જયાખ્યસંહિતા · અધ્યાય 27

પટલઃ - 27
અથ શક્તિમન્ત્રસાધનં નામ સપ્તવિંશઃ પટલઃ 27-1
શ્રીભગવાન્ ---
અનુક્રમેણાથ મુને લક્ષ્મ્યાદીનાં ચ સાધનમ્।
વિવિધાનિ ચ કર્માણિ મન્ત્રેભ્યો હ્યવધારય

[લક્ષ્મ્યાદિષુ અનન્તાદ્યાસનસ્ય સાધારણ્યમ્] 27-2
અનન્તં ચ તદૂર્ધ્વે તુ ધર્માદ્યં યચ્ચતુષ્ટયમ્।
પદ્મં ધામત્રયોપેતં સર્વમન્ત્રગણસ્ય ચ

સામાન્યમાસનં વિદ્ધિ પૂજાકાલે તુ સર્વદા।
[તત્ર દ્વારયાગાદેઃ સાધારણ્યમ્]
દ્વારયાગો ગણેશાદિપૂજનં મુનિસત્તમ

લોકેશ્વરાસ્ત્રયાગશ્ચ સર્વત્ર વિહિતાઃ સદા।
દેવીચતુષ્કયાગે તુ ષટ્‌કે તુ હૃદયાદિકે

નૃસિહ્મકપિલક્રોડયાગેષુ ચ યજેદ્દ્વિજ।
[લક્ષ્યાદિયાગાદન્યત્ર વિષ્વક્‌સેનપૂજનપ્રતિષેધઃ] 27-3
વિષ્વક્સેનસ્તુ નાન્યત્ર પૂજનીયઃ કદાચન

[તત્તન્મન્ત્રાણાં તત્તદ્ધૃદયેનૈવોપચારઃ] 27-4
યં યં પ્રપૂજયેન્મન્ત્રી મન્ત્રં સિદ્ધિપરાયણઃ।
તન્મન્ત્રં હૃદયેનૈવ તં તમેવોપચાર્ય ચ

નોપચારિકમન્ત્રાન્વૈ પૂર્વોક્તાન્વિનિવેશયેત્।
[જપસૂત્રે વિશેષઃ] 27-5
ન મૂલમન્ત્રસંરુદ્ધં સૂત્રં તુ જપકર્મણિ

તન્મન્ત્રેણ તુ સંસ્કૃત્ય(2) પુરા સન્ધાય ચાપરમ્।
[ધૂપઘણ્ડાદીનાં સાધારણ્યમ્] 27-6
સામાન્યં સર્વમન્ત્રાણાં ધૂપઘણ્ટા પુરોદિતા

(2. સ્તુ ય્.)
યાગાગારં તથા કુણ્ડં સ્રુક્સ્રુવૌ મુનિસત્તમ।
અથાઙ્ગષટ્કં વ્યાખ્યાસ્યે લક્ષ્મ્યાદ્યાદૌ તુ લક્ષણમ્

ચતુર્ણાં તુ સખીનાં ચ બીજમન્ત્રચતુષ્ટયમ્।
ચતુર્ણામનુગાનાં તુ ક્રમેણ ચ યથાસ્થિતમ્

[લક્ષ્મ્યા અઙ્ગમન્ત્રઃ] 27-7
આદાય પુણ્ડરીકં તુ ધરેશં તદધો ન્યસેત્।
અનલં તદધઃસ્થં ચ કૃત્વા ષોઢા નિયોજ્ય ચ

ક્રમેણ યોજયેદેષામાનન્દં પ્રથમસ્ય ચ।
વિષ્ણુમૂર્જમથૈશ્વર્યં ભૂધરં પરમેશ્વરમ્

ચાન્દ્રી વ્યોમેશસંયુક્તાં સર્વેષામુપરિ ન્યસેત્।
વિદ્ધિ ષડ્‌હૃદયાદીનિ
[લક્ષ્મ્યાઃ સખીમન્ત્રઃ] 27-8
સખાનામધુના શૃણુ

આદાય કેવલં સત્યં તત્સ્થિતં વરુણં તતઃ।
માયાયુક્તં તતઃ સોમં વરુણં રામભૂષિતમ્

ચાન્દ્રી વ્યાપી ક્રમાદ્યોજ્યૌ સર્વેષાં મૂર્ધ્નિ વૈ તતઃ।
ઋદ્ધિઃ વૃદ્ધિઃ સમૃદ્ધિસ્ચ વિભૂતિરપિ પ્તા સખી

[લક્ષ્મ્યા અનુચરમન્ત્રઃ] 27-9
લકારસ્ત્વાદિદે(1)વસ્થસ્સોમોઽથ ભુવનસ્થિતઃ।
દ્વિધાઽમૃતં સમાદાય ભૂધરેણ સમન્વિતમ્

(1. વારવ્યઃ અ)
પૂર્વવચ્ચિરસંયુક્તમેતત્કુર્યાચ્ચતુષ્ટયમ્।
લાવણ્યઃ સુભગો નામ્ના સૌભાગ્યશ્ચ તૃતીયકઃ

ચતુર્થસ્સૌમનસ્યશ્ચ ચત્વારોઽનુચરાઃ સ્મૃતાઃ।
સર્વેષાં પ્રણવં પૂર્વં નામસ્વાહાનમોનુગમ્

[મણ્ડલમ્] 27-10
ચતુરસ્રં ચતુર્દ્વારં કૃત્વા પૂર્વોદિતં પુરમ્।
તન્મદ્યેઽષ્ટદલં પદ્મં લિખેચ્છુક્લારુણપ્રભમ્

સિતાનિ ચતુરાલિખ્ય કોણેષુ સ્વસ્તિકાનિ ચ।
[ન્યાસઃ] 27-11
વ્યાપકત્વેન તુ પુરા મણિબન્ધમુખાદિગમ્‌

વિન્યસ્ય મૂલમન્ત્રં તુ હસ્તે દેહે ચ કેવલમ્।
પશ્ચાદાદૌ તુ હસ્તાભ્યાં લક્ષ્મીમન્ત્રં તથા નય્સેત્

તદઙ્ગાનિ હૃદાદીનિ હસ્તે દેહે ચ વિન્યસેત્।
તસ્યાનુગચતુષ્કં યદ્દેવીનાં તદનુ ન્યસેત્

પ્રદેશિન્યાદિતો હસ્તે દેહે તદનુ વિનય્સેત્।
ઉત્તમાઙ્ગેઽથ હૃન્મધ્યે ઊર્વોર્જાનુદ્વયે તથા

લાવણ્યાદ્યાશ્ચ ચત્વારો હ્યનામાદૌ કરદ્વયે।
અઙ્ગુષ્ઠાન્તં કરે ન્યસ્ય દેહે તદનુ નારદ

દક્ષિણે ચ તથા વામે સ્કન્ધે પક્ષદ્વયે તથા।
[લક્ષ્મ્યા માનસયાગઃ] 27-12
ન્યાસં કૃત્વા યથાન્યાયં શ્રીકામોઽથ યજેદ્ઘૃદિ

લયયાગપ્રયોગેણ લક્ષ્મીમન્ત્રં તુ કેવલમ્।
કૃત્વાઽવલોકનાદ્યં તુ તતો બાહ્યે તુ વિન્યસેત્

[બાહ્યયાગાર્થો મણ્ડલે વિન્યાસઃ] 27-13
મૂર્તિમન્ત્રયુતં મૂલં કર્ણિકોપરિ નારદ।
સકલાકલદેહં ચ સર્વમન્ત્રાત્મકં પ્રભુમ્

તદુત્સઙ્ગગતાં લક્ષ્મીં સ્વમન્ત્રેણાવતાર્ય ચ।
પૂવોક્તધ્યાનસંયુક્તાં ભોગમોક્ષપ્રસિદ્ધયે

તદાગ્નેયે તદીશાને વાયવીયે ચ નૈઋતે।
ચત્વારિ હૃદયાદીનિ નેત્રં કેસરસન્તતૌ

તદગ્રે દક્ષિણે પૃષ્ઠે વામપત્રે ક્રમાન્ન્યસેત્।
ચતુષ્ટયં તુ શુદ્ધા(ઋદ્ધ્યા?)દ્યં દ્વિભુજં તુ તદાકૃતિ

પદ્મગૌરપ્રતીકાશં શ્રીવૃક્ષચ(1)મરાઙ્કિતમ્ (?)।
પદ્માસને ચોપવિષ્ટં પ્રેક્ષમાણં તદાનનમ્

(1. ચરમાઙ્ગિ વ્.)સ્વસ્તિકાનાં તદીશાદિકોણસ્થાને નિવેશ્યતે।
લાવણ્યાદ્યચતુષ્કં તુ પીતવર્ણં ચતુર્ભુજમ્

નીલકૌશેયવસનં પદ્મકુમ્ભકરાન્વિતમ્।
નલિનીધ્વજહસ્તં ચ સફલામલવૃક્ષધૃત

દ્વારેષ્વસ્ત્રં ચતુર્દિક્ષુ ન્યસ્ય પૂજ્ય યથા પુરા।
[જપહોમાદિવિધિઃ] 27-14
મૂલમન્ત્રયુતાં દેવીં લક્ષ્મીં લક્ષ્મીપ્રદાં દ્વિજ

જપ્ત્વા કૃત્વા તતો હોમં સઘૃતૈસ્તુ તિલાક્ષતૈઃ।
સામલૈઃ શ્રીફલૈશ્ચૈવ સક્તુ(1)લાજૈસ્તુ પઙ્કજૈઃ

(1. તિલામેતુ અ તિલા જતુ ચ્. લ્.)
યથાશક્તિ હ્યસઙ્ખ્યૈસ્તુ હોમાન્તે ચ તતો દ્વિજ।
લક્ષ્મીરૂપધરો ભૂત્વા સાધકઃ કૃતનિશ્ચયઃ

જપેલ્લક્ષાણિ વૈ પઞ્ચ શુદ્ધાહારો જિતેન્દ્રિયઃ।
હોમં કુર્યાજ્જપાન્તે તુ ક્રમાદ્બિલ્વફલામ્બુજૈઃ

પયોમધુઘૃતાક્તૈસ્તુ અયુતાયુતસંખ્યયા।
[લક્ષ્મીમન્ત્રસિદ્ધિજં સામર્થ્યમ્] 27-15
દદાતિ દર્શનં વિપ્ર હોમાન્તે પરમેશ્વરી

પુત્ર સિદ્ધાઽસ્મિ તે બ્રૂહિ યત્તે મનસિ ચેપ્સિતમ્।
કુરુ કર્માણ્યભીષ્ટીનિ મન્મન્ત્રેણાખિલાનિ ચ

અદ્ય પ્રભૃતિ નિશ્શઙ્કો દ્વન્દ્વોપદ્રવવર્જિતઃ।
એવમુક્ત્વા તુ સા દેવી યાતિ યત્રાગતા તુ વૈ

તતઃ કર્માણિ વૈ કુર્યાલ્લક્ષ્મ્યોક્તાનિ તુ સાધકઃ।
તુષ્ટાઽભીષ્ટાં શ્રિયં દદ્યાદર્થિનામર્થકામિનામ્

સંક્રુદ્ધો નિર્ધનં કુર્યાદ્વાઙ્ભાત્રેણ ધરેશ્વરમ્।
શુદ્ધં કુર્યાત્સકૃદ્ધ્યાનાન્મન્ત્રજાપાચ્ચ હાટકમ્

પૂરયિત્વાઽમ્ભસા કુંભં ક્ષીરેણ મધુનાઽથવા।
નિધાય દક્ષિણે હસ્તે વામં તદુપરિ ન્યસેત્

શતમષ્ટાધિકં મન્ત્રં જપેદ્ધ્યાનસમન્વિતમ્।
રસેચ્છાસુનિવેશસ્થો હ્યેકચિત્તઃ સમાહિતઃ

રસેન્દ્રત્વં સમાયાતિ યત્કુમ્ભે ત્વાહૃતં જલમ્।
સરસો લક્ષવેધી સ્યાચ્છસ્ત્રાદીનાં ભવેદ્વિજ

કરોતિ કાયમજરં જરારોગવિવર્જિતમ્।
અઙ્ગુષ્ઠોદરમાત્રં તુ પુરા પાષાણમાહરેત્

દક્ષિણેન ચ હસ્તેન વામે ચ બદરીસમમ્।
અભિમન્ત્ર્ય તુ દ્વૌ મુષ્ટી દ્વે શતે ષોડશાધિકે

દક્ષિણસ્થં તુ પાષાણં રત્નત્વમુપયાતિ ચ।
વામે મુક્તાફલત્વં ચ મહામૂલ્યે તુ તે ઉભે

યદ્યદિચ્છતિ જાત્યા વૈ તત્તદ્રત્નં ભવેત્તદા।
તથા મુક્તાફલં યદ્યત્પ્રતિભાતિ કરોતિ તત્

ગોગજાશ્વસમુદ્ભૂતમસ્થિ ચાદાય પાણિના।
શતાર્ધમન્ત્રિતં કૃત્વા પ્રવાલત્વં પ્રયાતિ તત્

શતાભિમન્ત્રિતં કૃત્વા ત્રપુસીસે તથાઽયસમ્।
જાયતે કલધૈતં તુ રજતં વાઽથ નિર્મલમ્

યદ્યદ્ગૃહીત્વા વિપ્રેન્દ્ર યં યં વા તુ સમીહતે।
ક્રુદ્ધો વા પરિતુષ્ટશ્ચ તત્તત્કુર્યાત્તુ નાન્યથા

એવમશ્મમયાનાં તુ અન્યત્વમુપપદ્યતે।
યા યા મનસિ વૈ યસ્ય વિભૂતિં પ્રદદાતિ ચ

તાં તાં દદાતિ તસ્યાશુ ધનધાન્યગવાદિકમ્।
લિખિત્વા ભૂર્જપત્રે તુ યાગન્યાસક્રમેણ તુ

રોચનાકુઙ્કુમાભ્યાં તુ સન્ધારયતિ યઃ સદા।
સુવર્ણવેષ્ટિતં ચાઙ્ગે લક્ષ્મીમન્ત્રં તુ નારદ

તસ્યાયુષશ્શિયો વૃદ્ધિસ્સર્વ(1)સત્ત્વાશ્રયો મહાન્।
પ્રાપ્નુયાન્મહતીં પૂજાં યત્ર યત્ર ચ સંવિશેત્

(1. ત્રોપચયો અ)
ઇદમારાધનં પ્રોક્તં શ્રીકામાનાં સમાસતઃ।
[કીર્તિમન્ત્રસાધનપ્રકારઃ] 27-16
કીર્તિમન્ત્રવિધાનં તુ સાંપ્રતં મેઽવધારય

વિલિખ્ય કમલં ષોઢા અનલાસનસંસ્થિતમ્।
અઙ્કયેચ્છિરસા વિપ્ર લાક્ષ્મ્યમઙ્ગગણં યથા

સર્વત્ર ચાસ્ત્રમન્ત્રસ્ય તચ્ચિહ્નં પરિવર્જયેત્।
[કીર્તેઃ સખીમન્ત્રાઃ]
શાન્તિદં ચ તતસ્સોમં (2)મર્દનં શઙ્કરં તતઃ

(2. મન્દરં અ)
ક્રમેણાલિખ્ય ચતુરઃ કાલપાવકસંસ્થિતાન્।
વ્યાપી ચાન્દ્રી તતો માયા એકૈકસ્મિંસ્તુ મૂર્ધનિ

દ્યુતિઃ સરસ્વતી મેધા ધૃતિઃ કીર્તિઃ સખીગણઃ।
[કીર્તેરનુચરમન્ત્રાઃ]
આનન્દયુક્તં વરુણમપ્રમેયં ચ કેવલમ્

પવિત્રમનલારૂઢં સ્રગ્ધરં ચ તથાવિધમ્।
આનન્દેનાપિ ચાક્રાન્તં ચતુર્ણાં મૂર્ધ્નિ યોજનમ્

વિશ્વાપ્યાયકરો વ્યાપી ક્રમાદનુચરાસ્ત્વમી।
વાગીશો હ્યભયશ્ચૈવ પ્રસાદસ્ત્રાણસંજ્ઞિતઃ

[પૂર્વવન્મણ્ડલાદિવિધાનમ્]
ન્યાસો હૃત્પદ્મયાગશ્ચ સર્વં વિદ્ધિ પુરોદિતમ્।
પૂર્વોક્તં મણ્ડલં કૃત્વા સિતપીતં તદન્તરે

કિં તુ વૈ પઙ્કજં કુર્યાદ્વિન્યસેત્તદનન્તરમ્।
વિભોરુત્સઙ્ગગાં કીર્તિં હૃદાદીનિ યથા પુરા

[સખીનામનુચરાણાં ચ ધ્યાનપ્રકારઃ]
ક્રમાદ્ધ્યાનં સખીનાં ચ શૃણુષ્વાનુચરેષ્વપિ।
દ્વિભુજા હેમવર્ણાશ્ચ કીર્તિરૂપાઃ સ્મિતાનનાઃ

સુપુસ્તકં કરે વામે દક્ષિણે ચામરં કરે।
ધ્યાયેત્કિંશુકવર્ણાસ્તાઃ કાન્તરૂપા મનોહરાઃ

તદાઽનુગચતુષ્કં તુ ચતુર્હસ્તં સિતામ્બરમ્।
વામદક્ષિણહસ્તાભ્યાં મુખ્યાભ્યાં તેષુ ચિન્તયેત્

શઙ્ખમિન્દુશતાભં ચ કદમ્બાખ્યં મહાદ્રુમમ્।
સુપુષ્પં ષટ્‌પદોપેતં પરાભ્યાં ચ નિબોધ મે

પૂર્ણચન્દ્રોપમં વામે દર્પણં દક્ષિણે દ્વિજ।
મયૂરવ્યજનં શુભ્રં ધ્યાત્વૈવં પૂજયેત્તતઃ

[હોમજપયોર્વિધિઃ]
અર્ઘ્યપુષ્પાદિકાઃ સમ્યક્ દત્વા શક્ત્યાઽથ હોમયેત્।
તિલાનિ ચાજ્યસિક્તાનિ ગન્ધધૂપાન્વિતાનિ ચ

દેવીરૂપં તુ હોમાન્તે કૃત્વા પુષ્પાઞ્જનામ્બરૈઃ।
એકાન્તે વિજને સ્થિત્વા મૌની મૂલફલાશનઃ

જપેલ્લક્ષત્રયં મન્ત્રી જપાન્તે હોમમાચરેત્।
લક્ષૈકસંખ્યં વિપ્રેન્દ્ર તણ્ડુલૈસ્તિલમિશ્રિતૈઃ

કાપિલેન ઘૃતેનૈવ ક્ષીરમિશ્રેણ નારદ।
એકૈકં ચ ઘૃતાદીનાં સહસ્રં ચાથ હોમયેત્

દદ્યાત્પૂર્ણાહુતિં પશ્ચાત્ ક્ષીરેણાજ્યાન્વિતેન ચ।
પતિતાયાં તુ પૂર્ણાયામાયાતિ પરમેશ્વરી

સાધુ સાધ્વિતિ વૈ બ્રૂતે સ્થિત્વાઽગ્રે સાધકસ્ય ચ।
એહ્યેહિ પરમં ધામ ત્યજેદં ભૌતિકં પુરમ્

ઉપભુઙ્‌ક્ષ્વ પરાન્ભોગાનક્ષમધ્યગતો મહાન્।
મદીયેનાખિલં કર્મ મન્ત્રેણ કુરુ સાધક

એવમુક્ત્વા તુ સા દેવી ગગનં ચ વ્રજેત્તતઃ।
સાધકઃ કીર્તિમન્ત્રેણ કુર્યાત્કર્મ યથેપ્સિતમ્

[કીર્તિમન્ત્રસિદ્ધિજન્યં સામર્થ્યમ્] 27-17
દદાતિ યસ્ય યત્કિઞ્ચિત્તસ્ય તચ્ચાક્ષયં ભવેત્।
તેનાસૌ લભતે કીર્તિં યાવચ્ચન્દ્રાર્કતારકમ્

પ્રચણ્ડાનાં મનુષ્યાણાં મધ્યસ્થો યદિ બુધ્યતે।
વક્તિ સંસદિ વા કિંચિત્ પ્રાપ્નુયાદ્વિપુલં યશઃ

અભિભૂય જનાન્સર્વાનુત્કૃષ્ટત્વં પ્રયાતિ ચ।
જપ્ત્વા સિદ્ધાન્નભાણ્ડં તુ સ્વલ્પં કાલેઽન્નસઙ્કટે

યથેચ્છાનાં જનાનાં તુ યથેચ્છમશનં દ્વિજ।
દદાતિ ચાક્ષયં તસ્માત્સપ્તાહમનિશં યદિ

પ્રાપ્નુયાન્મહતીં કીર્તિં યાવદાભૂતસંપ્લવમ્।
સુભિક્ષે લવમાત્રં તુ પ્રદાય કનકસ્ય ચ

પરિજપ્ય સહસ્રં તુ વિધિના પરિસંસ્થિતમ્।
પ્રયાતિ તત્પ્રભૂતત્વં દીયતેઽર્થિજનાય ચ

અવિચ્છિન્નં દ્વિસપ્તાહં સંક્ષયં નાધિગચ્છતિ।
તેનાસૌ મહતીં કીર્તિં પ્રાપ્નુયાચ્છાશ્વતીં દ્વિજ

આદાય તોયકલશં નાગેન્દ્રભવનાદ્દ્વિજ।
પ્રયાયાન્મરુભૂમિં વૈ તત્ર નિમ્ને તુ ભૂતલે

નિક્ષિપ્ય પર્વતાગ્રે વા સહસ્રપરિમન્ત્રિતમ્।
સ પન્નગેશ્વરસ્તત્ર પરિચારાન્વિતો દ્વિજ

રક્ષન્નુદકમાતિષ્ઠેદ્યાવત્તિષ્ઠતિ મેદિની।
તેનાસૌ મહતીં લોકે કીર્તિં પ્રાપ્નોતિ નારદ

કાલે તુ બીજરોહીયે યદિ દેવો ન વર્ષતિ।
આદાય મૃત્કણં હસ્તે તટાકાજ્જલમર્દિતમ્

તં મધ્યસ્થભ(1)યક્લિન્નં (?) પરિજપ્ય શતત્રયમ્।
(2)કખ (મુખ ?) શ્વાસૈસ્તુ સન્તપ્તં કૃત્વા મન્ત્રમનુસ્મરેત્

(1. ભયાક્લિષ્ટં અ)
(2. ખગ અ)
પ્રક્ષિપેદ્ગગને તદ્વન્મેઘત્વમુપયાતિ ચ।
પૂરયેન્મેદિનીં સર્વાં જલેન જલદસ્તુ સઃ ।

તદાજ્ઞયા વસેત્તાવત્ તસ્મિન્દેશે સ મેઘરાટ્।
વર્ષં તદુપયોગ્યં ચ યાવત્સંપદ્યતેઽખિલમ્

તેનાસૌ મહતીં કીર્તિં પ્રાપ્નુયાચ્ચ ત્રિલૌકિકીમ્।
સંપાદયતિ વિપ્રેન્દ્ર યસ્ય યન્મનસેપ્સિતમ્

પ્રભાવાન્મન્ત્રરાજસ્ય પ્રસાદાદચ્યુતસ્ય ચ।
લિખિતં પૂર્વદ્બધ્વા વસ્ત્રે વા દક્ષિણે ભુજે

પ્રાપ્નુયાન્મહતીં વૃદ્ધિં પૂર્ણાં કીર્તિં સરસ્વતીમ્।
એતત્સંક્ષેપતઃ પ્રોક્તં કીર્તિમન્ત્રસ્ય નારદ

[જયામન્ત્રસાધનપ્રકારઃ] 27-18
સંવિધાનમપૂર્વં ચ સન્તતેરપિ ભૂતિદમ્।
જયાખ્યમધુના વિદ્ધિ વિધાનં વિષ્ણુભાવિનામ્

[જયાયા અડ્ગમન્ત્રઃ]
આદાય શાશ્વતં ષોઢા કૃત્વા ચાનલગં ક્રમાત્।
આક્રાન્તં પૂર્વવત્કુર્યાદઙ્ગષટ્‌કસ્ય સિદ્ધયે

[જયાયાઃ સખીમન્ત્રઃ]
અજિતં વિષ્ણુના યુક્તં વારાહં રામવેષ્ટિતમ્।
વ્યાપકં કેવલં ચાઽથ સોમં રામસમન્વિતમ્

શિરસા ચિહ્નયેત્પ્રાગ્વચ્ચતુરઃ ક્રમશો મુને।
સખ્યો જયન્તી વિજયા તૃતીયા ત્વપરાજિતા

સિદ્ધિશ્ચતુર્થી વિજ્ઞેયા શૃણુષ્વાનુચરાનનુ।
[જયાયા અનુચરમન્ત્રઃ]
આરૂઢઃ પદ્મનાભસ્તુ શાશ્વતઃ કેવલો દ્વિજ

પ્રધાનં ચ તથોદ્દામં ક્રમેણૈતાનિ યોજયેત્।
યેષામુપરિ વૈનેયશ્ચાન્દ્રી વ્યોમસમન્વિતઃ

પ્રતાપી જયભદ્રશ્ચ તૃતીયસ્તુ મહાબલઃ।
ઉત્સાહાખ્યશ્ચતુર્થસ્તુ કૃત્વા ન્યાસં તુ પૂર્વવત્

(1)ઇષ્ટ્વા ભુવનનાથં તુ પૂજયેચ્ચ તતો બહિઃ।
[મણ્ડલાદિવિધાનમ્]
મણ્ડલં પૂર્વવત્કૃત્વા તન્મધ્યે પઙ્કજં લિખેત્

(1. વનનાભસ્તુમધ્યે તુ ચ્ લ્, ય્. `ઇષ્ટ્‌વા હૃદન્તરે પૂર્વમ્ઽ ઇતિ પાઠશ્ચેત્પ્રકરણસમુચિતઃ।)
નીલોત્પલાભાતુલ્યેન રજસા (2)ચ સ ( ચાષ્ટ? ) પત્રકમ્।
તત્રોત્સઙ્ગગતાં વિ ષ્ણોર્હૃદયાદ્યોજયેજ્જયામ્

(2. ચાષ્ટપલ્લવમ્ અ)
શેષમન્ત્રગણન્યાસાન્પૂર્વપૂર્વક્રમેણ તુ।
કર્તુઃ (કુર્યાત્ ?) ધ્યાનં ચ સર્વેષાં સમાસાદવધારય

[જયાયાઃ સખીનામનુચરાણાં ચ ધ્યાનપ્રકારઃ]
હૃદાદીનાં પુરા પ્રોક્તં મૂલમન્ત્રપ્રસઙ્ગતઃ।
નીલનીરજવર્ણાશ્ચ પ્રસન્નવદનેક્ષણાઃ

પીતામ્બરધરાઃ સર્વાઃ સખ્યઃ કનકકુણ્ડલાઃ।
સિતચામરહસ્તાશ્ચ ચિત્રપત્રફલોદ્યતાઃ

નિરીક્ષમાણા વદનં જયાયા અજિતસ્ય ચ।
કુન્દકુડ્મલવર્ણાભાઃ પ્રસન્નમુખપઙ્કજાઃ

રક્તામ્બરધરાશ્ચૈવ ચતુર્હસ્તા મહાબલાઃ।
ધનુર્બાણકરાશ્ચૈવ ગદાચક્રધરા દ્વિજ

ચત્વારોઽનુચરા ધ્યેયાઃ પુષ્પાભરણભૂષિતાઃ।
પૂજયેચ્ચ તતો ભક્ત્યા હોમં કુર્યાદનન્તરમ્

[હોમાદિવિધિઃ]
તિલૈઃ સિદ્ધાર્થકોપેતૈઃ હવિષા ગુગ્ગુલેન ચ।
હોમાવસાને વિપ્રેન્દ્ર કૃત્વા રૂપં જયાત્મકમ્

જયાઽહમિતિ વૈ બુદ્ધ્વા ચેતસોપસ્થિતં મહત્।
વીરસ્થાનં સમાસાદ્ય નિશશઙ્કો જનવર્જિતમ્

વર્મણાઽસ્ત્રેણ દિગ્બન્ધં કૃત્વા દુષ્ટનિબર્હણમ્।
પ્રારભેત જપં પશ્ચાત્ પયોઽન્નફલભુક્સદા

યુક્તોઽન્તરસહાયેન મૌની ધ્યાનપરાયણઃ।
પ્રણિપત્ય હરિં મૂર્ધ્ના પ્રાક્ સ્વમન્ત્રેણ નારદ

જપેલ્લક્ષચતુષ્કં તુ જપાન્તે હોમમાચરેત્।
સમિત્પ્રાદેશમાત્રા તુ રક્તચન્દનસંભવા

તાસામયુતહોમસ્તુ ઘૃતાક્તાનાં તુ હોમયેત્।
સિદ્ધાર્થકાયુતે દ્વે ચ મધુમિશ્રા મહામુને

અયુતત્રિતયં ચાથ જુહુયાદસિતૈસ્તિલૈઃ।
મધુત્રિતયસંપૃક્તૈરન્તે પૂર્ણાહુતિત્રયમ્

મધુક્ષીરઘૃતૈર્વિપ્ર ક્રમેણ પરિહોમયેત્।
તતો ભગવતી વિપ્ર સમાયાતિ જયા સ્વયમ્

[જયાયાઃ પ્રસાદઃ]
સુસિદ્ધાઽસ્મિ ચ તે પુત્ર મન્મન્ત્રેણ સમાચર।
યદભીષ્ટં તુ વૈ કાર્યં નિશ્શઙ્કો વિગતજ્વરઃ

ઉક્ત્વેત્યદર્શનં યાતિ દેવી નારાયણાત્મિકા।
[જયામન્ત્રસિદ્ધિજન્યં સામર્થ્યમ્] 27-19
તતઃ કર્માણિ કુર્વીત વિવિધાનિ ત્વનેકશઃ

લોકેઽસ્મિન્યાન્યભીષ્ટાનિ આત્મનશ્ચ પરસ્ય વા।
તત્રાપ્યુદ્દેશતો વક્ષ્યે શૃણુ તત્ત્વેન નારદ

જ્વાલાભ(1)દ્રાસનાં ધ્યાયેદ્દેવીમન્ત્રેણ સાધકઃ।
ઉદ્ગ્રાહયતિ વૈ યસ્ય યસ્મિન્યસ્મિંસ્તુ વસ્તુનિ

(1. વદ્ર ય્ ચ્ લ્.)
નિર્જિત્ય ન્યાયતસ્તં વૈ જયમાપ્નોત્યયત્નતઃ।
ગજાશ્વશસ્ત્રભૃત્પૂર્ણં પરસૈન્યં (2)બલાન્વિતમ્

(2. મહાબલમ્ અ)
દૃષ્ટ્વાઽન્યસ્ય સમાયાતં હન્તુમભ્યુદ્યતં રણે।
પરિજપ્ય ધનુઃ ખડ્ગં ખેટકં બાણપઞ્ચકમ્

પ્રેરયેદ્યસ્ય વૈ દત્વા સ ગત્વા ચ ચમૂમુખમ્।
વિદારયતિ ચૈકાકી જયમાપ્નોતિ શાશ્વતમ્

ધ્યાત્વા દક્ષિણપાણિસ્થં ત્રકોણં વહ્નિમણ્ડલમ્।
તન્મધ્યે ચિન્તયેદ્દેવીં પરિવારસમન્વિતામ્

મત્તેભસિંહસર્પાણામશનીનાં ચ દર્શયેત્।
ક્ષિપ્રં પરાઙ્‌મુખા યાન્તિ દૃષ્ટ્વા હસ્તતલં તુ તત્

ખાદિરં મુસલં સ્પૃ(સૃ?)ષ્ટ્વા આદાય શતમન્ત્રિતમ્।
કૃત્વા ગત્વા બિલદ્વારં (1)ચાતુર્વર્ણ્યજનાન્વિતમ્

(1. ચતુર્વસુ અ)
મુસલાહનનાન્યષ્ટૌ દદ્યાત્તત્ર શનૈઃ શનૈઃ।
દેવીમન્ત્રે ચ (ણ?) વિપ્રેન્દ્ર અસ્ત્રસંપુટિતેન તુ

ફટ્‌કારાન્તેન તુ તતો બિલયન્ત્રં વ્રજેદધઃ।
સમસ્તજનસંયુક્તો વિશેષાત્સાધકોત્તમઃ

ભિત્વા યન્ત્રાણ્યનેકાનિ જિત્વા દાનવપુઙ્ગવાન્।
જનાનાં યોજનં તત્ર કૃત્વા કાન્તાગણૈઃ સહ

દત્વા રસાત્મકં પાનં સ્વહસ્તેન મહાબલઃ।
સ નિર્યાતિ સ્વમાર્ગેણ તેનૈવ સ્વનિવેશનમ્

કરોતિ યદિ વિપ્રેન્દ્ર મતિં મન્ત્રી જગત્ર્રયે।
જયં પ્રત્યવિચારેણ ગદાચક્રધરોદ્યતઃ

પાશાઙ્કુશધરો વાઽથ જયં પ્રાપ્નોતિ નાન્યથા।
લિખ્ય યોજનયા ભૂર્જે કુઙ્કુમેન ઘનેન ચ

સંપુટીકૃત્ય વૈ નામ નિધાય જનમધ્યગમ્।
સદાઽસૌ જયમાપ્નોતિ દિવ્યૈઃ સર્વૈસ્તુ લીલયા

વિલિખ્ય ચન્દનેનૈવ પયસા કુઙ્કુમેન ચ।
ધારયેદ્યો ગલે વસ્ત્રે ભુજે વામેઽથ દક્ષિણે

સ સર્વત્ર જયં વિપ્ર સંપ્રાપ્નોત્યવિચારતઃ।
જયાર્થં મુનિશાર્દૂલ મન્ત્રં વૈ યત્ર કુત્રચિત્

મન્ત્રી પ્રયોજયેચ્છશ્વત્તત્ર તત્રાપ્નુયાજ્જયમ્।
જયાવિધાનમિત્યેતત્સમાસાત્પરિકીર્તિતમ્

[માયામન્ત્રસાધનપ્રકારઃ] 27-20
માયાખ્યમધુના વચ્મિ સંવિધાનં યથાસ્થિતમ્।
[માયાયા અઙ્ગમન્ત્રઃ]
ષોઢા પ્રધાનમાદાય કાલપાવકસંસ્થિતમ્

તતસ્તચાઙ્કયેત્પ્રાગ્વત્સ્વરૈઃ પ્રાક્ શિરસા તદા।
ષડેતાન્ હૃદયાદીન્વૈ વિદ્ધિ શેષં મહામુને

[સખીમન્ત્રાઃ]
પ્રધાનોઽથ ધ્રુવો રસ્થો મદ(દમ(1) ?)નો પોઽનલોર્ધ્વગઃ।
આદેયાસ્ત્વથ સર્વેષામોદનાનન્દકૌ ક્રમાત્

(1. દમનો વૈ નલો અ)
ભુવનો યોગધાતા ચ વ્યાપી ચાન્દ્રી ચતુર્ષ્વપિ।
મોહિની ભ્રામણી દુર્ગા પ્રેરણી ચ મહામુને

માયાસખ્યઃ સ્મૃતા હ્યેતાશ્ચત્વારો રક્તભાસુરાઃ।
[સખીનાં ધ્યાનપ્રકારઃ]
લાવણ્યેન તુ વીર્યેણ સૌન્દર્યેણ ચ તેજસા

માયાક્યેન તુ સંયુક્તાઃ સિતવસ્ત્રાનુલેપનાઃ।
ચામરાઙ્કુશહસ્તાશ્ચ બદ્ધપદ્માસનસ્થિતાઃ

[માયાયા અનુચરમન્ત્રાઃ]
પ્રધાનં ગોપનોપેતં તં તુ વૈ કૈવલં ત્વતઃ।
શઙ્કરં કમલં ચૈવ ક્રમાદ્દદ્યાચ્ચ કેવલૌ

સર્વેષામુપરિ બ્રહ્મન્ વ્યાપીં ચાન્દ્રીં ચ વિનય્સેત્।
પ્રાગેકૈકસ્ય ચોઙ્કારમન્તે સંજ્ઞાનમોયુતમ્

માયામયો મહામોહઃ શમ્બરશ્ચ કલીશ્વરઃ।
ચત્વારોઽનુચરા હ્યેતે ધ્યેયાસ્ત્વલિકુલપ્રભાઃ

[માયાનુચરાણાં ઘ્યાનપ્રકારઃ]
ચતુર્ભુજા મહાકાયાઃ સૌમ્યવક્રાઃ સ્મિતાનનાઃ।
કેયૂરાભરણોપેતાઃ પીતામ્બરધરાસ્તુ વૈ

હારનૂપુરસંયુક્તા નાનાકુસુમભૂષિતાઃ।
તુષારધૂલિધવલાઃ ખડ્ગપાશસમુદ્યતાઃ

બાણં કાર્મુકમન્યસ્મિન્નાતપત્રં કરદ્વયે।
એવમુદ્ધૃત્ય વિધિવન્માયીયાં મન્ત્રસન્તતિમ્

[ન્યાસવિધિઃ]
સ્વહસ્તે પૂર્વવન્ન્યસ્ય વિગ્રહે તદનન્તરમ્।
હૃદયાન્તર્ગતં ચેષ્ટ્વા બાહ્યતસ્ચાવતાર્ય ચ

[બાહ્યયાગવિધિઃ]
મન્ત્રોત્સઙ્ગગતા ન્યસ્યાઃ પ્રાગ્વચ્ચાઙ્ગાદયોઽખિલાઃ।
[મુદ્રવિદાનમ્]
પ્રપૂજ્ય વિધિવદ્દેવીં સ્વાં મુદ્રાં દર્શયેત્તતઃ

પ્રાગુક્તાનાં ચતુર્ણાં તુ ભિન્નાનામપિ (1)સા સ્મૃતા।
સર્વાસાં દેવતાનાં ચ (2)મુદ્રાસંઘર્ષસઙ્ગિકમ્

(1. તાઃ અ)
(2. સઙ્કાર્પસઙ્ગતિમ્ અ)
મૂલમન્ત્રોદિતં વિદ્ધિ દેવતાઙ્ગૈઃ સમન્વિતમ્।
સાધારણં સખીનાં ચ ષોડશાનાં તુ નારદ

સ્વમન્ત્રયોજિતામેકાં મુદ્રામપ્યવધારય।
[મહાયોનિમુદ્રા] 27-21
સંમુખૌ તુ કરૌ કૃત્વા તથા વૈ સંપ્રસારિતૌ

કનિષ્ઠાનામિકાભ્યાં વૈ યુગલં યુગલં દ્વિજ।
મેલયેન્નખદેશાચ્ચ યથા સ્યાદેકપિણ્ડવત્

અઙ્ગુલીભિશ્ચ તિસૃભિઃ પાણિમધ્યે નિરાશ્રયમ્।
અઙ્ગુષ્ઠૌ દણ્ડવત્કૃત્વા પ્રાન્તલગ્નૌ પ્રસારિતૌ

અઙ્ગલીનાં ચતસૃણાં વિશ્રાન્તૌ ચોદરાવધિ।
સર્પકુણ્ડલવત્કૃત્વા પ્રયત્નાત્તર્જનીદ્વયમ્

પ્રસાર્ય ચાગ્રતો લગ્ને મધ્યમે દ્વે મહામુને।
નીતા સા જન્મભૂમેસ્તુ સમારભ્ય કરદ્વયમ્

કુર્યાચ્ચૈવાતિસંલગ્નં મણિબન્ધાવસાનતઃ।
ઈષદસ્પૃષ્ટમૂલેન મણિબન્ધં કરદ્વયાત્

કુર્યાદ્વિકસિતં ચૈવ મુદ્રૈષા મુનિસત્તમ।
મહાયોન્યભિધાના ચ ત્રિલોકજનની પુરા

વશીકુર્યાજ્જગત્સર્વં કામતો યદિ યોજયેત્।
અત્રાનુષ્ઠાનસક્તા સ્ત્રી બધ્વા દૂરાત્પ્રદર્શયેત્

મુનીનાં ગતસઙ્ગાનાં ક્ષોભમાયાન્તિ તે ક્ષણાત્।
પુરુષોઽત્રાભિયુક્તો વા દર્શયેદ્વનિતાસુ ચ

નિવૃત્તકામધર્માસુ અબલાસ્વથવા મુને।
ક્ષુભ્યન્તિ મદનાર્તાશ્ચ સકામાસુ ચ કા કથા

[અનુચરમુદ્રા] 27-22
વક્ષ્યેઽથાનુચરાણાં તુ ષોડશાનાં સમાસતઃ।
દ્વિજૈરમુદ્રાં(?)સામાન્યાં સન્નિધીકરણે શુભામ્

પૃષ્ઠલગ્નૌ કરૌ કૃત્વા મોક્ષયેત્તદનન્તરમ્।
પ્રાદેશિનીયુગં ચૈવ કન્યાસાયુગલં તથા

અધોમુખં તુ સુસ્પષ્ટં તાભ્યાં મધ્યાન્મહામુને।
કનિષ્ઠિકાદ્વયં લગ્નં વિરલં તર્જનીદ્વયમ્

મધ્યમાનામિકાનાં તુ યુગ્મં યુગ્મં તુ ધારયેત્।
એકલગ્નં નખોદ્દેશાદ્યાવત્પર્વ તુ મધ્યમમ્

ઊર્ધ્વવક્રં મુનિશ્રેષ્ઠ સમેન ધરણેન તુ।
સુસ્પષ્ટૌ લમ્બમાનૌ ચ અઙ્ગુષ્ઠૌ ચાપ્યધોમુખૌ

પરસ્પરં તુ દૂરસ્થૌ મુદ્રૈષા સર્વકામદા।
સ્વમન્ત્રસંયુતાં ચૈવ પૂજાકાલે પ્રદર્શયેત્

ચતુર્ભુજાનુકારા(1) ચ (?) સર્વેષાં સિદ્ધિકામદા।
એવં મુદ્રાગણં દત્વા જપ્ત્વા ચ તદનન્તરમ્

(1. રાં ચ અ)
[હોમાદિવિધાનમ્]
હોમં તદનુ વૈ કુર્યાત્તિલૈઃ સિદ્ધાર્થકાન્વિતૈઃ।
સકુઙ્કુમઘૃતક્ષીરસંપ્લુતૈસ્તણ્ડુલાદિભિઃ

તતો નિયમમાશ્રિત્ય કૃત્વા તદનુ નારદ।
દેવીરૂપં સ્વમાત્માનં ભાવનાપ્યુ (દ્યુ ?) પચારતઃ

પ્રયાયાદ્વિજનસ્થાનં (2)પ્રૌઢયુક્ સ્વાસનાન્વિતઃ।
જપેલ્લક્ષાણિ વૈ સપ્ત પૂર્વોક્તવિધિના વ્રતી

(2. પ્રોડ અ)
ક્ષીરમૂલફલાહારો દેશકાલવશાત્તથા।
અયાચિતૈકભિક્ષાશી તદભાવાચ્ચ નારદ

સ્વશિષ્યસાધિતં ચાન્નં મન્ત્રપૂતમસૈન્ધવમ્।
તૈલમાંસવિનિર્મુક્તં સન્ધ્યાકાલેઽપ્યુપસ્થિતે

અતૃપ્તમપિ ભુઞ્જીત ભાવિતં મધુસર્પિષા।
જપાન્તે વિધિવન્મન્ત્રી હોમં કુર્યાત્પ્રયત્નતઃ

બલાં મોદાં તથા માંસીં ચક્રાઙ્ગીં નાગકેસરમ્।
કુંકુમં ચન્દનં ક્ષોદં રજનીચૂર્ણમેવ તુ

મેલયેત્સુસ્થિ(સિ?)તાનાં ચ તિલાનાં મધુના તથા।
ભાવયેત્સઘૃતેનૈવં ત્રિલક્ષં જુહુયાત્તતઃ

મધ્યમાનામિકાભ્યાં ચ અંગુષ્ઠાગ્રેણ નારદ।
અન્તેઽયુતત્રયં ચૈવ સમિધાં પરિહોમયેત્

પ્રાગ્રાજાકતરૂત્થાનાં ખાદિરાણાં તતોઽપરમ્।
સુરદારુમયીનાં ચ તૃતીયમયુતં તતઃ

દદ્યાત્પૂર્ણાહુતિં ચૈવ વિશુદ્ધેનાન્તરાત્મના।
પતિતાયાં તુ પૂર્ણાયામાયાતિ પરમેશ્વરી

પરિવારાન્વિતા દેવી ભાષતે સાધુ સાધ્વિતિ।
કુરુ કાર્યમભીષ્ટં ચ મન્ત્રેણ ત્વધુના વ્રજ

ઇદમુક્ત્વા વ્રજેત્તૂર્ણં દેવી વિષ્ણુનિકેતનમ્।
[સિદ્ધિજ સામર્થ્યમ્] 27-23
તતઃ સ સાધકવરઃ કર્માણિ વિવિધાનિ ચ

પ્રારભેન્મનસા વિપ્ યાન્યભીષ્ટાનિ સર્વદા।
આત્માર્થે વા પરાર્થે વા લેશતઃ શૃણુ નારદ

પ્રજપ્યામલકં બિમ્વં સકૃન્નૃપગૃહં વિશેત્।
કોશસ્યાગ્રે વિનિક્ષિપ્ય યત્ર કુત્ર સ્થિતસ્ય ચ

ગગનાત્પતિતે (તતિ?) તૂર્ણં યદ્યદુક્તં સમીહતે।
યદ્યચ્ચાભરણં વિપ્ર યદ્યદ્વા વસનં શુભમ્

(1)એવં વૈ વ્રીહિગુલિકં તથૈવ તિલતણ્ડુલમ્।
ક્ષિપેદ્ધાન્યખલે પૂર્ણે કોષ્ઠાગારેઽથ ખાતકે

(1. એતં અ)
રાજકીયે તથા સ્વર્ણં (?) યત્ર યત્ર સ્થિતસ્તતઃ।
યદ્યત્સમીહતે ધાન્યં સસ્યં વા તણ્ડુલાન્વિતમ્

તત્તદગ્રેઽથ ગગનાત્પતત્યથ યથેપ્સિતમ્।
એવમેવ તુ સિદ્ધાન્નં ગુલિકાં પરિજપ્ય ચ

ક્ષિપ્ત્વા મહાનસોદ્દેશે સિદ્ધાન્નં વર્ષયેત્ક્ષણાત્।
ગુલિકાં ગોમયેનૈવ કૃત્વા બદરસંમિતામ્

નિક્ષિપ્ય ગોવ્રજસ્યાન્તસ્સપ્તવારાભિમન્ત્રિતામ્।
ધ્યાનમાત્રાત્ક્ષણસ્યાન્તે દધિક્ષીરાજ્યપૂરિતાઃ

ભાણ્ડાશ્ચ પૃષ્ઠતઃ પશ્યેદ્યત્ર તત્ર સ્થિતો વ્રતી।
પ્રજપ્ય બદરં વિપ્ર ફલમન્યત્તુ વા વ્કચિત્

ક્ષિપેન્મધુવને રાજ્ઞઃ ફલાકૃષ્ટિં કરોતિ ચ।
પ્રપુષ્પવાટિકાયાં તુ પુષ્પમેકં વિનિક્ષિપેત્

જપ્ત્વા વારત્રયં મન્ત્રી પુષ્પાણ્યાકર્ષયેત્ક્ષણાત્।
યત્ર યત્ર તદઙ્ગોત્થં સપ્તજપ્તં વિનિક્ષિપેત્

તત્ર તત્ર ચ તત્તિષ્ઠેત્સંકલ્પે તુ કૃતે સતિ।
યથેચ્છં તુ સમાકૃષ્ટં તત્ર તત્ર ચ તદ્વ્રજેત્

ન ચાપિ સાધકવરસ્સંવિણ્ણો (ગ્નો?) જાયતે વ્કચિત્।
કૃત્વાઽઙ્ગારકણં ચૈવ શતજપ્તં તુ નારદ

ક્ષિપેત્સલિલમધ્યે તુ જ્વલન્તં (પ્રજ્વલત્?) તત્પ્રદૃશ્યતે।
કુશાગ્રસ્થં જલકણં શતવારાભિમન્ત્રિતમ્

કૃત્વા હુતાશરાશૌ તુ જ્વલમાને વિનિક્ષિપેત્।
ભવેત્પાનીયમિવ ચ સ વહ્નિર્દૃશ્યતે ક્ષણાત્

વાલુકાપરિપૂર્ણં તુ અરણ્યં ચ તૃણોજ્ઝિતમ્।
દૃષ્ટ્વા તત્ર વિનિક્ષિપ્ય તૃણં ચ શતમન્ત્રિતમ્

પુષ્પપત્રસમાકીર્ણં પત્રપલ્લવસંકુલમ્।
કુર્યાન્નન્દનતુલ્યં તં તોયશાલિસમાવૃતમ્

નાનાવિહગસંપૂર્ણં પત્તનોપવનાન્વિતમ્।
પુરપ્રાકારસંપૂર્ણં દેવતાયતનાન્વિતમ્

ગેયદેવધ્વનિયુતં લલનાભિશ્ચ શોભિતમ્।
નૃપાણામેતદાશ્ચર્યં દર્શનીયં સદૈવ હિ

અનોકહેષ્વરણ્યેષુ નીરસેષુ સદૈવ હિ।
ઇચ્છયાઽઽપસ્તથાઽન્નાનિ ભોગાંશ્ચ વિવિધાનિ ચ

કરોતિ મન્ત્રિતૈર્લોષ્ઠૈર્ગોમયેનાષ્ટસઙ્ખ્યયા।
અરિવર્ગે મુનિશ્રેષ્ઠ સંમુખે સંસ્થિતે સતિ

ક્રોધાચ્ચૈવ વધોદ્યુક્તે એકાકી યદિ તિષ્ઠતિ।
જપમાનસ્તુ વૈ સમ્યક્ સંકલ્પ્ય મનસા મહત્

આત્મીયં ચ બલં વિપ્ર સૈનિકાયુધસઙ્કુલમ્।
તસ્ય સંપદ્યતે ક્ષિપ્રં ચમૂઃ ઘોરપરાક્રમા

સ(1) તન્ત્રં તુ ગજાશ્વં ચ નાનાશસ્ત્રવિભાસિતમ્।
દૃષ્ટ્વા પરાઙ્મુખં યાતિ હતૌજસ્કં રિપોર્બલમ્

(1. સ તત્ર તુ અ)
કરોતિ વિપ્ર યત્કિઞ્ચિન્મનસા મન્ત્રમુચ્ચરન્।
વ્યલીકં સત્યભૂતં ચ તત્તથા પરિદૃશ્યતે

સુશુષ્કં પાદપં દૃષ્ટ્વા તાડયેચ્ચરણેન તુ।
જપમાનો મહામન્ત્રં તસ્ય પુષ્પફલાન્વિતમ્

રસપુષ્પફલોપેતં પાણિભ્યાં મન્ત્રમુચ્ચરન્।
પીડયેત્પાદપં મન્ત્રી (2)શોષિતં સોઽધિગચ્છતિ

(2. શોભિતં અ)
પર્વતાગ્રસ્થિતો મન્ત્રં નાશાર્થં સંજપેદ્યદિ।
વ્રજેદધસ્તાત્તદ્વિપ્ર યાવદિચ્છતિ સાધકઃ

તુષ્ટઃ પ્રોત્થાપયેત્પશ્ચાત્પાતાલાત્પર્વતં પુનઃ।
ચન્દનેન રસેનૈવ મન્ત્રં પદ્મોદરે લિખેત્

પત્રેષ્વઙ્ગાનિ ચાલિખ્ય સુશોભનદિને તતઃ।
પૂજયિત્વાઽર્ઘ્યપુષ્પાદ્યૈર્વેષ્ટયેદથ પૂર્વવત્

ધારયેદ્યો મહામન્ત્રં તસ્ય સર્વા વિભૂતયઃ।
સમ્યગાવિર્ભવન્ત્યત્ર લોકે નિષ્કણ્ટકઃ સ ચ

સુશોભનશ્ચ દીર્ઘાયુઃ પરત્ર શુભમાપ્નુયાત્।
દેવીચતુષ્ટયસ્યૈષ સિદ્ધિસઙ્ઘસ્સમાસતઃ

કિઞ્ચિદુદ્દેશતઃ પ્રોક્તઃ સાધકાનાં હિતાય ચ।
નાનાવિધાનિ દિવ્યાનિ પ્રયચ્છન્તિ શુભાનિ ચ

કર્માણ્યતુલવીર્યાણિ અન્તે તુ પરમં પદમ્।
પ્રકાશયતિ ભક્તાનાં વૈષ્ણવાનાં વિશેષતઃ ॥ 218 ।
ઇતિ જયાખ્યસંહિતાયં શક્તિમન્ત્રસાધનં નામ સપ્તવિંશઃ પટલઃ।
* * * * *