યસ્ય કરમષ્ટાવષ્ટૌ જપેદ્ બુધઃ।
આવર્તનેન મન્ત્રાણાં તતોઽનુ પૂજયેચ્છિવામ્

તતસ્તસ્મિન્ દિને દેવ્યૈ વિજાતીયં વલિત્રયમ્।
દત્ત્વા સહસ્રં મન્ત્રસ્ય સંખ્યયા જપમારભેત્

જપાન્તે તુ હવિર્ભુક્તા સંયતો રજનીં નયેત્।
એવં સકૃત્કૃતે પુત્ર રણે તસ્ય પરાજયઃ

કદાચિદપિ નો ભૂયાન્ન ચ વાદેષુ શાસ્ત્રતઃ।
વિધિમેવં સકૃત્કૃત્વા રણકાલે યથા તથા

સદા લિખેત્ ક્ષત્રિયસ્તુ વિજયાય રણેષુ ચ।
અપરં તુ રણાષ્ટાઙ્ગં ગુહ્યમેતત્ પ્રકીર્તિતમ્

અનેનૈવ તુ ગુહ્યેન વિજયી ત્વં ભવિષ્યસિ।
ઇતિ નૌ કથિતં સર્વં ગુહ્યાદ્ ગુહ્યતરં શુભમ્

સુખસમ્પત્કરં મન્ત્રં યન્ત્રતન્ત્રસમન્વિતમ્।
યચ્છ્રોતું ત્રિદશાઃ સર્વે નિત્યં વાઞ્છન્તિ ચામૃતમ્

તદિદન્તે સમાખ્યાતં પુત્ર વેતાલ ભૈરવ।
એતત્ સર્વં નદો જ્ઞાત્વા તત્ત્વતઃ પુત્ર ભૈરવ

સ કામાનખિલાન્ પ્રાપ્ય નિત્યં કૈવલ્યમાપ્નુયાત્।
શૃણોતિ યઃ સકૃદિદં કથ્યમાનો દ્વિજોત્તમૈઃ

ન તસ્ય વિઘ્ના જાયન્તે નાપુત્રઃ સ ચ જાયતે।
દીર્ઘાયુર્બલયુક્તશ્ચ નિત્યં પ્રમુદિતઃ કૃતી।
વાઞ્ચિતાર્થમવાપ્નોતિ દેવીગૃહમવાપ્નુયાત્

ગચ્છતં કામરૂપાન્તઃપીઠં નીલાચલાહ્વયમ્

કામાખ્યાનિલયં ગુહ્યં કુબ્જિકાપીઠસંજ્ઞકમ્।
આકાશગઙ્ગા યત્રાસ્તિ તજ્જલૈરભિષિચ્ય ચ

તત્રારાધયતં પુત્રૌ મહામાયાં જગન્મયીમ્।
સા પ્રસન્નાચિરાદ્ દેવો વરદા નૌ ભવિષ્યતિ

॥ઔર્વ્ય ઉવાચ॥
ઇત્યુક્ત્વા વૃષભારૂઢસ્તદા વેતાલભૈરવૌ।
સ પુત્રૌ તુ પરિત્યજ્ય તત્રૈવાન્તરધીયત

તતસ્તૌ નાટક શૈલં પરિત્યજ્ય તપસ્વિનૌ।
આસેદતુર્મહાત્માનં વસિષ્ઠં બ્રહ્મણઃ સુતમ્

સ તુ સન્ધ્યાચલગતસ્તૌ દૃષ્ટ્વા સમુપસ્થિતૌ।
સભાજયામાસ મુનિઃ શિષ્યવત્ તૌ હરાત્મજૌ

તતસ્તસ્યોપદેશેન વસિષ્ઠસ્ય મહાત્મનઃ।
જગ્મતુસ્તૌ મહાશૈલં નીલં કામાખ્યયાગતમ્

તત્ર ગત્વા મહાત્માનૌ વૈષ્ણવીતન્ત્રગોચરમ્।
આદાય જાતાં તાં દેવીં મહામાયાં જગન્મયીમ્

ભૈરવાખ્યસ્ય લિઙ્ગસ્ય નિકટસ્થૌ શિવાત્મનઃ।
આકાશગઙ્ગામાપ્લાવ્ય સ્થણ્ડિલે મણ્ડલોત્તમમ્

વિધાય નરશાર્દૂલૌ જેપતુર્મન્ત્રમુત્તમમ્।
તૌ જપ્ત્વા વિધિવન્મન્ત્રં સિદ્ધમષ્ટાક્ષરાત્કમ્

વેતાલસ્ય તથાસાધ્યમષ્ટલક્ષાણિ સંખ્યયા।
ત્રિભિર્વર્ષૈસ્તુ લક્ષાણાં ચતુર્ણામન્તતસ્તતઃ

ત્રિધા પુરશ્ચરણં ચ તૌ ભક્ત્યા સમકુર્વતામ્।
યદ્યદુત્તરતન્ત્રોક્તં કલ્પોક્તં પૂજને કૃતમ્

તત્સર્વં ચક્રતુસ્તૌ તુ તં ત્રિહાયણસંવૃતૌ।
કામાખ્યા ત્રિપુરાદીનામન્યાસામપિ પૂજનમ્

સકૃત્કૃત્વા પીઠયાત્રાં ચેરતુર્વિધિવત્ તદા।
એવં તૌ બદ્ધકવચૌ કૃતન્યાસૌ હરાત્મજૌ

સુપ્રીતા ચાનુજગ્રાહ મહામાયાઽથ તૌ તદા।
ધ્યાનસ્થયોસ્તુ જપતોર્યજતોશ્ચ જગન્મયો

શિવલિઙ્ગં વિનિર્ભિદ્ય તદા પ્રત્યક્ષતાં ગતા।
તસ્યાં વિનિર્ગતાયાં તુ શિવલિઙ્ગં ત્રિધાઽભવત્

ભૈરવો ભૈરવી ચેતિ હેરુકશ્ચ તથા ત્રયઃ।
તાં દદર્શ તદા દેવીં વેતાલો ભૈરવસ્તદા।
યથા ધ્યાનગતા દૃષ્ટા બહિશ્ચાપિ તથા તથા

તાં દૃષ્ટ્વા ચારુસર્વાઙ્ગી પીનોન્નતપયોધરામ્

બરદાભયહસ્તાં ચ સિદ્ધસૂત્રાસિધારિણીમ્।
રક્તપદ્મપ્રતીકાશાં સિતપ્રેતાસનસ્થિતામ્

નિમીલ્ય નયનદ્વન્દ્વં તદા વેતાલભૈરવૌ।
ત્રાહિ ત્રાહિ મહામાયે ઊચતુસ્તૌ મુહુર્મુહુઃ

તતસ્તયા મહાદેવ્યા તેજસાપ્યાયિ તુ તૌ।
પસ્પર્શ વરહસ્તસ્ય ચાગ્રભાગેન વૈષ્ણવી

આપ્યાયિતૌ તતસ્તૌ તુ સ્પૃષ્ટાવપિ તથા પુનઃ।
આસેદતુશ્ચ દેવત્વં મનુષ્યત્વં વિહાય ચ

દેવભૂતૌ તદા તૌ તુ મહામાયાં જગન્મયીમ્।
સ્તુતિભિર્નતિભિશ્ચેતિ તદા તુષ્ટુવતુઃ શિવામ્

॥વેતાલભૈરવાવૂચતુઃ॥
જય જય દેવિ સુરગણાર્ચિતપઙ્કજે
વિશ્વસ્ય ભૂતિભાવિની શશિમૌલિ-કેલિભાવિનિ ગિરિજે।
નેત્રત્રયનિર્જિતવિવસ્વદ્વિધુવહ્લિકાન્તિતુલિતકમલજે મધ્યનેત્રનતભ્રૂ ભઙ્ગભક્તરક્તમતિચયજ્વાયકવિમલજે

આજ્ઞાચક્રાન્તશાન્તનવકોટિકરોટિતુલ્યકાન્ત શાન્તશશધરે।
બહુમાયકાયભોગયોગતરઙ્ગસારસ્ય પદ્મવસુચરે

ત્રિનાડિનીતમધ્યબદ્ધવિષ્કિરવલ્લભશુભસુષુમ્નસમાધારપરે।
વિબુધરત્નવિમોદિવિશ્વમૂર્તિમહોમયાનવસિ ષટ્ચક્રધરે

આદિષોડશચક્રચુમ્બિતચારુદેહપીનતુઙ્ગકુચાચલાલિગિતભૂમિમધ્યનાગશાકગતે
પઙ્કજાતકમૂલમણિચતુર્બાહુયુતે।
જ્ઞાનતાલકમન્ત્રતન્ત્રયોગિયોગનિબદ્ધસારસૂતભઙ્ગ વિનોદકૃતે।
આત્મતત્ત્વપરૈકશારરત્નહારકમુક્તિસૂક્તિવિવેકસિતપ્રેતરતે

રત્નસારસમસ્તસઙ્ગતરંગરાગવિયોગિમન્ત્રશાન્તપુરવિશેષકૃતે।
યોગિનીગણનૉત્યભૃત્યભાવનનિબદ્ધનદ્ધહારકઙ્કણમુખ્યભૂષણપતે।
સાટ્ટહાસવિનોદમોદિતમુક્તકેશસુરેશનિબદ્ધદેહપુટે।
દેહિ દેવિ શોકશોચનબન્ધમોચનપાપશાતનશુદ્ધમતે

સર્વવિદ્યાત્મિકાં ગુહ્યાં મન્ત્રયન્ત્રમયીં શિવામ્।
પ્રણમામિ મહામાયાં લોકે વેદે ચ કીર્તિતામ્

પરાપરાત્મિકાં નિત્યાં સાધ્યાધારૈકસંસ્થિતામ્।
કામાહ્લાદકરીં કાન્તાં ત્વાં નમામિ જગન્મયોમ્

પ્રપઞ્ચપરમવ્યક્તં જગદેકવિવર્ધિનિ।
પ્રભાવનેનાર્ધરક્તાંગિ દેવિ તુભ્યં નમોઽસ્તુ તે

કામાખ્યા નિત્યરૂપાખ્યા મહામાયા સરસ્વતી।
યા લક્ષ્મીર્વિષ્ણુવક્ષઃસ્થા નામાવો હ્યચ્યુતાં શિવામ્

મન્ત્રાણિ યસ્યાસ્તન્ત્રાણિ સહસ્રાણિ ચ ષોડશ।
મન્ત્રયન્ત્રાત્મકે તુભ્યં નમ્ઽસ્તુ મમ પાર્વતિ

॥ઔર્વૌવાચ॥
ઇતિ સ્તુતા તતસ્તાભ્યાં મહામાયા જગત્પ્રસૂઃ।
ઉવાચ મુદિતા ચેતિ વરં વરયતં યુવામ્

પ્રત્યક્ષતો મહામાયાં પૂર્વવદ્ ધ્યાનગોચરામ્।
તૌ દૃષ્ટ્વા ભર્ગતનયૌ પ્રાહતુશ્ચેદમુત્તમમ્

॥વૈતાલભૈરવાવૂચતુઃ॥
દેવ્યનેન શરીરેમ ભવત્યાઃ શઙ્કરસ્ય ચ।
પ્રાર્થયે શાશ્વતીં સેવાં નિત્યં યાવદ્રવિઃ શશી

નાન્યં વરં સોધયાવો માયે ત્વત્તો જગન્મયિ।
અન્યથા તવ ભક્ત્યૈવ સ્થાસ્યાવો ગિરિકન્દરે

॥ઔર્વૌવાચ॥
એવમુક્તા તતસ્તાભ્યાં મહામાયા જગન્મયી।
એવમસ્ત્વિતિ ચોવાચ ભવત્યેવં મુહુર્મુહુઃ

એવં સિદ્ધિર્જગદ્ધાત્રી પ્રોક્તા સ્વસ્યાથ ચૂચુકે।
નિષ્પીડ્ય કારયામાસ ક્ષીરધારાદ્વયં શિવા

તતસ્તુ નિઃસૃતં ક્ષીરં પાયયામાસ ભૈરવમ્।
વેતાલં ચ મહારાજ પિબતસ્તૌ ચ તત્ તદા

પીત્વા તૌ ચ તદા ક્ષીરં દેવત્વં પ્રાપ્ય શાશ્વતમ્।
અજરૌ ચામરૌ ભૂતી મહાતેજસ્વિનૌ શુભૌ

તસ્યાસ્તુ ક્ષીરમમૃતં તત્ પીત્વા તૌ મહાબલૌ।
પીયૂષપાનાત્ સજાતૌ તતસ્તૌ પ્રાહ વૈષ્ણવી

ગણાનાં દેવદેવસ્ય ભવતસ્ચાધિપૌ યુવામ્।
દ્વાઃસ્થૌ ચ નિત્યમાસન્નૌ નન્દિવદ્ ભવતં સુતૌ

ઇત્યુક્ત્વા હરસમ્મત્યા મહામાયા જગન્મયી।
યોગિનીગણસંયુક્તા તત્રૈવાન્તરધીયત

અન્તર્હિતાયાં તસ્યાં તુ તદા વેતાલભૈરવૌ।
મુદિતૌ પરમપ્રીતૌ કૃતકૃત્યૌ બભૂવતુઃ

અથાગચ્છદ્ દેવગણૈઃ સાર્ધં સપ્રમથો હરઃ।
સભાજયિતુમત્યર્થં પુત્રૌ વેતાલભૈરવૌ

તાવાસાદ્ય મહાદેવસ્તદા નીલાહ્વયં ગિરિમ્।
સકલં દર્શયામાસ પીઠં તુ સ્થાનભેદતઃ

કામાખ્યાયા ગુહાં તત્ર દર્શયિત્વા મનોભવામ્।
તતઃ સ્વીયાં કામગુહાં ચાયાચ્છત્રં સ્વમાલયમ્

સ્વકીયં પઞ્ચમૂર્તીનાં સંસ્થાનં ચાપ્યદર્શયત્।
કામરૂપસ્ય સકલં પીઠં દેવમયં તથા

પ્રત્યેકં દર્શયામાસ ક્રમતસ્ત્રિપુરાન્તકઃ।
પ્રથમં કરતોયાખ્યાં સત્યગઙ્ગા સદાશિવામ્।
પુણ્યતોયમયીં શુદ્ધાં દક્ષિણાબ્ધ્યેકગમિનીમ્

॥ ઇતિ શ્રીકાલિકાપુરાણે વેતાલભૈરવયોઃ સિદ્ધિલાભો નામ ષટ્સપ્તતિતમોઽધ્યાયઃ