મીમાંસાસૂત્ર · ભાગ 120

અથાતો ધર્મજિજ્ઞાસા । જૈમ્_1,1.1 ।
ચોદનાલક્ષણો ઽર્થો ધર્મઃ । જૈમ્_1,1.2 ।
તસ્ય નિમિત્તપરીષ્ટિઃ । જૈમ્_1,1.3 ।
સત્સંપ્રયોગે પુરુષસ્યેન્દ્રિયાણાં બુદ્ધિજન્મ તત્પ્રત્યક્ષમ્ અનિમિત્તં વિદ્યમાનોપલમ્ભનત્વાત્ । જૈમ્_1,1.4 ।
ઔત્પત્તિકસ્ તુ શબ્દસ્યાર્થેન સંબન્ધસ્ તસ્ય જ્ઞાનમ્ ઉપદેશો ઽવ્યતિરેકશ્ ચાર્થે ઽનુપલબ્ધે તત્પ્રમાણં બાદરાયણસ્યાનપેક્ષત્વાત્ । જૈમ્_1,1.5 ।
કર્મૈકે તત્ર દર્શનાત્ । જૈમ્_1,1.6 ।
અસ્થાનાત્ । જૈમ્_1,1.7 ।
કરોતિ શબ્દાત્ । જૈમ્_1,1.8 ।
સત્ત્વાન્તરે ચ યૌગપદ્યાત્ । જૈમ્_1,1.9 ।
પ્રકૃતિ વિકૃત્યોશ્ ચ । જૈમ્_1,1.10 ।
વૃદ્ધિશ્ ચ કર્તૃભૂમ્નાસ્ય । જૈમ્_1,1.11 ।
સમં તુ તત્ર દર્શનમ્ । જૈમ્_1,1.12 ।
સતઃ પરમદર્શનં વિષયાનાગમાત્ । જૈમ્_1,1.13 ।
પ્રયોગસ્ય પરમ્ । જૈમ્_1,1.14 ।
આદિત્ત્યવદ્યૌગપદ્યમ્ । જૈમ્_1,1.15 ।
વર્ણાન્તરમ્ અવિકારઃ । જૈમ્_1,1.16 ।
નાદવૃદ્ધિપરા । જૈમ્_1,1.17 ।
નિત્યસ્ તુ સ્યાદ્ દર્શનસ્ય પરાર્થત્વાત્ । જૈમ્_1,1.18 ।
સર્વત્ર યૌગપદ્યાત્ । જૈમ્_1,1.19 ।
સંખ્યાભાવાત્ । જૈમ્_1,1.20 ।
અનપેક્ષત્વાત્ । જૈમ્_1,1.21 ।
પ્રખ્યાભાવાચ્ ચ યોગસ્ય । જૈમ્_1,1.22 ।
લિઙ્ગદર્શનાચ્ ચ । જૈમ્_1,1.23 ।
ઉત્ત્પત્તૌ વાવચનાઃ સ્યુર્ અર્થસ્યાતન્ નિમિત્તત્વાત્ । જૈમ્_1,1.24 ।
તદ્ભૂતાનાં ક્રિયાર્થેન સામામ્નાયો ઽર્થસ્ય તન્નિમિત્તત્ત્વાત્ । જૈમ્_1,1.25 ।
લોકે સન્નિયમાત્ પ્રયોગસન્નિકર્ષઃ સ્યાત્ । જૈમ્_1,1.26 ।
વેદાંશ્ ચૈકે સન્નિકર્ષં પુરુષાખ્યાઃ । જૈમ્_1,1.27 ।
અનિત્યદર્શનાચ્ ચ । જૈમ્_1,1.28 ।
ઉક્તં તુ શબ્દપૂર્વત્વમ્ । જૈમ્_1,1.29 ।
આખ્યા પ્રવચનાત્ । જૈમ્_1,1.30 ।
પરન્તુ શ્રુતિસામાન્યમાત્રમ્ । જૈમ્_1,1.31 ।
કૃતે વા વિનિયોગઃ સ્યાત્ કર્મણઃ સંબન્ધાત્ । જૈમ્_1,1.32 ।
આમ્નાયસ્ય ક્રિયાર્થત્વાદ્ આનર્થક્યમ્ અતદર્થાનાં તસ્માદ્ અનિત્યમ્ ઉચ્યતે । જૈમ્_1,2.1 ।
શાસ્ત્રદૃષ્ટાવિરોધાચ્ ચ । જૈમ્_1,2.2 ।
તથાફલાભાવાત્ । જૈમ્_1,2.3 ।
અન્યાનર્થક્યાત્ । જૈમ્_1,2.4 ।
અભાગિપ્રતિષેધાચ્ ચ । જૈમ્_1,2.5 ।
અનિત્યસંયોગાત્ । જૈમ્_1,2.6 ।
વિધિના ત્વ્ એકવાક્યત્વાત્ સ્તુત્યર્થેન વિધીનાં સ્યુઃ । જૈમ્_1,2.7 ।
તુલ્યં ચ સામ્પ્રદાયિકમ્ । જૈમ્_1,2.8 ।

આપ્તા ચાનુપપત્તિઃ પ્રયોગે હિ વિરોધઃ સ્યાચ્ છબ્દાર્થસ્ ત્વ્ અપ્રયોગભૂતસ્ તસ્માદ્ ઉપપદ્યેત । જૈમ્_1,2.9 ।
ગુણવાદસ્ તુ । જૈમ્_1,2.10 ।
રૂપાત્ પ્રાયાત્ । જૈમ્_1,2.11 ।
દૂરભૂયસ્ત્વાત્ । જૈમ્_1,2.12 ।
અપરાધાત્ કર્તુશ્ ચ પુત્રદર્શનમ્ । જૈમ્_1,2.13 ।
આકાલિકેપ્સા । જૈમ્_1,2.14 ।
વિદ્યાપ્રશંસા । જૈમ્_1,2.15 ।
સર્વત્વમ્ આધિકારિકમ્ । જૈમ્_1,2.16 ।
ફલસ્ય કર્મનિષ્પત્તેસ્ તેષાં લોકવત્પરિમાણતઃ ફલવિશેષઃ સ્યાત્ । જૈમ્_1,2.17 ।
અન્ત્યયોર્ યથોક્તમ્ । જૈમ્_1,2.18 ।
વિધિર્ વા સ્યાદ્ અપૂર્વત્વાદ્ વાદમાત્રમ હ્ય્ અનર્થકમ્ । જૈમ્_1,2.19 ।
લોકવદ્ ઇતિ ચેત્ । જૈમ્_1,2.20 ।
ન પૂર્વત્વાત્ । જૈમ્_1,2.21 ।
ઉક્તં તુ વાક્યશેષત્વમ્ । જૈમ્_1,2.22 ।
વિધિશ્ ચાનર્થકઃ ક્વચિત્ તસ્માત્ સ્તુતિઃ પ્રતીયેત તત્સામાન્યાદ્ ઇતરેષુ તથાત્વમ્ । જૈમ્_1,2.23 ।
પ્રકરણે સમ્ભવન્નપકર્ષો ન કલ્પ્યેત વિધ્યાનર્થક્યં હિ તં પ્રતિ । જૈમ્_1,2.24 ।
વિધૌ ચ વાક્યભેદઃ સ્યાત્ । જૈમ્_1,2.25 ।
હેતુર્ વા સ્યાદ્ અર્થવત્વોપપત્તિભ્યામ્ । જૈમ્_1,2.26 ।
સ્થિતિસ્ તુ શબ્દપૂર્વત્વાદચોદનાચ તસ્ય । જૈમ્_1,2.27 ।
વ્યર્થે સ્તુતિર્ અન્યાય્યેતિ ચેત્ । જૈમ્_1,2.28 ।
અર્થસ્ તુ વિધિશેષત્વાદ્ યથા લોકે । જૈમ્_1,2.29 ।
યદિ ચ હેતુર્ અવતિષ્ઠેત નિર્દેશાત્ સામાન્યાદ્ ઇતિ ચેદ્ અવસ્થા વિધીનાં સ્યાત્ । જૈમ્_1,2.30 ।
તદર્થશાસ્ત્રાત્ । જૈમ્_1,2.31 ।
વાક્યનિયમાત્ । જૈમ્_1,2.32 ।
બુદ્ધિશાસ્ત્રાત્ । જૈમ્_1,2.33 ।
અવિદ્યમાનવચનાત્ । જૈમ્_1,2.34 ।
અચેતને ઽર્થબન્ધનાત્ । જૈમ્_1,2.35 ।
અર્થવિપ્રતિષેધાત્ । જૈમ્_1,2.36 ।
સ્વાધ્યાયવદ્વચનાત્ । જૈમ્_1,2.37 ।
અવિજ્ઞેયાત્ । જૈમ્_1,2.38 ।
અનિત્યસંયોગાન્ મન્ત્રાર્થાનર્થક્યમ્ । જૈમ્_1,2.39 ।
અવિશિષ્ટસ્ તુ વાક્યાર્થઃ । જૈમ્_1,2.40 ।
ગુણાર્થેન પુનઃ શ્રુતિઃ । જૈમ્_1,2.41 ।
પરિસંખ્યા । જૈમ્_1,2.42 ।
અર્થવાદો વા । જૈમ્_1,2.43 ।
અવિરુદ્ધં પરમ્ । જૈમ્_1,2.44 ।
સંપ્રૈષે કર્મગર્હાનુપાલમ્ભઃ સંસ્કારત્ત્વાત્ । જૈમ્_1,2.45 ।
અભિધાને ઽર્થવાદઃ । જૈમ્_1,2.46 ।
ગુણાદ્ અપ્રતિષેધઃ સ્યાત્ । જૈમ્_1,2.47 ।
વિદ્યાવચનમ્ અસંયોગાત્ । જૈમ્_1,2.48 ।

સતઃ પરમવિજ્ઞાનમ્ । જૈમ્_1,2.49 ।
ઉક્તશ્ ચાનિત્યસંયોગઃ । જૈમ્_1,2.50 ।
લિઙ્ગોપદેશશ્ ચ તદર્થવત્ । જૈમ્_1,2.51 ।
ઊહઃ । જૈમ્_1,2.52 ।
વિધિશબ્દાશ્ ચ । જૈમ્_1,2.53 ।
ધર્મસ્ય શબ્દમૂલત્વાદ્ અશબ્દમ્ અનપેક્ષં સ્યાત્ । જૈમ્_1,3.1 ।
અપિ વા કર્તૃસામાન્યાત્ પ્રમાણમ્ અનુમાનં સ્યાત્ । જૈમ્_1,3.2 ।
વિરોધે ત્વ્ અનપેક્ષ્યં સ્યાદ્ અસતિ હ્ય્ અનુમાનમ્ । જૈમ્_1,3.3 ।
હેતુદર્શનાચ્ ચ । જૈમ્_1,3.4 ।
શિષ્ટાકોપે ઽવિરુદ્ધમ્ ઇતિ ચેત્ । જૈમ્_1,3.5 ।
ન શાસ્ત્રપરિમાણત્વાત્ । જૈમ્_1,3.6 ।
અપિ વા કારણગ્રહણે પ્રયુક્તાનિ પ્રતીયેરન્ । જૈમ્_1,3.7 ।
તેષ્વ્ અદર્શનાદ્ વિરોધસ્ય સમા વિપ્રતિપત્તિઃ સ્યાત્ । જૈમ્_1,3.8 ।
શાસ્ત્રસ્થા વા તન્નિમિત્તત્વાત્ । જૈમ્_1,3.9 ।
ચોદિતં તુ પ્રતીયેતાવિરોધાત્ પ્રમાણેન । જૈમ્_1,3.10 ।
પ્રયોગશાસ્ત્રમ્ ઇતિ ચેત્ । જૈમ્_1,3.11 ।
નાસન્નિયમાત્ । જૈમ્_1,3.12 ।
અવાક્યશેષાચ્ ચ । જૈમ્_1,3.13 ।
સર્વત્ર ચ પ્રયોગાત્ સન્નિધાનશાસ્ત્રાચ્ ચ । જૈમ્_1,3.14 ।
અનુમાનવ્યવસ્થાનાત્ તત્સંયુક્તં પ્રમાણં સ્યાત્ । જૈમ્_1,3.15 ।
અપિ વા સર્વ ધર્મઃ સ્યાત્ તન્ન્યાયત્વાદ્ વિધાનસ્ય । જૈમ્_1,3.16 ।
દર્શનાદ્ વિનિયોગઃ સ્યાત્ । જૈમ્_1,3.17 ।
લિઙ્ગાભાવાચ્ ચ નિત્યસ્ય । જૈમ્_1,3.18 ।
આખ્યા હિ દેશસંયોગાત્ । જૈમ્_1,3.19 ।
ન સ્યાદ્ દેશાન્તરેષ્વ્ ઇતિ ચેત્ । જૈમ્_1,3.20 ।
સ્યાદ્યોગાખ્યા હિ માથુરવત્ । જૈમ્_1,3.21 ।
કર્મધર્મો વા પ્રવણવત્ । જૈમ્_1,3.22 ।
તુલ્યં તુ કર્તૃધર્મેણ । જૈમ્_1,3.23 ।
પ્રયોગોત્પત્યશાસ્ત્રત્વાચ્ છબ્દેષુ ન વ્યવસ્થા સ્યાત્ । જૈમ્_1,3.24 ।
શબ્દે પ્રયત્નનિષ્પત્તેર્ અપરાધસ્ય ભાગિત્વમ્ । જૈમ્_1,3.25 ।
અન્યાયશ્ ચાનેકશબ્દત્ત્વમ્ । જૈમ્_1,3.26 ।
તત્ર તત્ત્વમ્ અભિયોગવિશેષાત્ સ્યાત્ । જૈમ્_1,3.27 ।
તદશક્તિશ્ ચાનુરૂપત્વાત્ । જૈમ્_1,3.28 ।
એક દેશત્વાચ્ ચ વિભાક્તિવ્યત્યયે સ્યાત્ । જૈમ્_1,3.29 ।
પ્રયોગચોદનાભાવાદ્ અર્થૈકત્વમ્ અવિભાગાત્ । જૈમ્_1,3.30 ।
અદ્રવ્યશબ્દત્વાત્ । જૈમ્_1,3.31 ।
અન્યદર્શનાચ્ ચ । જૈમ્_1,3.32 ।
આકૃતિસ્ તુ ક્રિયાર્થત્વાત્ । જૈમ્_1,3.33 ।
ન ક્રિયા સ્યાદ્ ઇતિ ચેદર્થાન્તરે વિધાનં ન દ્રવ્યમ્ ઇતિ ચેત્ । જૈમ્_1,3.34 ।
તદર્થત્વાત્ પ્રયોગસ્યાવિભાગઃ । જૈમ્_1,3.35 ।

ઉક્તં સમામ્નાયૈદમ્ અર્થ્યં તસ્માત્ સર્વં તદર્થં સ્યાત્ । જૈમ્_1,4.1 ।
અપિ વા નામધેયં સ્યાદ્ યદુત્પત્તાવપૂર્વમ્ અવિધાયકત્વાત્ । જૈમ્_1,4.2 ।
યસ્મિન્ ગુણોપદેશઃ પ્રધાનતો ઽભિસમ્બન્ધઃ । જૈમ્_1,4.3 ।
તત્પ્રખ્યઞ્ ચાન્યશાસ્ત્રમ્ । જૈમ્_1,4.4 ।
તદ્વ્યપદેશં ચ । જૈમ્_1,4.5 ।
નામધેયે ગુણશ્રુતેઃ સ્યાદ્ વિધાનમ્ ઇતિ ચેત્ । જૈમ્_1,4.6 ।
તુલ્યત્વાત્ ક્રિયયોર્ ન । જૈમ્_1,4.7 ।
ઐકશબ્દ્યે પરાર્થવત્ । જૈમ્_1,4.8 ।
તદ્ગુણાસ્ તુ વિધાયેર્ અન્નવિભાગાદ્ વિધાનાર્થે ન ચેદ્ અન્યેન શિષ્ટાઃ । જૈમ્_1,4.9 ।
બર્હિરાજ્યયોર્ અસંસ્કારે શબ્દલાભાદ્ અતચ્છબ્દઃ । જૈમ્_1,4.10 ।
પ્રોક્ષણીષ્વ્ અર્થસંયોગાત્ । જૈમ્_1,4.11 ।
તથાનિર્મન્થ્યે । જૈમ્_1,4.12 ।
વૈશ્વદેવે વિકલ્પ ઇતિ ચેત્ । જૈમ્_1,4.13 ।
ન વા પ્રકરણાત્ પ્રત્યક્ષવિધાનાચ્ ચ ન હિ પ્રકરણં દ્રવ્યસ્ય । જૈમ્_1,4.14 ।
મિથશ્ ચાનર્થસમ્બન્ધઃ । જૈમ્_1,4.15 ।
પરાર્થત્વાદ્ ગુણાનામ્ । જૈમ્_1,4.16 ।
પૂર્વવન્તો ઽવિધાનાર્થાસ્ તત્સામર્થ્યં સમામ્નાયે । જૈમ્_1,4.17 ।
ગુણસ્ય તુ વિધાનાર્થે તદ્ગુણાઃ પ્રયોગે સ્યુર્ અનર્થકા ન હિ તં પ્રત્યર્થવત્તાસ્તિ । જૈમ્_1,4.18 ।
તચ્છેષો નોપપદ્યતે । જૈમ્_1,4.19 ।
અવિભાગાદ્ વિધાનાર્થે સ્તુત્યર્થેનોપપદ્યેરન્ । જૈમ્_1,4.20 ।
કારણં સ્યાદ્ ઇતિ ચેત્ । જૈમ્_1,4.21 ।
આનર્થક્યાદ્ અકારણં કર્તુર્ હિ કારણાનિ ગુણાર્થો હિ વિધીયતે । જૈમ્_1,4.22 ।
તત્સિદ્ધિઃ । જૈમ્_1,4.23 ।
જાતિઃ । જૈમ્_1,4.24 ।
સારૂપ્યાત્ । જૈમ્_1,4.25 ।
પ્રશંસા । જૈમ્_1,4.26 ।
ભૂમા । જૈમ્_1,4.27 ।
લિઙ્ગસમવાયાત્ । જૈમ્_1,4.28 ।
સન્દિગ્ધેષુ વાક્યશેષાત્ । જૈમ્_1,4.29 ।
અર્થાદ્ વા કલ્પનૈકદેશત્વાત્ । જૈમ્_1,4.30 ।
ભાવાર્થાઃ કર્મશબ્દાસ્ તેભ્યઃ ક્રિયા પ્રતીયેતૈષ હ્ય્ અર્થો વિધીયતે । જૈમ્_2,1.1 ।
સર્વેષાં ભાવો ઽર્થ ઇતિ ચેત્ । જૈમ્_2,1.2 ।
યેષામ્ ઉત્પત્તૌ સ્વે પ્રયોગે રૂપોપલબ્ધિસ્ તાનિ નામાનિ તસ્માત્ તેભ્યઃ પરાકાઙ્ક્ષા ભૂતત્વાત્ સ્વે પ્રયોગૈ । જૈમ્_2,1.3 ।
યેષાં તૂત્પત્તાવ્ અર્થે સ્વે પ્રયોગો ન વિદ્યતે તાન્ય્ આખ્યાતાનિ તસ્માત્ તેભ્યઃ પ્રતીયેતાશ્રિતત્વાત્ પ્રયોગસ્ય । જૈમ્_2,1.4 ।
ચોદના પુનર્ આરમ્ભઃ । જૈમ્_2,1.5 ।
તાનિ દ્વૈધં ગુણપ્રધાનભૂતાનિ । જૈમ્_2,1.6 ।
યૈર્ દ્રવ્યં ન ચિકીર્ષ્યતે તાનિ પ્રધાનભૂતાનિ દ્રવ્યસ્ય ગુણભૂતત્વાત્ । જૈમ્_2,1.7 ।
યૈસ્ તુ દ્રવ્યં ચિકીર્ષ્યતે ગુણસ્ તત્ર પ્રતીયેત તસ્ય દ્રવ્યપ્રધાનત્વાત્ । જૈમ્_2,1.8 ।
ધર્મમાત્રે તુ કર્મ સ્યાદ્ અનિર્વૃત્તેઃ પ્રયાજવત્ । જૈમ્_2,1.9 ।
તુલ્યશ્રુતિત્વાદ્ વેતરૈઃ સધર્મઃ સ્યાત્ । જૈમ્_2,1.10 ।

દ્રવ્યોપદેશ ઇતિ ચેત્ । જૈમ્_2,1.11 ।
ન તદર્થત્વાલ્ લોકવત્ તસ્ય ચ શેષભૂતત્વાત્ । જૈમ્_2,1.12 ।
સ્તુતશસ્ત્રયોસ્ તુ સંસ્કારો યાજ્યાવદ્ દેવતાભિધાનત્વાત્ । જૈમ્_2,1.13 ।
અર્થેન ત્વ્ અપકૃષ્યેત દેવતાનામ્ અચોદનાર્થસ્ય ગુણભૂતત્વાત્ । જૈમ્_2,1.14 ।
વશાવદ્ વા ગુણાર્થં સ્યાત્ । જૈમ્_2,1.15 ।
ન શ્રુતિસમવાયિત્વાત્ । જૈમ્_2,1.16 ।
વ્યપદેશભેદાચ્ ચ । જૈમ્_2,1.17 ।
ગુણશ્ ચાનર્થકઃ સ્યાત્ । જૈમ્_2,1.18 ।
તથા યાજ્યાપુરોરુચોઃ । જૈમ્_2,1.19 ।
વશાયામ્ અર્થસમવાયાત્ । જૈમ્_2,1.20 ।
યચ્ ચેતિ વાર્થવત્ત્વાત્ સ્યાત્ । જૈમ્_2,1.21 ।
ન ત્વામ્નાતેષુ । જૈમ્_2,1.22 ।
દૃશ્યતે । જૈમ્_2,1.23 ।
અપિ વા શ્રુતિસંયોગાત્ પ્રકરણે સ્તૌતિશંસતી ક્રિયોત્પાત્તિં વિદધ્યાતામ્ । જૈમ્_2,1.24 ।
શબ્દપૃથક્ત્વાચ્ ચ । જૈમ્_2,1.25 ।
અનર્થકં ચ તદ્વચનમ્ । જૈમ્_2,1.26 ।
અન્યશ્ ચાર્થઃ પ્રતીયતે । જૈમ્_2,1.27 ।
અભિધાનં ચ કર્મવત્ । જૈમ્_2,1.28 ।
ફલનિર્વૃત્તિશ્ ચ । જૈમ્_2,1.29 ।
વિધિમન્ત્રયોર્ ઐકાર્થ્યમ્ ઐકશબ્દ્યાત્ । જૈમ્_2,1.30 ।
અપિ વા પ્રયોગસામર્થ્યાન્ મન્ત્રો ઽભિધાનવાચી સ્યાત્ । જૈમ્_2,1.31 ।
તચ્ચોદકેષુ મન્ત્રાખ્યા । જૈમ્_2,1.32 ।
શેષે બ્રાહ્મણશબ્દઃ । જૈમ્_2,1.33 ।
અનામ્નાતેષ્વ્ અમન્ત્રત્વમામ્નાતેષુ હિ વિભાગઃ । જૈમ્_2,1.34 ।
તેષામ્ ઋગ્યત્રાર્થવશેન પાદવ્યવસ્થા । જૈમ્_2,1.35 ।
ગીતિષુ સ માખ્યા । જૈમ્_2,1.36 ।
શેષે યજુઃ શબ્દાઃ । જૈમ્_2,1.37 ।
નિગદો વા ચતુર્થં સ્યાદ્ ધર્મવિશેષાત્ । જૈમ્_2,1.38 ।
વ્યપદેશાચ્ ચ । જૈમ્_2,1.39 ।
યજૂંષિ વા તદ્રૂપત્વાત્ । જૈમ્_2,1.40 ।
વચનાદ્ ધર્મવિશેષઃ । જૈમ્_2,1.41 ।
અર્થાચ્ ચ । જૈમ્_2,1.42 ।
ગુણાર્થો વ્યપદેશઃ । જૈમ્_2,1.43 ।
સર્વેષામ્ ઇતિ ચેત્ । જૈમ્_2,1.44 ।
ન, ઋગ્વ્યપદેશાત્ । જૈમ્_2,1.45 ।
અર્થૈકત્વાદ્ એકં વાક્યં સાકાઙ્ક્ષં ચેદ્ વિભાગે સ્યાત્ । જૈમ્_2,1.46 ।
સમેષુ વાક્યભેદઃ સ્યાત્ । જૈમ્_2,1.47 ।
અનુષઙ્ગો વાક્યસમાપ્તિઃ સર્વેષુ તુલ્યયોગિત્વાત્ । જૈમ્_2,1.48 ।
વ્યવાયાન્ નાનુષજ્યેત । જૈમ્_2,1.49 ।
શબ્દાન્તરે કર્મભેદઃ કૃતાનુબન્ધત્વાત્ । જૈમ્_2,2.1 ।

એકસ્યૈવં પુનઃ શ્રુતિર્ અવિશેષાદ્ અનર્થકં હિ સ્યાત્ । જૈમ્_2,2.2 ।
પ્રકરણં તુ પૌર્ણમાસ્યાં રૂપાવચનાત્ । જૈમ્_2,2.3 ।
વિશેષદર્શનાચ્ ચ સર્વેષાં સમેષુ હ્ય્ અપ્રવૃત્તિઃ સ્યાત્ । જૈમ્_2,2.4 ।
ગુણસ્ તુ શ્રુતિસંયોગાત્ । જૈમ્_2,2.5 ।
ચોદના વા ગુણાનાં યુગપચ્છાસ્ત્રાચ્ ચોદિતે હિ તદર્થત્વાત્ તસ્યતસ્યોપદિશ્યેત । જૈમ્_2,2.6 ।
વ્યપદેશશ્ ચ તદ્વત્ । જૈમ્_2,2.7 ।
લિઙ્ગદર્શનાચ્ ચ । જૈમ્_2,2.8 ।
પૌર્ણમાસીવદ્ ઉપાંશુયાજઃ સ્યાત્ । જૈમ્_2,2.9 ।
ચોદના વાપ્રકૃતત્વાત્ । જૈમ્_2,2.10 ।
ગુણોપબન્ધાત્ । જૈમ્_2,2.11 ।
પ્રાયે વચનાચ્ ચ । જૈમ્_2,2.12 ।
આઘારાગ્નિહોત્રમ્ અરૂપત્વાત્ । જૈમ્_2,2.13 ।
સંજ્ઞોપબન્ધાત્ । જૈમ્_2,2.14 ।
અપ્રકૃતત્વાચ્ ચ । જૈમ્_2,2.15 ।
ચોદના વા શબ્દાર્થસ્ય પ્રયોગભૂતત્વાત્ તત્સન્નિધેર્ ગુણાર્થેન પુનઃ શ્રુતિઃ । જૈમ્_2,2.16 ।
દ્રવ્યસંયોગાચ્ ચોદના પશુસોમયોઃ પ્રકરણે હ્ય્ અનર્થકો દ્રવ્યસંયોગો ન હિ તસ્ય ગુણાર્થેન । જૈમ્_2,2.17 ।
અચોદકાશ્ ચ સંસ્કારાઃ । જૈમ્_2,2.18 ।
તદ્ભેદાત્ કર્મણો ઽભ્યાસો દ્રવ્યપૃથક્ત્વાદ્ અનર્થકં હિ સ્યાદ્ ભેદો દ્રવ્યગુણીભાવાત્ । જૈમ્_2,2.19 ।
સંસ્કારસ્ તુ ન ભિદ્યેત પરાર્થત્વાદ્ દ્રવ્યસ્ય ગુણભૂતત્વાત્ । જૈમ્_2,2.20 ।
પૃથક્ત્ત્વનિવેશાત્ સંખ્યયા કર્મભેદઃ સ્યાત્ । જૈમ્_2,2.21 ।
સંજ્ઞા ચોત્પત્તિસંયોગાત્ । જૈમ્_2,2.22 ।
ગુણાશ્ ચાપૂર્વસંયોગે વાક્યોઃ સમત્ત્વાત્ । જૈમ્_2,2.23 ।
અગુણે તુ કર્મશબ્દે ગુણસ્ તત્ર પ્રતીયેત । જૈમ્_2,2.24 ।
ફલશ્રુતેસ્ તુ કર્મ સ્યાત્ ફલસ્ય કર્મયોગિત્વાત્ । જૈમ્_2,2.25 ।
અતુલ્યત્વાત્ તુ વાક્યયોર્ ગુણે તસ્ય પ્રતીયેત । જૈમ્_2,2.26 ।
સમેષુ કર્મયુક્તં સ્યાત્ । જૈમ્_2,2.27 ।
સૌભરે પુરુષશ્રુતેર્ નિધનં કામસંયોગઃ । જૈમ્_2,2.28 ।
સર્વસ્ય વોક્તકામત્વાત્ તસ્મિન્ કામશ્રુતિઃ સ્યાન્ નિધનાર્થા પુનઃ શ્રુતિઃ । જૈમ્_2,2.29 ।
ગુણસ્ તુ ક્રતુસંયોગાત્ કર્માન્તરં પ્રયોજયેત્ સંયોગસ્યાશેષભૂત્વાત્ । જૈમ્_2,3.1 ।
એકસ્ય તુ લિઙ્ગભેદાત્ પ્રયોજનાર્થમ્ ઉચ્યેતૈકત્વં ગુણવાક્યત્વાત્ । જૈમ્_2,3.2 ।
અવેષ્ટૌ યજ્ઞસંયોગાત્ક્રતુપ્રધાનમુચ્યતે । જૈમ્_2,3.3 ।
આધાને સર્વશેષત્વાત્ । જૈમ્_2,3.4 ।
અયનેષુ ચોદનાન્તરં સંજ્ઞોપબન્ધાત્ । જૈમ્_2,3.5 ।
અગુણાચ્ ચ કર્મચોદના । જૈમ્_2,3.6 ।
સમાપ્તં ચ ફલે વાક્યમ્ । જૈમ્_2,3.7 ।
વિકારો વા પ્રકરણાત્ । જૈમ્_2,3.8 ।
લિઙ્ગદર્શનાચ્ ચ । જૈમ્_2,3.9 ।
ગુણાત્ સંજ્ઞોપબન્ધઃ । જૈમ્_2,3.10 ।
સમાપ્તિર્ અવિશિષ્ટા । જૈમ્_2,3.11 ।
સંસ્કારશ્ ચાપ્રકરણે ઽકર્મશબ્દત્વાત્ । જૈમ્_2,3.12 ।

યાવદ્ ઉક્તં વા કર્મણઃ શ્રુતિમૂલત્વાત્ । જૈમ્_2,3.13 ।
યજતિસ્ તુ દ્રવ્યફલભોક્તૃસંયોગાદ્ એતેષાં કર્મસમ્બન્ધાત્ । જૈમ્_2,3.14 ।
લિઙ્ગદર્શનાચ્ ચ । જૈમ્_2,3.15 ।
વિષયે પ્રાયદર્શનાત્ । જૈમ્_2,3.16 ।
અર્થવાદોપપત્તેશ્ ચ । જૈમ્_2,3.17 ।
સંયુક્તસ્ ત્વ્ અર્થશબ્દેન તદર્થઃ શ્રુતિસંયોગાત્ । જૈમ્_2,3.18 ।
પાત્નીવતે તુ પૂર્વત્વાદ્ અવચ્છેદઃ । જૈમ્_2,3.19 ।
અદ્રવ્યત્વાત્ કવેલે કર્મશેષઃ સ્યાત્ । જૈમ્_2,3.20 ।
અગ્નિસ્ તુ લિઙ્ગદર્શનાત્ ક્રતુશબ્દઃ પ્રતીયેત । જૈમ્_2,3.21 ।
દ્રવ્યં વા સ્યાચ્ ચોદનાયાસ્ તદર્થત્વાત્ । જૈમ્_2,3.22 ।
તત્સંયોગાત્ ક્રતુસ્ તદાખ્યઃ સ્યાત્ તેન ધર્મવિધાનાનિ । જૈમ્_2,3.23 ।
પ્રકરણાન્તરે પ્રયોજનાન્યત્વમ્ । જૈમ્_2,3.24 ।
ફલં ચાકર્મસંનિધૌ । જૈમ્_2,3.25 ।
સંનિધૌ ત્વ્ અવિભાગાત્ ફલાર્થેન પુનઃ શ્રુતિઃ । જૈમ્_2,3.26 ।
આગ્નેયસૂક્તહેતુત્વાદ્ અભ્યાસેન પ્રતીયેત । જૈમ્_2,3.27 ।
અવિભાગાત્ તુ કર્મણાં દ્વિરુક્તેર્ ન વિધીયતે । જૈમ્_2,3.28 ।
અન્યાર્થા વા પુનઃ શ્રુતિઃ । જૈમ્_2,3.29 ।
યાવજ્જીવિકો ઽભ્યાસઃ કર્મધર્મઃ પ્રકરણાત્ । જૈમ્_2,4.1 ।
કર્તુર્ વા શ્રુતિસંયોગાત્ । જૈમ્_2,4.2 ।
લિઙ્ગદર્શનાચ્ ચ કર્મધર્મે હિ પ્રક્રમેણ નિયમ્યેત તત્રાનર્થકમ્ અન્યત્ સ્યાત્ । જૈમ્_2,4.3 ।
વ્યપવર્ગં ચ દર્શયતિ કાલશ્ ચેત્ કર્મભેદઃ સ્યાત્ । જૈમ્_2,4.4 ।
અનિત્યત્વાત્ તુ નૈવં સ્યાત્ । જૈમ્_2,4.5 ।
વિરોધશ્ ચાપિ પૂર્વવત્ । જૈમ્_2,4.6 ।
કર્તુસ્ તુ ધર્મનિયમાત્ કાલશાસ્ત્રં નિમિત્તં સ્યાત્ । જૈમ્_2,4.7 ।
નામરૂપધર્મવિશેષપુનરુક્તિનિન્દાશાક્તિસમાપ્તિવચનપ્રાયશ્ચિત્તાન્યાર્થદર્શનાચ્ છાખાન્તરેષુ કર્મભેદઃ સ્યાત્ । જૈમ્_2,4.8 ।
એકં વા સંયોગરૂપચોદનાખ્યાવિશેષાત્ । જૈમ્_2,4.9 ।
ન નામ્ના સ્યાદ્ અચોદનાભિધાનત્વાત્ । જૈમ્_2,4.10 ।
સર્વેષાં ચૈકકર્મ્યં સ્યાત્ । જૈમ્_2,4.11 ।
કૃતકં ચાભિધાનમ્ । જૈમ્_2,4.12 ।
એકત્વે ઽપિ પરમ્ । જૈમ્_2,4.13 ।
વિદ્યાયાં ધર્મશાસ્ત્રમ્ । જૈમ્_2,4.14 ।
અગ્નેયવત્પુનર્વચનમ્ । જૈમ્_2,4.15 ।
અદ્વિર્વચનં વા શ્રુતિસંયોગાવિશેષાત્ । જૈમ્_2,4.16 ।
અર્થાસન્નિધેશ્ ચ । જૈમ્_2,4.17 ।
ન ચૈકં પ્રતિશિષ્યતે । જૈમ્_2,4.18 ।
સમાપ્તિવચ્ ચ સંપ્રેક્ષા । જૈમ્_2,4.19 ।
એકત્વે ઽપિ પરાણિ નિન્દાશક્તિસમાપ્તિવચનાનિ । જૈમ્_2,4.20 ।
પ્રાયશ્ચિત્તં નિમિત્તેન । જૈમ્_2,4.21 ।
પ્રક્રમાદ્ વા નિયોગેન । જૈમ્_2,4.22 ।
સમાપ્તિઃ પૂર્વવત્ત્વાદ્યથાજ્ઞાતે પ્રતીયેત । જૈમ્_2,4.23 ।

લિઙ્ગમવિશિષ્ટં સર્વશેષત્વાન્ ન હિ તત્ર કર્મચોદના તસ્માત્ દ્વાદશાહસ્યાહારવ્યપદેશઃ સ્યાત્ । જૈમ્_2,4.24 ।
દ્રવ્યે ચાચોદિતત્વાદ્ વિધીનામ્ અવ્યવસ્થા સ્યાન્ નિર્દેશાદ્ વ્યતિષ્ઠેત તસ્માન્ નિત્યાનુવાદઃ સ્યાત્ । જૈમ્_2,4.25 ।
વિહિતપ્રતિષેધાત્ પક્ષે ઽતિરેકઃ સ્યાત્ । જૈમ્_2,4.26 ।
સારસ્વતે વિપ્રતિષેધાદ્યદેતિ સ્યાત્ । જૈમ્_2,4.27 ।
ઉપહવ્યે ઽપ્રતિપ્રસવઃ । જૈમ્_2,4.28 ।
ગુણાર્થા વા પુનઃ શ્રુતિઃ । જૈમ્_2,4.29 ।
પ્રત્યયં ચાપિ દર્શયતિ । જૈમ્_2,4.30 ।
અપિ વા ક્રમસંયોગાદ્ વિધિપૃથક્ત્વમ્ એકસ્યાં વ્યવતિષ્ઠેત । જૈમ્_2,4.31 ।
વિરોધિના ત્વ્ અસંયોગાદ્ ઐકકર્મ્યે તત્સંયોગાદ્ વિધીનાં સર્વકર્મપ્રત્યયઃ સ્યાત્ । જૈમ્_2,4.32 ।
અથાતઃ શેષલક્ષણમ્ । જૈમ્_3,1.1 ।
શેષઃ પરાર્થત્વાત્ । જૈમ્_3,1.2 ।
દ્રવ્યગુણસંસ્કારેષુ બાદરિઃ । જૈમ્_3,1.3 ।
કર્માણ્યપિ જૈમિનિઃ ફલાર્થત્વાત્ । જૈમ્_3,1.4 ।
ફલં ચ પુરુષાર્થત્વાત્ । જૈમ્_3,1.5 ।
પુરુષશ્ ચ કર્માર્થત્વાત્ । જૈમ્_3,1.6 ।
તેષામ્ અર્થેન સબન્ધઃ । જૈમ્_3,1.7 ।
વિહિતસ્ તુ સર્વધર્મઃ સ્યાત્ સંયોગતો ઽવિશેષાત્ પ્રકરણાવિશેષાચ્ ચ । જૈમ્_3,1.8 ।
અર્થલોપાદ્ અકર્મે સ્યાત્ । જૈમ્_3,1.9 ।
ફલં તુ સહ ચેષ્ટયા શબ્દાર્થો ઽભાવાદ્ વિપ્રયોગે સ્યાત્ । જૈમ્_3,1.10 ।
દ્રવ્યં ચોત્પત્તિસંયોગાત્ તદ્ અર્થમ્ એવ ચોદ્યેત । જૈમ્_3,1.11 ।
અર્થૈકત્વે દ્રવ્યગુણયોર્ ઐકકર્મ્યાન્ નિયમઃ સ્યાત્ । જૈમ્_3,1.12 ।
એકત્વયુક્તમ્ એકસ્ય શ્રુતિસંયોગાત્ । જૈમ્_3,1.13 ।
સર્વેષાં વા લક્ષણત્વાદ્ અવિશિષ્ટં હિ લક્ષણમ્ । જૈમ્_3,1.14 ।
ચોદિતેતુપરાર્થત્વાદ્ યથાશ્રુતિ પ્રતીયેતા । જૈમ્_3,1.15 ।
સંસ્કારાદ્ વાગુણાનામ્ અવ્યવસ્થા સ્યાત્ । જૈમ્_3,1.16 ।
વ્યવસ્થાવાર્થસ્ય શ્રુતિસંયોગાત્ તસ્ય શબ્દ પ્રમાણત્વાત્ । જૈમ્_3,1.17 ।
આનર્થક્યાત્તદઙ્ગેષુ । જૈમ્_3,1.18 ।
કર્તૃગુણે તુ કર્માસમવાયાદ્ વાક્યભેદઃ સ્યાત્ । જૈમ્_3,1.19 ।
સાકાઙ્ક્ષં ત્વ્ એકવાક્યં સ્યાદ્ અસમાપ્તં હિ પૂર્વેણ । જૈમ્_3,1.20 ।
સન્દિગ્ધે તુબ્યવાયાદ્ વાક્યભેદઃ સ્યાત્ । જૈમ્_3,1.21 ।
ગુણાનાં ચ પરાર્થત્ત્વાદ્ અસમ્બન્ધઃ સમત્વાત્ સ્યાત્ । જૈમ્_3,1.22 ।
મિથશ્ ચાનર્થસમ્વન્ધાત્ । જૈમ્_3,1.23 ।
આનન્તર્યમ્ અચોદના । જૈમ્_3,1.24 ।
બાક્યાનાં ચ સમાપ્તત્વાત્ । જૈમ્_3,1.25 ।
શેષસ્ તુ ગુણસંયુક્તઃ સાધારણઃ પ્રતીયેત મિથસ્ તેષામ્ અસમ્બન્ધાત્ । જૈમ્_3,1.26 ।
વ્યવસ્થા વાર્થસંયોગાલ્ લિઙ્ગસ્યાર્થેન સમ્બન્ધાલ્લક્ષણાર્થા ગુણશ્રુતિઃ । જૈમ્_3,1.27 ।
અર્થાભિધાનસામર્થ્યાન્ મન્ત્રેષુ શેષભાવઃ સ્યાત્ તસ્માદ્ ઉત્પત્તિસમ્બન્ધો ઽર્થેન નિત્યસંયોગાત્ । જૈમ્_3,2.1 ।
સંસ્કારકત્વાદ્ અચોદિતેન સ્યાત્ । જૈમ્_3,2.2 ।
વચનાત્ ત્વ્ અયથાર્થમ્ ઐન્દ્રી સ્યાત્ । જૈમ્_3,2.3 ।
ગુણાદ્ વાપ્ય્ અભિધાનં સ્યાત્ સમ્બન્ધસ્યાશાસ્ત્રહેતુત્વાત્ । જૈમ્_3,2.4 ।

તથાહવાનમ્ અપીતિ ચેત્ । જૈમ્_3,2.5 ।
નકાલવિધિશ્ ચોદિતત્વાત્ । જૈમ્_3,2.6 ।
ગુણાભાવાત્ । જૈમ્_3,2.7 ।
લિઙ્ગાચ્ ચ । જૈમ્_3,2.8 ।
વિધિકોપશ્ ચોપદેશે સ્યાત્ । જૈમ્_3,2.9 ।
તથોત્થાનવિસર્જને । જૈમ્_3,2.10 ।
સૂક્તવાકે ચ કાલવિધિઃ પરાર્થત્વાત્ । જૈમ્_3,2.11 ।
ઉપદેશો વા યાજ્યાશબ્દો હિ નાકસ્માત્ । જૈમ્_3,2.12 ।
સદેવતાર્થસ્ તત્સંયોગાત્ । જૈમ્_3,2.13 ।
પ્રતિપત્તિર્ ઇતિ ચેત્ સ્વિષ્ટકૃદ્વદુભયસંસ્કારઃ સ્યાત્ । જૈમ્_3,2.14 ।
કૃત્સ્નોપદેશાદ્ ઉભયત્ર સર્વવચનમ્ । જૈમ્_3,2.15 ।
યથાર્થં વા શેષભૂતસંસ્કારાત્ । જૈમ્_3,2.16 ।
વચનાદ્ ઇતિ ચેત્ । જૈમ્_3,2.17 ।
પ્રકરણાવિભાગાદ્ ઉભે પ્રતિ કૃત્સ્નશબ્દઃ । જૈમ્_3,2.18 ।
લિઙ્ગક્રમસમાખ્યાનાત્ કામ્યયુક્તં સમામનાનમ્ । જૈમ્_3,2.19 ।
અધિકારે ચ મન્ત્રવિધિર્ અતદાખ્યેષુ શિષ્ટત્વાત્ । જૈમ્_3,2.20 ।
તદાખ્યો વા પ્રકરણોપપત્તિભ્યામ્ । જૈમ્_3,2.21 ।
અનર્થકશ્ ચોપદેશઃ સ્યાદ્ અસમ્બન્ધાત્ ફલવતા ન હ્ય્ ઉપસ્થાનં ફલવત્ । જૈમ્_3,2.22 ।
સર્વેષાં ચોપદિષ્ટત્વાત્ । જૈમ્_3,2.23 ।
લિઙ્ગસમાખ્યાનાભ્યાં ભક્ષાર્થતાનુવાકસ્ય । જૈમ્_3,2.24 ।
તસ્ય રૂપોપદેશાભ્યામ્ અપકર્ષો ઽર્થસ્ય ચોદિતત્વાત્ । જૈમ્_3,2.25 ।
ગુણાભિધાનાન્ મન્દ્રાદિર્ એકમન્ત્રઃ સ્યાત્ તયોર્ એકાર્થસંયોગાત્ । જૈમ્_3,2.26 ।
લિઙ્ગવિશેષનિર્દેશાત્ સમાનવિધાનેષ્વ્ અનૈન્દ્રાણામ્ અમન્ત્રત્વમ્ । જૈમ્_3,2.27 ।
યથાદેવતં વા તત્પ્રકૃતિત્વં હિ દર્શયતિ । જૈમ્_3,2.28 ।
પુનરભ્યુન્નીતેષુ સર્વેષામ્ ઉપલક્ષણં દ્વિશેષત્વાત્ । જૈમ્_3,2.29 ।
અનયાદ્ વા પૂર્વસ્યાનુપલક્ષણમ્ । જૈમ્_3,2.30 ।
ગ્રહણાદ્ વાપનયઃ સ્યાત્ । જૈમ્_3,2.31 ।
પાત્નીવતે તુ પૂર્વવત્ । જૈમ્_3,2.32 ।
ગ્રહણાદ્ વાપનીતં સ્યાત્ । જૈમ્_3,2.33 ।
ત્વષ્ટારં તૂપલક્ષયેત્ પાનાત્ । જૈમ્_3,2.34 ।
અતુલ્યત્વાત્ તુ નૈવં સ્યાત્ । જૈમ્_3,2.35 ।
ત્રિંશચ્ ચ પરાર્થત્વાત્ । જૈમ્_3,2.36 ।
વષટ્કારશ્ ચ કર્તૃવત્ । જૈમ્_3,2.37 ।
છન્દઃ પ્રતિષેધસ્ તુ સર્વગામિત્વાત્ । જૈમ્_3,2.38 ।
ઐન્દ્રાગ્ને તુ લિઙ્ગભાબાત્ સ્યાત્ । જૈમ્_3,2.39 ।
એકસ્મિન્ વા દેવતાન્તરાદ્ વિભાગવત્ । જૈમ્_3,2.40 ।
છન્દશ્ ચ દેવતાવત્ । જૈમ્_3,2.41 ।
સર્વેષુ વાભાવાદ્ એકચ્છન્દસઃ । જૈમ્_3,2.42 ।
સર્વેષાં વૈકમન્ત્ર્યમ્ ઐતિશાયનસ્ય ભક્તિપાનત્વાત્ સવનાધિકારો હિ । જૈમ્_3,2.43 ।
શ્રુતેર્ જાતાધિકારઃ સ્યાત્ । જૈમ્_3,3.1 ।

વેદો વા પ્રાયદર્શનાત્ । જૈમ્_3,3.2 ।
લિઙ્ગાચ્ ચ । જૈમ્_3,3.3 ।
ધર્મોપદેશાચ્ ચ ન હિ દ્રવ્યેણ સમ્બન્ધઃ । જૈમ્_3,3.4 ।
ત્રયીવિદ્યાખ્યા ચ તદ્વિદ્ ધિ । જૈમ્_3,3.5 ।
વ્યક્તિક્રમે યથાશ્રુતીતિ ચેત્ । જૈમ્_3,3.6 ।
ન સર્વસ્મિન્ નિવેશાત્ । જૈમ્_3,3.7 ।
વેદસંયોગાન્ ન પ્રકરણેન બાધ્યતે । જૈમ્_3,3.8 ।
ગુણમુખ્યવ્યતિક્રમે તદર્થત્વાન્ મુખ્યેન વેદસંયોગઃ । જૈમ્_3,3.9 ।
ભૂયસ્ત્વેનોભયશ્રુતિ । જૈમ્_3,3.10 ।
અસંયુક્તં પ્રકરણાદ્ ઇતિ કર્તવ્યતાર્થિત્વાત્ । જૈમ્_3,3.11 ।
ક્રમશ્ ચ દેશસામાન્યાત્ । જૈમ્_3,3.12 ।
આખ્યા ચૈવમ તદર્થત્વાત્ । જૈમ્_3,3.13 ।
શ્રુતિ-લિઙ્ગ-વાક્ય-પ્રકરણ-સ્થાન-સમાખ્યાનાં સમવાયે પારદૌર્બલ્યમ્ અર્થવિપ્રકર્ષાત્ । જૈમ્_3,3.14 ।
અહીનો વા પ્રકરણાદ્ ગૌણઃ । જૈમ્_3,3.15 ।
અસંયોગાત્ તુ મુખ્યસ્ય તસ્માદ્ અપકૃષ્યેત । જૈમ્_3,3.16 ।
દ્વિત્વબહુત્વયુક્તં વા ચોદનાત્ તસ્ય । જૈમ્_3,3.17 ।
પક્ષેણાર્થકૃતસ્યેતિ ચેત્ । જૈમ્_3,3.18 ।
નકૃતેર્ એકસંયોગાત્ । જૈમ્_3,3.19 ।
જાઘની ચૈકદેશત્વાત્ । જૈમ્_3,3.20 ।
ચોદના વાપૂર્વત્વાત્ । જૈમ્_3,3.21 ।
એકદેશ ઇતિ ચેત્ । જૈમ્_3,3.22 ।
ન પ્રકૃતેર્ અશાસ્ત્રનિષ્પત્તેઃ । જૈમ્_3,3.23 ।
સન્તર્દનં પ્રકૃતૌ ક્રયણવદનર્થલોપાત્ સ્યાત્ । જૈમ્_3,3.24 ।
ઉત્કર્ષો વા ગ્રહણાદ્ વિશેષસ્ય । જૈમ્_3,3.25 ।
કર્તૃતો વા વિશેષસ્ય તન્નિમિત્તત્વાત્ । જૈમ્_3,3.26 ।
ક્રતુતો વાર્થવાદાન્ ઉપપત્તેઃ સ્યાત્ । જૈમ્_3,3.27 ।
સંસ્થાશ્ ચ કર્તૃવદ્ ધારણાર્થાવિશેષાત્ । જૈમ્_3,3.28 ।
ઉક્થ્યાદિષુ વાર્થસ્ય વિદ્યમાનત્વાત્ । જૈમ્_3,3.29 ।
અવિશેષાત્ સ્તુતિર્ વ્યર્થેતિ ચેત્ । જૈમ્_3,3.30 ।
સ્યાદ્ અનિત્યત્વાત્ । જૈમ્_3,3.31 ।
સઙ્ખ્યાયુક્તં ક્રતોઃ પ્રકરણાત્ સ્યાત્ । જૈમ્_3,3.32 ।
નૈમિત્તિકં વા કર્તૃસંયોગાલ્ લિઙ્ગસ્ય તન્નિમિત્તત્વાત્ । જૈમ્_3,3.33 ।
પૌષ્ણં પૈષણં વિકૃતૌ પ્રતીયેતાચોદનાત્ પ્રકૃતૌ । જૈમ્_3,3.34 ।
તત્સર્વાર્થમ્ અવિશેષાત્ । જૈમ્_3,3.35 ।
ચરૌવાર્થોક્તં પુરોડાશે ઽર્થવિપ્રતિષેધાત્ પશૌ ન સ્યાત્ । જૈમ્_3,3.36 ।
ચરાવ્ અપીતિ ચેત્ । જૈમ્_3,3.37 ।
ન પક્તિનામત્વાત્ । જૈમ્_3,3.38 ।
એકસ્મિન્ન્ એકસંયોગાત્ । જૈમ્_3,3.39 ।
ધર્માવિપ્રતિષેધાચ્ ચ । જૈમ્_3,3.40 ।
અપિ વા સદ્વિતીયે સ્યાદ્ દેવતાનિમિત્તત્વાત । જૈમ્_3,3.41 ।

લિઙ્ગદર્શનાચ્ ચ । જૈમ્_3,3.42 ।
વચનાત્ સર્વપેષણં તં પ્રતિ શાસ્ત્રવત્વાદ્ અર્થાભાવાદ્ વિચરાવ્ અપેષણં ભવતિ । જૈમ્_3,3.43 ।
એકસ્મિન્ વાર્થધર્મત્વાદ્ ઐન્દ્રાગ્નવ્ અદુભયોર્ ન સ્યાદ્ અચોદિતત્વાત્ । જૈમ્_3,3.44 ।
હેતુમાત્રમ્ અદન્તત્વમ્ । જૈમ્_3,3.45 ।
વચનં પરમ્ । જૈમ્_3,3.46 ।
નિવીતામ્ ઇતિ મનુષ્યધર્મઃ શબ્દસ્ય તત્પ્રધાનત્વાત્ । જૈમ્_3,4.1 ।
અપદેશો વાર્થસ્ય વિદ્યમાનતત્ત્વાત્ । જૈમ્_3,4.2 ।
વિધિસ્તવર્પૂર્વત્વાત્ સ્યાત્ । જૈમ્_3,4.3 ।
સ પ્રાયાત્ કર્મધર્મઃ સ્યાત્ । જૈમ્_3,4.4 ।
વાક્યશેષત્વાત્ । જૈમ્_3,4.5 ।
તત્પ્રકરણે યત્ તત્ સંયુક્તમ્ અવિપ્રતિષેધાત્ । જૈમ્_3,4.6 ।
તત્પ્રધાને વા તુલ્યવત્ પ્રસંખ્યાનાદ્ ઇતરસ્ય તદર્થત્વાત્ । જૈમ્_3,4.7 ।
અર્થવાદો વા પ્રકરણાત્ । જૈમ્_3,4.8 ।
વિધિના ચૈકવાક્યત્વાત્ । જૈમ્_3,4.9 ।
દિગ્વિભાગશ્ ચ તદ્વત્ સમ્બન્ધસ્યાર્થહેતુત્વાત્ । જૈમ્_3,4.10 ।
પરુષિ દિતપૂર્ણઘૃતવિદગ્ધં ચ તદ્વત્ । જૈમ્_3,4.11 ।
અકર્મ ક્રતુસંયુક્તં સંયોગાન્ નિત્યાનુવાદઃ સ્યાત્ । જૈમ્_3,4.12 ।
વિધિર્ વા સંયોગાન્તરાત્ । જૈમ્_3,4.13 ।
અહીનવત્ પુરુષસ્ તદર્થત્વાત્ । જૈમ્_3,4.14 ।
પ્રકરણવિશેષાદ્ વા તદ્યુક્તસ્ય સંસ્કારો દ્રવ્યવત્ । જૈમ્_3,4.15 ।
વ્યપદેશાદ્ અપકૃષ્યેત । જૈમ્_3,4.16 ।
શંયૌ ચ સર્વપરિદાનાત્ । જૈમ્_3,4.17 ।
પ્રાગપરોધાન્ મલવદ્ વાસસઃ । જૈમ્_3,4.18 ।
અન્નપ્રતિષેધાચ્ ચ । જૈમ્_3,4.19 ।
અપ્રકરણે તુ તદ્વર્મસ્ તતો વિશેષાત્ । જૈમ્_3,4.20 ।
અદ્રવ્યત્વાત્ તુ શેષઃ સ્યાત્ । જૈમ્_3,4.21 ।
વેદસંયોગાત્ । જૈમ્_3,4.22 ।
દ્રવ્યસંયોગાચ્ ચ । જૈમ્_3,4.23 ।
સ્યાદ્ વાસ્ય સંયોગવત્ ફલેન સમ્બન્ધસ્ તસ્માત્ કર્મૈતિશાયનઃ । જૈમ્_3,4.24 ।
શેષાઃ પ્રકરણે ઽવિશેષાત્ સર્વકર્મણામ્ । જૈમ્_3,4.25 ।
હોમાસ્ તુ વ્યવતિષ્ઠેર્ અન્નાહવનીયસંયોગાત્ । જૈમ્_3,4.26 ।
શેષશ્ ચ સમાખ્યાનાત્ । જૈમ્_3,4.27 ।
દોષાત્ ત્વ્ ઇષ્ટિર્ લૌકિકે સ્યાચ્ છાસ્ત્રાદ્ ધિ વૈદિક ન દોષઃ સ્યાત્ । જૈમ્_3,4.28 ।
અર્થવાદો વાનુપપાતત્ તસ્માદ્ યજ્ઞે પ્રતીયેત । જૈમ્_3,4.29 ।
અચોદિત ચ કર્મભેદાત્ । જૈમ્_3,4.30 ।
લિઙ્ગાદ્ આર્ત્વિજે સ્યાત્ । જૈમ્_3,4.31 ।
પાનવ્યાપચ્ ચ તદ્વત્ । જૈમ્_3,4.32 ।
દોષાત્ તુ વૈદિકે સ્યાદ્ અર્થાદ્ ધિ લૌકિકે ન દોષઃ સ્યાત્ । જૈમ્_3,4.33 ।
તત્સર્વત્રાવિશેષાત્ । જૈમ્_3,4.34 ।
સ્વામિનો વા તદર્થત્વાત્ । જૈમ્_3,4.35 ।

લિઙ્ગદર્શનાચ્ ચ । જૈમ્_3,4.36 ।
સર્વપ્રદાનં હવિષસ્ તદર્થત્વાત્ । જૈમ્_3,4.37 ।
નિરવદાનાત્ તુ શેષઃ સ્યાત્ । જૈમ્_3,4.38 ।
ઉપાયો વા તદર્થત્વાત્ । જૈમ્_3,4.39 ।
કૃતત્વાત્ તુ કર્મણઃ સકૃત્ સ્યાદ્ દ્રવ્યસ્ય ગુણભૂતત્વાત્ । જૈમ્_3,4.40 ।
શેષદર્શનાચ્ ચ । જૈમ્_3,4.41 ।
અપ્રયોજકત્વાદ્ એકસ્માત્ ક્રિયેરઞ્ છેષસ્ય ગુણભૂતત્વાત્ । જૈમ્_3,4.42 ।
સંસ્કૃતત્વાચ્ ચ । જૈમ્_3,4.43 ।
સર્વેભ્યો વા કારણાવિશેષાત્ સંસ્કારસ્ય તદર્થત્વાત્ । જૈમ્_3,4.44 ।
લિઙ્ગદર્શનાચ્ ચ । જૈમ્_3,4.45 ।
એકસ્માચ્ ચેદ્ યથાકામ્યમ્ અવિશેષાત્ । જૈમ્_3,4.46 ।
મુખ્યાદ્ વા પૂર્વકાલત્વાત્ । જૈમ્_3,4.47 ।
ભક્ષાશ્રવણાદ્ દાનશબ્દઃ પરિક્રયે । જૈમ્_3,4.48 ।
તત્સંસ્તવાચ્ ચ । જૈમ્_3,4.49 ।
ભક્ષાર્થો વા દ્રવ્યે સમત્વાત્ । જૈમ્_3,4.50 ।
વ્યાદેશાદ્ દાનસંસ્તુતિઃ । જૈમ્_3,4.51 ।
આજ્યાચ્ ચ સર્વસંયોગાત્ । જૈમ્_3,5.1 ।
કારણાચ્ ચ । જૈમ્_3,5.2 ।
એકસ્મિન્ત્ સમવત્તશબ્દાત્ । જૈમ્_3,5.3 ।
આજ્યે ચ દર્શનાત્સ્વિષ્ટકૃદર્થવદસ્ય । જૈમ્_3,5.4 ।
અશેષત્વાત્ તુ નૈવં સ્યાત્ સર્વાદાનાદ્ અશેષતા । જૈમ્_3,5.5 ।
સાધારણ્યાન્ ન ધ્રુવાયાં સ્યાત્ । જૈમ્_3,5.6 ।
અવત્તત્વાચ્ ચ જુહ્વાં તસ્ય ચ હોમસંયોગાત્ । જૈમ્_3,5.7 ।
ચમસવદ્ ઇતિ ચેત્ । જૈમ્_3,5.8 ।
ન ચોદનાવિરોધાદ્ ધવિઃ પ્રકલ્પનાત્વાચ્ ચ । જૈમ્_3,5.9 ।
ઉત્પન્નાધિકારાત્ સતિ સર્વવચનમ્ । જૈમ્_3,5.10 ।
જાતિવિશેષાત્ પરમ્ । જૈમ્_3,5.11 ।
અન્ત્યમ્ અરેકાર્થે । જૈમ્_3,5.12 ।
સાકમ્પ્રસ્થાય્યે સ્વિષ્ટકૃદ્ ઇડં ચ તદ્વત્ । જૈમ્_3,5.13 ।
સૌત્રામણ્યાં ચ ગ્રહેષુ । જૈમ્_3,5.14 ।
તદ્વચ્ ચ શેષવચનમ્ । જૈમ્_3,5.15 ।
દ્રવ્યૈકત્વે કર્મભેદાત્ પ્રતિકર્મ ક્રિયેરન્ । જૈમ્_3,5.16 ।
અવિભાગાચ્ ચ શેષસ્ય સર્વાન્ પ્રત્યવિશિષ્ઠત્વાત્ । જૈમ્_3,5.17 ।
ઐન્દ્રવાયવે તુ વચનાત્ પ્રતિકર્મ ભક્ષઃ સ્યાત્ । જૈમ્_3,5.18 ।
સોમે ઽવચનાદ્ ભક્ષો ન વિદ્યતે । જૈમ્_3,5.19 ।
સ્યાદ્ વાન્યાર્થદર્શનાત્ । જૈમ્_3,5.20 ।
વચનાનિ ત્વ્ અપૂર્વત્વાત્ તસ્માદ્ યથોપદેશં સ્યુઃ । જૈમ્_3,5.21 ।
ચમસેષુ સમાખ્યાનાત્ સંયોગસ્ય તન્નિમિત્તત્ત્વાત્ । જૈમ્_3,5.22 ।
ઉદ્ગાતૃચમસમેકઃ શ્રુતિસંયોગાત્ । જૈમ્_3,5.23 ।
સર્વે વા સર્વસંયોગાત્ । જૈમ્_3,5.24 ।

સ્તોત્રકારિણાં વા તત્સંયોગાદ્ બહુશ્રુતેઃ । જૈમ્_3,5.25 ।
સર્વે તુ વેદસંયોગાત્ કારણાદ્ એકદેશે સ્યાત્ । જૈમ્_3,5.26 ।
ગ્રાવસ્તુતો ભક્ષો ન વિદ્યતે ઽનામ્નાનાત્ । જૈમ્_3,5.27 ।
હારિયોજને વા સર્વસંયોગાત્ । જૈમ્_3,5.28 ।
ચમસિનાં વા સન્નિધાનાત્ । જૈમ્_3,5.29 ।
સર્વેષાં તુ વિધિત્વાત્ તદર્થા ચમસિશ્રુતિઃ । જૈમ્_3,5.30 ।
વષટ્કારાચ્ ચ ભક્ષયેત્ । જૈમ્_3,5.31 ।
હોમાભિષબાભ્યાં ચ । જૈમ્_3,5.32 ।
પ્રત્યક્ષોપદેશાચ્ ચમસાનામ્ અવ્યક્તઃ શેષે । જૈમ્_3,5.33 ।
સ્યાદ્ વા કારણભાવાદ્ અનિર્દેશશ્ ચમસાનાં કર્તુસ્ તદ્વચનત્વાત્ । જૈમ્_3,5.34 ।
ચમસે ચાન્યદર્શનાત્ । જૈમ્_3,5.35 ।
એકપાત્રે ક્રમાદ્ અધ્વર્યુઃ પૂર્વો ભક્ષયેત્ । જૈમ્_3,5.36 ।
હોતા વા મન્ત્રવર્ણાત્ । જૈમ્_3,5.37 ।
વચનાચ્ ચ । જૈમ્_3,5.38 ।
કારણાનુપૂર્વ્યાચ્ ચ । જૈમ્_3,5.39 ।
વચનાદ્ અનુજ્ઞાતભક્ષણમ્ । જૈમ્_3,5.40 ।
તદુપહૂત ઉપહ્વયસ્વેત્ય્ અનેનાનુજ્ઞાપયેલિઙ્ગાત્ । જૈમ્_3,5.41 ।
તત્રાર્થાત્ પ્રતિવચનમ્ । જૈમ્_3,5.42 ।
તદેકત્રાણાં સમવાયાત્ । જૈમ્_3,5.43 ।
યાજ્યાપનયેનાપનીતો ભક્ષઃ પ્રવરવત્ । જૈમ્_3,5.44 ।
યષ્ટુર્ વા કારણાગમાત્ । જૈમ્_3,5.45 ।
પ્રવૃત્તત્વાત્ પ્રવરસ્યાનપાયઃ । જૈમ્_3,5.46 ।
ફલચમસો નૈમિત્તિકો ભક્ષવિકારઃ શ્રુતિસંયોગાત્ । જૈમ્_3,5.47 ।
ઇજ્યાબિકારો વા સંસ્કારસ્ય તદર્થત્વાત્ । જૈમ્_3,5.48 ।
હોમાત્ । જૈમ્_3,5.49 ।
ચમસૈશ્ ચ તુલ્યકાલત્વાત્ । જૈમ્_3,5.50 ।
લિઙ્ગદર્શનાચ્ ચ । જૈમ્_3,5.51 ।
અનુપ્રસર્પિષુ સામાન્યાત્ । જૈમ્_3,5.52 ।
બ્રહ્મણા વા તુલ્યશબ્દત્વાત્ । જૈમ્_3,5.53 ।
તત્ સર્વાર્થમ્ અપ્રકરણાત્ । જૈમ્_3,6.1 ।
પ્રકૃતૌ વાદ્વિરુક્તત્વાત્ । જૈમ્_3,6.2 ।
તદ્વર્જં તુ વચનપ્રાપ્તે । જૈમ્_3,6.3 ।
દર્શનાદ્ ઇતિ ચેત્ । જૈમ્_3,6.4 ।
ન ચોદનૈકાર્થ્યાત્ । જૈમ્_3,6.5 ।
ઉત્પત્તિર્ ઇતિ ચેત્ । જૈમ્_3,6.6 ।
ન તુલ્યત્વાત્ । જૈમ્_3,6.7 ।
ચોદનાર્થકાર્ત્સ્ન્યાત્ તુ મુખ્યવિપ્રતિષેધાત્ પ્રકૃત્યર્થઃ । જૈમ્_3,6.8 ।
પ્રકરણવિશેષાત્ તુ વિકૃતૌ વિરોધિ સ્યાત્ । જૈમ્_3,6.9 ।
નૈમિત્તિકં તુ પ્રકૃતૌ તદ્વિકારઃ સંયોગવિશેષાત્ । જૈમ્_3,6.10 ।
ઇષ્ટયર્થમગ્ન્યાધેયં પ્રકરણાત્ । જૈમ્_3,6.11 ।

ન વા તાસાં તદર્થત્વાત્ । જૈમ્_3,6.12 ।
લિઙ્ગદર્શનાચ્ ચ । જૈમ્_3,6.13 ।
તત્પ્રકૃત્યર્થં યથાન્યે ઽનારભ્યવાદાઃ । જૈમ્_3,6.14 ।
સર્વાર્થ વાગ્ન્યધાનસ્ય સ્વકાલત્વાત્ । જૈમ્_3,6.15 ।
તાસામ્ અગ્નિઃ પ્રકૃતિતઃ પ્રયાજવત્ સ્યાત્ । જૈમ્_3,6.16 ।
ન વા તાસાં તદર્થત્વાત્ । જૈમ્_3,6.17 ।
તુલ્યઃ સર્વેષાં પશુવિધિઃ પ્રકરણાવિશેષાત્ । જૈમ્_3,6.18 ।
સ્થાનાચ્ ચ પૂર્વસ્ય । જૈમ્_3,6.19 ।
શ્વસ્ ત્વ્ એકેષાં તત્ર પ્રાક્શ્રુતિર્ ગુણાર્થા । જૈમ્_3,6.20 ।
તેનોત્કૃષ્ટસ્ય કાલવિધિર્ ઇતિ ચેત્ । જૈમ્_3,6.21 ।
નૈકદેશત્વાત્ । જૈમ્_3,6.22 ।
અર્થેનેતિ ચેત્ । જૈમ્_3,6.23 ।
ન શ્રુતિવિપ્રતિષેધાત્ । જૈમ્_3,6.24 ।
સ્થાનાત્ તુ પૂર્વસ્ય સંસ્કારસ્ય તદર્થત્વાત્ । જૈમ્_3,6.25 ।
લિઙ્ગદર્શનાચ્ ચ । જૈમ્_3,6.26 ।
અચોદના ગુણાર્થેન । જૈમ્_3,6.27 ।
દોહયોઃ કાલભેદાદ્ અસંયુક્તં શૃતં સ્યાત્ । જૈમ્_3,6.28 ।
પ્રકરણવિભાગાદ્ વા તત્સંયુક્તસ્ય કાલશાસ્ત્રમ્ । જૈમ્_3,6.29 ।
તદ્વત્ સવનાન્તરે ગ્રહામ્નાનમ્ । જૈમ્_3,6.30 ।
રશના ચ લિઙ્ગદર્શનાત્ । જૈમ્_3,6.31 ।
આરાચ્ છિષ્ટમ્ અસંયુક્તમ્ ઇતરૈઃ સન્નિધાનાત્ । જૈમ્_3,6.32 ।
સંયુક્તં વા તદર્થત્વાચ્ છેષસ્ય તન્નિમિત્તત્વાત્ । જૈમ્_3,6.33 ।
નિર્દેશાદ્ વ્યવતિષ્ઠેત । જૈમ્_3,6.34 ।
અગ્ન્યઙ્ગમ્ અપ્રકરણે તદ્વત્ । જૈમ્_3,6.35 ।
નૈમિત્તિકમ્ અતુલ્યત્વાદ્ અસમાનવિથાનાં સ્યાત્ । જૈમ્_3,6.36 ।
પ્રતિનિધિશ્ ચ જૈમ્_3,6.37 ।
તદ્વત્પ્રયોજનૈકત્વાત્ । જૈમ્_3,6.38 ।
અશાસ્ત્રલક્ષણત્વાચ્ ચ । જૈમ્_3,6.39 ।
નિયમાર્થા ગુણશ્રુતિઃ । જૈમ્_3,6.40 ।
સંસ્થાસ્ તુ સમાનવિધાનાઃ પ્રકરણાવિશેષાત્ । જૈમ્_3,6.41 ।
વ્યપદેશશ્ ચ તુલ્યવત્ । જૈમ્_3,6.42 ।
વિકાસસ્ તુ કામસંયોગે નિત્યસ્ય સમત્વાત્ । જૈમ્_3,6.43 ।
અપિ વા દ્વિરુક્તત્વાત્ પ્રકૃતેર્ ભવિષ્યન્તીતિ । જૈમ્_3,6.44 ।
બચનાત્ તુ સમુચ્ચયઃ । જૈમ્_3,6.45 ।
પ્રતિષેધાચ્ ચ પૂર્વલિઙ્ગનામ્ । જૈમ્_3,6.46 ।
ગુણવિશેષાદ્ એકસ્ય વ્યપદેશઃ । જૈમ્_3,6.47 ।
પ્રકરણવિશેષાદ્ અસંયુક્તં પ્રધાનસ્ય । જૈમ્_3,7.1 ।
સર્વેષાં વા શેષત્વસ્યાતત્પ્રયુક્તત્વાત્ । જૈમ્_3,7.2 ।
આરાદપીતિ ચેત્ । જૈમ્_3,7.3 ।
ન તદ્વાક્યં હિ તદર્થત્વાત્ । જૈમ્_3,7.4 ।

લિઙ્ગદર્શનાચ્ ચ । જૈમ્_3,7.5 ।
ફલસંયોગાત્ તુ સ્વામિયુક્તં પ્રધાનસ્ય । જૈમ્_3,7.6 ।
ચિકીર્ષયો ચ સંયોગાત્ । જૈમ્_3,7.7 ।
તથાભિધાનેન । જૈમ્_3,7.8 ।
તદ્યુક્તે તુ ફલશ્રુતિસ્ તસ્માત્ સર્વચિકીર્ષા સ્યાત્ । જૈમ્_3,7.9 ।
ગુણાભિધાનાત્ સર્વાર્થમ્ અભિધાનમ્ । જૈમ્_3,7.10 ।
દીક્ષાદક્ષિણં તુ વચનાત્ પ્રધાનસ્ય । જૈમ્_3,7.11 ।
નિવૃત્તિદર્શનાચ્ ચ । જૈમ્_3,7.12 ।
તથા યૂપસ્ય વેદિ । જૈમ્_3,7.13 ।
દેશમાત્રં વા શિષ્ટેનૈકવાક્યત્વાત્ । જૈમ્_3,7.14 ।
સામધેનીસ્ તદ્ અન્વાહુર્ ઇતિ હવિર્ દ્ધાનયોર્ વચનાત્ સામધેનીનામ્ । જૈમ્_3,7.15 ।
દેશમાત્રં વા પ્રત્યક્ષં હ્ય્ અર્થકર્મ સોમસ્ય । જૈમ્_3,7.16 ।
સમાખ્યાનં ચ તદ્વત્ । જૈમ્_3,7.17 ।
શાસ્ત્રફલં પ્રયોક્તરિ તલ્લક્ષણત્વાત્ તસ્માત્ સ્વયં પ્રયોગે સ્યાત્ । જૈમ્_3,7.18 ।
ઉત્સર્ગે તુ પ્રધાનત્વાચ્ છેષકારી પ્રધાનસ્ય તસ્માદ્ અન્યઃ સ્વયં વા સ્યાત્ । જૈમ્_3,7.19 ।
અન્યો વા સ્યાત્ પરિક્રયામ્નાનાદ્ વિપ્રતિષેધાત્ પ્રત્યગ્ આત્મનિ । જૈમ્_3,7.20 ।
તત્રાર્થાત્ કર્તૃપરિમાણં સ્યાદ્ અનિયમો ઽવિશેષાત્ । જૈમ્_3,7.21 ।
અપિ વા શ્રુતિ ભેદાત્ પ્રતિનામધેયં સ્યુઃ । જૈમ્_3,7.22 ।
એકસ્ય કર્મભેદાદ્ ઇતિ ચેત્ । જૈમ્_3,7.23 ।
નોત્પત્તૌ હિ । જૈમ્_3,7.24 ।
ચમસાધ્વર્યવશ્ ચ તૈર્ વ્યપદેશાત્ । જૈમ્_3,7.25 ।
ઉત્પત્તૌ તુ બહુશ્રુતેઃ । જૈમ્_3,7.26 ।
દશત્વં લિઙ્ગદર્શનાત્ । જૈમ્_3,7.27 ।
શમિતા ચ શબ્દભેદાત્ । જૈમ્_3,7.28 ।
પ્રકરણાદ્ વોત્પત્ત્યસંયોગાત્ । જૈમ્_3,7.29 ।
ઉપગાશ્ ચ લિઙ્ગદર્શનાત્ । જૈમ્_3,7.30 ।
વિક્રયી ત્વન્યઃ કર્મણો ઽચોદિત્વાત્ । જૈમ્_3,7.31 ।
કર્મકાર્યાત્ સર્વેષામ્ ઋત્વિક્ત્વમ્ અવિશેષાત્ । જૈમ્_3,7.32 ।
ન વા પરિસંખ્યાનાત્ । જૈમ્_3,7.33 ।
પક્ષેણેતિ ચેત્ । જૈમ્_3,7.34 ।
ન સર્વેષામ્ અધિકારઃ । જૈમ્_3,7.35 ।
નિયમસ્ તુ દક્ષિણાભિઃ શ્રુતિસંયોગાત્ । જૈમ્_3,7.36 ।
ઉક્ત્વા ચ યજમાનત્વં તેષાં દીક્ષાબિધાનાત્ । જૈમ્_3,7.37 ।
સ્વામિસપ્તદશાઃ કર્મસામાન્યાત્ । જૈમ્_3,7.38 ।
તે સર્વાર્થાઃ પ્રયુક્તત્વાદ્ અગ્નયશ્ ચ સ્વકાલત્વાત્ । જૈમ્_3,7.39 ।
તત્સયોગાત્ કર્મણો વ્યવસ્થા સ્યાત્ સંયોગાસ્યાર્થવત્વાત્ । જૈમ્_3,7.40 ।
તસ્યોપદેશસમાખ્યાનેન નિર્દેશઃ । જૈમ્_3,7.41 ।
તદ્વચ્ ચ લિઙ્ગદર્શમ્ । જૈમ્_3,7.42 ।
પ્રૈષાનુવચનં મૈત્રાવરુણસ્યોપદેશાત્ । જૈમ્_3,7.43 ।
પુરો ઽનુવાક્યાધિકારો વા પ્રૈષસન્નિધાનાત્ । જૈમ્_3,7.44 ।

પ્રાતર્ અનુવાકે ચ હોતૃદર્શનાત્ । જૈમ્_3,7.45 ।
ચમસાંશ્ચમસાધ્વર્યવઃ સામાખ્યાનાત્ । જૈમ્_3,7.46 ।
અધ્વર્યુર્વા તન્ન્યાયત્વાત્ । જૈમ્_3,7.47 ।
ચમસે ચાન્યદર્શનાત્ । જૈમ્_3,7.48 ।
અશક્તૌ તે પ્રતીયેરન્ । જૈમ્_3,7.49 ।
વેદોપદેશાત્ પૂર્વવદ્વેદાન્યત્વે યથોપદેશં સ્યુઃ । જૈમ્_3,7.50 ।
તદ્ગુણાદ્ વા સ્વધર્મઃ સ્યાદ્ અધિકારસામથ્યાત્ સહાઙ્ગૈર્ અવ્યક્તઃ શેષે । જૈમ્_3,7.51 ।
સ્વામિકર્મપરિક્રયઃ કર્મણસ્ તદર્થત્વાત્ । જૈમ્_3,8.1 ।
વચનાદ્ ઇતરેષાં સ્યાત્ । જૈમ્_3,8.2 ।
સંસ્કારાસ્ તુ પુરુષસામર્થ્યે યથાવેદં કર્મવદ્વ્યવતિષ્ઠેરન્ । જૈમ્_3,8.3 ।
યાજમાનાસ્ તુ તત્પ્રધાનત્વાત્ કર્મવત્ । જૈમ્_3,8.4 ।
વ્યપદેશાચ્ ચ । જૈમ્_3,8.5 ।
ગુણત્ત્વે તસ્ય નિર્દેશઃ । જૈમ્_3,8.6 ।
ચોદના પ્રતિ ભાવાચ્ ચ । જૈમ્_3,8.7 ।
અતુલ્યત્વાદ્ અસમાનવિધાનાઃ સ્યુઃ । જૈમ્_3,8.8 ।
તપશ્ ચ ફલસિદ્ધિત્વાલ્ લોકવત્ । જૈમ્_3,8.9 ।
વાક્યશેષશ્ ચ તદ્વત્ । જૈમ્_3,8.10 ।
વચનાદ્ ઇતરેષાં સ્યાત્ । જૈમ્_3,8.11 ।
ગુણત્વાચ્ ચ વેદેન ન વ્યવસ્થા સ્યાત્ । જૈમ્_3,8.12 ।
તથા કામો ઽર્થસંયોગાત્ । જૈમ્_3,8.13 ।
વ્યપદેશાદ્ ઇતરેષાં સ્યાત્ । જૈમ્_3,8.14 ।
મન્ત્રાશ્ ચાકર્મકરણાસ્ તદ્વત્ । જૈમ્_3,8.15 ।
વિપ્રયોગે ચ દર્શનાત્ । જૈમ્_3,8.16 ।
દ્વ્યામ્નાતેષૂભૌ દ્વ્યામ્નાનસ્યાર્થવત્ત્વાત્ । જૈમ્_3,8.17 ।
જ્ઞાતે ચ વાચનં ન હ્ય્ અવિદ્વાન્ વિહિતો ઽસ્તિ । જૈમ્_3,8.18 ।
યાજમાને સમાખ્યાનાત્ કર્માણિ યાજમાનં સ્યુઃ । જૈમ્_3,8.19 ।
અધ્વર્યુર્ વા તદર્થો હિ ન્યાયપૂર્વે સમાખ્યાનમ્ । જૈમ્_3,8.20 ।
વિપ્રતિષેધે કરણઃ સમાવાયવિશેષાદ્ ઇતરમ્ અન્યસ્ તેષાં યતો વિશેષઃ સ્યાત્ । જૈમ્_3,8.21 ।
પ્રૈષેણુ ચ પરાધિકારાત્ । જૈમ્_3,8.22 ।
અધ્વર્યુસ્ તુ દર્શનાત્ । જૈમ્_3,8.23 ।
ગૌણો વા કર્મસામાન્યાત્ । જૈમ્_3,8.24 ।
ઋત્વિક્ ફલં કરણેષ્વ્ અર્થત્ત્વાત્ । જૈમ્_3,8.25 ।
સ્વામિનો વા તદર્થત્વાત્ । જૈમ્_3,8.26 ।
લિઙ્ગદર્શનાચ્ ચ । જૈમ્_3,8.27 ।
કર્માર્થ ફલં તેષાં સ્વામિનં પ્રત્યર્થવત્ત્વાત્ । જૈમ્_3,8.28 ।
વ્યપદેશાચ્ ચ । જૈમ્_3,8.29 ।
દ્રવ્યસંસ્કારઃ પ્રકારણાવિશેષાત્ સર્વકર્મણામ્ । જૈમ્_3,8.30 ।
નિર્દેશાત્ તુ વિકૃતાવ્ અપૂર્વસ્યાનધિકારઃ । જૈમ્_3,8.31 ।
વિરોધે ચ શ્રુતિવિશેષાદ્ અવ્યક્તઃ શેષે । જૈમ્_3,8.32 ।
અપનયસ્ ત્વ્ એકદેશસ્ય વિદ્યમાનસંયોગાત્ । જૈમ્_3,8.33 ।

વિકૃતૌ સર્વાર્થઃ શેષઃ પ્રકૃતિવત્ । જૈમ્_3,8.34 ।
મુખ્યાર્થો વાઙ્ગસ્યાચોદિતત્વાત્ । જૈમ્_3,8.35 ।
સન્નિધાનાવિશેષાદ્ અસમ્ભવેદ્ અતદઙ્ગાનામ્ । જૈમ્_3,8.36 ।
આધાને ઽપિ તથેતિ ચેત્ । જૈમ્_3,8.37 ।
નાપ્રકરણત્વાદ્ અઙ્ગસ્યાતન્નિમિત્તત્વાત્ । જૈમ્_3,8.38 ।
તત્કાલે વા લિઙ્ગદર્શનાત્ । જૈમ્_3,8.39 ।
સર્વેષાં વાવિશેષાત્ । જૈમ્_3,8.40 ।
ન્યાયોક્તે લિઙ્ગદર્શનમ્ । જૈમ્_3,8.41 ।
માંસં તુ સવનીયાનાં ચોદનાવિશેષાત્ । જૈમ્_3,8.42 ।
ભક્તિર્ અસન્નિધાવન્યાય્યેતિ ચેત્ । જૈમ્_3,8.43 ।
સ્યાત્ પ્રકૃતિલિઙ્ગાદ્ વૈરાજવત્ । જૈમ્_3,8.44 ।
અથાતઃ ક્રત્વર્થપુરુષાર્થયોર્ જિજ્ઞાસા । જૈમ્_4,1.1 ।
યસ્મિન્ પ્રીતિઃ પુરુષસ્ય તસ્ય લિપ્સાર્થલક્ષણાવિભક્તત્વાત્ । જૈમ્_4,1.2 ।
તદુત્સર્ગે કર્માણિ પુરુષાર્થાય શાસ્ત્રસ્યાનતિશઙ્ક્યત્વાન્ ન ચ દ્રવ્યં ચિકીર્ષ્યતે તેનાર્થેનાભિસમ્બન્ધાત્ ક્રિયાયાં પુરુષશ્રુતિઃ । જૈમ્_4,1.3 ।
અવિશેષાત્ તુ શાસ્ત્રસ્ય યથાશ્રુતિ ફલાનિ સ્યુઃ । જૈમ્_4,1.4 ।
અપિ વા કારણાગ્રહણે તદર્થમ્ અર્થસ્યાનભિસમ્બન્ધાત્ । જૈમ્_4,1.5 ।
તથા ચ લોકભૂતેષુ । જૈમ્_4,1.6 ।
દ્રવ્યાણિ ત્વ્ અવિશેષેણાનર્થક્યાત્ પ્રદીયેરન્ । જૈમ્_4,1.7 ।
સ્વેન ત્વર્થે ન સમ્બન્ધો દ્રવ્યાણાં પૃથગર્થત્વાત્ તસ્માદ્ યથાશ્રુતિ સ્યુઃ । જૈમ્_4,1.8 ।
ચોદ્યન્તે ચાર્થકર્મસુ । જૈમ્_4,1.9 ।
લિઙ્ગદર્શનાચ્ ચ । જૈમ્_4,1.10 ।
તત્રૈકત્વમયજ્ઞાઙ્ગમ્ અર્થસ્ય ગુણભૂતત્વાત્ । જૈમ્_4,1.11 ।
એકશ્રુતિત્વાચ્ ચ । જૈમ્_4,1.12 ।
પ્રતીયતે ઇતિ ચેત્ । જૈમ્_4,1.13 ।
નાશબ્દં તત્પ્રમાણત્વાત્ પૂર્વવત્ । જૈમ્_4,1.14 ।
શબ્દવત્ તૂપલભ્યતે તદાગમે હિ તદ્દૃશ્યતે તસ્ય જ્ઞાનં હિ યથાન્યેષામ્ । જૈમ્_4,1.15 ।
તદ્વચ્ ચ લિઙ્ગદર્શનમ્ । જૈમ્_4,1.16 ।
તથા ચ લિઙ્ગમ્ । જૈમ્_4,1.17 ।
આશ્રયિષ્વ્ અવિશેષેણ ભાવો ઽર્થઃ પ્રતીયેત । જૈમ્_4,1.18 ।
ચોદનાયાં ત્વ્ અનારમ્ભો ઽવિભક્તત્વાન્ ન હ્ય્ અન્યેન વિધીયતે । જૈમ્_4,1.19 ।
સ્યાદ્ વા દ્રવ્યચિકીર્ષાયાં ભાવો ઽર્થે ચ ગુણભૂતતાશ્રયાદ્ ધિ ગુણીભાવઃ । જૈમ્_4,1.20 ।
અર્થે સમવૈષમ્યતો દ્રવ્યકર્મણામ્ । જૈમ્_4,1.21 ।
એકનિષ્પત્તેઃ સર્વે સમં સ્યાત્ । જૈમ્_4,1.22 ।
સંસર્ગરસનિશ્પત્તેરામિક્ષા વા પ્રધાનં સ્યાત્ । જૈમ્_4,1.23 ।
મુખ્યશબ્દાભિસંસ્તવાચ્ ચ । જૈમ્_4,1.24 ।
પદકર્માપ્રયોજકં નયનસ્ય પરાર્થત્વાત્ । જૈમ્_4,1.25 ।
અર્થાભિધાનકર્મ ચ ભવિષ્યતા સંયોગસ્ય તન્નિમિત્તત્વાત્ તદર્થો હિ વિધીયતે । જૈમ્_4,1.26 ।
પશાવ્ અનાલમ્ભાલ્ લોહિતશકૃતોર્ અકર્મત્વમ્ । જૈમ્_4,1.27 ।
એકદેશદ્રવ્યશ્ ચોત્પત્તૌ વદ્યમાનસંયોગાત્ । જૈમ્_4,1.28 ।
નિર્દેશાત્ તસ્યાન્યદ્ અર્થાદ્ ઇતિ ચેત્ । જૈમ્_4,1.29 ।

ન શેષસન્નિધાનાત્ । જૈમ્_4,1.30 ।
કર્મકાર્યાત્ । જૈમ્_4,1.31 ।
લિઙ્ગદર્શનાચ્ ચ । જૈમ્_4,1.32 ।
અભિઘારણે વિપ્રકર્ષાદ્ અનૂયાજવત્ પાત્રભેદઃ સ્યાત્ । જૈમ્_4,1.33 ।
ન વા પાત્રત્વાદ્ અપાત્રત્વં ત્વ્ એકદેશત્વાત્ । જૈમ્_4,1.34 ।
હેતુત્વાચ્ ચ સહપ્રયોગસ્ય । જૈમ્_4,1.35 ।
અભાવદર્શનાચ્ ચ । જૈમ્_4,1.36 ।
સતિ સવ્યવચનમ્ । જૈમ્_4,1.37 ।
ન તસ્યેતિ ચેત્ । જૈમ્_4,1.38 ।
સ્યાત્ તસ્ય મુખ્યત્વાત્ । જૈમ્_4,1.39 ।
સમાનયનં તુ મુખ્યં સ્યાલ્ લિઙ્ગદર્શનાત્ । જૈમ્_4,1.40 ।
વચને હિ હેત્વસામર્થ્યમ્ । જૈમ્_4,1.41 ।
તત્રોત્પત્તિર્ અવિભક્તા સ્યાત્ । જૈમ્_4,1.42 ।
તત્ર જૌહવમ્ અનૂયાજપ્રતિષેધાર્થમ્ । જૈમ્_4,1.43 ।
ઔપભૃતં તથેતિ ચેત્ । જૈમ્_4,1.44 ।
સ્યાજ્ જુહૂપ્રતિષેધાન્ નિત્યાનુવાદઃ । જૈમ્_4,1.45 ।
તદષ્ટસઙ્ખ્યં શ્રવણાત્ । જૈમ્_4,1.46 ।
અનુગ્રહાચ્ ચ જૌહવસ્ય । જૈમ્_4,1.47 ।
દ્વયોસ્ તુ હેતુસામર્થયં શ્રવણં ચ સમાનયને । જૈમ્_4,1.48 ।
સ્વરુસ્ ત્વ્ અનેકનિષ્પત્તિઃ સ્વકર્મશબ્દત્વાત્ । જૈમ્_4,2.1 ।
જાત્યન્તરાચ્ ચ શઙ્કતે । જૈમ્_4,2.2 ।
તદેકદેશો વા સ્વરુત્વસ્ય તન્નિમિત્તત્વાત્ । જૈમ્_4,2.3 ।
શકલશ્રુતેશ્ ચ । જૈમ્_4,2.4 ।
પ્રતિયૂપં ચ દર્શનાત્ । જૈમ્_4,2.5 ।
આદાને કરોતિશબ્દઃ । જૈમ્_4,2.6 ।
શાખાયાં તત્પ્રધાનત્વાત્ । જૈમ્_4,2.7 ।
શાખાયાં તત્પ્રધાનત્વાદ્ ઉપવેષેણ વિભાગઃ સ્યાદ્ વૈષમ્યં તત્ । જૈમ્_4,2.8 ।
શ્રુત્યપાયાચ્ ચ । જૈમ્_4,2.9 ।
હરણે તુ જુહોતિર્ યોગસામાન્યાદ્ દ્રવ્યાણાં ચાર્થશેષત્વાત્ । જૈમ્_4,2.10 ।
પ્રતિપત્તિર્ વા શબ્દસ્ય તત્પ્રધાનત્વાત્ । જૈમ્_4,2.11 ।
અર્થે ઽપિ ચેત્ । જૈમ્_4,2.12 ।
ન તસ્યાનધિકારાદ્ અર્થસ્ય ચ કૃતત્વાત્ । જૈમ્_4,2.13 ।
ઉત્પત્ત્યસંયોગાત્ પ્રણીતાનામ્ આજ્યવદ્ વિભાગઃ સ્યાત્ । જૈમ્_4,2.14 ।
સંયવનાર્થાનાં વા પ્રતિપત્તિર્ ઇતરાસાં તત્પ્રધાનત્વાત્ । જૈમ્_4,2.15 ।
પ્રાસનવન્ મૈત્રાવરુણસ્ય દણ્ડપ્રદાનં કૃતાર્થત્વાત્ । જૈમ્_4,2.16 ।
અર્થકર્મ વા કર્તૃસંયોગાત્ સ્રગ્વત્ । જૈમ્_4,2.17 ।
કર્મયુક્તે ચ દર્શનાત્ । જૈમ્_4,2.18 ।
ઉત્પત્તૌ યેન સંયુક્તં તદર્થં તચ્છ્રુતિહેતુત્વાત્ તસ્યાર્થાન્તરગમને શેષત્વાત્ પ્રતિપત્તિઃ સ્યાત્ । જૈમ્_4,2.19 ।
સૌમિકે ચ કૃતાર્થત્વાત્ । જૈમ્_4,2.20 ।
અર્થકર્મ વાભિધાનસંયોગાત્ । જૈમ્_4,2.21 ।

પ્રતિપત્તિર્ વા તન્ન્યાયત્વાદ્ દેશાર્થાવભૃથશ્રુતિઃ । જૈમ્_4,2.22 ।
કર્તૃદેશકાલાનામ્ અચોદનં પ્રયોગે નિત્યસમવાયાત્ । જૈમ્_4,2.23 ।
નિયમાર્થા વા શ્રુતિઃ । જૈમ્_4,2.24 ।
તથા દ્રવ્યેષુ ગુણશ્રુતિર્ ઉત્પત્તિસંયોગાત્ । જૈમ્_4,2.25 ।
સંસ્કારે ચ તત્પ્રધાનત્વાત્ । જૈમ્_4,2.26 ।
યજતિ ચોદનાદ્રવ્યદેવતાક્રિયં સમુદાયે કૃતાર્થત્વાત્ । જૈમ્_4,2.27 ।
તદુક્તે શ્રવણાજ્ જુહોતિર્ આસેચનાધિકઃ સ્યાત્ । જૈમ્_4,2.28 ।
વિધેઃ કર્માપવર્ગિત્વાદ્ અર્થાન્તરે વિધિપ્રદેશઃ સ્યાત્ । જૈમ્_4,2.29 ।
અપિ વોત્પત્તિસંયોગાદ્ અર્થસમ્બન્ધો ઽવિશિષ્ટાનાં પ્રયોગૈકત્વહેતુઃ સ્યાત્ । જૈમ્_4,2.30 ।
દ્રવ્યસંસ્કારકર્મસુ પરાર્થત્વાત્ ફલશ્રુતિર્ અર્થવાદઃ સ્યાત્ । જૈમ્_4,3.1 ।
ઉત્પત્તેશ્ ચાતત્પ્રધાનત્વાત્ । જૈમ્_4,3.2 ।
ફલં તુ તત્પ્રધાનાયામ્ । જૈમ્_4,3.3 ।
નૈમિત્તિકે વિકારત્વાત્ ક્રતુપ્રધાનમ્ અન્યત્ સ્યાત્ । જૈમ્_4,3.4 ।
એકસ્ય તૂભયત્વે સંયોગપૃથક્ત્વમ્ । જૈમ્_4,3.5 ।
શેષ ઇતિ ચેત્ । જૈમ્_4,3.6 ।
નાર્થપૃથક્ત્વાત્ । જૈમ્_4,3.7 ।
દ્રવ્યાણાન્તુ ક્રિયાર્થાનાં સંસ્કારઃ ક્રતુધર્મસ્યાત્ । જૈમ્_4,3.8 ।
પૃથક્ત્વાદ્વ્યવતિષ્ઠેત । જૈમ્_4,3.9 ।
ચોદનાયાં ફલાશ્રુતેઃ કર્મમાત્રં વિધીયેત ન હ્ય્ અશબ્દં પ્રતીયતે । જૈમ્_4,3.10 ।
અપિ વામ્નાનસામથર્થ્યાચ્ ચોદનાર્થેન ગમ્યેતાર્થાનાં હ્ય્ અર્થત્વેન વચનાનિ પ્રતીયન્તે ઽર્થતોપ્ય્ અસમર્થાનામ્ આનન્તર્યે ઽપ્ય્ અસમ્બન્ધસ્ તસ્માચ્ છ્રુત્યેકદેશઃ સઃ । જૈમ્_4,3.11 ।
વાક્યાર્થશ્ ચ ગુણાર્થવત્ । જૈમ્_4,3.12 ।
તત્સર્વાર્થમ્ અનાદેશાત્ । જૈમ્_4,3.13 ।
એકં વા ચોદનૈકત્વાત્ । જૈમ્_4,3.14 ।
સ સ્વર્ગઃ સ્યાત્ સર્વાન્ પ્રત્યવિશિષ્ટત્વાત્ । જૈમ્_4,3.15 ।
પ્રત્યયાચ્ ચ । જૈમ્_4,3.16 ।
ક્રતૌ ફલાર્થવાદમઙ્ગવત્ કાર્ષ્ણાજિનિઃ । જૈમ્_4,3.17 ।
ફલમાત્રેયો નિર્દેશાદ્ અશ્રુતૌ હ્ય્ અનુમાનં સ્યાત્ । જૈમ્_4,3.18 ।
અઙ્ગેષુ સ્તુતિઃ પરાર્થત્વાત્ । જૈમ્_4,3.19 ।
કામ્યે કર્મણિ નિત્યઃ સ્વર્ગે યથા યજ્ઞાઙ્ગે ક્રત્વર્થઃ । જૈમ્_4,3.20 ।
વીતે ચ કારણે નિયમાત્ । જૈમ્_4,3.21 ।
કામો વા તત્સંયોગેન ચોદ્યતે । જૈમ્_4,3.22 ।
અઙ્ગેષુ સ્તુતિઃ પરાર્થત્વાત્ । જૈમ્_4,3.23 ।
વીતે ચ નિયમસ્ તદર્થમ્ । જૈમ્_4,3.24 ।
સર્વકામ્યમ્ અઙ્ગકામૈઃ પ્રકરણાત્ । જૈમ્_4,3.25 ।
ફલોપદેશો વા પ્રધાનશબ્દસંયોગાત્ । જૈમ્_4,3.26 ।
તત્ર સર્વે ઽવિશેષાત્ । જૈમ્_4,3.27 ।
યોગસિદ્ધિર્ વાર્થસ્યોત્પત્યસંયોગિત્વાત્ । જૈમ્_4,3.28 ।
સમવાયે ચોદનાસંયોગસ્યાર્થવત્વાત્ । જૈમ્_4,3.29 ।
કાલશ્રુતૌ કાલ ઇતિ ચેત્ । જૈમ્_4,3.30 ।
નાસમવાયાત્પ્રયોજનેન । જૈમ્_4,3.31 ।

ઉભયાર્થામ્ ઇતિ ચેત્ । જૈમ્_4,3.32 ।
ન શબ્દૈકત્વાત્ । જૈમ્_4,3.33 ।
પ્રકરણાદ્ ઇતિ ચેત્ । જૈમ્_4,3.34 ।
નોત્પત્તિસંયોગાત્ । જૈમ્_4,3.35 ।
અનુત્પત્તૌ તુ કાલઃ સ્યાત્ પ્રયોજનેન સમ્બન્ધાત્ । જૈમ્_4,3.36 ।
ઉતપત્તિકાલવિશયે કાલઃ સ્યાદ્ વાક્યસ્ય તત્પ્રધાનત્વાત્ । જૈમ્_4,3.37 ।
ફલસંયોગસ્ ત્વ્ અચોદિતે ન સ્યાદ્ અશેષભૂતત્વાત્ । જૈમ્_4,3.38 ।
અઙ્ગાનાં તૂપઘાતસંયોગો નિમિત્તાર્થઃ । જૈમ્_4,3.39 ।
પ્રધાનેનાભિસંયોગાદ્ અઙ્ગાનાં મુખ્યકાલત્વમ્ । જૈમ્_4,3.40 ।
અપવૃત્તે તુ ચોદના તત્સામાન્યાત્ સ્વકાલે સ્યાત્ । જૈમ્_4,3.41 ।
પ્રકરણાવિભાગે ચ વિપ્રતિષિદ્ધં હ્ય્ ઉભયમ્ । જૈમ્_4,4.1 ।
અપિ વાઙ્ગમનિજ્યાઃ સ્યુસ્ તતો વિશિષ્ટત્વાત્ । જૈમ્_4,4.2 ।
મધ્યસ્થં યસ્ય તન્મધ્યે । જૈમ્_4,4.3 ।
સર્વાસાં વા સમત્વાચ્ ચોદનાતઃ સ્યાન્ ન હિ તસ્ય પ્રકરણં દેશાર્થમ્ ઉચ્યતે મધ્યે । જૈમ્_4,4.4 ।
પ્રકરણાવિભાગે ચ વિપ્રતિષિદ્ધં હ્ય્ ઉભયમ્ । જૈમ્_4,4.5 ।
અપિ વા કાલમાત્રં સ્યાદ્ અદર્શનાદ્ વિશેશસ્ય । જૈમ્_4,4.6 ।
ફલવદ્ વોક્તહેતુત્વાદ્ ઇતરસ્ય પ્રધાનં સ્યાત્ । જૈમ્_4,4.7 ।
દધિગ્રહો નૈમિત્તિકઃ શ્રુતિસંયોગાત્ । જૈમ્_4,4.8 ।
નિત્યશ્ ચ જ્યેષ્ઠશબ્દાત્ । જૈમ્_4,4.9 ।
સાર્વરૂપ્યાચ્ ચ । જૈમ્_4,4.10 ।
નિત્યો વા સ્યાદ્ અર્થવાદસ્તયોઃ કર્મણ્ય્ અસમ્બન્ધાદ્ ભઙ્ગિત્વાચ્ ચાન્તરાયસ્ય । જૈમ્_4,4.11 ।
વૈશ્વાનરશ્ ચ નિત્યઃ સ્યાન્ નિત્યૈઃ સમાનસઙ્ખ્યત્વાત્ । જૈમ્_4,4.12 ।
પક્ષે વોત્પન્નસંયોગાત્ । જૈમ્_4,4.13 ।
ષટ્ચિતિઃ પૂર્વવત્ત્વાત્ । જૈમ્_4,4.14 ।
તાભિશ્ ચ તુલ્યસંખ્યાનાત્ । જૈમ્_4,4.15 ।
અર્થવાદોપપત્તેશ્ ચ । જૈમ્_4,4.16 ।
એકચિતિર્ વા સ્યાદ્ અપવૃક્તે હિ ચોદ્યતે નિમિત્તેન । જૈમ્_4,4.17 ।
વિપ્રતિષેધાત્ તાભિઃ સમાનસઙ્ખ્યત્વમ્ । જૈમ્_4,4.18 ।
પિતૃયજ્ઞઃ સ્વકાલત્વાદ્ અનઙ્ગં સ્યાત્ । જૈમ્_4,4.19 ।
તુલ્યવચ્ ચ પ્રસઙ્ખ્યાનાત્ । જૈમ્_4,4.20 ।
પ્રતિષિદ્ધે ચ દર્શનાત્ । જૈમ્_4,4.21 ।
પશ્વઙ્ગ રશમા સ્યાત્ તદાગમે વિધાનાત્ । જૈમ્_4,4.22 ।
યૂપાઙ્ગં વા તત્સંસ્કારાત્ । જૈમ્_4,4.23 ।
અર્થવાદશ્ ચ તદર્થવત્ । જૈમ્_4,4.24 ।
સ્વરુશ્ચાપ્ય્ એકદેશત્વાત્ । જૈમ્_4,4.25 ।
નિષ્ક્રયશ્ ચ તદઙ્ગવત્ । જૈમ્_4,4.26 ।
પશ્વઙ્ગં વાર્થકર્મત્વાત્ । જૈમ્_4,4.27 ।
ભક્ત્યા નિષ્ક્રયવાદઃ સ્યાત્ । જૈમ્_4,4.28 ।
દર્શપૂર્ણમાસયોર્ ઇજ્યાઃ પ્રધાનાન્ય્ અવિશેષાત્ । જૈમ્_4,4.29 ।
અપિ વાઙ્ગાનિ કાનિ ચિદ્યેશ્વઙ્ગત્વેન સંસ્તુતિઃ સામાન્યો હ્ય્ અભિસંસ્તવઃ । જૈમ્_4,4.30 ।