ગીતાર્થસંગ્રહ · શ્લોક 21-32

અશાસ્ત્રમ્ આસુરં કૃત્સ્નમ્ શાસ્ત્રીયં ગુણતઃ પૃથક્ ।
લક્ષણં શાસ્ત્રસિદ્ધસ્ય ત્રિધા સપ્તદશોદિતમ્ ॥

ઈશ્વરે કર્તૃતાબુદ્ધિઃ સત્ત્વોપાદેયતાન્તિમે ।
સ્વકર્મપરિણામશ્ ચ શાસ્ત્રસારાર્થ ઉચ્યતે ॥

કર્મયોગસ્ તપસ્તીર્થદાનયજ્ઞાદિસેવનમ્ ।
જ્ઞાનયોગો જિતસ્વાન્તૈઃ પરિશુદ્ધાત્મનિ સ્થિતિઃ ॥

ભક્તિયોગઃ પરાઇકાન્ત્યપ્રીત્યા ધ્યાનાદિષુ સ્થિતિઃ ।
ત્રયાનામ્ અપિ યોગાનાં ત્રિભિર્ અન્યોન્યસંગમઃ ॥

નિત્યનૈમિત્તિકાનાં ચ પરારાધનરૂપિણમ્ ।
આત્મઋષ્ટેસ્ ત્રયો ઽપ્ય્ એતે યોગદ્વારેણ સાધકાઃ ॥

નિરસ્તનિખિલાજ્ઞાનો દૃષ્ટ્વાત્માનં પરાનુગમ્ ।
પ્રતિલભ્ય પરાં ભક્તિં તયૈવાવાપ્નોતિ તત્પદમ્ ॥

ભક્તિયોગસ્ તદર્થી ચેત્ સમગ્રાઇશ્વર્યસાધનમ્ ।
આત્માર્થી ચેત્ ત્રયો ઽપ્ય્ એતે તત્કૈવલ્યસ્ય સાધકાઃ ॥

ઐકાન્ત્યં ભગવત્ય્ એષાં સમાનમ્ અધિકારિણામ્ ।
યાવત્પ્રાપ્તિ પરાર્થી ચેત્ તદ્ એવાત્યન્તમ્ અશુનુતે ॥

જ્ઞાની તુ પરમૈકાન્તી તદાયત્તાત્મજીવનઃ ।
તત્સંશ્લેષવિયોગૈકસુખદુઃખસ્ તદેકધીઃ ॥

ભગવદ્ધ્યાનયોગોક્તિવન્દનસ્તુતિકીર્તનૈઃ ।
લબ્ધાત્મા તદ્ગતપ્રાણમનોબુદ્ધીન્દ્રિયક્રિયઃ ॥

નિજકર્માદિભક્ત્યન્તં કુર્યાત્ પ્રીત્યૈવ કારિતઃ ।
ઉપાયતાં પરિત્યજ્ય ન્યસ્યેદ્ દેવે તુ તામ્ અભીઃ ॥

ઐકાન્ત્યાત્યન્તદાસ્યૈકરતિસ્ તત્પદમ્ આપ્નુયાત્ ।
તત્પ્રધાનમ્ ઇદં શાસ્ત્રમ્ ઇતિ ગીતાર્થસંગ્રહં ॥