ગોદાવરીસ્તોત્રમ્ · અધ્યાય 1

॥ ગોદાવરીસ્તોત્રમ્ ॥
યા સ્નાનમાત્રાય નરાય ગોદા ગોદાનપુણ્યાધિદૃશિઃ કુગોદા॥
ગોદાસરૈદા ભુવિ સૌભગોદા ગોદાવરી સાઽવતુ નઃ સુગોદા

યા ગૌપવસ્તેર્મુનિના હૃતાઽત્ર યા ગૌતમેન પ્રથિતા તતોઽત્ર॥
યા ગૌતમીત્યર્થનરાશ્વગોદા ગોદાવરી સાઽવતુ નઃ સુગોદા

વિનિર્ગતા ત્ર્યંબકમસ્તકાદ્યા સ્નાતું સમાયાન્તિ યતોઽપિ કાદ્યા॥
કાઽઽદ્યાધુની દૃત્સતતપ્રમોદા ગોદાવરી સાઽવતુ નઃ સુગોદા

ગઙ્ગોદ્ગતિં રાતિ મૃતાય રેવા તપઃફલં દાનફલં તથૈવ॥
વરં કુરુક્ષેત્રમપિ ત્રયં યા ગોદાવરી સાઽવતુ નઃ સુગોદા

સિંહે સ્થિતે વાગધિપે પુરોધઃ સિંહે સમાયાન્ત્યખિલાનિ યત્ર॥
તીર્થાનિ નષ્ટાખિલલોકખેદા ગોદાવરી સાઽવતુ નઃ સુગોદા

યદૂર્ધ્વરેતોમુનિવર્ગલભ્યં તદ્યત્તટસ્થૈરપિ ધામ લભ્યમ્॥
અભ્યન્તરક્ષાલનપાટવોદા ગોદાવરી સાઽવતુ નઃ સુગોદા

યસ્યાઃ સુધાસ્પર્ધિ પયઃ પિબન્તિ ન તે પુનર્માતૃપયઃ પિબન્તિ॥
યસ્યાઃ પિબન્તોઽમ્બ્વમૃતં હસન્તિ ગોદાવરી સાઽવતુ નઃ સુગોદા

સૌભાગ્યદા ભારતવર્ષધાત્રી સૌભાગ્યભૂતા જગતો વિધાત્રી॥
ધાત્રી પ્રબોધસ્ય મહામહોદા ગોદાવરી સાઽવતુ નઃ સુગોદા

સમાપ્લુતા મયા સા યા સિષેવે પૂર્વસાગરમ્॥
સપ્તવક્ત્રૈસ્તપઃ કૃષ્ણસપ્તમ્યાં સતિ વાસરે

સપ્તસુપ્તેરસુપ્તા સા ગુપ્તા સાગરમધ્યતઃ॥
ગોદાવરી વરીવર્તિ ન નિદ્રાતિ કદાચન

॥ ઇતિ શ્રી પ. પ. શ્રીવાસુદેવાનન્દસરસ્વતીવિરચિતં ગોદાવરીસ્તોત્રં સંપૂર્ણમ્ ॥