જયાખ્યસંહિતા · અધ્યાય 30

પટલઃ - 30
અથ પરિકરસાધનં નામ ત્રિંશઃ પટલઃ। 30-1
શ્રીભગવાન્ ---
સમાસાત્કૌસ્તુભાદીનાં સાધનં શૃણુ નારદ।
યેન વિજ્ઞાતમાત્રેણ યથેષ્ટં સાધયિષ્યતિ

સ્વનામ્નઃ પૂર્વવર્ણં ચ માત્રાવ્યઞ્જનવર્જિતમ્।
આઙ્ગિકો લાંછનચયઃ સ્વસ્વસંજ્ઞાદયસ્તુ ષટ્

સાધાર(સામાન્ય ?) મેતત્સર્વેષાં નવાનામઙ્ગસિદ્ધયે।
વિશેષઃ કૌસ્તુભાદીનામધુનાઽત્રૈવ વક્ષ્યતે

[કૌસ્તુભમન્ત્રસાધનમ્] 30-2
મણ્યક્ષરસ્યાસને તુ નિયોક્તવ્યૌ (1)રલૌ ક્રમાત્।
કૃત્વા ન્યાસં યજેદ્દેહે સૂર્યવદ્વર્તુલં બહિઃ

(1. લરૌ ય્)
સપદ્મમણ્ડલં કૃત્વા ઇષ્ટ્વા તત્ર મહામતે।
જપ્ત્વા હુત્વા તતો યાયાદ્ગિરિશૃડ્ગમપાદપમ્

જપેલ્લક્ષદ્વયં પશ્ચાન્મન્દારકુસુમાયુતમ્।
જુહુયાત્કુઙ્કુમેનૈવ સમદ્વાજ્યપરિપ્લુતમ્

તતશ્ચમ્પકપુષ્પાણાં જુહુયાદયુતત્રયમ્।
મન્ત્રેશઃ સિધ્યતિ ક્ષિપ્રં સિદ્ધઃ સદ્રત્નસઞ્ચયમ્

પ્રયચ્છત્યચિરેણૈવ આયુરારોગ્યવર્ધનમ્।
કૃત્વાઽલક્તકસૂત્રેણ વેષ્ટનાચ્ચ યવત્રયમ્

અઙ્ગુલાનિ ચતુર્દૈર્ઘ્યાત્ ઘૃતાક્તં વર્તિપઞ્ચકમ્।
સષડઙ્ગેન મન્ત્રેણ જ્વાલયિત્વા જપેન્મુને

શતમેકં તુ વૈ સાર્ધં લોહચક્રોપરિ સ્થિતમ્।
બિલં રસાયનં વિત્તં યત્રાધસ્તાત્ક્ષિતૌ સ્થિતમ્

ચઙ્કમેજ્જપમાનસ્તુ ચક્રાત્પ્લુત્ય ચ ભેકવત્।
વર્તયો નિપતન્ત્યાશુ મન્ત્રસ્યાસ્ય પ્રભાવતઃ

સ્થાનં ખાત્વોત્તરેદ્વિપ્ર(2) નિધીન્વૈ સરસાયનાન્।
બિલં કૃતં યદ્વિવિક્તં તિષ્ઠત્યાચન્દ્રતારકમ્

(2. રે વિપ્ર અ)
નરેન્દ્રમખિલં તત્ર ... ... ... ... ।
રત્નાનિ ધ્યાનમાત્રેણ પણાન્યાભરણાનિ ચ

દદાતિ મર્ત્યલોકેઽસ્મિન્દુર્લભાનિ સદૈવ હિ।
યશ્ચૈવં ... ... માદ્યૈસ્તુ(1) લિખિતં ધારયેદ્ગલે

(1. યશ્ચૈવમાદિમા અ)
પદ્મ ... સપ્રયોગેણ પ્રજપન્મન્ત્રનાયકમ્।
તસ્ય સર્વાર્થસિધ્યર્થં સર્વસ્મિન્નિધિવસ્તુનિ

ઇત્યેતત્કૌસ્તુભસ્યોક્તં માલામન્ત્રસ્ય કથ્યતે।
[માલામન્ત્રસાધનમ્] 30-3
અથ સ્વનામવર્ણસ્ય ક્રમાચ્ચ...લય(યરલ ?) ત્રયમ્

પૂર્વોપકરણેનૈવ યુક્તમઙ્ગગણં તનૌ।
ન્યસ્ય કૃત્વા તુ હૃદ્યાગં બહિરર્ધેન્દુમણ્ડલે

ષટ્‌પત્રે પુષ્કરે ધ્યાત્વા સંપૂજ્ય જુહુયાત્તતઃ।
વનરાજિં સમાસાદ્ય લક્ષમેકં જપેત્તતઃ

જાતિચમ્પકપુષ્પાણાં કદમ્બાનાં તુ હોમયેત્।
સર્વૌષધિરસાક્તાનામયુતઞ્ચાયુતં ક્રમાત્

મધુના કેવલેનાથ જુહુયાદયુતં દ્વિજ।
હોમાન્તે મન્ત્રસિદ્ધિસ્સ્યાદ્દૈવી લોકે તુ માનુષે

કૃત્વાઽભિમાન્ત્રિતાં કણ્ઠે પુષ્પમાલાં ચ સાધકઃ।
નિધાયાવનિસંસ્થાયામર્ચાયામાત્મનોઽથવા

ન વિપ્રમાનભાવત્વં યાત્યસૌ યાવદિચ્છતિ।
કરોતિ ચાર્ચનં વિષ્ણોઃ સ્થાને પુષ્પફલોજ્ઝિતે

અકાલકુસુમાન્યાશુ તત્રાકાશાત્પતન્તિ ચ।
પૂજાં (સ્રજં) કૃત્વા તુ તૈઃ પુષ્પૈસ્તાન્યેવ યદિ ધારયેત્

ઉત્તમાઙ્ગે તુ કણ્ઠે વા ભૂયો દ્વિશતમન્ત્રિતામ્।
યાયાદદર્શનં મન્ત્રી કગતિર્વાઽથ વાયુવત્

દિવ્યગન્ધવહો નિત્યં દિવ્યાશ્ચર્યપ્રદર્શકઃ।
કુસુમાયુધસાદૃશ્યાદ્વપુષા પરિદ્દશ્યતે

માલાધરસ્તુ વૈ મન્ત્રી અખિલે લલનાકુલે।
માલાકારસ્ય વૈ તુષ્ટો યદિ પુષ્પવનં દ્વિજ

નિરીક્ષતે જપન્મન્ત્રી શુષ્કં તત્પુષ્પિતં ભવેત્।
ક્રુદ્ધોઽપિ કુસુમાકીર્ણં વનં દૃષ્ટ્વા કરોતિ ચ

દાવાગ્નિનેવ નિર્દગ્ધં ભૂયો વા યદિ ચેચ્છતિ।
પ્રાવૃણ્માધવકાલાભ્યાં તુલ્યત્વમુપપાદયેત્

યે કેચિદ્દુર્લભા ગન્ધાઃ સ્વર્ગપાતાલસંભવાઃ।
યત્ર માલાધરસ્તિષ્ઠેન્મન્ત્રી તત્ર (1)વહન્તિ તે

(1. ભવન્તિ અ)
સુભગસ્સર્વભૂતાનાં દર્શનાદેવ જાયતે।
જયાદૃતે ન ચાપ્નોતિ કુત્રચિત્સ પરાજયમ્

શાન્તિકં પૌષ્ટિકં ચૈવ અયત્નેનાચિરાત્તુ વૈ।
માલાધરો લભેતાશુ મન્ત્રસન્ધારણાદપિ

[કમલમન્ત્રસાધનપ્રકારઃ] 30-4
માલાસાધનમિત્યેતત્કમલસ્યાથ કથ્યતે।
નામાર્ણસ્યાસને દદ્યાજ્જીવં વરુણસંસ્થિતમ્

પ્રાગુક્તસંસ્કૃતં કૃત્વા હ્યસ્ય ધ્યાત્વા યજેદ્ધૃદિ।
બહિઃ પદ્માન્તરે પદ્મં દ્વિષટ્‌પત્રે તુ ષડ્‌દલમ્

કર્ણિકાકેસરોપેતં કૃત્વા વૃત્તપુરાન્તરે।
તત્રાવતાર્ય સંપૂજ્ય હોમં કૃત્વા તિલાદિકૈઃ

યાયાત્પદ્મવનોદ્દેશં પદ્મમન્ત્રં જપેત્તતઃ।
લક્ષમેકં મુનિશ્રેષ્ઠ અયુતં ત્રિતયાન્વિતમ્

હોમયેત્કમલાનાં તુ અયુતદ્વિતયં દ્વિજ।
અયુતં સ્થલપદ્માનાં મધુસિક્તં તતોઽયુતમ્

નાગકેસરગન્ધાનાં મન્ત્રસિદ્ધિર્ભવેત્તતઃ।
લભેત વિપુલાં લક્ષ્મીં વ્યાધિરોગવિવર્જિતઃ

સૌભાગ્યમતુલં ચૈવ કાન્તિં પરમશોભનામ્।
વલીપલિતનિર્મુક્તો ધનધાન્યસમન્વિતઃ

ભૂર્જપત્રે તુ ષટ્‌પત્રં કમલં કુઙ્કુમેન તુ।
વિલિખ્ય મન્ત્રં તન્મધ્યે ન્યાસયોગેન નારદ

દદાતિ ધારણાત્સર્વં સાધિતં કમલં પુરા।
એતદ્વિધાનં પદ્મસ્ય શઙ્ખસ્યાપ્યધુનોચ્યતે

[શઙ્ખમન્ત્રસાધનપ્રકારઃ] 30-5
સ્વાભિનદ્ધા (ધાના ?) દ્યવર્ણસ્ય ત્વધસ્થૌ યોજયેદ્બલૌ।
વિગ્રહં સકલીકૃત્ય હૃદ્યાગે તુ કૃતે સતિ

બાહ્યે શઙ્ખોદરં પદ્મં ષટ્‌પત્રં મણ્ડલસ્થિતમ્।
કૃત્વા તત્રાર્ચયેન્મન્ત્રં હોમં કૃત્વા તુ નારદ

નિર્ઝરામ્બુયુતં સ્થાનં પ્રયાયાદ્વિજનં દ્વિજ।
લક્ષાષ્ટકં જપેન્મન્ત્રી અયુતં ત્રિતયોત્તરમ્

જુહુયાત્કુમુદાનાં તુ લક્ષષટ્‌કં સમાહિતઃ।
હોમાન્તે મન્ત્રરાટ્ સમ્યક્ સિધ્યત્યસ્ય મહામતે

દૂરાચ્છ્રવણવિજ્ઞાનં તત્પ્રભાવાત્પ્રવર્તતે।
સર્વભૂતરુતં ચૈવ દ્યાનજપ્યપરો લભેત્

પ્રભાવાન્મન્ત્રનાથસ્ય શબ્દાંશ્ચાકર્ણયેદ્બહૂન્।
દેવગન્ધર્વલોકોત્થાન્ શ્રોત્રેન્દ્રિયમનોહરાન્

પ્રયુક્તઃ પૂર્વવિધિના મન્ત્રોઽયં યત્ર કુત્રચિત્।
સ સાધયતિ તચ્છીઘ્રં વિઘ્નેશેન મહામતે

તુષારક્ષીરલલિતાં (તે ?) શુધયા ચન્દનેન ચ।
રક્તવસ્ત્રેઽથવા ભૂર્જે મન્ત્રં યો ધારયત્યપિ

તસ્યોપચયસામગ્રી સમ્મુખત્વં પ્રયાતિ ચ।
વિધાનમેતચ્છઙ્ખસ્ય પ્રોક્તં ચક્રસ્ય કથ્યતે

[ચક્રમન્ત્રસાધનપ્રકારઃ] 30-6
કૃત્વોર્ધ્વે મરણાનાં ચ સંજ્ઞા પ્રાક્ ક્ષયં તુ યત્(?)(1)।
કુર્યાત્પરિકરાઢ્યં ચ ચક્રાઙ્ગગણસિદ્ધયે

(1. કૃત્વોર્ધ્વેમકૃત્વોર્ધ્વેમરણાનાં ચ સંજ્ઞયા। પ્રાગક્ષયં તુ યત્ ... ... ... અ)
ન્યસ્ય પાણૌ તથા દેહે હૃત્પદ્મે પૂજયેત્તતઃ।
દ્વિષટ્કારં લિખેચ્ચક્રં નાભિનેમિસમન્વિતમ્

તદન્તરે તુ ષટ્‌પત્રં કમલં રક્તપાંડુરમ્।
ચક્રં રાજોપલાભેન સિતધારં જ્વલત્પ્રભમ્

તન્મધ્યે ચક્રમન્ત્રં તુ સંપૂજ્ય જુહુયાત્તતઃ।
દત્વા પૂર્ણાહુતિં ચૈવ સમાક્રમ્ય વનસ્થલીમ્

વિલિખ્ય ચક્રરાણ્મન્ત્ર...કં વાથ કુઙ્કુમમ્।
ચક્રમસ્મીતિ વૈ બુદ્ધ્યા સ્થિતમાત્મનિ નારદ

સમાક્રમ્ય તુ ચક્રાક્ષં બદ્ધપદ્માસનો વિશેત્।
જપેલ્લક્ષત્રયં મન્ત્રી ચક્રાઙ્કાં ચ મહૌષધિમ્

જુહુયાલ્લક્ષમાનેન ચક્રલક્ષસ્થિતો વ્રતી।
ચક્રાઙ્કે તુ શુભે કુણ્ડે ત્રિતયં જુહુયાદ્ધૃતમ્

હોમાન્તે મુનિશાર્દૂલ ચક્રમાક્રમ્ય સાધકઃ।
જપેદ્ધ્યાનસ્થિતો લક્ષં ચક્રમુત્પતતે તતઃ

પ્રયાત્યર્કપદં વેગાદ્ગૃહીત્વા સાધકં તુ વૈ।
લોકાન્તરેષુ સર્વેષુ નયત્યવિરતં બલાત્

ન યાતિ યદિ વૈ મોહં મન્ત્રસત્વક્ષયાન્મુને।
ચક્રમસ્મીતિ વૈ બુદ્ધ્યા વાસના યદિ વર્તતે

મન્ત્ર્યસ્મિન્માનુષે લોકે નાસ્તિ તદ્યન્ન સાધયેત્।
કર્મણા મનસા વાચા ધ્યાનાત્સંસ્મરણાત્તુ વૈ

ઇત્યેતચ્ચક્રમન્ત્રસ્ય વિધાનમથ નારદ।
[ગદામન્ત્રસાધનપ્રકારઃ] 30-7
વક્ષ્યે ગદાખ્યમન્ત્રસ્ય તદ્વર્ણસ્યાસને ન્યસેત્

(1)લરૌ પૂર્વોદિતં સર્વમૂર્ધ્વેઽઙ્ગનિચયો ભવેત્।
ન્યાસં કૃત્વાઽર્ચનં સમ્યઙ્ભનસાઽથ બહિર્દ્વિજ

(1. રલૌ અ)
ગદાષ્ટકાવૃતં કુર્યાત્સ્ફુરન્તં મધ્યતોઽમ્બુજમ્।
હેમાભં ષડ્‌દલં તત્ર ગદામન્ત્રં તુ પૂજયેત્

હોમં કૃત્વા તતો યાયાદ્ગુહાં વિપ્ર મનોરમામ્।
તત્રાયુતાષ્ટકં મન્ત્રં જપેત્તદનુ હોમયેત્

ઘૃતાપ્લુતં સમિલ્લક્ષં રક્તચન્દનસંભવમ્।
હોમાન્તે તુ ગદામન્ત્રઃ સુસિદ્ધિં સંપ્રયચ્છતિ

યાન્યભીષ્ટાનિ મનસો હ્યાત્મનશ્ચ પરસ્ય વા।
કૃત્વાદૌ તુ ગદાં મન્ત્રી દ્વિહસ્તાં ચન્દનોત્થિતામ્

પ્રપૂજ્ય તાં સમાદાય કૃત્વાષ્ટશતમન્ત્રિતામ્।
ઘોરાન્દુષ્ટગ્રહાન્હન્યાન્મન્ત્રી શિરસિ તાડનાત્

યત્રેન્દ્રજાલરોગાદીન્ (દિ ?) સ્તમ્ભા નાનાવિધાશ્ચ યે।
પાણિના ભ્રામ્યમાણાયાં ગદાયાં યાન્તિ હસ્તસાત્

નસ્યન્તિ કરિણો મત્તાસ્તથાન્યે કુક્કુરાદયઃ।
ઘોરા વિષધરા ક્ષુદ્રા યેઽપ્યન્યે દુષ્ટચેતસઃ

પ્રહારૈર્ભૂતલં હન્યાદ્દશભિર્મન્ત્રસંસ્કૃતૈઃ।
પાતાલવીથીઃ સર્વાશ્ચ નિર્ભયઃ સંચરેદ્વ્રતી

ચક્રવલ્લિખિતં ભૂર્જે ગદામન્ત્રં ચ યો વહેત્।
ત્રિલોહવેષ્ટિતાં કૃત્વા સ સર્વસુખભાગ્ભવેત્

ઉક્તમેતદ્ગદાખ્યસ્ય કર્મ મન્ત્રસ્ય નારદ।
[ગરુડમન્ત્રસાધનપ્રકારઃ] 30-8
ગરુડસ્યાધુના શીગ્રમેકાગ્રમવધારય

વર્ણેઽભિધાનપૂર્વે તુ વેદાત્માનં નિયોજયેત્।
ઊર્ધ્વાધો હ્યનલં ભૂયો યુક્તં તત્પૂર્વવત્સ્વરૈઃ

કૃત્વા ન્યાસં તુ હૃદ્યાગં ચતુરસ્રે તુ મણ્ડલે।
ષટ્‌પત્રં વજ્રમધ્યે તુ કુર્યાત્પદ્મં સુપીતલમ્

સંપૂજ્ય તત્ર ગરુડં હોમં કૃત્વા યથાવિધિ।
યાયાદ્વ(1)રગિરેઃ શૃઙ્‌ગં જપેલ્લક્ષચતુષ્ટયમ્

(1. ચ્ચૈવ અ)
ત્રિલક્ષં જુહુયાત્પશ્ચાદ્ધૃતાક્તાનાં મહામતે।
શ્યામાતણ્ડુલયુક્તાનાં તિલાનામેકમાનસઃ

તતોઽસ્ય ખગરાટ્ સમ્યક્ પરિતોષં પ્રયચ્છ(2)તિ।
અભીષ્ટમાપાદયતિ સાધકસ્ય કૃતાત્મનઃ

(2. પ્રયાતિ ચ અ)
નિરીક્ષમાણો દિક્ચક્રં પ્રદક્ષિણમુપક્રમન્।
જપેન્મન્ત્રં યદા મન્ત્રી આસ્તે રાત્રૌ સિતાષ્ટમીમ્

તદાઽષ્ટૌ કુલનાગા યે નાગવૃન્દાયુતાન્વિતાઃ।
પ્રધાનાન્વૈ મણીંસ્ચૈવ પ્રધાનં ચ રસાયનમ્

ગૃહીત્વા ભયભીતાશ્ચ તસ્ય તિષ્ઠન્તિ ચાગ્રતઃ।
નિસ્સર્પઃ સ ભવેદ્દેશો યત્ર મન્ત્ર્યવતિષ્ઠતે

સ્થાવરાણિ વિષાણાં ચાભ્યન્તરાણાં તુ કા કથા।
લૂતાવિસ્ફોટકાનાં તુ ગર્દભાનાં મહામતે

નામનાશો ભવેત્તત્ર યાવત્તત્સન્તતે (ત?) સ્થિતિઃ।
લીલયા (1)યાહિ યાહીતિ દષ્ટમેઘસ્ય(?)ભાષતે

(1. સાહિ યા ભીતિદુષ્ટ ય્ ચ્ લ્)
સ યાતિ ચ તથા નનમરણેષૂષરેષુ ચ।
વિષભારસહસ્રં ચ યોઽત્તિ વૈ કાલિકોદયે

ભક્ત્યા સ્મૃત્વા મન્ત્રિણં તં તત્તન્નામગ્રહેણ વા।
યશ્ચ ધારયતે મન્ત્રં લલાટે કુંકુમેન તુ

સ સર્વદોષનિર્મુક્તઃ ખ આસ્તે પક્ષિરાજવત્।
ગરુડસ્ય ચ મન્ત્રસ્ય ઉક્તમુદ્દેશતો મયા

[પાશમન્ત્રસાધનપ્રકારઃ] 30-9
માહાત્મ્યમથ પાશાખ્યમન્ત્રસ્ય શૃણુ નારદ।
વિનિયોગં તદાદ્યર્ણે વિશ્વરૂપાનલૌ ત્વધઃ

તદઙ્કયેચ્ચ શિરસિ ષોઢા કૃત્વા તુ પૂર્વવત્।
ન્યસ્ય હસ્તે તથા દેહે હૃત્પધ્મે પૂજયેત્તતઃ

કૃત્વા પાશોદરે પદ્મં ષટ્‌પત્રં વહ્વિમણ્ડલે।
તત્ર સંપૂજ્ય તન્મન્ત્રં હોમં કુર્યાત્તિલાક્ષતૈઃ

જપ્ત્વા મન્ત્રાયુતાન્યષ્ટૌ જુહુયાદ્વાજસર્ષપાન્।
સિતસર્ષપતૈલાક્તાન્ જપાર્ધેન મહામતે

તદન્તે તુ ઘૃતૈઃ કુર્યાત્તિલૈર્હોમં તુ નારદ।
એકાયુતપ્રમાણેન તતઃ સિદ્યાતિ મન્ત્રરાટ્

મર્ત્યલોકસ્થિતો મન્ત્રી પાતાલસ્થાંશ્ચ કર્ષયેત્।
પાતાલસંસ્થિતો મન્ત્રી સ્વર્વ્યાન્વૈ નિખિલાન્મુને

વશ્યાકર્ષણશો(2)ષાંશ્ચ પ્રયુક્તસ્ચૈવ મન્ત્રરાટ્
કરો નાત્ર સંદેહે ધ્યાતશ્ચ લિખિતસ્ય વા

(2. શેષાં અ)
વરપાશયુતં મન્ત્રં નિયુઞ્જીયાન્મહામતે।
વિધિનાઽઽરાધિતં પ્રાગ્વત્તત્તદાપ્નોત્યયત્નતઃ

રોચનાકુંકુમેનૈવ લિખિતં ચ નિશામ્બુના।
સંવેષ્ટ્ય પીતસૂત્રેણ યો ધારયતિ નારદ

યાં યાં નિરીક્ષતે સૌમ્ય તાં તાં (કાન્તાં ?)સુસ્નિગ્ધયા દૃશા।
સકૃચ્ચામરણાન્તં તુ સા સા તસ્યાનુગા ભવેત્

યયા દૃષ્ટોઽથ વા મન્ત્રી દૂરાદ્વિપ્ર શ્રુતોઽપિ વા।
સા સ્વસ્થાનં પરિત્યજ્ય ધાવેદ્યત્ર સ તિષ્ઠતિ

અપિ ચેત્કિન્નરી નારી યક્ષિણી દેવકન્યકા।
નારી વિદ્યાધરી ચૈવ ગન્ધર્વી સિદ્ધસંજ્ઞિતા

તાં ચેતસાઽનુસન્ધાય રાત્રૌ મન્ત્રવરં જપેત્।
નિશાન્તે વિહ્વલીભૂતા પાશાકૃષ્ટેવ તિષ્ઠતે

એતત્પાશસ્ય કથિતમઙ્કુશસ્યાધુનોચ્યતે।
[અહ્કશમન્ત્રસાધનપ્રકારઃ] 30-10
અકરાલમધશ્ચોર્ધ્વે અનલાર્ષેન યોજયેત્

યુક્તં કુર્યાત્સ્વરૈઃ પ્રાગ્વન્ન્યસ્ય સંપૂજ્ય હૃદ્ગતમ્।
કૃત્વા શશિકલાકારં પુરં તન્મધ્યતોઽમ્બુજમ્

સિન્દૂરપુઞ્જવર્ણાભં તન્મધ્યે હૃદયં ન્યસેત્।
પૂજયિત્વા વિદાનેન જુહુયાત્તદનન્તરમ્

પ્રિયઙ્ગુના યથાશક્તિ શ્યામાકેન તિલેન ચ।
તતોઽઙ્કુશોઽહં ભાવ્યં ચ પ્રવેત્પર્વતમસ્તકમ્

જપેલ્લક્ષત્રયં તત્ર તતો લક્ષં તુ હોમયેત્।
(1)રક્તાનામરપુષ્પાણાં(?)કૃષ્ણાનામપરં તુ વૈ

(1. રક્તાશ્વમાર અ)
અયુતે દ્વે ચ સમિધાં ખદિરાણાં મહામતે।
કટુતૈલાપ્લુતાનાં ચ દદ્યાત્પૂર્ણાહુતિં તતઃ

આજ્યેન ચ સુઘન્ધેન તતો મન્ત્રં પ્રસિધ્યતિ।
તતઃ પ્રભૃતિ કાલાચ્ચ કુર્યાત્કર્માણ્યશેશતઃ

સાધકોઽઙ્કુશમન્ત્રેણ લીલય ચાપ્રયત્નતઃ।
વશ્યાકર્ષણવિદ્વેષૌ મારણોચ્ચાટન્ તથા ।

ધ્યાત્વાઽઽકૃષ્ટશ્ચ વિત્તેશો મન્ત્રેણાનેન વૈ યદિ।
પ્ર(2)યચ્છત્યખિલં વિત્તમભયં ચાન્તકસ્તુ વૈ

(2. સ યચ્છત્ય અ)
શક્રઃ પ્રયચ્છતે રાજયં મારુતઃ શીઘ્રગામિતામ્।
નિઃશેષવિદ્યાકથનમીશસ્તેજો હુતાશનઃ

વરુણઃ શાન્તિપુષ્ટી ચ સમાકૃષ્ટ કરોતિ ચ।
વક્ષેશ- કિન્નરત્વં ચ પન્નગેશો રસાયનમ્

આકૃષ્ટઃ ખગતિં દદ્યાદ્ઘ્રુવો બ્રાહ્મણવિગ્રહમ્।
વિદ્યાધરાશ્ચ ગુલિકાં સિદ્ધાશ્ચૈવાઞ્જનં મહત્

પ્રયચ્છન્તિ સદાઽઽકૃષ્ટા મન્ત્રસ્યાસ્ય પ્રભાવતઃ।
પ્રાગુક્તા ગુલિકા કાર્યા રાજ્ઞા ચ સપરિચ્છદા (?)

મન્ત્રી ચાઙ્કુશમન્ત્રેણ ધ્યાનયુક્તેન સાધયેત્।
ધ્યાનાજ્જપાત્તભાલેખ્યાદ્ધવનાત્પૂજનાન્મુને

કરોત્યઙ્‌કુશમન્ત્રસ્તુ અભીષ્ટમપરે તથા।
કૌસ્તુભાદ્યાશ્ચ વૈ પ્રોક્તાસ્ત્વખણ્ડવિધિસાધિતાઃ

નિખિલં સંપ્રયચ્છન્તિ ભાવશૌદ્ધિસમન્વિતા।
યુગશકત્યનુસારેણ સુસહાયગુણેન ચ

કૃતે એતચ્ચ મન્ત્રાણામુક્તં સ્સાધનં મયા।
ત્રેતાયાં દ્વિગુણં વિદ્ધિ ત્રિગુણં દ્વાપરે સ્મૃતમ્

કલૌ ચતુર્ગણં ચૈવ ભાવજ્ઞસ્ય ચ વૈ પુનઃ।
પ્રીભિક્તસમાયસ્ય શ્રદ્ધાનિષ્ય તત્ત્વતઃ

સદા સદા .... .... વિદ્ધિ જપહોમાદિકં તુ યત્।
તસ્માદ્ભાવં તતા ભક્તિમેકત્ર કુરુ નારદ

સાધનં સર્વમેખત્ર સમં તત્રાપિ વા ન વા।
ઇતિ શ્રીપાંચરાત્રે જયાખ્યસંહિતાયાં પરિકરસાધનં નામ ત્રિશઃ પટલઃ।
* * * * *