હેતુબિન્દુટીકા · અધ્યાય 1

શ્રીમદર્ચટવિરચિતા
॥ હેતુબિન્દુટીકા ॥
॥ નમઃ સર્વજ્ઞાય ॥
[જિનમનસ્કારેણ મઙ્ગલમ્ ।]
યઃ સઞ્જાતમહાકૃપો વ્યસનિનં ત્રાતું સમગ્રં જનમ્,
પુણ્યજ્ઞાનમયં પ્રચિત્ય વિપુલં હેતું વિધૂતશ્રમઃ ।
કૃત્સ્નજ્ઞેયવિસર્પિ[નિર્મલતરપ્રજ્ઞોદ]યાદ્રિં શ્રિતો
લોકે હાર્દ્દતમોપહો જિનરવિર્મૂર્ધ્ના નમસ્યામિ તમ્

[ધર્મકીર્તિવચસાં સરસતમત્વખ્યાપનમ્ ।]
વરં હિ ધાર્મકીર્તેષુ ચર્વિતેષ્વપિ ચર્વણમ્ ।
નિષ્પીડિતાપિ મૃદ્વી[કા નનુ સ્વાદં જહા]તિ કિમ્?

[સ્વલાઘવં પ્રખ્યાપ્ય ગ્રન્થવિવરણપ્રતિજ્ઞા ।]
ન્યાયમાર્ગતુલારૂઢં જગદેકત્ર યન્મતિઃ ।
જયેત્ તસ્ય ક્વ ગમ્ભીરા ગિરો ઽહં જડધીઃ ક્વ ચ?

તથાપિ મન્દમતયઃ સન્તિ મત્તો [ઽપિ કેચન ।
તેષાં કૃતે] મયાપ્યેષ હેતુબિન્દુર્વિભજ્યતે