ગુહ્યસમાજમણ્ડલવિધિ · ભાગ 120

દીપંકરભદ્રઽસ્ ગુહ્યસમાજમણ્ડલવિધિ
નમો વજ્રસત્ત્વાય ॥
જ્ઞેયાદ્યાવૃતિનિર્મુક્તં જ્ઞાનાદર્શાદિસંયુતમ્ ।
મઞ્જુશ્રીગુહ્યસચ્ચક્રં નત્વા તદ્ વચ્મી મત્સ્મૃતૌ ॥ 1
શ્રીમત્સમાજસન્નીત્યા ચક્રામ્નાતક્રમાદ્ અતઃ ।
ઉદકાદ્યમ્ અનુજ્ઞાન્તં યો ઽભિષિક્તો ગુરોસ્ તતઃ ॥ 2
તત્ત્વાપ્તૌ ગુહ્યચક્રે ઽસ્મિન્ ગુહ્યપ્રજ્ઞાભિષેકતઃ ।
ગુહ્યજ્ઞો યોગતત્ત્વજ્ઞસ્ ત્રિયાનસન્ધિતત્ત્વવિત્ ॥ 3
વિદ્યાહૃન્મન્ત્રમુદ્રાણાં સમાધિત્રિતયસ્ય ચ ।
સામાન્યેતરસિદ્ધીનાં તન્ત્રનીત્યા વિભાગવિત્ ॥ 4
સમયસંવરસ્થો વા પ્રજ્ઞાયોગસુતત્પરઃ ।
મન્ત્રતન્ત્રપ્રયોગજ્ઞો ભવ્યઃ સત્ત્વાર્થસાધને ॥ 5
યોગધૈર્યાદિયુક્તો ઽપિ પ્રોક્તૈર્ ગુણૈર્ અનન્વિતઃ ।
સત્ત્વાર્થે નૈવ ભવ્યો યત્ સદ્ભિસ્ તૈઃ સ્યુર્ ગુણા હ્ય્ અમી ॥ 6
કૃપાવાન્ સુવ્રતો જાપી શ્રાદ્ધો ગમ્ભીરતત્ત્વવિત્ ।
પૂર્વસેવાં સ્વચક્રસ્થઃ કૃત્વા મણ્ડલમ્ આલિખેત્ ॥ 7
ક્વચિન્ મનોઽનુગે સ્થાને દિગ્ધે સચ્ચન્દનાદિભિઃ ।
સુગન્ધિકુસુમાકીર્ણે પ્રાક્ પ્રઅતર્ વિનિવેશ્ય ચ ॥ 8
વિમોક્ષમુખસંશુદ્ધૌ હૃદીન્દૌ મં પ્રભોજ્જ્વલમ્ ।
ધ્યાત્વા શુભાભિવૃદ્ધ્યર્થં પ્રકુર્યાદ્ દેશનાદિકમ્ ॥ 9
સર્વદિક્ત્ર્યધ્વસંભૂતબુદ્ધાનાં પુરતઃ સ્થિતઃ ।
હૃદ્પ્રભોદ્ભવરૂપાદ્યૈઃ પૂજાં કૃત્વા વિધાનતઃ ॥ 10
સ્વાસત્સંકલ્પમાત્રોત્થં ત્ર્યધ્વજં દુષ્કૃતં કૃતં ।
સ્વપ્નસ્વપ્નાદિવત્ સર્વં ત્રિષ્કૃત્ય દેશયામ્ય્ અહમ્ ॥ 11
સંબુદ્ધસત્સુતાર્યાણામ્ અન્યેષાં યચ્ ચુભં શુભમ્ ।
નિઃશેષમ્ અનુમોદ્યાહં સંબોધૌ નામયામ્ય્ અનુ ॥ 12
યાચે ઽહં સર્વબુદ્ધાનાં સર્વાશાશ્વાસદાયિકા ।
દેશનાકાશસંસ્થાનાં ભાતુ લોકે ઽખિલે ઽનઘા ॥ 13
શુદ્ધનિઃશેષસંકલ્પાન્ પ્રત્યાત્માનન્દવેદિનઃ ।
સમ્બુદ્ધાન્ શરણં યામિ સ્વપરાર્થફલપ્રદાન્ 14
સત્સત્ત્વાશેષસદ્ધર્મમ્ આગમાધિગમાત્મકમ્ ।
સત્સમ્પદાશ્રયાચિન્ત્યં શરણં સમુપૈમ્ય્ અહમ્ ॥ 15
પ્રાપ્તાશ્વાસમ્ અવૈવર્ત્યં નિષ્યન્દાદિફલૈર્ યુતમ્ ।
ગુહ્યાભિષેકજં ચૈવ ગતો ઽસ્મિ શરણં ગણમ્ ॥ 16
મુનીન્દ્રસૂનુસન્માર્ગં ચર્યાનન્તાગ્રબોધકમ્ ।
સર્વબુદ્ધાત્મસદ્બુદ્ધ્યા સમાશ્રિતો ઽસ્મ્ય્ અતો ઽધુના ॥ 17
સર્વાવૃતિસમુદ્ઘાત્યનન્તજ્ઞાનામૃતાસ્પદમ્ ।
ભ્રમિદૃષ્ટિપ્રબોધાય બોધૌ સર્વં દધે મનઃ ॥ 18
બોધિચિત્તાચ્ ચ બુદ્ધત્વં ફલહેતોર્ અસઙ્ગતઃ ।
પ્રત્યાત્મવેદ્યધર્મત્વાચ્ છૂન્યજ્ઞાનાત્મકો હ્ય્ અહમ્ ॥ 19

ઓં શૂન્યતાજ્ઞાનવજ્રસ્વભાવાત્મકો ઽહમ્ ।
હૂઙ્કારં ચાપ્ય્ અથોષ્ણીષાન્ શાશ્વતાદિકમ્ એવ ચ ॥
રક્ષાર્થં ક્રોધચક્રસ્થો ધ્યાયાદ્ વિઘ્નાન્ પ્રમર્દયન્ ॥ 20
ધર્મધાતું તતો ધ્યાયાત્ ત્ર્યશ્રં શુક્લોર્ધ્વસંસ્થિત ।
દિક્ચક્રવર્તિચિત્રાભં અન્તઃખાધોઽબ્જવજ્રગમ્ ॥ 21
તત્ર ભ્રૂઙ્કારચક્રોત્થસવિદ્યશાશ્વતોદ્ભવમ્ ।
સ્ફરદ્બુદ્ધૌઘખવ્યાપિ ચતુરશ્રાદિસંયુતમ્ ॥ 22
શશિસૂર્યસમાક્રાન્તં વિશ્વાબ્જદેવતાસનમ્ ।
વિભક્તાશેષસદ્રત્નં કૂટાગારં પ્રભાવયેત્ ॥ 23
સ્વરલક્ષણસંયુક્તં કાદિવ્યઞ્જનરશ્મિકમ્ ।
મધ્યચન્દ્રાસને ચિત્તં જ્ઞાનચન્દ્રં વિભાવ્ય તત્ ॥ 24
તત્રાદ્યહૃદ્ભવં વજ્રં રક્તમ્ આદ્યહૃદા યુતમ્ ।
કૃતજિનાભદેહ્યર્થસ્ તદહઙ્કૃતિમાન્ સ્વયમ્ ॥ 25
સ્ફતિકેન્દ્વઙ્ગમૂલાસ્યં નીલસવ્યેતરારુણમ્ ।
સર્વાકારવરોદારં સદ્ગુણાભરણામ્બરમ્ ॥ 26
દ્વિભુજાશ્લિષ્ટસત્પ્રજ્ઞં વજ્રપર્યઙ્કસુસ્થિરમ્ ।
વજ્રખડ્ગભુજં સવ્યે વામે સન્મણિપદ્મિનમ્ ॥ 27
પ્રજ્ઞોપાયાત્મકં શ્રિમજ્ જગત્સમ્પત્સમાશ્રયમ્ ।
સમન્તભદ્રમ્ આત્મનં ભાવયેત્ સ્ફરણત્વિષમ્ ॥ 28
મહારાગવિનેયં તલ્ લોકમ્ આલોક્ય ભાજનં ।
સુરતધ્વનિના સ્વાન્તર્ જિનવૃન્દં નિવેશયેત્ ॥ 29
તલ્ લોચનાદિસદ્વિદ્યા રૂપાદિવિષયાત્મભિઃ ।
પ્રોત્સૃજ્ય નવધા દેવીઃ સ્વવિદ્યાન્તર્ નિવેશયેત્ ॥ 30
સ્વયોષિત્પદ્મકર્કટ્યાં સુરતોદ્ભવમણ્ડલમ્ ।
નિર્માયાત્ર જગત્ કૃત્સ્નમ્ આશ્વાસાય પ્રવેશયેત્ ॥ 31
ખવ્યાપિબુદ્ધસન્મિત્રૈઃ સ્વવજ્રાન્તર્દ્રવોદ્ભવૈઃ ।
સેવયેદ્ અવિવર્ત્યર્થં તત્ત્વજ્ઞાનફલાપ્તયે ॥ 32
આશ્વસ્તં તજ્ જગદ્ દૃષ્ટ્વા બીજૈશ્ ચાતઃ સ્વભાવજૈઃ ।
ઉત્સૃજેત્ સર્વસત્ત્વાંશ્ ચ જગચ્ચિત્તાત્મભાવજાન્ ॥ 33
ક્ષિતિગર્ભાદિકાન્ ષટ્કાંશ્ ચક્ષુરાદિસ્વભાવકાન્ ।
ક્ષિં જ્રં ખં ગં સ્કં ઇત્ય્ એભિઃ સં-બીજાચ્ ચ યથાક્રમમ્ ॥ 34
રૂપવજ્રાદિકાન્ ષટ્કાન્ બાહ્યાધ્યાત્મસ્વભાવજાન્ ।
જઃ હૂં વં હોઃ ખં ઇત્ય્ એતૈ રં-બીજાચ્ ચ બહિઃ સ્થિતાન્ ॥35
લોચનાદ્યાસ્ તુ તા વિદ્યાઃ પૃથિવ્યાદિસ્વભાવજાન્ ।
લાં માં પાં તામ્ ઇતિ ત્વ્ એભિર્ જગદ્ધર્માત્મતત્ત્વજાઃ ॥ 36
શાશ્વતાદ્યાંસ્ તુ સંબુદ્ધાન્ રૂપાદિસ્કન્ધસ્વભાવજાન્ ।
બું-આં-જ્રીં-ભિશ્ ચ ખં-હૂં-ભ્યાં સર્વધર્માન્ સમુત્સૃજેત્ ॥ 37
ઓં આઃ હૂં ઇતિ તચ્ ચિત્તં ભાસ્વદ્ધોર્ભ્યાં વિદર્ભિતમ્ ।
ગુહ્યપદ્મોદરાન્તસ્થં મૃદુનિષ્યન્દશુદ્ધયે ॥ 38
તે ચ રાગાગ્નિસંદીપ્તે કાયદ્વયદ્રવીકૃતે ।

સન્મિત્રાભાતદિગ્દેવીગીત્યા ધ્યાયાત્ સુચોદનાઃ ॥ 39
ત્વં વજ્રચિત્ત ભુવનેશ્વર સત્ત્વધાતો ત્રાયાહિ માં રતિમનોજ્ઞા મહાર્થકામૈઃ ।
કમાહિ માં જનક સર્વમહાગ્રબન્ધો યદીચ્છસે જીવિતુ મહ્ય નાથ ॥ 40
ત્વં વજ્રકાય બહુસત્ત્વપ્રિયાજ્ઞચક્ર બુદ્ધાર્થબોધિપરમાર્થહિતાનુદર્શી ।
રાગેણ રાગસમયાં મમ કામયસ્વ યદીચ્છસે જીવિતુ મહ્ય નાથ ॥ 41
ત્વં વજ્રવાચ સકલસ્ય હિતાનુકમ્પી લોકાર્થકાર્યકરણે સદા સંપ્રવૃત્ત ।
કામહિ માં સુરતચર્ય સમન્તભદ્ર યદીચ્છસે જીવિતુ મહ્ય નાથ ॥ 42
ત્વં વજ્રકામ સમયાગ્ર મહાહિતાર્થ સમ્બુદ્ધવંશતિલકઃ સમતાનુકમ્પી ।
કામાહિ માં ગુણનિધિં બહુરત્નભૂતાં યદીચ્છસે જીવિતુ મહ્ય નાથ ॥ 43
ઉત્થાપન્યનુરોધાત્ તદ્ દ્રવં પશ્યન્ વિપત્તિવત્ ।
માયાવદ્ વસ્તુ સંચિન્ત્ય સ્વમન્ત્રાર્થઃ પુનર્ ભવેત્ ॥ 44
કુઙ્કૂમાકારમૂલાસ્યો નીલસવ્યસિતેતરઃ ।
કુમારાભરણાકારઃ પ્રજ્ઞાનન્દૈકસુન્દરઃ ॥ 45
દ્વિભુજાશ્લિષ્ટસત્પ્રજ્ઞઃ સ્વાભપ્રજ્ઞાધરાસ્યધૃક્ ।
ભાસ્વત્કૃપાણસદ્બાણનીલોત્પલધનુઃકરઃ ॥ 46
સ્ફરદ્બુદ્ધૌઘનિર્માણનિષ્પાદિતજગત્ત્રયઃ ।
સ્વબીજોદ્ભવચિહ્નોત્થમઞ્જુવજ્રઃ સ્વયં ભવેત્ ॥ 47
ભવસઙ્ગાદ્ ભવોઽ નન્તઃ શમસઙ્ગો વિપત્તિભાક્ ।
માયયા કૃતસંસેવો ધર્મધાત્વાત્મકો ભવેત્ ॥ 48
ઓં ધર્મધાતુસ્વભાવાત્મકો ઽહમ્ ॥
સન્મિત્રૈઃ કૃતનિષ્યન્દઃ પાકાત્ સર્વજ્ઞતામ્ ઇયાત્ ।
તચ્ચક્ષુરાદ્યધિષ્ઠાનમ્ ઉપસાધનમ્ ઇષ્યતે ॥ 49
ક્ષિતીશકુલિશાકાશલોકેશસ્કામ્ભભદ્રકૈઃ ।
સંપૂર્ય ચક્ષુરાદીનિ તદ્બીજૈઃ પૌરુષં વહેત્ ॥ 50
ધર્મસંભોગનિર્માણવાહિની જગદર્થતા ।
ચિત્તગુહ્યાદ્યધિષ્ઠાનં સાધનાર્થમ્ અતો ભવેત્ ॥ 51
સ્વહૃત્કણ્ઠશિરશ્ચન્દ્રે હૂં-આઃ-ઓં-જાંશ્ ચ સત્પ્રભૂન્ ।
વજ્રાબ્જચક્રમધ્યસ્થાન્ ધ્યાત્વા ચિત્તાદિગુહ્યકાન્ ॥ 52
તદ્ધૃત્પ્રજ્ઞાઙ્ગસઙ્ગાર્ચીરૂપવજ્રાદિરશ્મિભિઃ ।
સંપૂજ્ય સર્વદિક્ત્ર્યધ્વવ્યાપ્તાશેષવિનાયકાન્ ॥ 53
કૃતાર્થસંપદાં તેષાં યે હૃત્કણ્ઠશિરોગતાઃ ।
ચિત્તવજ્રાદયસ્ તાંસ્ તુ તદધિષ્ઠાને પ્રયાચયેત્ ॥ 54
ચિત્તવજ્રધરઃ શ્રીમાંસ્ ત્રિવજ્રાભેદ્યભાવિતઃ ।
અધિષ્ઠાનપદં મે ઽદ્ય કરોતુ ચિત્તવજ્રિણઃ ॥55
દશદિક્સંસ્થિતા બુદ્ધાસ્ ત્રિવજ્રાભેદ્યભાવિતાઃ ।
અધિષ્ઠાનપદં મે ઽદ્ય કુર્વન્તુ ચિત્તવજ્રિણઃ ॥56
ઓં સર્વતથાગતચિત્તવજ્રસ્વભાવાત્મકો ઽહમ્ ॥
ધર્મો વૈ વાક્પથઃ શ્રીમાંસ્ ત્રિવજ્રાભેદ્યભાવિતઃ ।
અધિષ્ઠાનપદં મે ઽદ્ય કરોતુ વાગ્વજ્રિણઃ ॥57
દશદિક્સંસ્થિતા બુદ્ધાસ્ ત્રિવજ્રાભેદ્યભાવિતાઃ ।

અધિષ્ઠાનપદં મે ઽદ્ય કુર્વન્તુ વાગ્વજ્રિણઃ ॥58
ઓં સર્વતથાગતવાગ્વજ્રસ્વભાવાત્મકો ઽહમ્ ॥
કાયવજ્રધરઃ શ્રીમાંસ્ ત્રિવજ્રાભેદ્યભાવિતઃ ।
અધિષ્ઠાનપદં મે ઽદ્ય કરોતુ કાયવજ્રિણઃ ॥ 59
દશદિક્સંસ્થિતા બુદ્ધાસ્ ત્રિવજ્રાભેદ્યભાવિતાઃ ।
અધિષ્ઠાનપદં મે ઽદ્ય કુર્વન્તુ કાયવજ્રિણઃ ॥ 60
ઓં સર્વતથાગતકાયવજ્રસ્વભાવાત્મકો ઽહમ્ ॥
ષોડશાનુસ્મૃતેઃ શુદ્ધૌ કુર્વન્તીતિ તદુક્તવાન્ ।
તસ્ય ચિત્તાદ્યધિષ્ઠાનં નોક્તમ્ અપ્રસ્તુતોક્તિતઃ ॥ 61
ત્રિગુહ્યાલક્ષણં વીક્ષ્ય માયાપ્રજ્ઞાઙ્ગસઙ્ગતઃ ।
મૃદુવૈમલ્યસંશુદ્ધૌ મહાસાધનમ્ ઇષ્યતે ॥ 62
સંચોદ્ય દિગ્ગતાન્ નાથાન્ જ્ઞાનસત્ત્વહૃદર્ચિષા ।
તત્પ્રભોદ્ભવવિદ્યાભિર્ ભૃતકુમ્ભામૃતામ્બુભિઃ ॥ 63
સ્વભિષિક્તઃ પ્રભુઃ શ્રીમાન્ કુલેશમકુટોત્તમઃ ।
નિષ્યન્દાદ્યૈસ્ તથા મધ્યૈઃ સ્વાભાં પ્રજ્ઞાં વિશોધયેત્ ॥ 64
શિરોહૃન્નાભિગુહ્યે ઽસ્યાશ્ ચરણાન્તે ચ પ્રત્યણૂન્ ।
ઓં-હૂં-સ્વા-હૃદ્ભિઃ આઃ-હાભ્યાં શાશ્વતાદિકુલાત્મકૈઃ ॥32 65
આપૂર્ય પઞ્ચસંબુદ્ધૈઃ હૂં-આઃ-અષ્ટદલાબ્જિકામ્ ।
સંવિશોધ્ય તયા બુદ્ધાન્ હૂં-સદ્વજ્રો ઽનુરાગયેત્ ॥ 66
ઓં સર્વતથાગતાનુરાગણવજ્રસ્વભાવાત્મકો ઽહમ્ ॥
હૃચ્ચન્દ્રખદ્ગહૃદ્ભાભિઃ ખવ્યાપિબુદ્ધમણ્ડલમ્ ।
નિવેશ્યાત્મનિ સચ્ચિત્તરૂપમ્ વજ્રાબ્જસંસ્થિતમ્ ॥ 67
નિજચક્રં સ્વબીજેન તત્રોત્પાદ્ય સ્થિરીકૃતમ્ ।
ઉત્સૃજેદ્ વિધિનાનેન જગત્સ્વ્ અજ્ઞાનશુદ્ધયે ॥ 68
સંચોદ્યાધિપમ્ અક્ષોભ્યં મહાદ્વેશાર્થકૃજ્જિનમ્ ।
વજ્રધૃગ્ ઇતિ ચોત્સૃજ્યાઙ્ગેન્દ્રનીલમણિપ્રભમ્ ॥ 69
સિતસવ્યેતરારક્તમ્ પરમાદ્યભુજાન્વિતમ્ ।
સંહૃત્યાત્મનિ સચ્છ્રીમાન્ સર્વભાવૈર્ નિવેશયેત્ ॥ 70
જિનજિગ્ ઇતિ ચાદ્યાભં મહામોહાર્થકૃદ્વિભુમ્ ।
સચ્ચક્રાદ્યન્વિતં તદ્વદ્ ધ્યાયાત્ પૂર્વેન્દુમણ્ડલે ॥ 71
રત્નધૃગ્ ઇતિ રત્નેશં સુવર્ણાભં સમોદ્યમમ્ ।
સદ્રત્નાદ્યન્વિતં નાથં કુમારાસ્યં તુ દક્ષિણે ॥ 72
આરોલિગ્ ઇતિ વાગીશં મહારાગાર્થકૃત્પ્રભુમ્ ।
પદ્મરાગાભપદ્માદ્યાં કુમારાસ્યં તુ પૃષ્ઠતઃ ॥ 73
પ્રજ્ઞાધૃગ્ ઇત્ય્ અમોઘેશં મહોગ્રેર્ષ્યાર્થકૃત્ખજમ્ ।
વૈદૂર્યાભં કુમારાસ્યં ધ્યાયાત્ ખડ્ગાદ્યમ્ ઉત્તરે ॥ 74
સજટામુકુટાઃ સર્વે સ્વવિદ્યાદ્વયસન્ગિણઃ ।
સર્વાભરણસદ્વસ્ત્રા ધ્યેયાઃ પદ્માર્કમણ્ડલે ॥ 75
મોહરતીતિ ચાગ્નેયાં કૃપોપાયજનાર્થદા ।
કાયેશવત્સ્વરૂપા સ્યાલ્ લોચના સ્વેન્દુમણ્ડલે ॥ 76

દ્વેષરતીતિ નૈરૃત્યાં મૈત્રીપ્રણિધિકામદા ।
ચિત્તેશવદ્રતૌત્સુક્યા મામકી ચન્દ્રમણ્ડલે ॥ 77
રાગરતીતિ વાયવ્યાં મોદબલસમાધિદા ।
વાગીશાભાર્થશુદ્ધા સા પાણ્ડરા ચન્દ્રમણ્ડલે ॥ 78
વજ્રરતીતિ ચૈષાન્યામ્ ઉપેક્ષજ્ઞાનસાધિકા ।
રત્નેશવત્સ્વરૂપા સ્યાચ્ ચન્દ્રે તારા મનોરમા ॥ 79
ચક્રં રક્તોત્પલં દિવ્યં પઙ્કજં પીતં ઉત્પલમ્ ।
શિષ્ટં સ્વાધિપવદ્ દિષ્ટં ચિહ્નમ્ આસાં ક્રમાદ્ અતઃ ॥ 80
આગ્નેયાદિચતુઃકોણે પૂર્વદ્વારદ્વિપાર્શ્વયોઃ ।
રૂપાદ્યા દર્પણાદ્યૈઃ સ્યુઃ કાયાદ્યાભાસ્ ત્રિતત્ત્વતઃ ॥ 81
પ્રાગ્દ્વારે ક્રોધપર્યઙ્કશ્ ચિત્તેશાકારભાસુરઃ ।
યમાન્તકૃદ્ ઇતીતિઘ્નઃ સ્કન્ધજ્ઞેયવિનાશતઃ ॥ 82
કાયેશાભોગ્રદૃગ્ ભીમો ઽવાગ્દ્વારે ઽપરાજિતઃ ।
પ્રજ્ઞાન્તકૃદ્ ઇતીચ્છાઘ્નઃ સ્વાત્મદૃક્ક્લેશહાનિતઃ ॥ 83
મૃત્યુજન્માઘસાં ઘાતી પૃષ્ઠદ્વારે ઽશ્વકન્ધરઃ ।
પદ્માન્તકૃદ્ ઇતીચ્છાઘ્નો વાગીશાભોગ્રઘૂર્ણિતઃ ॥ 84
અક્ષોભ્યાભોગ્રવિઘ્નઘ્ન ઉત્તરે ઽમૃતકુણ્ડલિઃ ।
વિઘ્નાન્તકૃદ્ ઇતિ દ્વારક્રિયાસુરારિશુદ્ધિતઃ ॥ 85
ભ્રૂભઙ્ગોર્ધ્વજ્વલત્કેશબભ્રુભ્રૂશ્મશ્રુલોચનાઃ ।
વ્યાવૃતાશ્યા લલજ્જિહ્વાઃ સદંષ્ટ્રોત્કટહાસિનઃ ॥ 86
ચણ્ડમુદ્ગરદણ્ડાબ્જસ્વવજ્રાદિકરાસ્ ત્વ્ અમી ।
ક્રૂરભુજઙ્ગભૂષાઙ્ગાઃ સ્વાભવિદ્યાઙ્ગસઙ્ગિનઃ ॥ 87
નિષ્પન્નં ચક્રમ્ આલોક્ય નિજભાવેન સર્વતઃ ।
હૃદ્બીજાભાઙ્કુશૈર્ બુદ્ધાંશ્ ચક્રાકારસમાહૃતાન્ ॥ 88
દૃષ્ટ્વા વિઘ્નાન્ સ્વવિઘ્નઘ્નૈઃ સમુત્સાર્યાભિરક્ષ્ય ચ ।
દત્ત્વાર્ઘં મન્ત્રસંજપ્તં ચન્દ્રાદિકુસુમાન્વિતમ્ ॥ 89
ચક્રે નિવેશ્ય તચ્ ચક્રં ચક્ષુઃકાયાદ્યધિષ્ઠિતમ્ ।
પ્રાગ્વત્ સિક્તં ચ તદ્ ધ્યાયાન્ નિષ્યન્દાદ્યધિમાત્રતઃ ॥ 90
બુદ્ધાનાં મકુટે ઽક્ષોભ્યઃ શેષાઃ સ્વાધિપસેકિનઃ ।
કાયેશાક્ષોભ્યવાગીશચિત્તેશૈર્ દ્વારિણો મતાઃ ॥ 91
ઇત્ય્ આસિચ્ય સ્વહૃદ્ભાભિઃ પ્રજ્ઞાબ્જાન્તર્નિવેશિતમ્ ।
રૂપાદ્યં રોમકૂપોત્થં રૂપવજ્રાદિરશ્મિભિઃ ॥ 92
કૂટાગારપ્રભોન્મુક્તૈર્ ગગનાન્તઃપ્રસર્પિભિઃ ।
સમ્પૂજ્ય સ્વં મુનીન્દ્રાંશ્ ચ પૂજ્યપૂજાત્મકો ભવેત્ ॥ 93
ઓં સર્વતથાગતપૂજાવજ્રસ્વભાવાત્મકો ઽહમ્ ॥
સર્વધર્મૈઃ સ્તુયાચ્ ચક્રં સંબુદ્ધસ્વાત્મમૂર્તિભિઃ ।
પઞ્ચજ્ઞાનાનિ મુદ્રાભિઃ શતપઞ્ચકુલં ત્રિકમ્ ॥ 94
અક્ષોભ્યવજ્ર મહાજ્ઞાન વજ્રધાતુ મહાબુધ ।
ત્રિમણ્ડલ ત્રિવજ્રાગ્ર ઘોષવજ્ર નમો ઽસ્તુ તે ॥ 95
વૈરોચન મહાશુદ્ધ વજ્રશાન્ત મહારતે ।

પ્રકૃતિપ્રભાસ્વરાગ્રાગ્ર્ય દેશવજ્ર નમો ઽસ્તુ તે ॥ 96
રત્નરાજ સુગામ્ભીર્ય ખવજ્રાકાશનિર્મલ ।
સ્વભાવશુદ્ધ નિર્લેપ કાયવજ્ર નમો ઽસ્તુ તે ॥ 97
વજ્રામિત મહારાજ નિર્વિકલ્પ ખવજ્રધૃક્ ।
રાગપારમિતાપ્રાપ્ત ભાષવજ્ર નમો ઽસ્તુ તે ॥ 98
અમોઘવજ્ર સંબુદ્ધ સર્વાશાપરિપૂરક ।
શુદ્ધસ્વભાવસંભૂત વજ્રસત્ત્વ નમો ઽસ્તુ તે ॥ 99
ચન્દ્રાર્કવારિભૈષજ્યગન્ધં વાય્વગ્નિચક્રગમ્ ।
પ્રણવાધિષ્ઠિતં સાર્ચિસ્ ત્રિતત્ત્વૈર્ અભિમન્ત્રિતમ્ ॥ 100
હૂંન્યસ્તવજ્રસજ્જિહ્વો ધ્યાત્વા જ્ઞાનામૃતૈર્ ભૃતમ્ ।
હૃચ્ચન્દ્રાન્તર્ગતાશેષચક્રં તેન પ્રતર્પયેત્ ॥ 101
હૃદ્રશ્મિનિર્મિતૈર્ નાથૈઃ સ્વાસત્સંકલ્પવર્જિતૈઃ ।
બુદ્ધાત્મકં જગત્ કૃત્વા હૃદ્બીજાન્તર્ નિવેશયેત્ ॥ 102
હૃચ્ચિહ્નવરટાન્તસ્થં ચન્દ્રહૃદ્બિન્દુરૂપકમ્ ।
પ્રભાસ્વત્ સ્વમનો ધ્યાત્વા જ્ઞાનસત્ત્વં પ્રભાસયેત્ ॥ 103
ચિત્તવાક્કાયવજ્રં ચ પ્રબોધ્ય રશ્મિમાલયા ।
નિવિષ્ટાં હૃદિ તાં ધ્યાયાત્ સ્વજ્ઞાનામૃતવાહિનીમ્ ॥ 104
અન્તસ્ તનુમ્ અતઃ સર્વાં તયાભાસ્ય સમન્તતઃ ।
પ્રતિરોમપ્રભાવ્યૂહૈર્ જગદર્થં પ્રપૂરયન્ ॥ 105
ધ્યાત્વા સૂક્ષ્મં સ્વચિહ્નં વા વિદ્યાનાસાગ્રસંસ્થિતમ્ ।
મુનિચક્રં સ્વસંવેદ્યં સત્પ્રજ્ઞાસઙ્ગભાસ્વરમ્ ॥ 106
દૃષ્ત્વા સ્થૈર્યનિમિત્તં તુ સ્ફરણં તદ્રશ્મિનિમિત્તૈઃ ।
બુદ્ધૈર્ નાનાવિધૈશ્ ચિહ્નૈર્ વિદધીત પુનઃ પુનઃ ॥ 107
કાયવાક્ચિત્તસદ્વજ્રાત્ પઞ્ચસજ્જ્ઞાનરશ્મિકમ્ ।
સ્ફરન્મન્ત્રં જપં કુર્યાદ્ યુગપત્ ક્રમશો ઽથવા ॥ 108
વજ્રાબ્જધર્મતચ્ચક્રં કાયવાક્ચિત્તવજ્રગમ્ ।
નિલયં તદ્ દૃઢીકુર્વઞ્ જ્ઞાનકાયં સ્ફરઞ્ જપેત્ ॥ 109
ઉચ્ચારયેત્ સ્ફરન્ પ્રાણૈર્ મન્ત્રમ્ આયામસંહૃતમ્ ।
કાયાદિસ્ફારસંહારૈઃ કુર્યાજ્ જાપં ક્રમાક્રમાત્ ॥ 110
ઉચ્ચાર્યૈવં વિયદ્ વ્યાપ્ય કાયાદ્યૈસ્ તૈઃ સ્વરશ્મિભિઃ ।
પ્રાગ્વત્ સચ્ચિત્તપૂજાર્હં પ્રાણાદ્ વિદ્યૌઘમ્ ઉત્સૃજન્ ॥ 111
પરિગૂઢોલ્લસદ્વિદ્યાસુખાવેશવશીકૃતમ્ ।
આયામાજ્ઞાનબુદ્ધૌઘં સ્વાત્મન્ય્ અન્તે નિવેશયેત્ ॥ 112
નિષ્યન્દાદ્યધિમોક્ષૈશ્ ચ બિન્દુસૂક્ષ્મત્રિગુહ્યજાઃ ।
ધ્યેયા મૃદ્વાદિભિર્ ભેદૈર્ યોગાઃ સેવાદિવત્ તથા ॥ 113
સ્વહૃત્તત્ત્વપરામર્ષાત્ પરીત્તચિત્તસંસૃતેઃ ।
લોચનાદિગણોદ્ગીતૈશ્ ચક્રમ્ અભ્યર્થ્ય પૂજયેત્ ॥ 114
મૂર્ધ્નીન્દુપ્રણવાર્દ્રાં તુ સચિત્તવારિવાહિનીમ્ ।
વિધિવત્ પાતયન્ કુર્યાત્ કાયવાક્ચિત્તપ્રીણનમ્ ॥ 115
વિશ્રમ્યૈવં જપં કૃત્વા કૃતપૂજાદિકો બુધઃ ।

ત્રિતત્ત્વાત્માહિતાન્ બુદ્ધાન્ ગતસઙ્ગો વિસર્જયેત્ ॥54 116
એવં તત્ત્વદૃશા મુક્તં જગત્ કૃત્સ્નં વિલોક્ય ચ ।
પ્રણિધિમ્ આમુખીકુર્યાત્ કૃપયા તદ્ધિતાય ચ ॥ 117
સમાધિતઃ સમુત્થાય ગર્વં પત્યુઃ સમુદ્વહન્ ।
ચારગતસ્ તુ સંબુદ્ધવિષયૈઃ સંપ્રપૂજયેત્ ॥ 118
શ્રીમઞ્જુવજ્રસર્વાત્મા સ્વભાવવિષયાનુગાન્ ।
વિષયાન્ ભાવયન્ન્ એવં સ્વસ્વશુદ્ધ્યા પ્રતિષ્ઠિતાન્ ॥ 119
શાશ્વતાદિસ્વભાવાંસ્ તાન્ પ્રત્યાત્મધર્મસંસ્થિતાન્ ।
શ્રીમદ્વજ્રધરાકારાન્ શુદ્ધસત્ત્વસમન્વિતઃ ॥ 120
સર્વં સંપાદયેત્ કૃત્યં સ્વાસત્સંકલ્પવર્જિતઃ ।
સચ્ચક્રાનન્તપૂજેયં સદામેયા સુયોગિનઃ ॥ 121
સ્વહૃચ્ચન્દ્રે સ્વચક્રેશં નિજબીજૈઃ સ્વભોજનમ્ ।
સમાલમ્બ્ય સ્વહૃત્તત્ત્વૈઃ સર્વબુદ્ધામૃતતાયિતમ્ ॥ 122
સર્વધર્મતયા શુદ્ધં ત્રિતત્ત્વૈર્ અભિમન્ત્રિતમ્ ।
સ્વાધિદૈવતસચ્ચક્રં પ્રીણયંસ્ તેન પૂજયેત્ ॥ 123
હોમો બાહ્યો ઽનુમેયો ઽયં ચિત્તમાત્રાત્ તુ માનસઃ ।
અનુત્તરસ્ ત્વ્ અયં જ્ઞાનાગ્નિસ્કન્ધેન્ધનદાહતઃ ॥ 124
કામૈર્ એવં સમસ્તૈઃ સ્વં સ્વદૈવાત્મસ્વભાવજમ્ ।
પરાંશ્ ચ પૂજયેદ્ એવં સમયઃ સુગતૈર્ મતઃ ॥ 125
તત્ તત્ કાયાદિ યત્ કર્મ સર્વબુદ્ધાંસ્ તુ પૂજયન્ ।
અનુરૂપં જગત્ કાર્યં કુર્યાન્ નિત્યં સમાહિતઃ ॥ 126
યત્ કાયવાઙ્મયં કર્મ મુદ્રામન્ત્રાત્મકં મહત્ ।
તત્ તત્ કર્મ સમાસાદ્ય સર્વબુદ્ધાંસ્ તુ પૂજયેત્ ॥ 127
વસ્તુન્ય્ એકત્ર સંકલ્પા નાનાકારાવભાસિનઃ ।
મુક્તિદુઃખસુખોત્પાદાઃ કર્માશેષા ભવન્તિ યત્ ॥ 128
તસ્માચ્ છુભાશુભં કર્મ કાયાદ્યં કલ્પનોદ્ભવમ્ ।
સર્વસત્કલ્પનિર્મુક્તે જ્ઞાને તત્કલ્પના કથમ્ ॥ 129
અમોઘવજ્રસચ્ચક્રી સમયોત્થાપનાય તુ ।
હૃત્કર્મવજ્રખં ધ્યાત્વા સર્વશુદ્ધ્યાભિષેચયેત્ ॥ 130
ગુર્વવજ્ઞાદિકે દોષે સદાનં ભોજ્યમ્ આવહેત્ ।
બાહ્યસ્નાનં સ્વચક્રસ્થઃ કુર્યાત્ સેકવિધાનતઃ ॥ 131
સન્ધ્યાન્તરે ઽપિ પૂજાદિ જપં કૃત્વા તુ પૂર્વવત્ ।
હૃદ્યન્તર્ગતસચ્ચક્રઃ સુપ્યાત્ પ્રજ્ઞાકૃપાન્વિતઃ ॥ 132
ઉત્થાનસમયે શ્રીમાન્ દેવીસંગીતિચોદિતઃ ।
પ્રાતર્ ઉત્થાય પ્રાગ્વત્ તુ સંજપેદ્ આદિકર્મિકઃ ॥ 133
મન્ત્રસીલવ્રતૈર્ યુક્તશ્ ચક્ષુઃકાયાદ્યધિષ્ઠિતઃ ।
જ્ઞાને કિઞ્ચિત્સમાવેશી જપેત્ સન્ધ્યાસ્વ્ અતન્દ્રિતઃ ॥ 134
સર્વાકારસુનિષ્પન્નં સ્ફરત્સમ્હારકારકં ।
પ્રાપ્તજ્ઞાનવશી કિઞ્ચિદ્ અનિશં યોગમ્ આશ્રયેત્ ॥ 135
સમ્યગ્જ્ઞાનવશી ધ્યાયન્ કુર્યાત્ કાર્યં જગદ્ધિતમ્ ।

ધાત્વણ્વન્તસ્ ત્રિસચ્ચક્રૈઃ પ્રતિબિમ્બાત્મમૂર્તિભિઃ ॥ 136
સંસિદ્ધાવ્ અસકૃલ્ લબ્ધ્વા યોગી નિમિત્તમ્ એવ તુ ।
ત્રિતત્ત્વાં વિધિવત્ પૂજાં કૃત્વા મણ્ડલમ્ આલિખેત્ ॥ 137
ચક્રસ્થો વિધિવજ્ જપ્ત્વા સ્વયં વાધ્યેષિતો ઽપિ વા ।
પરાર્થં ઘટમાનો ઽપિ નિમિત્તં પ્રાપ્ય સંલિખેત્ ॥ 138
ચક્રિમન્ત્રં જપેલ્ લક્ષં લક્ષમ્ વા સ્વાધિદૈવતમ્ ।
અન્યેષામ્ અયુતં સમ્યક્ ચક્રિણાં વાજ્ઞયા લિખેત્ ॥ 139
ત્રિતત્ત્વૈર્ ગર્ભિતોત્સર્ગાન્ અન્યાન્ હૃદ્બીજગર્ભિતાન્ ।
સાનુસ્વારાદ્યવર્ણાંસ્ તુ નામ્નો મન્ત્રાન્ સમુદ્ધરેત્ ॥ 140
કાયવાક્ચિત્તગુહ્યાખ્યા કર્મધર્મમહાત્મિકા ।
ત્રિગુહ્યા સમયા મુદ્રા બીજં હૃદયમ્ ઉચ્યતે ॥ 141
કર્મકર્ત્રી તુ વિદ્યોક્તા શાન્ત્યાદિપ્રતિચોદનાત્ ।
માલામન્ત્રાશ્ ચ વિદ્યોક્તા સર્વથા તાં જપેત્ બુધઃ ॥ 142
યથાયોગં જપં કૃત્વા લબ્ધ્વાજ્ઞાં સ્વાધિપાદિતઃ ।
નિરોધચક્રમ્ આભુજ્ય સ્વચિત્તશુદ્ધિતો લિખેત્ ॥ 143
વિઘ્નાન્ ઉત્સાર્ય સંકીલ્યાભ્યુક્ષ્ય ક્ષ્માં પ્રાર્થ્ય યાચયેત્ ।
સમાધિત્રિતયં કૃત્વા બુદ્ધાદીન્ અધિવાસ્ય ચ ॥ 144
દત્ત્વા બલ્યર્ઘમ્ આપૂજ્ય હોમૈર્ આપ્યાય્ય ખે ન્યસેત્ ।
ખાનયેત્ ક્ષ્માં સુનિર્વિઘ્નાં ગર્તાપૂરે ઽપિ અયં ક્રમઃ ॥ 145
આચીર્ણપૂર્વસંસેવો મઞ્જુવજ્રાત્મયોગવાન્ ।
સંસ્કૃત્ય મણ્ડલસ્થાનં સંહાર્યૈઃ પૂજયાન્વિતઃ ॥ 146
વિઘ્નારિચક્રયોગસ્થઃ સ્વાભિષેકં સમાદધેત્ ।
દુષ્ટાન્ નિકૃન્તયેદ્ એવં યોગાદ્ વા સ્વાધિદૈવતાત્ । 147
ઓં ભૂઃ ખમ્ ઇતિ મન્ત્રેણ વિયદ્ભૂતાં વસુન્ધરામ્ ।
હૂં લં હૂં ઇતિ વજ્રાત્મ ક્ષ્માં કૃત્વા તામ્ અધિષ્ઠયેત્ ॥ 148
ઓં મેદિનિ વજ્રીભવ વજ્રબન્ધ હૂમ્ ॥
પ્રાગ્વદ્ વિઘ્નઘ્નયોગાત્મા સેવાદ્યન્તાનુરાગણઃ ।
આદિયોગી સ્વચક્રં તુ પ્રોત્સૃજ્યાન્તામૃતશ્ ચ સઃ ॥ 149
ચક્રરાજાગ્રિયોગાત્મા ચક્રકર્મસુકર્મકૃત્ ।
કર્મરાજાગ્રિયોગીતિ સમાધિત્રયમ્ ઉત્તમમ્ ॥ 150
એતદ્યોગસ્થ આચાર્યઃ સર્વબુદ્ધાત્મમૂર્તિકઃ ।
સ્વભાવશુદ્ધવજ્રાત્મા ચક્રભૂમધ્યસંસ્થિતઃ ॥ 151
વજ્રઘણ્ટાધરો વીરો ઽધ્યેષ્યસ્ ત્રિચક્રનિર્મિતૌ ।
સહાયૈર્ વજ્રઘણ્ટાગ્રૈઃ શાશ્વતાદ્યાત્મમૂર્તિભિઃ ॥ 152
સર્વતાથાગતં શાન્તં સર્વતાથાગતાલયમ્ ।
સર્વધર્માગ્રનૈરાત્મ્યં દેશ મણ્ડલમ્ ઉત્તમમ્ ॥ 153
સર્વલક્ષણસંપૂર્ણં સર્વાલક્ષણવર્જિતમ્ ।
સમન્તભદ્રકાયાગ્રં ભાષ મણ્ડલમ્ ઉત્તમમ્ ॥ 154
શાન્તધર્માગ્રસંભૂતં જ્ઞાનચર્યાવિશોધકમ્ ।
સમન્તભદ્રવાચાગ્રં ભાષ મણ્ડલમ્ ઉત્તમમ્ ॥ 155

સર્વસત્ત્વમહાચિત્તં શુદ્ધં પ્રકૃતિનિર્મલમ્ ।
સમન્તભદ્રચિત્તાગ્ર્યં ઘોષ મણ્ડલસારથે ॥ 156
વીક્ષ્યાતો મઞ્જુરાડ્ ક્રુદ્ધઃ સત્ત્વધાતું તમિશ્રિતમ્ ।
હૂં વજ્રોત્તિષ્ઠેતિ સ્વક્ષશ્ ચક્રમ્ ઉત્ક્ષિપ્ય નિર્મિતમ્ ॥ 157
મટ્કારચન્દ્રશૂર્યાક્ષઃ સર્વાધ્વદિક્ષુ દીપયન્ ।
જગદ્ આલોકયન્ ધીમાંશ્ ચક્રભૂમૌ પરિક્રમેત્ ॥ 158
પાદતલજ્વલદ્વજ્રો વજ્રોલ્લાલનતત્પરઃ ।
લીલાવજ્રપદં નૃત્યન્ સદંષ્ટ્રોત્કટ-હૂં-કૃતઃ ॥ 159
પ્રોત્સારયેત્ પ્રદુષ્ટૌઘાન્ દેવાદ્યાન્ વિઘ્નમણ્ડલાન્ ।
શૃણ્વન્તુ સર્વવિઘ્નૌઘાઃ કાયવાક્ચિત્તસંસ્થિતાઃ ॥ 160
અહં મઞ્જુરવઃ શ્રીમાન્ રક્ષાચક્રપ્રયોજકઃ ।
વજ્રેણાદીપ્તવપુષા સ્ફાલયામિ ત્રિકાયજાન્ ॥ 161
લઙ્ઘયેદ્ મે વિશીર્યેતાત્ર નાન્યથા ।93
ભૂમેઃ પરિગ્રહં કૃત્વા નિર્વિઘ્નાય પ્રકીલયેત્ । 162
ઓં ઘ ઘ ઘાતય 2 સર્વદુષ્ટાન્ ફટ્ કીલય 2 સર્વપાપાન્ ફટ્ હૂં હૂં હૂં વજ્રકીલ વજ્રધરો આજ્ઞાપયતિ સર્વદુષ્ટકાયવાક્ચિત્તવજ્રં કીલય હૂં ફટ્ ॥
અધઃશૂલોર્ધ્વવિઘ્નારિં ધિયા મધ્યે પ્રકીલયેત્ ।
વિઘ્નૌઘાન્ ઘાતયેત્ સર્વાન્ દશદિક્સંવ્યવસ્થિતાન્ ॥ 163
સંવીક્ષ્ય ક્ષ્માં સુનિર્વિઘ્નાં તીક્ષ્ણજ્વાલાકુલપ્રભામ્ ।
સીમાપ્રાકારદિગ્બન્ધાન્ ધિયા કૃત્વાધિવાસયેત્ ॥ 164
ત્વં દેવિ સાક્ષિભૂતાસિ સર્વબુદ્ધાનાં તાયિનામ્ ।
ચર્યાનયવિશેષેષુ ભૂમિપારમીતાસુ ચ ॥ 165
યથા મારબલં ભગ્નં શાક્યસિંહેન તાયિના ।
તથા મારબલં જિત્વા મણ્ડલં લેલિખામ્ય્ અહમ્ ॥ 166
ક્ષ્માં સંલિપ્ય સુગન્ધદ્યૈશ્ ચિત્રૈઃ પુષ્પૈઃ પ્રકીર્ય ચ ।
ચન્દ્રાદ્યૈશ્ ચક્રિણાં સ્થાને પ્રકુર્યાન્ મણ્ડલં બુધઃ ॥ 167
તત્રાવાહ્ય તુ સચ્ચક્રં કૃત્વા સીમાદિબન્ધનમ્ ।
પૂજાસ્તુત્યામૃતાસ્વાદં કલશાન્ અધિવાસયેત્ ॥ 168
વસ્ત્રાચ્છાદિતસદ્ગ્રીવાંશ્ ચૂતાદિપલ્લવાન્વિતાન્ ।
કલશાન્ માણ્ડલેયાનાં તન્મન્ત્રૈર્ અધિવાસયેત્ ॥ 169
પઞ્ચવ્રીહ્યૌષધીરત્નગન્ધામ્બુચક્રસંચયમ્ ।
શ્રગ્બદ્ધવજ્રમૂર્ધાનં ચક્રેશેન જપં જપેત્ ॥ 170
અર્ઘં દત્ત્વા સમાપૂજ્ય પ્રક્ષિપ્ય સિતપુષ્પકમ્ ।
ધૂપાધિવાસિતં તત્ર સદ્ગન્ધાદ્યબ્જભાજનમ્ ॥ 171
પ્રતિદિનં ત્રિસન્ધ્યાસુ બલિં દત્ત્વા તથા જપેત્ ।
તે ચ ચક્રબહિષ્કોણે જયશ્ ચક્રેશસવ્યતઃ ॥ 172
તેભ્યો ઽર્ઘભાજને તોયં ક્ષિપ્ત્વા તેનાભિષેચનાત્ ।
આત્મનઃ સર્વશિષ્યાણાં જલાભિષેચનં ભવેત્ ॥ 173
ચક્રપૂજાં પુનઃ કૃત્વા ધૂપમ્ ઉત્ક્ષિપ્ય પાણિના ।
ચક્રેશં પ્રાર્થયેદ્ ધીમાન્ બુદ્ધાંશ્ ચ જાનુસંસ્થિતઃ ॥ 174
ભગવન્ મઞ્જુસદ્વજ્ર વિદ્યારાજ નમો ઽસ્તુ તે ।

ઇચ્છામિ લિખિતું નાથ મણ્ડલં કરુણાત્મક ॥ 175
શિષ્યાણામ્ અનુકમ્પાયૈ યુષ્માકં પૂજનાય ચ ।
તન્ મે ભક્તસ્ય ભગવન્ પ્રસાદં કર્તુમ્ અર્હસિ ॥ 176
સમન્વાહરન્તુ માં બુદ્ધા જગચ્ચક્રક્રિયાર્થદાઃ ।
ફલસ્થા બોધિસત્ત્વાશ્ ચ યાશ્ ચાન્યા મન્ત્રદેવતાઃ ॥ 177
દેવતા લોકપાલાશ્ ચ ભૂતાઃ સમ્બોધિશાસિતાઃ ।
શાસનાભિરતાઃ સત્ત્વા યે કેચિદ્ વજ્રચક્ષુષઃ ॥ 178
અમુકો ઽહં મહાવજ્રી મઞ્જુશ્ર્યુદયમણ્ડલમ્ ।
લિખિષ્યામિ જગચ્છુદ્ધ્યૈ યથાશક્ત્યુપચારતઃ ॥ 179
અનુકમ્પામ્ ઉપાદાય સશિષ્યસ્ય તુ તન્ મમ ।
મણ્ડલે સહિતાઃ સર્વે સાંનિધ્યં કર્તુમ્ અર્હથ ॥ 180
નિમન્ત્ર્યૈવં ત્રિવારાંસ્ તાન્ કૃત્વા પૂજાદિકં વિભોઃ ।
સમારક્ષ્ય બહિર્ ગત્વા સ્વશિષ્યાન્ સ્રક્કરગ્રહાન્ ॥ 181
મનીષિણો મહોત્સાહાન્ કૃતજ્ઞનિરહઙ્કૃતાન્ ।
કુલિનો ગુણિનઃ શ્રાદ્ધાન્ રૂપવર્ણવયોન્વિતાન્ ॥ 182
અર્થિનશ્ ચાભિયુક્તાંશ્ ચ સૌગતાન્ મન્ત્રસાધને ।
વિરૂપાન્ નિર્ગુણાંશ્ ચાપિ હીનાન્ અપ્ય્ અધિવાસયેત્ ॥ 183
ચતુર્ણામ્ અપ્ય્ અનુજ્ઞાતઃ પર્ષદાં મણ્ડલે વિધિઃ ।
શિક્ષાસુ સ્વાસુ યુક્તાનાં મહાયાનરતાત્મનામ્ ॥ 184
મન્ત્રસિદ્ધ્યર્થિનઃ કેચિત્ પ્રવિશન્તીહ મણ્ડલે ।
પુણ્યકામાસ્ તતો ઽન્યે ચ પરલોકાર્થિનો ઽપરે ॥ 185
પરલોકં સમુદ્દિષ્ય શ્રદ્ધાં કૃત્વા ચ ભૂયસીમ્ ।
પ્રવિશેન્ મણ્ડલં ધીમાન્ નૈહિકમ્ ફલમ્ ઈહયેત્ ॥ 186
ઐહિકં કાઙ્ક્ષમાણસ્ય ન તથા પારલૌકિકમ્ ।
પરલોકાર્થિનઃ પુંસઃ પુષ્કલં ત્વ્ ઐહિકં ફલમ્ ॥ 187
એવમ્ ઉક્ત્વા તુ તાન્ શિષ્યાન્ ધિયા સ્વાન્તર્ નિવેશિતાન્ ।
પ્રાગ્વદ્ વજ્રાબ્જસંશુદ્ધાન્ ઇહ દ્વારે તુ યાચયેત્ ॥ 188
ત્વમ્ મે શાસ્તા મહારત
ઇચ્છામ્ય્ અહં મહાનાથ મહાબોધિનયં દૃઢમ્ ॥ 189
દેહિ મે સમયં તત્ત્વં બોધિચિત્તં ચ દેહિ મે ।
બુદ્ધં ધર્મં ચ સંઘં ચ દેહિ મે શરણત્રયમ્
પ્રવેશયસ્વ માં નાથ મહામોક્ષપુરં વરમ્ । 190
ત્રિર્ ઉચ્ચાર્ય ચ તાન્ શિષ્યાન્ જ્ઞાત્વા સદ્ભક્તિવત્સલાન્ ।
પ્રધાનં શિષ્યમ્ એકં તુ કૃત્વા બ્રૂયાદ્ ઇદં વચઃ ॥ 191
એહિ વત્સ મહાયાનં મન્ત્રચર્યાનયં વિધિમ્ ।
દેશયિષ્યામિ તે સમ્યક્ ભાજનસ્ ત્વં મહાનયે ॥ 192
બુદ્ધાસ્ ત્રિયધ્વસંભૂતાઃ કાયવાક્ચિત્તવજ્રિણઃ ।
સંપ્રાપ્તા જ્ઞાનમ્ અતુલં વજ્રમન્ત્રપ્રભાવનૈઃ ॥ 193
મન્ત્રપ્રયોગમ્ અતુલં યેન ભગ્નં મહાબલમ્ ।
મારસૈન્યં મહાઘોરં સાક્યસિંહાદિભિર્ વરૈઃ ॥ 194

લોકાનુવૃત્તિમ્ આગમ્ય ચક્રં પ્રવર્ત્ય નિર્વૃતાઃ ।
તસ્માન્ મતિમ્ ઇમાં વત્સ કુરુ સર્વજ્ઞતાપ્તયે ॥ 195
દેશનાદિંસ્ ત્રિધાલાપ્યા બોધિચિત્તં તતો ગુરુઃ ।
ઉત્પાદયેદ્ અનુત્પન્નમ્ ઉત્પન્નં સ્મારયેત્ પુનઃ ॥ 196
સર્વકર્મકૃતારક્ષ્ય ધ્યાયાદ્ ધૃત્કણ્ઠમૂર્ધસુ ।
વજ્રં અબ્જં તથા ચક્રં હૂં આઃ ઓં તેષુ વિન્યસેત્ ॥ 197
ગન્ધામ્બુવજ્રસન્મુષ્ટ્યા હૂં ઓં આઃ એવં આપઠન્ ।
હૃચ્છિરઃકણ્ઠમ્ આલભ્ય દદ્યાત્ પુષ્પાદિકં ક્રમાત્ ॥ 198
પુષ્પં મૂર્ધ્નિ પુરો ધૂપં દીપં ગન્ધં પુનર્ હૃદિ ।
દદ્યાત્ સર્વકૃતા જપ્તં શિષ્યેભ્યો યતિર્ આદરાત્ ॥ 199
દ્વાદશાઙ્ગુલપુષ્પાગ્રમ્ અકીટાપાટિતાવ્રણમ્ ।
અશ્વત્થોદુમ્બુરાવક્રં પ્રદદ્યાદ્ દન્તધાવનમ્ ॥ 200
પ્રાગુદઙ્મુખસંસ્થૈસ્ તૈઃ ખાદયિત્વૈવ પ્રક્ષિપેત્ ।
ગોચર્મમાત્રભૂલિપ્તે સિદ્ધિં શાન્ત્યાદિકાં દિશેત્ ॥ 201
આચમ્ય ત્રિચલુપાનં દત્ત્વા બાહ્યે નિવેશ્ય ચ ।
કુશાન્ શય્યોપધાનાય બાહુસૂત્રૈઃ સુરક્ષયેત્ ॥ 202
ત્રિચલુપાનમન્ત્રઃ ॥
ઓં હ્રીઃ વિશુદ્ધધર્મ સર્વપાપાનિ ચાસ્ય શોધય સર્વવિકલ્પાન્ અપનય હૂમ્ ॥
સર્વજ્ઞાનાં કદા લોકે સમ્ભવો જાયતે ન વા ।
ઉદુમ્બરસ્યેવ કુસુમં કદાચિત્ કર્હિચિદ્ ભવેત્ ॥ 203
તતો ઽપિ દુર્લભોત્પાદો મન્ત્રચર્યાનયસ્ય હિ ।
યેન સત્ત્વાર્થમ્ અતુલં કર્તું શક્તા હ્ય્ અનિર્વૃતાઃ ॥ 204
અનેકકલ્પકોટીભિર્ યત્ કૃટમ્ પાપકમ્ પુરા ।
તત્ સર્વં હિ ક્ષયં યાતિ દૃષ્ટ્વા મણ્ડલમ્ ઈદૃશં ॥ 205
કિમ્ ઉતાનન્તયશસાં મન્ત્રચર્યાનયે સ્થિતઃ ।
પદં હ્ય્ અનુત્તરં યાતિ જપન્ વૈ મન્ત્ર તાયિનામ્ ॥ 206
ઉચ્છિન્ના દુર્ગતિસ્ તેષાં સર્વદુઃખસ્ય સમ્ભવા ।
યેષાં ચર્યાવરે હ્ય્ અસ્મિન્ મતિર્ અત્યન્તનિર્મલા ॥ 207
અદ્ય યુષ્માભિર્ અતુલા લાભા લબ્ધા મહાત્મભિઃ ।
યેન યૂયં જિનૈઃ સર્વૈઃ સપુત્રૈર્ ઇહ શાસને ॥ 208
સર્વે પરિગૃહીતા સ્થ જાયમાના મહાત્મભિઃ ।
તેન યૂયં મહાયાને શ્વો જાતા હિ ભવિષ્યથ ॥ 209
એષ માર્ગવરઃ શ્રીમાન્ મહાયાનમહોદયઃ ।
યેન યૂયં ગમિષ્યન્તો ભવિષ્યથ તથાગતાઃ ॥ 210
કૃત્વાથ દેશનાં રક્ષાં સ્વાપયેત્ કુશસંસ્તરે ।
યત્ કિઞ્ચિત્ પશ્યથ સ્વપ્ને પ્રાતર્ મે કથયિષ્યથ ॥ 211
રક્ષાધિષ્ઠાદિકં કૃત્વા તજ્ જપેત્ સાર્વકર્મિકમ્ ।
પઞ્ચકુલત્રિચક્રાણાં કુણ્ડલિઃ સાર્વકર્મિકઃ ॥ 212
પૃષ્ટ્વા શુભાશુભં સ્વપ્નં હત્વા કુણ્ડલિનાશુભમ્ ।
શિષ્યાન્ સંરક્ષ્ય તાન્ યોગ્યાન્ સંવરં ગ્રાહયેત્ તતઃ ॥ 213

ચક્રે ઽવૈવર્ત્યસંસેકં દત્ત્વા નાથ વદસ્વ મે ।
ચક્રદેવતયોસ્ તત્ત્વમ્ આચાર્યપરિકર્મ ચ ॥ 214
સમયં સર્વબુદ્ધાનાં સંવરં ગુહ્યમ્ ઉત્તરમ્ ।
આચાર્યઃ સ્યામ્ અહં નિત્યં સર્વસત્ત્વાર્થકારણાત્ ॥ 215
આચાર્યતાર્થિનઃ શિષ્યાન્ ગ્રાહયિત્વા તુ સંવરમ્ ।
યોગમ્ આધાય સચ્ચક્રં સંપૂજ્ય ખે ધિયા ન્યસેત્ ॥ 216
શાશ્વતાદિસ્વરૂપાભં તદ્વર્ણબીજસંભવમ્ ।
પઞ્ચજ્ઞાનાન્વિતં સૂત્રં પઞ્ચવિંશતિભેદિતમ્ ॥ 217
યઃકારસૂર્યચન્દ્રાક્ષો મઞ્જુવજ્રાત્મવિગ્રહઃ ।
દીપ્તદૃષ્ટ્યઙ્કુશાકૃષ્તં સ્વવર્ણાન્તર્ નિવેશિતમ્ ॥ 218
વૈરોચનાદિહૃજ્જ્ઞાનસૂત્રં સર્વકૃતા સહ ।
પ્રયચ્છ શાશ્વત સૂત્રં સ્વચક્રસૂત્રણાય ચ ॥ 219
ત્રિતત્ત્વગર્ભિતં ચૈવ યાવદ્ અક્ષોભ્યમ્ અર્થયન્ ।
અન્યોન્યાનુગતાઃ સર્વધર્મા ઇત્યાદ્ય્ અનુસ્મરન્ ॥ 220
ચક્રદ્વિગુણતો દીર્ઘં દ્વારવિંશતિભાગિકમ્ ।
પઞ્ચામૃતસુગન્ધેન તેમયિત્વાપિ રક્ષિતં ॥ 221
ત્ર્યક્ષરાન્તર્ગતં યોગી ચાલયેત્ સૂત્રધારિણા ।
ત્રિર્ જ્જઃકારૈસ્ તમ્ આપ્રેષ્ય જ્જઃ જ્જઃ જ્જઃ ઇત્ય્ અપિ સ્વયં પુનઃ ॥ 222
વામમુષ્ટિગ્રહો નાભૌ પ્રતીચ્યવાગ્દિશિ સ્થિતઃ ।
ખસૂત્રં પાતયેચ્ છ્રીમાંસ્ તથૈવાધઃ પ્રસૂત્રયેત્ ॥ 223
ઓં વજ્રસમયસૂત્રં માતિક્રમ હૂં ॥
સત્ત્વાર્થે ભવતાં કાલો વિયદ્વ્યાપિતથાગતાન્ ।
ચોદયેત્ સૂત્રધ્વનિના તદ્ ઇહાગમનાય તુ ॥ 224
યક્ષપ્રેતેન્દ્રનાગેશદિઙ્મુખો ઽગ્ન્યનિલાશ્રિતઃ ।
પ્રાક્પ્રતીચ્યુત્તરાવાક્ચતુર્દિગ્બહિઃ પ્રસૂત્ર્ય ચ ॥ 225
કોણસૂત્રં સમાસૂત્ર્ય ચાગ્નેયનૈરૃતિસ્થિતઃ ।
પ્રાક્પ્રતીચ્યુત્તરાવાગ્દિક્ તથૈવાષ્ટકમણ્ડલમ્ ॥ 226
દ્વિગુણીકૃત્ય તત્ સૂત્રં ચક્રમધ્યે વિધાર્ય ચ ।
ચક્રાકારં તતો બાહ્યં વજ્રસૂત્રદ્વયં પુનઃ ॥ 227
ઐશાન્યાં ચક્રવાડં ચ સ્વાનુપૂર્વ્યા પ્રદક્ષિણાત્ ।
સૂત્રેણ સૂત્રયેત્ પ્રાજ્ઞઃ સર્વદિક્સમતાં વહન્ ॥ 228
અનિમિત્તૈર્ અસિદ્ધિઃ સ્યાત્ સૂત્રચ્છેદે ગુરોઃ ક્ષયઃ ।
હીનાભિરિક્તતો રોગા દિઙ્મોહે શિષ્યવિભ્રમઃ ॥ 229
ચતુરસ્રં ચતુર્દ્વારં ચતુસ્તોરણભૂષિતમ્ ।
ચતુઃસૂત્રસમાયુક્તં પટ્ટસ્રગ્દામભૂષિતમ્ ॥ 230
કોણભાગેષુ સર્વેષુ દ્વારનિર્યૂહસન્ધિષુ ।
ખચિતં વજ્રરત્નૈસ્ તુ સૂત્રયેદ્ બાહ્યમણ્ડલમ્ ॥ 231
તસ્યાભ્યન્તરતશ્ ચક્રમ્ અષ્ટમણ્ડલકોપમમ્ ।
અર્ધેન બાહ્યચક્રસ્ય સમન્તાત્ પરિમણ્ડલમ્ ॥ 232
ચક્રસ્તમ્ભાદ્યરચિતં વજ્રાવલ્યાવૃતં શુભમ્ ।

વિભજેચ્ ચ તતો દ્વારં હ્રીઃકારક્રોધદૃષ્ટિતઃ ॥ 233
ચક્રાષ્ટભાગિકં દ્વારં વેદિકારહિતં મતમ્ ।
દ્વારપ્રમાણા નિર્યૂહા દેવતાપટ્ટિકાસ્ તથા ॥ 234
દ્વારાર્ધા સર્વતો વેદી કપોલઃ પક્ષકસ્ તથા ।
હરાર્ધહારચન્દ્રાર્કા પટ્ટસ્રગ્દામપટ્ટિકાઃ ॥ 235
રજોભૂમિસ્ તદર્ધેન મૂલસૂત્રભુવો બહિઃ ।
ચક્રાદ્યસ્તમ્ભસૂત્રાણાં ભૂમિસ્ તુલ્યા રજોભુવા ॥ 236
તોરણં ત્રિગુણં દ્વારાત્ પતાકાઘણ્ટયાન્વિતમ્ ।
સઘણ્ટા મારુતોદ્ધૂટા પતાકા બાહ્યકોણતઃ ॥ 237
ચક્રાનુરૂપતો ઽન્યેષાં યથાશોભં પ્રકલ્પના ।
સંબુદ્ધજ્ઞાનકાયત્વાદ્ વાગ્મી વજ્રકુલે સ્મૃતઃ ॥ 238
ધર્મકાયાત્મસંશુદ્ધૌ ચિત્તમણ્ડલમ્ અસ્ય તુ ।
સત્ત્વાશયં સમાસાદ્ય માનાદિનિયમઃ કૃતઃ ।
પ્રજ્ઞોપાયોદ્ભવા સિદ્ધિર્ જાત્યાદિનિયમેન કિમ્ ॥ 239
તદ્ એકહસ્તમ્ આરભ્ય યાવદ્ ધસ્તસહસ્રકમ્ ।
એવમ્ આસૂત્ર્ય તચ્ ચક્રં દીપ્તદૃષ્ટ્યા રજાંસિ તુ ।
પ્રાક્ક્રમજ્ઞાનસદ્દીપ્ત્યા સમુત્તેજ્યાભિમન્ત્રયેત્ ॥ 240
ઓં વજ્રચિત્ર સમય હૂમ્ ॥
ધર્મધાતુર્ અયં શુદ્ધઃ સત્ત્વધાતુપ્રમોચકઃ ।
સ્વયં મઞ્જુરવો રાજા સર્વતથાગતાલયઃ ॥ 241
સર્વદોષવિનિર્મુક્તશ્ ચક્રાભ્યન્તરસંસ્થિતઃ ।
ઐશાનીં દિશમ્ આશ્રિત્ય ગુરુર્ વામેન મુષ્ટિના ॥ 242
શ્વેતં પીતં તથા રક્તં હરિતં કૃષ્ણમ્ એવ ચ ।
સમપ્રદક્ષિણાચ્છિન્નાવક્રાં રેખાં પ્રપાતયેત્ ॥ 243
સમાં ચ પાતયેદ્ રેખાં દ્વારવિંશતિભાગિકામ્ ।
સ્થૂલપાતે ભવેદ્ વ્યાધિઃ કૃશયા ધનનાશનમ્ ॥244
વિદ્વેષો વક્રયા મૃત્યુશ્ છિન્નયા ગુરુશિષ્યયોઃ ।
અપ્રદક્ષિણપાતે તુ રજસાં કીલનં ભવેત્ ॥ 245
શ્વેતવજ્રમયી સૂચી સૌવર્ણાલમ્બનાપરા ।
પદ્મરાગમયી સૂચી તથા મરકતાપરા ॥ 246
કૃષ્ણાભ્યન્તરતો જ્ઞેયા એષ રઙ્ગક્રમો ઽસ્ય તુ ।
પૂર્વેણ તુ મહાશ્વેતં દક્ષિણે પીતસંયુતમ્ ॥ 247
લોહિતં પશ્ચિમભાગં મઞ્જિષ્ઠોત્તરસંયુતમ્ ।
મધ્યતો ભૂમિભાગં તુ ઇન્દ્રનીલપ્રભાસ્વરમ્ ॥ 248
પ્રજ્ઞોપાયાત્મકો નિત્યં સંલિખેત્ સુસમાહિતઃ ।
યવમાત્રાન્તરા રેખા પાતનીય પરસ્પરમ્ ॥ 249
કુણ્ડલામૃતવજ્રેણ સર્વદુષ્ટાન્ પ્રમર્દયન્ ।
મહામુદ્રાસ્ય દમ્ષ્ટ્રોક્તા દુષ્ટશત્રુશ્ ચ મન્ત્રરાડ્ ॥ 250
નમઃ સમન્તકાયવાક્ચિત્તવજ્રાણાં નમો વજ્રક્રોધાય મહાદંષ્ટ્રોત્કટભૈરવાય અસિમુષલપર્શુપાશહસ્તાય ઓં અમૃતકુણ્ડલિ ખ 2 ખાહિ 2 તિષ્ઠ 2 બન્ધ 2 હન 2 દહ 2 ગર્જ 2 વિસ્ફોટય 2 સર્વવિઘ્નવિનાયકાન્ મહાગણપતિજીવિતાન્તકરાય હૂં ફટ્ ॥
એવં મણ્ડલમ્ આલિખ્ય ચન્દ્રસૂર્યકૃતાસનમ્ ।

મધ્યે ખડ્ગં લિખેત્ સ્યામં સુવિશુદ્ધાદિભાસ્વરમ્ ॥ 251
પૂર્વેણાષ્ટારસચ્ચક્રમ્ આદર્શાદિસમુજ્જ્વલમ્ ।
સવ્યે રત્નં હરીતાભં નવાંશં સમતોન્નતમ્ ॥ 252
પશ્ચિમે ઽષ્ટદલં પદ્મં પ્રત્યવેક્ષાદિરક્તકમ્ ।
ઉત્તરે તુ સત્ખડ્ગં કૃત્યાદિપ્રતિમણ્ડિતમ્ ॥ 253
ઉપાયૈર્ નેત્રમ્ આગ્નેય્યાં નૈરૃત્યાં વજ્રમ્ અર્થનાત્ ।
વાયવ્યાં વિકટાસ્યં તુ બલાત્ પદ્મં સકન્દકમ્ ॥ 254
ઐશાન્યામ્ ઉત્પલં જ્ઞાનાત્ પીતં નીલાભશોભનમ્ ।
આગ્નેયાદિચતુષ્કોણે પૂર્વદ્વારદ્વિપાર્શ્વયોઃ ॥ 255
દર્પણં ચ તથા વીણાં ગન્ધશઙ્ખરશાયનમ્ ।
વસ્ત્રં ધર્મોદયં ચૈવ દાનશીલાદિશોધિતમ્ ॥ 256
શ્રદ્ધાદિમુદ્ગરં દણ્ડં પદ્મં વજ્રં ચતુર્થકમ્ ।
દ્વારેષુ સર્વથા જ્ઞાત્વા સ્ફુટં ધ્યાત્વા સ્વચક્રકમ્ ॥ 257
પ્રાગ્વત્ પ્રજ્ઞાઙ્ગસંયોગાદ્ બુદ્ધાન્ સ્વાન્તર્ નિવેશ્ય ચ ।
સચ્ચિત્તેન વિયદ્ વ્યાપ્ય ચક્રપાર્શ્વકૃતાસ્પદાન્ ॥ 258
તૈઃ સમાયાતવિઘ્નાંસ્ તાન્ સમુત્સાર્યાભિરક્ષ્ય ચ ।
યમાર્યાદિભિર્ આકૃષ્યાવેશ્ય બદ્ધ્વા વશં નયેત્ ॥ 259
ચક્ષુઃકાયાદ્ય્ અધિષ્ઠાયાર્ઘાભિષેકાભિપૂજનમ્ ।
કૃત્વા સ્તુત્વાથ સંપ્રીણ્ય જપ્ત્વા વિભાવ્ય તોષયેત્ ॥ 260
પ્રાગ્વત્ સત્પદ્મભાણ્ડે તુ કૃત્વા જ્ઞાનામૃતામૃતમ્ ।
દિક્પાલાન્ સ્વસ્વયોગસ્થાન્ પ્રપૂજ્ય મણ્ડલં વિશેત્ ॥ 261
ત્રૈલોક્યવિજયો ભૂત્વા યથાપ્ત્યાભરણામ્બરઃ ।
કૃતપ્રદક્ષિણશ્ ચક્રં નત્વા હોમેન પૂરયેત્ ॥ 262
ચતુરઙ્ગુલમ્ આત્યજ્ય તન્માનાબ્જપ્રફુલ્લયા ।
વેદ્યા હસ્તાર્ધહસ્તાધશ્ ચક્રવત્ સાર્વકર્મિકમ્ ॥ 263
દૈર્ઘાદ્ ઉચ્છ્રયતઃ ખડ્ગં અષ્ટૈકાઙ્ગુલમાનકમ્ ।
કુણ્ડમધ્યે લિખેચ્ ચક્રરત્નાબ્જખડ્ગમધ્યગમ્ ॥ 264
બહિર્વેષ્ટિતવજ્રાલીં યોગી પૂર્વમુખસ્થિતઃ ।
જપ્ત્વા સર્વકૃતારક્ષ્ય વામે ઽર્ઘાદ્ય્ અન્યદ્ અન્યત્ ॥ 265
ન્યસ્યોપકરણં પ્રોક્ષ્ય મઞ્જુવજ્રાત્મયોગવાન્ ।
ક્ષીરવૃક્ષેન્ધનાદીપ્તમ્ અગ્નિં ત્ર્યક્ષરરેચિતમ્ ॥ 266
પ્રજ્વાલ્ય વ્યઞ્જનાઘાતૈઃ કુશાન્ દદ્યાત્ પ્રદક્ષિણમ્ ।
આદ્યજહૃત્સરત્ર્યશ્રાબ્જસ્થં રૂંબીજસંભવમ્ ॥ 267
ધ્યાત્વા પીતં ત્રિવક્ત્રં તુ પીનં પ્રજ્ઞાન્ગસઙ્ગિનમ્ ।
કુણ્ડિકાભયદણ્ડાક્ષમાલાકરમ્ ઇહાનલમ્ ॥ 268
આવાહ્ય જ્ઞાનસદ્વહ્નિં પ્રાગ્વત્ ત્રિતત્ત્વટક્કિના ।
અભ્યુક્ષણાદિકં તસ્ય કૃત્વાસનનિવેશનમ્॥ 269
સ્રુક્સ્રુવે હસ્તદણ્ડાધો વજ્રરત્ને તદૂર્ધ્વતઃ ।
ચતુરસ્રાઙ્ગુલા પાત્રી દ્વ્યઙ્ગુલખાતવજ્રધા ॥ 270
ચતુરઙ્ગુલવજ્રાન્તર્ અન્તે પદ્મદલાકૃતિઃ ।

અન્તર્ વજ્રાઙ્ગુલં ખાતં દ્વ્યઙ્ગુલાબ્જદલં સ્રુવમ્ ॥ 271
ધ્યાત્વા સ્વદૈવતં બીજં પ્રદીપ્તં સ્રુક્સ્રુવાનને ।
દદ્યાત્ પૂર્ણાહુતિં તસ્મૈ રેફં વિન્યસ્ય તન્મુખે ॥ 272
જુહ્વીત સમિધો ધન્યાઃ સમિદ્ધે ઽગ્નૌ ઘૃતં તિલાન્ ।
દૂર્વાખણ્દં તુ દધ્યન્નં કુશાન્ વિધિક્રમાદ્ અતઃ ॥ 273
તથતાજ્ઞાનસદ્વહ્નેર્ હૃચ્ચન્દ્રે મં-ભવાધિપમ્ ।
સચ્ચક્રં જુહુયાદ્ ધ્યાત્વા બાહ્યપૂજાદિ પૂર્વકમ્ ॥ 274
ઓં અગ્નયે સ્વાહા ॥ ઘૃતસ્ય ॥
ઓં સર્વપાપદહનવજ્રાય સર્વપાપં દહ સ્વાહા ॥ તિલાનામ્ ॥
ઓં વજ્રાયુષે સ્વાહા ॥ દૂર્વાયાઃ ॥
ઓં વજ્રપુષ્ટયે સ્વાહા ॥ અખણ્ડતણ્ડુલાનામ્ ॥
ઓં સર્વસમ્પદે સ્વાહા ॥ દધ્યન્નસ્ય ॥
ઓં અપ્રતિહતવજ્રાય સ્વાહા ॥ કુશાનામ્ ॥
પુષ્ટિશાન્તિવશાકર્ષે દ્વેષોચ્ચાટાભિચારુકે ॥
ઓં સ્વાહા હોઃ જઃ હું હૂં ફટ્ મન્ત્રાન્તે ચાપિ ચોદના ॥275
હૃત્સત્ત્વાત્ સ્વાધિપાત્ સર્વાઃ પ્રીણ્યન્તે દેવતા ઇતિ ।
ધ્યાયંશ્ ચન્દ્રાદિકૈર્ અન્યૈર્ દ્રવ્યૈઃ સંતર્પ્ય પૂર્વવત્ ॥ 276
હૃચ્ચન્દ્રચક્રસજ્જિહ્વમ્ અન્તે પૂર્ણાહુતિં તથા ।
અભ્યુક્ષ્ય ચમનાર્ઘં દત્ત્વાપૂજ્ય સ્તુત્વા વિસર્જયેત્ ॥ 277
શેષં હવ્યં સ્વયોગાત્મા વહ્નૌ હુત્વાથ તં તથા ।
વિસર્જ્ય પ્રાગ્વિધાનેન ચક્રમ્ આપૂજ્ય સંવિશેત્ ॥ 278
શિષ્યપ્રવેશવિધિના પ્રવિશ્યાદૌ સ્વયં કૃતી ।
નિષ્પાદ્ય સેકપર્યન્તં પ્રાપ્યાનુજ્ઞાં કુલાધિપાત્ ॥ 279
મહારાગોદ્ભવં તત્ત્વં ચક્રં ચ પ્રતિબિમ્બવત્ ।
પુરે શિષ્યપ્રવેશાર્થં તત્ત્વં સત્યં ચ શ્રાવયેત્ ॥ 280
આકાશોત્પાદચિહ્નત્વાદ્ અનાદિનિધનઃ પરઃ ।
મહાવજ્રમયઃ સત્ત્વો મઞ્જુવજ્રાદ્ય સિદ્ધ મે ॥ 281
સર્વોત્તમમહાસિદ્ધિ માહૈશ્વર્યાધિદૈવત ।
સર્વવજ્રધરો રાજા સિદ્ધ મે પરમાક્ષર ॥ 282
નિર્દોષઃ શાશ્વતશ્ ચાસિ સર્વરાગાનુરાગણ ।
તત્ત્વેન સિદ્ધ મે ભગવન્ મહારાગો મહારત ॥ 283
અત્યન્તશુદ્ધ સર્વાગ્ર આદિમુક્તસ્ તથાગતઃ ।
સમન્તભદ્ર સર્વાત્મા બોધિસત્ત્વ પ્રસિદ્ધ મે ॥ 284
સર્વોત્તમમહાસિદ્ધિ માહૈશ્વર્યાગ્રમુદ્રયા ।
સિદ્ધ વજ્ર મહોત્કર્ષાત્ વજ્રગર્વાપતે મમ ॥ 285
સર્વસત્ત્વમનોવ્યાપી સર્વસત્ત્વહૃદીસ્થિતઃ ।
સર્વસત્ત્વપિતા ચૈવ કામો ઽગ્ર્યઃ સમયાગ્રિણાં ॥ 286
યેન સત્યેન સજ્જ્ઞાનં પ્રજ્ઞોપાયાત્મમણ્ડલં ।
તેન સત્યેન મે નાથ કામાંસ્ ત્વં પરિપૂરય ॥ 287
પ્રતિબિમ્બસમા ધર્મા અચ્છાઃ શુદ્ધા હ્ય્ અનાવિલાઃ ।

અગ્રાહ્યા અનભિલાપ્યાશ્ ચ હેતુકર્મસમુદ્ભવાઃ ॥ 288
તથતાતત્ત્વનિર્યાતા ઇતિ સત્યેન મણ્ડલે ।
પ્રતિબિમ્બં સ્ફુટં શિષ્યાઃ સર્વે પશ્યન્ત્વ્ અકલ્મષાઃ ॥ 289
સામાન્યસંવરં શિષ્યં પ્રાગ્વત્ કાયાદિભાસ્વરં ।
જમનીકાન્તરં પ્રોક્ત સર્વકૃત્કલશામ્ભસા ॥ 290
રક્તામ્બરં તદાસ્યં ચ પૃચ્છેત્ કસ્ ત્વમ્ ઇતિ પ્રિય ।
શિષ્યેણાપિ તતો વાચ્યં સુભગો ઽહમ્ ઇતિ પ્રિય ॥ 291
સંપૂજ્ય સ્રક્કરં દ્વારિ તથૈવાદત્તદક્ષિણમ્ ।
યોગચિત્તં સમુત્પાદ્ય હૃદિ વજ્રં હૃદા ન્યસેત્ ॥ 292
મન્ત્રઃ ॥
ઓં સર્વયોગચિત્તમ્ ઉત્પાદયામિ સુરતે સમયસ્ ત્વં હોઃ સિધ્ય વજ્ર યથાસુખં ।
અદ્ય ત્વં સર્વતથાગતાધિષ્ઠિતો ભવિષ્યસિ ।
ન ચ ત્વયેદમ્ સર્વતથાગતપરમરહસ્યમ્ અમણ્ડલપ્રવિષ્ટાય વક્તવ્યં ન ચાશ્રદ્ધાતવ્યમ્ ઇતિ વાચ્યં ॥
યમાર્યાદિસ્વસન્મન્ત્રૈઃ સમાકૃષ્ય પ્રવેશ્ય ચ ।
પઞ્ચાક્ષરૈર્ અથાપ્ય્ એવં વાચ્યં સત્સંવરગ્રહે ॥ 293
અદ્ય ત્વં સર્વતથાગતકુલે પ્રવિષ્ટઃ । તદ્ અહં તે વજ્રજ્ઞાનમ્ ઉત્પાદયામિ યેન જ્ઞાનેન ત્વં સર્વતથાગતસિદ્ધીર્ અપિ પ્રાપ્સ્યસિ કિમ્ ઉતાન્યાઃ સિદ્ધીઃ । ન ચ ત્વયાદૃષ્ટમણ્ડલસ્ય પુરતો વક્તવ્યં । મા તે સમયો વ્યથેદ્ ઇતિ તદ્ ધૃદિ વજ્રમ્ આસ્થાપ્ય ।
ઓં વજ્રસત્ત્વઃ સ્વયં તે ઽદ્ય હૃદયે સમવસ્થિતઃ ।
નિર્ભિદ્ય તત્ક્ષણં યાયાદ્ યદિ બ્રૂયા ઇમં નયમ્ । 294
પદ્મસ્થં ત્ર્યક્ષરોજ્જ્વલં પાયયેદ્ અમૃતં પઞ્ચ ॥
ઇદં તે નારકં વારિ સમયાતિક્રમાદ્ દહેત્ ।
સમયરક્ષણાત્ સિદ્ધિઃ પિબ વજ્રામૃતોદકમ્ ॥ 295
ઓં વજ્રોદક ઠઃ ॥
દૃઢપ્રતિજ્ઞમ્ ઇદં વદેત્ ॥
અદ્ય પ્રભૃતિ તવાહં વજ્રપાણિર્ યદ્ અહં બ્રૂયામ્ ઇદં કુરુ તત્ ત્વયા કર્તવ્યં ન ચાહમ્ અવમન્તવ્યો મા તે વિષમાપરિહારેણ કાલક્રિયાં કૃત્વા નરકપતનં સ્યાત્ ।
બ્રૂયાદ્ બ્રૂહિ તતઃ શિષ્યાન્
સર્વતથાગતાશ્ ચાધિતિષ્ઠન્તામ્ વજ્રસત્ત્વો મે આવિશતુ ।
વાચયિત્વા ચ તદ્ ધૃદિ ।
વજ્રાઙ્કકોણમાહેન્દ્રે હૂં ધ્યાયાત્ પીત-લં-ભવે ।
વારુણં વં-ભવં શુક્લં ઘટાઙ્કં પરિમણ્ડલમ્ ॥ 296
નીલધ્વજાઙ્કધન્વાભં વાયવ્યં યં-ભવં ચલમ્ ।
કાયે વાચિ તયોર્ હઃ આઃ પાદાધો ઝૈઃ સમુજ્જ્વલં ॥ 297
વાયવ્યે રં-ભવ ત્ર્યસ્રેણોદ્દીપ્ય શિષ્યમ્ આવિશેત્ ॥ 298
આવેશય સ્તોભય ર ર ર ર ચાલય 2 હૂં હઃ આઃ ઝૈઃ ॥
જિહ્વાયાં રક્તમ્ આઃ-કારં ધ્યાત્વાવિષ્ટં પુનર્ વદેત્ ।
રાગવજ્રં તમ્ આભુજ્ય બ્રૂહિ વજ્ર શુભાશુભમ્ ॥ 299
તમ્ આવેશં દૃધીકુર્વન્ તિષ્ઠ વજ્રેતિ તં લપેત્ ।
પ્રક્ષેપયેત્ સ્રજં ચક્રે
પ્રતીચ્છ વજ્ર હોઃ ॥
તાં શિરસિ બન્ધયેત્ ॥ 300
પ્રતિઘૃહ્ણ ત્વમ્ ઇમં સત્ત્વં મહાબલ ॥

ચિહ્ને ચિહ્નસમીપે વા સ્રક્પ્રપન્નાપ્રપન્નયોઃ ।
પતેદ્ રુચ્યાપિ તદ્યોગં દદ્યાદ્ ભવ્યતયાથ વા ॥ 301
સજ્વાલં પ્રણવં નેત્રે ધ્યત્વા ।
ઓં વજ્રસત્ત્વ સ્વયં તે ઽદ્ય ચક્ષૂદ્ઘાટનતત્પરઃ ।
ઉદ્ઘાટયતિ સર્વાક્ષો વજ્રચક્ષુર્ અનુત્તરમ્ ॥ 302
ધ્યાત્વા ચક્રં પ્રદર્શયેત્ ।
ચક્રાધિપં સમારભ્ય યાવદ્ અમૃતકુણ્ડલિમ્ ।
સેચયેદ્ અમ્બુના મૂર્ધ્નિ વજ્રાભિસિઞ્ચ વાગ્બ્રુવન્ ॥ 303
સેચયેન્ મૌલિના પ્રાગ્વદ્ દત્ત્વા ચાધિપદૈવતં ।
હૃદિ સંગ્રાહ્ય તદ્ વજ્રં વજ્રેણાપ્ય્ અભિષેચયેત્ ॥ 304
અદ્યાભિષિક્તસ્ ત્વમ્ અસિ બુદ્ધૈર્ વજ્રાભિષેકતઃ ।
ઇદં તત્ સર્વબુદ્ધત્વં ગૃહ્ણ વજ્રં સુસિદ્ધયે ॥ 305
આલિઙ્ગ્ય વજ્રઘણ્ટાભ્યાં સ્વાધિપાત્ ।
ઓં વજ્રાધિપતિ ત્વામ્ અભિષિઞ્ચામિ તિષ્ઠ વજ્ર સમયસ્ ત્વં ॥
મૂર્ધ્નિ નામતઃ ॥
ઓં વજ્રસત્ત્વ ત્વામ્ અભિષિઞ્ચામિ વજ્રનામાભિષેકતઃ ॥ હે અમુકવજ્ર ॥
યદ્ યદ્ ભાતિ સ્વસર્વસ્વં મુખ્યં તન્ મઞ્જુરાટ્ સ્વયં ।
ધર્માઃ શુદ્ધાઃ પ્રકૃત્યા યદ્ બુદ્ધજ્ઞાનચયઃ સ હિ ॥ 306
સ્વસ્યૈવ ચક્રવર્તિત્વે શ્રીધ્વનિર્ નામ્ન આદિતઃ ।
સર્વે સર્વાધિપત્યાત્ તુ વજ્રાન્તા હે-નિયોજિતાઃ ॥ 307
અબ્ધાતુશુદ્ધિર્ અક્ષોભ્યો મકુટઃ સમતાત્મકઃ ।
વજ્રં સત્પ્રત્યવેક્ષાત્માધિપઃ કૃત્યકરો ઽર્થદઃ ॥ 308
જ્ઞાનં વિદ્યાત્ર વજ્રં સ્યાદ્ ધાતુર્ ગોત્રં વશી હ્ય્ અતઃ ।
વ્રતવ્યાકરણાશ્વાસા વિદ્યાસેકે ઽપિ નામ્ન્ય્ મી ॥ 309
ઇદં તત્ સર્વબુદ્ધત્વં વજ્રસત્ત્વકરે સ્થિતમ્ ।
ત્વયાપિ હિ સદા ધાર્યં વજ્ર્પાણિદૃઢવ્રતમ્ ॥ 310
ઓં સર્વતથાગતસિદ્ધિવજ્રસમયે તિષ્ઠ એષ ત્વાં ધારયામિ હીઃ હિ હિ હિ હિ હૂં ॥
સર્વાન્ વજ્રવ્રતં દત્ત્વા વજ્રં તત્ત્વેન ગ્રાહયેત્ ।
અનાદિનિધનઃ સત્ત્વો વજ્રસત્ત્વો મહારતઃ ।
સમન્તભદ્ર સર્વાત્મા વજ્રગર્વાપતિઃ પતિઃ । 311
ઘણ્ટાં તત્ત્વેન સંગ્રાહ્ય
ઇયં સા સર્વબુદ્ધાનાં પ્રજ્ઞાઘોષાનુગા સ્મૃતા ।
ત્વયાપિ હિ સદા ધાર્યા બોધિર્ અગ્રા જિનૈર્ મતા । 312
તાં તદ્ધર્મેણ વાદયેત્ ॥ 313
સ્વભાવશુદ્ધો હિ ભવઃ સ્વભાવૈર્ વિભવીકૃતઃ ।
સ્વભાવશુદ્ધૈઃ સત્સત્ત્વૈઃ ક્રિયતે પરમો ભવઃ ॥ 314
અધિષ્ઠાય મહામુદ્રાં હૃદ્ભિઃ સેવાદિકીર્તિતૈઃ ।
સમયૈઃ કામરૂપાદ્યૈર્ જપેન્ મન્ત્રમ્ અવ્યઙ્ગતઃ ॥ 315
સ્વસંવેદ્યસ્વભાવૈસ્ તૈઃ સર્વદિક્ત્ર્યધ્વસંસ્થિતૈઃ ।
સ્વાધિદૈવતયોગેન સ્વં પરાંશ્ ચૈવ પૂજયેત્ ॥ 316

દુષ્કરૈર્ નિયમૈસ્ તૈર્ યત્ સેવ્યમાનૈર્ ન સિદ્ધયઃ ।
સિધ્યન્તે ઽન્તર્ધ્યભિજ્ઞાખચારિવાક્ચિત્તકાયજાઃ ॥ 317
તસ્માદ્ બુદ્ધાશ્ ચ સત્સત્ત્વા મન્ત્રચર્યાગ્રચારિણઃ ।
પ્રાપ્તા ધર્માક્ષરં શ્રેષ્ઠં સર્વકામોપસેવનૈઃ ॥ 318
સેવયન્ કામગુણાન્ પઞ્ચ સુખદુઃખોભયાત્મકાન્ ।
જ્ઞાનાર્થી રાગિણાં યોગાત્ સાધયેત્ સર્વમ્ એવ હિ ॥ 319
કાયવાક્ચિત્તસંસિદ્ધેર્ યાશ્ ચાન્યા હીનજાઃ સ્મૃતાઃ ।
સિધ્યન્તે મન્ત્રજાપાત્ તુ કાયવાક્ચિત્તભાવનૈઃ ॥ 320
યદુક્તં
વજ્રં તત્ત્વેન સંગૃહ્ય ઘણ્ટાં ધર્મેણ વાદ્ય ચ ।
સમયેન મહામુદ્રામ્ અધિષ્ઠાય હૃદા જપેદ્ ઇતિ ॥ 321
તત્ પ્રત્યુક્તમ્ ॥
ગૃહીતસમ્વરં શિષ્યં તથૈવાદત્તદક્ષિણમ્ ।
યાચયેદ્ અભિષેકાય પ્રણમ્યૈવં તુ ગાથયા ॥ 322
બોધિવજ્રેણ બુદ્ધાનાં યથા દત્તો મહામહઃ ।
મમાપિ ત્રાણનાર્થાય ખવજ્રાદ્ય દદાહિ મે ॥ 323
પ્રવેશદ્વારપીઠસ્થાષ્ટદલાબ્જેષ્ટયોગિનમ્ ।
સર્વદિક્ત્ર્યધ્વખવ્યાપિબુદ્ધચક્રૈઃ સ્વહૃદ્ભવૈઃ ॥ 324
વાદ્યગન્ધાદ્યુપેતૈસ્ તૈઃ પ્રાગ્વદ્ વિદ્યાભિષેકિણમ્ ।
મહાવજ્રાભિષેકેણ સેચયેદ્ ઇતિ ગાથયા ॥ 325
અભિષેકં મહાવજ્રં ત્રૈધાતુકનમસ્કૃતમ્ ।
દદામિ સર્વબુદ્ધાનાં ત્રિગુહ્યાલયસંભવમ્ ॥ 326
દત્ત્વાવિવર્ત્યસંસેકં ચક્રતત્ત્વં તુ દર્શયેત્ ।
ચતુરસ્રમ્ અવૈષમ્યાદ્ બુદ્ધાબુદ્ધસમત્વતઃ ॥ 327
કાયવાક્ચિત્તધર્માણાં નાનૈકત્વાદ્યયોગતઃ ।
તત્સ્મૃતિસ્ તત્ર યા શ્રદ્ધા પ્રાગ્દ્વારં બોધયે મતમ્ ॥ 328
ભૂતભાવિવિપર્યાસહાન્યનુત્પત્તયે તતઃ ।
અભૂતોત્પન્નતથ્યસ્ય ચોત્પત્તિસ્થિતયે પુનઃ ॥ 329
અર્વાગ્દ્વારં ચતુર્વીર્યં છન્દોત્સાહસ્થિતિર્ મતિઃ ।
પશ્ચિમં ઋદ્ધિપાદાસ્ તુ દ્વારં તત્સ્મૃતિર્ અત્ર તુ ॥ 330
શ્રદ્ધાવીર્યસ્મૃતિધ્યાનપ્રજ્ઞેન્દ્રિયબલાતુલમ્ ।
સમાધિર્ ઉત્તરં ત્વ્ એવં ચતુર્દ્વારં સ્મૃતીન્દ્રિયૈઃ ॥ 331
પ્રથમાદિચતુર્ધ્યાનૈશ્ ચતુસ્તોરણવદ્ ભવેત્ ।
શૂરઙ્ગમખગઞ્જાદિસમાધિર્ વેદિકાઃ સ્મૃતાઃ ॥ 332
વેદ્યાં પૂજાકરવ્યગ્રગ્રન્થાદિધારિણીચયઃ ।
યચ્ ચિત્રાભરણં તસ્માત્ સર્વાશાપરિપૂરણમ્ ॥ 333
વિનયોદ્ધૂતસદ્ધર્મનવાઙ્ગરવસર્વગમ્ ।
મારુતોદ્ધૂતવિશ્વાગ્રપતાકાઘણ્ટનાદિતમ્ ॥ 334
જ્ઞાનેષ્વ્ આદર્શબોધ્યઙ્ગૈઃ સર્વદિક્ષુ પ્રભાસ્વરૈઃ ।
હારાર્ધહારચન્દ્રાર્કાદર્શસ્રક્ચામરોજ્જ્વલમ્ ॥ 335

ચક્રરત્નાદિસત્સ્તમ્ભૈર્ વિમોક્ષાષ્તકશોધિતૈઃ ।
તસ્યાભ્યન્તરતશ્ ચક્રમ્ અષ્તમણ્ડલકોપમમ્ ॥ 336
સર્વદિક્ત્ર્યધ્વસમ્બુદ્ધવજ્રયાનપ્રવર્તનાત્ ।
વજ્રસૂત્રપરિક્ષિપ્તં સમન્તાત્ પરિમણ્ડલમ્ ॥ 337
રઙ્ગાણિ પઞ્ચસંબુદ્ધાસ્ તજ્જ્ઞાનૈઃ સત્ત્વરઞ્જનાત્ ।
ઇન્દ્રિયાર્થાદિસંશુદ્ધ્યા સ્વલક્ષણવિવેકતઃ ॥ 338
પ્રાગ્ યજ્ જ્ઞાનામૃતં પીતં વજ્રિણાં કલશં તુ તત્ ।
સંભારપૂરિનિષ્યન્દઃ પૂર્ણકુમ્ભઃ કૃપાર્દ્રતઃ ॥ 339
પુષ્પધૂપમહાદીપગન્ધાખ્યં યચ્ ચ મણ્ડલે ।
બોધ્યઙ્ગસુમનોહ્લાદિધર્મોલ્કા યશસાં ચયઃ ॥ 340
ધર્માહારસ્ તુ નૈવેદ્યં હ્રીર્ અપત્રાપ્યસંવરં ।
સુગીતનૃત્યવાદિત્રમહાસુખવિવર્ધનમ્ ॥ 341
પુરં મોક્ષપુરત્વાચ્ ચ મણ્ડલં સારસંગ્રહાત્ ।
ચક્રતત્ત્વં સમાદર્શ્ય દેવતાતત્ત્વમ્ આદિશેત્ ॥ 342
શ્રદ્ધાવીર્યસ્મૃતિધ્યાનશુદ્ધ્યા સદ્દ્વારિરૂપકમ્ ।
કાયાદૌ યોગધૃક્ ચિત્તં પ્રજ્ઞાશુદ્ધ્યા સુનિર્મલમ્ ॥ 343
દાનાદિષડ્બહિઃશુદ્ધ્યા રૂપવજ્રાદિભાવધૃક્ ।
ભૂપાયાદ્યનિમિત્તત્વાલ્ લોચનાદિસ્વભાવકમ્ ॥ 344
અર્થસત્ત્વાત્મસંકલ્પપ્રવૃત્તિજ્ઞાનશુદ્ધિતઃ ।
આદર્શાદિક્ષયજ્ઞાનં સર્વબુદ્ધસ્વરૂપકમ્ ॥ 345
જ્ઞાનાનુત્પાદયોગેન ચક્રેશાકારભાસ્વરમ્ ।
રૂપાદિભ્રમસંશુદ્ધ્યા સ્કન્ધાયતનધાતુકમ્ ॥ 346
માત્સર્યાદિપરાવૃત્તેઃ પરમાભૂષુ સુસ્થિરં ।
સ્વવિપક્ષપરાવૃત્ત્યા બલાદ્યવિકલામલમ્ ॥ 347
અવિકલ્પાત્ તુ ગામ્ભીર્યમ્ ઔદાર્યં સ્વપરોદયાત્ ।
ગામ્ભીર્યૌદાર્યતશ્ ચેતઃ પ્રજ્ઞોપાયાત્મકં મતમ્ ॥ 348
પ્રત્યાત્મવેદ્યધર્મત્વાદ્ ભેદાભેદાદ્યસંસ્થિતમ્ ।
એવં પ્રપઞ્ચિતે ભ્રાન્તિફલાઃ પારમીતાદયઃ ॥ 349
સમયાગ્ર્યા તતો યોગં રૂપાબ્દગુણયુક્તયા ।
કૃત્વાચાર્યો ઽત્ર સંવિશ્ય જ્ઞાનાવેશં પ્રકલ્પયેત્ ॥ 350
વજ્રેણ પદ્મમ્ આસ્ફોટ્ય બુદ્ધાન્ સ્વાન્તર્ નિવેશ્ય ચ ।
સ્થિરીકૃત્ય ચ પદ્મસ્થાન્ પ્રાપ્યાનુજ્ઞાં કુલાધિપાત્ ॥ 351
સ્વનામોચ્ચાર્ય વજ્રાત્મા સ્ફરયેચ્ ચક્રયોગતઃ ।
વજ્રાબ્જધ્વનિભિર્ બુદ્ધાન્ આનીય ચક્રપાર્શ્વતઃ ॥ 352
વિઘ્નાન્ ઉત્સાર્ય સંરક્ષ્ય દત્ત્વાર્ઘં પ્રતિપૂજ્ય ચ ।
સંસ્તુત્ય દ્વારિભિર્ દ્વારકર્મ કૃત્વાત્ર સાધયેત્ ॥ 353
ચક્ષુઃકાયાદ્યધિષ્ઠાનસેકપૂજાદિકલ્પિતે ।
વિજ્ઞાપયેત્ સર્વસત્ત્વાર્થં કુરુધ્વં સર્વસિદ્ધયે ॥ 354
ચક્રં સંલિખ્ય સમ્યક્ પ્રાક્ પ્રતિષ્ઠાયાં ત્વ્ અયં વિધિઃ ।
પ્રતિમાપુસ્તકાદીનાં પૌરુષાન્તસ્ તુ સેકતઃ ॥ 355

સકલાર્ઘવિતાનાદિ રક્ષાહોમાદિ યત્ સ્મૃતમ્ ।
ત્રિપઞ્ચાક્ષરસન્મન્ત્રૈર્ મન્ત્રૈર્ વા પ્રાક્ સમુદ્ધૃતૈઃ ॥ 356
કારયિત્વા બહિઃ સ્નાનં ચક્રવર્તીવ તત્ સ્વયમ્ ।
ઉત્તમં તત્ત્વમ્ એતદ્ ધિ પ્રજ્ઞોપાયાત્મકં તુ યત્ ॥ 357
જલમૌલી તુ નિષ્યન્દઃ પાકો વજ્રાધિપાઃવકાઃ ।
સંબુદ્ધૈઃ પૌરુષઃ સેકો વૈમલ્યો ગુહ્યયોગતઃ ॥ 358
તતો રૂપાદિસમ્પન્નાં સ્વભ્યસ્તચક્રયોગિનીમ્ ।
સમયસંવરસ્થાં તાં ચક્રે મુદ્રામ્ અધિષ્ઠ્ય ચ ॥ 359
મુનીન્દ્રવૃન્દં વજ્રાન્તઃ સમાવેશ્ય ચ સત્સુખમ્ ।
પ્રપીડ્યાનામજ્યેષ્ઠાભ્યાં શિષ્યવક્ત્રે પ્રપાતયેત્ ॥ 360
શિષ્યો દૃઢમતિઃ સર્વં પિબેત્ વૈરોચનાત્મના ।
સ ભવેદ્ વિશ્વવદ્ વિશ્વો ઽત્રાહો સુખેતિ વાગ્ બ્રુવન્ ॥ 361
પ્રજ્ઞાસંપર્કતઃ શ્રીમાન્ તત્ત્વં સમુપલક્ષયેત્ ।
ઇયં તે ધારણી રમ્યા સેવ્યા બુદ્ધૈઃ પ્રકલ્પિતા ॥ 362
ચક્રક્રમપ્રયોગેણ સમાસ્વાદય સત્સુખમ્ ।
વજ્રપર્યઙ્કતશ્ ચિત્તં મણ્યન્તર્ગતમ્ ઈક્ષયન્ ॥ 363
મણ્ડલં દેવતાતત્ત્વમ્ આચાર્યપરિકર્મ ચ ।
સંકથ્ય ગુહ્યપ્રજ્ઞાભ્યાં સિક્ત્વા તત્ત્વં સમુદ્દિશેત્ ॥ 364
યદ્ આહ ॥
ન તથા બોધિચર્યાદ્યૈર્ અન્યૈર્ વાપિ ન યૈઃ શુભૈઃ ।
પ્રાપ્યન્તે સર્વબુદ્ધાદ્યા યથાભિષેકાદ્ ઇતો નયાત્ ॥ 365
સમયં રક્ષયેદ્ ભર્તુઃ સંવરં પાલયેત્ સદા ।
પઞ્ચમાંસામૃતં ભક્ષ્યં રક્ષો ઽન્યઃ સમયો ઽપ્ય્ અતઃ ॥ 366
રત્નઘ્નઘાતસર્વસ્ત્રીપરસ્વાદાનં વાઙ્ મૃષા ।
એતદ્ ધિ વિધિવત્ રક્ષ્યં યોગતન્ત્રે ચ યત્ સ્મૃતમ્ ॥ 367
તતસ્ તથાગતો ભૂત્વા વ્યાકુર્યાદ્ ઉદ્ગતયાનયા ।
હૃન્મુષ્ટિચીવરા વામા દક્ષિણા તુ વરપ્રદા ॥ 368
ઓં એસાહં વ્યાકરોમિ ત્વાં વજ્રસત્ત્વસ્ તથાગતઃ ।
ભવદુર્ગતિતોદ્ધૃત્ય અત્યન્તભવસિદ્ધયે ॥ 369
હે વજ્રનામ તથાગત સિદ્ધયે ભૂર્ ભૂવઃ સ્વઃ ॥
વ્યાક્રિયતે ઽનયા યસ્ તુ મન્ત્રી સર્વજગત્પતિઃ ।
બોધાવ્ અનુત્તરાયાં હિ વ્યાકુર્યાત્ સુગતૈર્ અપિ ॥ 370
યથા યથા હિ વિનયં સત્ત્વા યાન્તિ સ્વભાવતઃ ।
તથા તથા હિ સત્ત્વાર્થમ્ કુર્યાદ્ રાગાદિભિઃ શુચિઃ ॥ 371
પ્રતિદિનં ચતુઃસન્ધ્યં સમાધિત્રયયોગવાન્ ।
ભૂત્વા સાધય સંસિદ્ધિં સામાન્યેતરભાવનીમ્ ॥ 372
અન્તર્ધિર્ ધાતુસાહસ્રે દ્વિસાહસ્રેષ્વ્ અભિજ્ઞકઃ ।
વિદ્યાધરસ્ ત્રિસાહસ્રે વજ્રી સર્વજગત્પતિઃ ॥ 373
શાન્તિપુષ્ટ્યાદિ યત્ કર્મ તદન્યદ્ વા યદ્ ઈપ્સિતમ્ ।
ચક્રાનુરાગયોગેન સાધયન્ સિધ્યતે લઘુ ॥ 374