ગુણકારણ્ડવ્યૂહસૂત્ર · ભાગ 201203

સો ઽપિ ન દુર્ગતિં યાતિ યાતિ સદ્ગતિમેવ હિ ॥
એતત્પુણ્યવિશુદ્ધાત્મા ભદ્રશ્રીસદ્ગુણાશ્રયઃ ।
સદ્ધર્મસુખસંપત્તિં ભુક્ત્વા યાયાત્ સુખાવતીમ્ ॥
યશ્ચાપીદં કલૌ કાલે નિરપેક્ષાઃ સ્વજીવિતે ।
સભામધ્યે સમાસીનો ભાષેત્ સૂત્રસુભાષિતમ્ ॥
સો ઽપ્યેતત્પુણ્યશુદ્ધાત્મા યાયાન્ન દુર્ગતિં ક્વચિત્ ।
સદા સદ્ગતિસંજાતો ભદ્રશ્રીસદ્ગુણાશ્રયઃ ॥
સર્વસત્ત્વહિતાધાનં સદ્ધર્મમેવ સાધયન્ ।
શુભિઓત્સાહસહત્સૌખ્યં ભુક્ત્વા યાયાત્ સુખાવતીમ્ ॥
તત્રામિતરુચેઃ શાસ્તુઃ સર્વે શરણે સ્થિતાઃ ।
સદા ધર્મામૃતં પીત્વા ચરેયુર્બોધિસંવરમ્ ॥
તતસ્તે બોધિસંભારં પૂરયિત્વા યથાક્રમમ્ ।
ભવેયુઃ સર્વે લોકેશા દશભૂમીશ્વરા અપિ ॥
તતસ્તે નિર્મલત્માનો બોધિસત્ત્વા જિનાત્મજાઃ ।
ભવેયુયુસ્ત્રિગુણાભિજ્ઞા મહાસત્ત્વાઃ શુભેન્દ્રિયાઃ ॥
ક્લેશાન્ મારગણાન્ સર્વાન્ જિત્વાર્હન્તો નિરંજનાઃ ।
ત્રિવિધાં બોધિમાસાદ્ય સંબુદ્ધપદમાપ્નુયુઃ ॥
યે ઽપિ વેદમહાયાનસૂત્રરાજં લિખેન્મુદા ।
તેનાપિ લિખિતં સર્વમહાયાનસુભાષિતમ્ ॥
લેખાપિતં ચ યેનેદં સૂત્રરાજસુભાષિતમ્ ।
તેન લેખાપિતં જ્ઞાનં સર્વં મહાયાનસુભાષિતમ્ ॥
લિખિતં વાપિ યેનેદં પ્રાતિષ્ઠાપ્ય યથાવિધિ ।
શુદ્ધસ્થાને ગૃહે સ્થાપ્ય પૂજાંગૈઃ સર્વદાર્ચિતમ્ ॥
તેનાર્હન્તો જિનાઃ સર્વે પ્રત્યેકસુગતા અપિ ।
સસંઘા બોધિસત્ત્વાશ્ચ ભવન્તિ પૂજિતાઃ ખલુ ॥
યશ્ચાપીદં સ્વયં ધૃત્વા પરેભ્યો ઽપિ સમાદિશેત્ ।
ભાવયેત્ સતતં સ્મૃત્વા ધ્યાત્વાપિ પ્રણયેન્ મુદા ॥
તસ્ય સર્વે મુનીન્દ્રાશ્ચ પ્રત્યેકસુગતા જિનાઃ ।
અર્હન્તો બોધિસત્ત્વાશ્ચ તુષ્ટા દદ્યુઃ સમીહિતમ્ ॥
યશ્ચૈતદુપદેષ્ટારં સર્વાંશ્ચ શ્રાવકાનપિ ।
યથાવિધિ સમભ્યર્ચ્ય ભોજનૈઃ પરિતોષયેત્ ॥
તેન સર્વે ઽપિ સંબુદ્ધાઃ પ્રત્યેકસુગતા અપિ ।
અર્હન્તો ભિક્ષવઃ સર્વે યોગિનો બ્રહ્મચારિણઃ ॥
બોધિસત્ત્વાશ્ચ સર્વે ઽપિ વ્રતિનો યતયો ઽપિ ચ ।
અભ્યર્ચ્ય ભોજનૈર્નિત્યં ભવેયુઃ પરિતોષિતાઃ ॥
કિમેવં બહુનોક્તેન સર્વે બુદ્ધાઃ મુનીશ્વરાઃ ।
સર્વાઃ પારમિતા દેવ્યઃ સર્વે સંઘા જિનાત્મજાઃ ॥
નિત્યં તેષાં સમાલોક્ય કૃપાદૃષ્ટ્યાનુમોદિતાઃ ।
રક્ષાં વિધાય સર્વત્ર વરં દદ્યુર્જગદ્ધિતે ॥
લોકપાલાશ્ચ સર્વે ઽપિ સર્વે દેવાશ્ચ દાનવાઃ ।

રક્ષાં કૃત્વા વરં દદ્યુસ્તેષાં સદ્ધર્મસાધિનામ્ ॥
રાજાનો ઽપિ સદા તેષાં રક્ષાં કૃત્વાનુમોદિતાઃ ।
યથાભિવાંછિતં કૃત્વા પાલયેયુઃ સમાઅદરાત્ ॥
મન્ત્રિણો ઽપિ સદા તેષાં સામાત્યસચિવાનુગાઃ ।
સભૃત્યસૈન્યભટ્ટાશ્ચ ભવેયુર્હિતકારિણઃ ॥
સર્વે વૈશ્યાશ્ચ સર્વાર્થભર્તારઃ સ્યુઃ સુહૃત્પ્રિયાઃ ।
શ્રેષ્ઠિમહાજનાઃ સર્વે ભવેયુર્હિતકારિણઃ ॥
દ્વિષો ઽપિ દાસતાં યાયુર્દુષ્ટાશ્ચ સ્યુર્હિતાશયાઃ ।
એવમન્યે ઽપિ લોકાશ્ચ સર્વે સ્યુર્મૈત્રમાનસાઃ ॥
પશવઃ પક્ષિણશ્ચાપિ સર્વે કીટાશ્ચ જન્તવઃ ।
નૈવ તેષાં વિરુદ્ધાઃ સ્યુર્ભવેયુર્હિતશંસિનઃ ॥
એવં સર્વત્ર લોકેષુ તેષાં સદ્ધર્મસાધિનામ્ ।
નિરુત્પાતં શુભોત્સાહં સૌમાંગલ્યં સદા ભવેત્ ॥
એવં ભદ્રતરં પુણ્યં લોકેશભજોનોદ્ભવમ્ ।
મત્વા તં ત્રિજગન્નાથં ભજસ્વ સર્વદા સ્મરન્ ॥
યે તસ્ય શરણે સ્થિત્વા ધ્યાત્વા સમાહિતાઃ ।
નામાપિ ચ સમુચ્ચાર્ય ભજન્તિ શ્રદ્ધયા સદા ॥
તેષાં સ્યુઃ સુપ્રસન્નાનિ ત્રિરત્નાન્યપિ સર્વદા ।
કૃપાદૃષ્ટ્યા સમાલોક્ય કૃત્વા ચેયુઃ શુભં સદા ॥
એતચ્છાસ્ત્રા સમાદિષ્ટમુપાગુપ્તેન ભિક્ષુણા ।
શ્રુત્વાશોકઃ સ ભૂમીન્દ્રઃ પ્રાભ્યનનદન્ પ્રબોધિતઃ ॥
સભા સર્વાવતી સાપિ શ્રુત્વૈતત્ સંપ્રસાદિતા ।
તથેતિ પ્રતિવન્દિત્વા પ્રાભ્યનન્દત્ પ્રબોધિતા ॥
તતસ્તે સકલા લોકાઃ સમુત્થાય પ્રમોદિતાઃ ।
ઉપગુપ્તં તમર્હન્તં નત્વા સ્વસ્વાલયં યયુઃ ॥
તતઃ પ્રભૃતિ રાજા સ લોકેશં સર્વદા સ્મરન્ ।
ધ્યાત્વા નામ સમુચ્ચાર્ય પ્રાઅભજત્ પાલયન્ પ્રજાઃ ॥
તદા તસ્ય નરેન્દ્રસ્ય વિષયે તત્ર સર્વદા ।
નિરુત્પાતં શુભોત્સાહં પ્રાવર્તત સમન્તતઃ ॥
ઇતિ જયશ્રિયાદિષ્ટં નિશમ્ય સ સસાંઘિકઃ ।
જિનશ્રીરાજ આત્મજ્ઞઃ પ્રાભ્યનન્દત્ પ્રબોધિતઃ ॥
તતશ્ચાસૌ મહાભિજ્ઞો જયશ્રીઃ સુગરાતાત્મજઃ ।
સર્વાન્ સંઘાન્ સમાલોક્ય પુનરેવં સમાદિશત્ ॥
યત્રેદં સૂત્રરાજેન્દ્રં પ્રાવર્તયેત્ કલાવપિ ।
ભાષેદ્યઃ શૃણુયાદ્યશ્ચ શ્રાવયેદ્યશ્ચ પ્રચારયેત્ ॥
એતેષાં તત્ર સર્વેષાં સંબુદ્ધાઃ સકલાઃ સદા ।
કૃપાદૃષ્ટ્યા સમાલોક્ય કુર્વન્તુ ભદ્રમાભવમ્ ॥
સર્વાઃ પારમિતાદેવ્યસ્તેષાં તત્ર સદા શિવમ્ ।
કુર્વન્ત્યા બોધિસંભારં પૂરયન્તુ જગદ્ધિતે ॥
સર્વે ઽપિ બોધિસત્ત્વાશ્ચ પ્રત્યેકસુગતા અપિ ।

અર્હન્તો યોગિનસ્તેષાં ભદ્રં કુર્વન્તુ સર્વદા ॥
બ્રહ્મદિલોકપાલશ્ચ સર્વે ચાપિ મહર્ષયઃ ।
તત્ર તેષાં ચ સર્વેષાં કુર્વન્તુ મંગલં સદા ॥
કાલે વર્ષન્તુ મેઘાશ્ચ ભૂયાચ્છસ્યવતી મહી ।
નિરુત્પાતં મહોત્સાહં સુભિક્ષં ભવતુ ધ્રુવમ્ ॥
બહુક્ષીરપ્રદા ગાવો વૃક્ષાઃ પુષ્પfઅલાન્વિતાઃ ।
ઔષધ્યો રસવીર્યાદ્યા ભૂયાત્સુસ્તત્ર સર્વદા ॥
ભવન્તુ પ્રાણિનઃ સર્વે
આરોગ્યચિરજીવિનઃ ।
સર્વદ્રવ્યસમાપન્નાઃ શ્રીમન્તો ભદ્રચારિણઃ ॥
રાજા ભવતુ ધર્મિષ્ઠો મન્ત્રિણો નીતિચારિણઃ ।
સર્વે લોકાઃ સુવૃત્તિસ્થા ભવન્તુ ધર્મસાધિનઃ ॥
મા ભુત્કશ્ચિદ્દુરાચારશ્ચૌરો દુષ્ટશ્ચ વંચકઃ ।
દરિદ્રો દુર્ભગો દીનો મદમાનાભિગર્વિતઃ ॥
સર્વે સત્ત્વાઃ સમાચારાઃ પરિશુદ્ધત્રિમણ્ડલાઃ ।
સ્વસ્વકુલવ્રતારક્ષાઃ પ્રચરન્તુ જગદ્ધિતે ॥
સર્વે ભદ્રાશયાઃ સન્તઃ સંબોધિવ્રતચારિણઃ ।
ત્રિરત્નભજનં કૃત્વા સંચરન્તાં સદા શુભે ॥
ઇતિ જયશ્રિયાખ્યાતં શ્રુત્વા સર્વે ઽપિ સાંઘિકાઃ ।
એવમસ્ત્વિતિ વિજ્ઞપ્ય પ્રાભ્યનન્દન્ પ્રમોદિતાઃ ॥
॥ ઇતિ જિનશ્રીરાજપરિપૃષ્ટજયશ્રીસંપ્રભાષિત-
શ્રીમદાર્યાવલોકિતેશ્વરગુણકારણ્ડવ્યૂહસૂત્રરાજં સમાપ્તમ્ ॥
યે ધર્મા હેતુપ્રભવા હેતું તેષાં તથાગતો હ્યવદત્ ।
તેષાં ચ યો નિરોધં એવંવાદી મહશ્રમણઃ ॥
॥ શુભમસ્તુ ॥